Тројца измамници зеле пари и златен накит од битолчанка за наводна операција на нејзината ќерка, соопшти полицијата.

Полициски службеници од СВР Битола и Одделот за криминалистичка полиција ги лишија од слобода Е.Ј.(46) од Скопје, Д.Т.(48) од Свети Николе и А.Т. (45) од Дојран и против нив поднесоа кривична пријава поради постоење основи на сомнение за сторено кривично дело „измама“.

На 09.03.2026, пријавените со уште едно лице, со лажно прикажување на факти довеле во заблуда жена од Битола дека нејзината ќерка ја скршила ногата и требало да се направи итна операција и ѝ побарале пари. Жената од својот дом зела околу 150.000 денари, 150 евра, 1.300 австралиски долари и златен накит и ги предала на пријавените.

The post ЗЕЛА СЀ ШТО ИМАЛА ДОМА И ИМ ДАЛА Битолчанка измамена дека ќерка ѝ треба да се оперира appeared first on plusinfo.mk.

Триесет и двегодишен жител на Битола пријавил дека бил измамен за 340.000 денари од лице кое се претставило како директор на компанија за тргување со криптовалути.

Според неговата пријава во полиција, комуникацијата започнала преку електронска пошта во периодот од јануари до средината на февруари годинава. Измамникот постепено ја стекнал неговата доверба и го убедил да му овозможи пристап до компјутерот, по што во неколку наврати му биле префрлени пари.

Случајот бил пријавен во СВР Битола, од каде информираат дека се преземаат мерки за расчистување на измамата и откривање на сторителот.

Полицијата апелира граѓаните да бидат внимателни при онлајн комуникација со непознати лица, особено кога станува збор за финансиски инвестиции и пристап до лични уреди.

The post КРИПТО ИЗМАМА ВО БИТОЛА Mаж останал без 340.000 денари appeared first on plusinfo.mk.

Две лица ја искористиле довербата на 85-годишен скопјанец и му земале 5.000 евра под изговор дека сакаат да ги „споредат“ банкнотите. Настанот се случил на 30 декември 2025 година, околу 11 часот, на подрачјето на скопски Центар.

Полицијата соопшти дека измамниците му пришле на старецот и дека едниот се претставил како човек од Хрватска кој работел во Кувајт. Побарале да им покаже евра за споредба со нивните, а доверливиот скопјанец отишол дома, ги зел своите пари и им ги дал.

Во замена, измамниците му оставиле 3 наводно дијамантски алки „како гаранција“. Кога не се вратиле, тој сфатил дека станува збор за измама и пријавил во СВР Скопје.

МВР презема мерки за идентификација и приведување на сторителите.

The post ИЗМАМИЛЕ СТАРЕЦ СО ЛАЖНИ ДИЈАМАНТИ ВО ЦЕНТАР Дај да ги споредиме банкнотите, рекол „Хрват од Кувајт“ appeared first on plusinfo.mk.

Маж од Куманово пријави измама во која загубил 1.110.000 денари. Според информациите од СВР Скопје, 35-годишниот пријавител бил контактиран преку мобилни апликации од две лица кои се претставувале како сопственици на градежни машини за кои тој бил заинтересиран.

По договор со измамниците, парите биле предадени на едно лице на каса прими на приватен субјект, додека потоа му било кажано дека сумата требало да се уплати на сметка на другиот измамник. Кога пријавителот се обидел да ги подигне машините, дознал дека истите машини повторно се огласени за продажба и сфатил дека бил измамен.

Полицијата презема мерки за расчистување на случајот и идентификување на сторителите.

The post ИЗМАМА КАКО НА ФИЛМ Кумановец изгуби над милион денари по лажна продажба на градежни машини appeared first on plusinfo.mk.

Компанијата „Лидл“ ја информира јавноста дека на социјалните мрежи Фејсбук и Инстаграм се шири лажна наградна игра во која се наведува дека се доделуваат брендирани мини фрижидери од нивната марка.

Објавата, која нема никаква поврзаност со компанијата, ги повикува корисниците да кликнат на линк, да пополнат анкета и да внесат лични податоци за да учествуваат.

Од „Лидл“ остро демантираат каква било поврзаност со оваа активност и апелираат до граѓаните да не наседнуваат на вакви измами.

– Оваа наградна игра не е организирана од наша страна. Ги повикуваме граѓаните да не споделуваат свои податоци преку сомнителни линкови. Сите активности, кога ќе започнеме со работа во Северна Македонија, ќе бидат објавени исклучиво преку нашата официјална веб-страница и преку проверените канали на социјалните мрежи – велат од компанијата „Лидл“.

Од компанијата дополнуваат дека безбедноста и довербата на потрошувачите се приоритет, и оттаму апелираат за зголемено внимание на интернет, особено кога станува збор за наградни игри и анкети што бараат лични податоци.

The post ЛАЖНА НАГРАДНА ИГРА СО ИМЕТО НА „ЛИДЛ“ Компанијата со итно предупредување до граѓаните appeared first on plusinfo.mk.

Полицијата приведе маж од Велес и отвори постапка против него и неговата сопруга поради сомнение дека преку лажна фан-страница на социјалните мрежи продавале мали тегли со библиски стихови и книги, претставувајќи ги како благословени од владиката Јаков на МПЦ – ОА.

Како што информираа од МВР, на 20 мај 2025 година, во СВР Струмица, претставник од Струмичката епископија пријавил дека од почетокот на годината до денот на пријавата на Фејсбук била активна фан-страница со назив „Библиска Македонија“. На страницата се објавувале религиозни содржини, пораки и исечоци од беседи на владиката Јаков, но без одобрение или официјална врска со црквата.

Покрај тоа, на истата страница започнала продажба на мали тегли со по 31 библиски стих, кои, според објавите и комуникацијата со купувачите, наводно биле чувани во манастирот во Ново Село и благословени од владиката. Истите производи биле претставувани како да се со негов благослов, а парите од продажбата – како донации за топол оброк за бездомници.

„На овој начин, граѓаните биле доведувани во заблуда да купуваат производи, уверени дека делуваат хумано и духовно поткрепено“, велат од МВР.

По пријавата, полициски службеници од СВР Струмица започнале истрага, а по добиена судска наредба извршиле претрес во домот на 33-годишниот Д.С. во Велес. При претресот биле пронајдени и одземени 5 тегли со библиски цитати и други предмети, поврзани со случајот. Д.С. бил лишен од слобода и со него бил извршен службен разговор.

Следниот ден, на 21 мај, во СВР Велес била повикана и 27-годишната Р.С., сопруга на осомничениот, со која исто така бил извршен разговор.

Со случајот е запознат јавен обвинител од Основното јавно обвинителство Струмица и по целосно документирање, против двајцата ќе биде поднесена соодветна кривична пријава.

The post ПРОДАВАЛЕ „БЛАГОСЛОВЕНИ“ ТЕГЛИ СО БИБЛИСКИ СТИХОВИ Велешка двојка е под истрага за измама appeared first on plusinfo.mk.

Две жени од Скопје, на возраст од 81 и 82 години, биле измамени за вкупно еден милион денари од страна на непознати лица кои лажно се претставиле како полициски службеници и амбасадори. Тие, користејќи идентична измамничка шема, успеале да ги натераат оштетените да им предадат големи суми пари, убедувајќи ги дека нивните ќерки наводно предизвикале сообраќајни несреќи во кои загинале деца мигранти.

Првиот случај: Лажен полицаец ја намами 81-годишната жена

Како што пријавила во полиција, 81-годишната скопјанка во вторникот околу 20:25 часот добила телефонски повик од непознато лице кое се претставило како полицаец. Тој ѝ кажал дека нејзината ќерка учествувала во сообраќајна несреќа во која усмртиле дете мигрант и дека доколку сака да ја спаси од затвор, треба веднаш да уплати 300.000 денари на семејството на загинатото дете.

Во паника, жената заминала во банка, ги подигнала парите и ги оставила на договореното место. Дури по некое време, кога ја контактирала ќерка ѝ, сфатила дека била измамена. Веднаш го пријавила случајот во полиција.

Вториот случај: Лажен дипломат ѝ зел 700.000 денари на 82-годишна пензионерка

Само неколку часа подоцна, во 23:00 часот, во СВР Скопје стигнало уште едно слично пријавување. Овој пат, 82-годишна жена од Скопје била измамена за 700.000 денари. Измамникот ѝ се јавил и ѝ се претставил како службеник од странска амбасада.

Со истата приказна – дека нејзината ќерка во САД прегазила дете мигрант и дека за да ја спаси од затвор мора да плати – успеал да ја натера да подигне огромна сума пари од банка и да ја остави на договорена локација. По разговорот со својата ќерка, сфатила дека била измамена и случајот веднаш го пријавила во полиција.

Полицијата предупредува: Не паѓајте на вакви измами!

Од Министерството за внатрешни работи потврдија дека работат на расчистување на двата случаи и трагаат по сторителите.

„Апелираме до граѓаните да бидат внимателни и да не подлегнуваат на вакви измами. Доколку добијат сомнителен повик со барање за пари, веднаш да ја контактираат полицијата или своите блиски за да проверат дали се работи за измама“, соопштија од МВР.

Ова не е првпат измамници да таргетираат повозрасни граѓани со слични приказни. Полицијата повторно предупредува – не верувајте на телефонски повици од непознати лица кои бараат пари, особено ако користат емотивни приказни поврзани со наводни несреќи.

The post ДВЕ ПЕНЗИОНЕРКИ ИЗМАМЕНИ ЗА 1 МИЛИОН ДЕНАРИ Лажни полицајци и дипломати им ги зедоа парите со шокантна лага appeared first on plusinfo.mk.

Шест измами со наводни сообраќајни незгоди се регистрирани во СВР Куманово од почетокот на годинава досега, информираа денеска од СВР Куманово. Само минатата недела биле евидентирани шест обиди за измами.

– Според пријавите, сторителите се јавуваат на телефон, при што со лажно прикажување на факти ги доведуваат во заблуда граѓаните дека член од нивното семејство имал сообраќајна незгода и дека потребна одредена сума на пари за да се изврши операција или да не бидат кривично гонети – изјави портпаролката на СВР Куманово, Ивана Младеновска.

Во врска со измамите, од слобода било лишено едно лице.

– На 12 февруари годинава во 15.40 часот во Куманово, полициски службеници од СВР Куманово, во содејство со Оддел за криминалистичка полиција и СВР Скопје го лишиле од слобода П.М.(59) од Република Бугарија. Тој се сомничи дека на територија на Куманово во соработка со повеќе лица извршил измами со наводни сообраќајни незгоди над повеќе лица. П.М. бил приведен во полициска станица и по целосно документирање на случајот против него ќе следува соодветна пријава – информираа од полицијата.

Секторот за внатрешни работи Куманово апелира до граѓаните да бидат внимателни кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават. Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 112. СВР Куманово презема мерки и активности за пронаоѓање и санкционирање на сторителите на измамите.

Поради зачестените појави на измами и обиди за измами, во изминатиот период полициските службеници од Отсекот за превенција при СВР Куманово реализираат превентивни активности и во непосредна комуникација со граѓаните им укажуваат за начинот на кој се извршуваат измамите со наводни сообраќајни незгоди. Полицијата работи на расчистување на случаите.

The post КУМАНОВО ВРИЕ ОД ИЗМАМНИЦИ Кумановци пријавуваат лажни незгоди и финансиски измами appeared first on plusinfo.mk.

Во продолжение го пренесуваме соопштението на СВР Битола:

„СВР Битола ги известува граѓаните и правните субјекти дека Отсекот за компјутерски криминал при СВР Битола во изминатиот период забележа зголемена активност на измамници, кои преку социјалните мрежи се претставуваат како „финансиски советници“ и најчесто нудат услуги за тргување со криптовалути или услуги за посредување при остварување на право на наследство од друга држава. Овие лица користат лажни профили или спонзорирани реклами, често ветувајќи висока заработка и брзи добивки, со што успеваат да ги привлечат жртвите. По воспоставувањето контакт преку социјалните мрежи, измамниците комуницираат со жртвите преку телефонски повици, користејќи VOIP броеви, кои обично изгледаат како локални броеви, за жртвите да стекнат доверба.

Во текот на разговорот, тие ги убедуваат жртвите да инсталираат софтвер за далечински пристап, под изговор дека им е потребен за да им помогнат со поставување на платформата за тргување. Откако ќе добијат далечински пристап до компјутерот или мобилниот уред на жртвата, измамниците пристапуваат до електронското банкарство и ги префрлаат парите од банкарските сметки, со што им предизвикуваат значителни финансиски штети.

Исто така, во континуитет се присутни и таканаречените „Phishing“ измами кои функционираат на тој начин што до граѓаните се праќаат пораки од модифициран меил или лажиран локален телефонски број, во кои најчесто стои URL линк, кој води до веб страна што е дизајнирана да изгледа како легитимна веб страна на пошта, некоја државна институција или правен субјект, при што од граѓаните и правните субјекти  по разни основи се бара да внесат податоци од платежни картички, сметки и други лични податоци кои потоа се злоупотребени на најразлични начини.

Со цел заштита на граѓаните и правните субјекти, во насока на информирање за постоечките ризици и спречување тие да станат жртви на ваквите интернет измами, СВР Битола апелира граѓаните да бидат исклучително внимателни, да не ги отвораат овие пораки и никако да не контактираат со испраќачот преку доставениот линк или да споделуваат лични податоци доколку тоа од нив се бара, како и да не инсталираат софтвери за далечински пристап на барање на непознати лица.

Исто така, да  не отвараат сомнителни линкови и прикачени документи во прилог на пораки што не доаѓаат од верификувани и за нив познати испраќачи, а правните субјекти да превземат соодветни мерки за заштита на нивните компјутерски системи од потенцијален малициозен софтвер, согласно нивните интерни процедури за сајбер безбедност,  а доколку постои случај во кој се компромитирани лични податоци или податоци од платежна картичка, или се сомневаат во било каква измама, за истото веднаш да ја известат банката која ја издала платежната картичка, а случајот да го пријават во најблиската полициска станица“, се вели во апелот на СВР Битола.

The post ГРАЃАНИТЕ ДА НЕ СПОДЕЛУВААТ ЛИЧНИ ПОДАТОЦИ СО НЕПОЗНАТИ ЛИЦА НА ИНТЕРНЕТ Зголемен е бројот на финансиски измами на социјалните мрежи appeared first on plusinfo.mk.

Во петокот 53-годишна од жена од Охрид била измамена за сума од 300.000 денари.

„На 13 декември 2024 во 10.00 часот, во СВР Охрид, 53 – годишна жена од Охрид пријавила дека била измамена од едно лице за сума од 300.000 денари. Според пријавеното, лицето ѝ се јавило пред две недели и ја известило дека поради зголемување на вредноста на биткоинот, нејзината уплата од 250 евра пораснала и во нејзиниот електронски паричник сега имала 16.500 долари“, соопшти Министерството за внатрешни работи.

Исто така, според пријавеното, лицето побарало од неа да симне мобилна апликација и ѝ рекло дека треба да има пари на нејзината трансакциска сметка доколку сака да ги подигне парите. Како што е пријавено, таа ја спуштила апликацијата и подигнала кредит од финансиско друштво, а по некое време откако отишла во банка, била известена дека парите биле префрлени на сметка на друго лице, по што сфатила дека била измамена.

Се преземаат мерки за расчистување на случајот.

РАСТАТ ИЗМАМИТЕ СО КРИПТОВАЛУТИ, ПАЗЕТЕ ДА НЕ ОСТАНЕТЕ БЕЗ ПАРИ! Полицијата предупредува на нови тактики и објаснува како да се заштитите

The post ИЗМАМНИЦИТЕ СО КРИПТОВАЛУТИ ПОВТОРНО КРАДАТ ОД ГРАЃАНИТЕ Жена од Охрид останала без 300.000 денари appeared first on plusinfo.mk.