Во СВР Битола е пријавен случај на измама при наводни градежни работи, во кој 59-годишен маж од Битола останал без 91.000 денари.

Според пријавата, на 01.07.2026 година во 13:50 часот, А.Д. (59) пријавил дека бил измамен од лице кое се претставило како мајстор за плочки, ангажирано за изведување работи во купатилото на неговиот стан.

Осомничениот побарал и добил 91.000 денари за набавка на материјали, по што престанал да одговара на повиците и го избегнувал контактот со пријавителот.

Од СВР Битола информираат дека се преземаат мерки за целосно расчистување на случајот и пронаоѓање на лицето.

По завршување на постапката, се очекува да биде поднесена соодветна кривична пријава.

The post МАЈСТОР ИСЧЕЗНА СО 91.000 ДЕНАРИ Битолчанец измамен при реновирање на купатило appeared first on plusinfo.mk.

Жител на Тетово пријавил дека изгубил 3.400 евра откако поверувал на жена која лажно се претставувала како универзитетска професорка и барала пари за лекување на својата ќерка.

Според информациите од Министерството за внатрешни работи, 67-годишниот тетовец вчера го пријавил случајот во СВР Тетово.

Во пријавата навел дека во изминатите три месеци во неколку наврати ѝ позајмувал пари на жена од полошкото село Неготино, која се претставувала како универзитетска професорка. Таа му кажувала дека нејзината ќерка доживеала сообраќајна несреќа во Франција и дека итно ѝ се потребни средства за лекување.

Верувајќи во нејзината приказна, тетовецот ѝ дал вкупно 3.400 евра. Подоцна дознал дека бил измамен, по што случајот го пријавил во полиција.

Од МВР соопштија дека се преземаат мерки за расчистување на случајот.

The post ТЕТОВЕЦ ИЗМАМЕН ЗА 3.400 ЕВРА ОД ЛАЖНА ПРОФЕСОРКА Му барала заем за итно лекување на ќерката appeared first on plusinfo.mk.

Маж од Гостивар пријавил во полиција дека бил измамен за 1.200 евра, откако му било ветено дека ќе добие возачка дозвола без да полага.

Според информациите од Министерството за внатрешни работи, 43-годишниот гостиварец случајот го пријавил вчера во Полициската станица Гостивар.

Како што навел во пријавата, пред околу четири месеци, преку свој пријател стапил во контакт со лице од Скопје. На средба во главниот град, осомничениот му ветил дека ќе му обезбеди возачка дозвола без да полага испит, за што побарал 1.300 евра и копија од личната карта.

Во следниот период, оштетениот во неколку наврати му исплатил вкупно 1.200 евра. Бидејќи ветената возачка дозвола никогаш не ја добил, сфатил дека станува збор за измама и случајот го пријавил во полиција.

Од МВР информираат дека се преземаат мерки за целосно расчистување на случајот.

The post МУ ВЕТУВАЛ ВОЗАЧКА БЕЗ ПОЛАГАЊЕ, ГО „ЗАКРПИЛ“ ЗА 1.200 ЕВРА Скопјанец измамил Гостиварец appeared first on plusinfo.mk.

Маж кој се претставувал како вработен во државна институција вчера во две продавници во скопската населба Центар барал бесплатно да добие производи.

Според пријавата, кога вработените и сопствениците одбиле да му дадат стока без надомест, почнал да им упатува закани.

Полицијата работи на идентификување на лицето и на целосно расчистување на случајот.

The post ЛАЖНО СЕ ПРЕТСТАВУВАЛ КАКО ДРЖАВЕН СЛУЖБЕНИК Барал бесплатни производи од продавници appeared first on plusinfo.mk.

Гевгелиската полиција поднесе кривична пријава против Г.А.(55) од Скопје поради постоење основи на сомнение за сторени кривични дела Измама при добивање кредит или друга погодност, Злоупотреба на лични податоци и Фалсификување исправа.

„Пријавениот, во периодот до 18.8.2022 година, спротивно на условите утврдени со закон и без согласност на лице од Гевгелија, телефонски ги прибирал, обработил и искористил неговите лични податоци и ги искористил при правење на лажна патна исправа. Потоа, лажната исправа ја употребил во постапка да прибави кредит за себе од финансиско друштво од Скопје, односно на тој начин на финансиското друштво дал невистинити податоци за имотната состојба и други податоци кои биле значајни за добивање на кредитот. Со ваквите незаконски дејствија пријавениот се стекнал со противправна имотна корист во износ од 90.000 денари, а причинил и дополнителна материјална штета во износ од 58.694 денари“, соопшти полицијата.

The post СКОПЈАНЕЦ УКРАЛ ПОДАТОЦИ ОД ГЕВГЕЛИЧАНЕЦ И ПОДИГНАЛ КРЕДИТ Си направил пасош, си подигнал пари appeared first on plusinfo.mk.

Лажен лекар од Македонија е уапсен и е во днодневен притвор во Врање под сомнение дека измамил тројца граѓани.

Српското Министерство за внатрешни работи соопшти дека од 4 до 13 јуни 56-годишниот С.К. им се јавувал на граѓани од областа на Врање на нивните фиксни телефони и ги убедувал дека нивни блиски се тешко повредени и дека итно им се потребни пари.

По телефонските разговори, како што се сомневаат истражителите, одел на адресите на оштетените и од нив земал големи суми пари.

Апсењето, според српското МВР, било извршено во соработка меѓу полицијата во Врање и Регионалниот центар на граничната полиција.

The post ЛАЖЕН ЛЕКАР ОД МАКЕДОНИЈА ВО ПРИТВОР ВО СРБИЈА Тројца врањанци наседнале на старата измама appeared first on plusinfo.mk.

Скопјанец пријавил во полиција дека бил измамен за 309.800 денари од лице кое му ветувало посредување при добивање банкарски кредит.

Според пријавата, 44-годишниот маж и осомничениот се познавале од претходно, а во изминатите денови во повеќе наврати му предавал пари за наводни трошоци поврзани со одобрување и реализација на кредитот.

Откако сфатил дека ветениот кредит нема да биде реализиран, случајот го пријавил во СВР Скопје.

Полицијата работи на расчистување на случајот и утврдување на сите околности поврзани со пријавената измама.

The post МУ ПОСРЕДУВАЛ ЗА КРЕДИТ, МУ „СТОПИЛ“ 310.000 ДЕНАРИ! Скопјанец жртва на измама appeared first on plusinfo.mk.

Во голема полициска акција што од рано утрово се спроведува во Солун, Серес и Атина, уапсени се 17 лица осомничени за измами поврзани со европските земјоделски субвенции, соопшти грчката полиција. Според првичните информации, тие незаконски присвоиле повеќе од 4,5 милиони евра.

Ова е втора голема полициска операција во Грција во последните 24 часа насочена кон разбивање криминални мрежи вмешани во измами на штета на финансиските интереси на Европската Унија. Вчера, во одделна акција на островот Крит, беа уапсени 22 лица осомничени дека преку лажни пријави незаконски добивале земјоделски субвенции.

Денешната акција ја спроведува Дирекцијата за борба против организиран криминал во северна Грција, а повеќе детали се очекуваат по нејзиното завршување.

Во врска со вчерашната операција на Крит, грчката полиција соопшти дека членовите на криминалната група „континуирано и организирано вршеле измами на штета на финансиските интереси на Европската Унија и националната економија преку лажни пријави за добивање земјоделски субвенции“.

Освен 22-цата уапсени, во истрагата се опфатени уште 116 лица.

Според процените на истражните органи, штетата што групата ја предизвикала во периодот од 2019 до 2024 година изнесува најмалку 2,7 милиони евра, без да се пресметаат субвенциите исплатени во 2025 година.

The post EВРОПСКИ МИЛИОНИ ЕВРА ЗАВРШИЛЕ КАЈ ИЗМАМНИЦИ Грчката полиција разбива мрежа за лажни земјоделски субвенции appeared first on plusinfo.mk.

Њујорчанка објави на социјалната мрежа „Редит“ дека нејзината 53-годишна мајка била убедена дека има врска со Барон Трамп, синот на Доналд и Меланија Трамп, откако ја контактирал корисник на социјалните мрежи кој се претставувал како него.

Нејзината мајка ѝ кажала дека е во врска со некого, а она што ѝ го кажала потоа ја оставило без зборови. Нејзината мајка тврдела дека Барон ја контактирал преку социјалните мрежи и дека сега се во врска. Таа тврдела дека не станува збор за измамник на интернет бидејќи профилот бил потврден.

Кога ќерката ја прашала дали му испраќала пари, таа првично одбила да одговори и рекла дека Барон планира да ја додаде во својот тестамент.

Лажниот Барон тврдел дека неговиот имот е врзан во акции и побарал заем од 75.000 долари, ветувајќи отплата со камата во рок од неколку недели. Тој исто така ветил дека ќе се сретнат лично приближно во исто време со отплатата.

„Таа почна да зборува за тоа колку богати ќе бидеме кога ќе се венчаат, а кога продолжив понатаму, таа рече дека тој бара „само“ 75.000 долари како заем бидејќи сите негови пари се во акции“, напиша корисничката на „Редит“.

Додека семејството сфатило што се случува, жената веќе префрлила околу 13.000 долари на сметка во Биткоин и наводно се подготвувала да испрати уште.

The post ЛАЖЕН БАРОН ТРАМП ЗАКРПИЛ 53-ГОДИШНА ЊУЈОРЧАНКА ЗА 13.000 ДОЛАРИ Ја убедил дека сите пари му се во акции appeared first on plusinfo.mk.

Жена од велешко останала без околу 4.000 евра, откако измамници ја убедиле дека нејзината ќерка лежи во болница и итно треба да биде оперирана. Случајот вчера бил пријавен во СВР Велес.

Според полицискиот билтен, 58-годишната жена добила телефонски повик од лице кое се претставило како лекар во Општата болница во Велес.

Измамникот ѝ кажал дека нејзината ќерка има скршеница и дека за оперативен зафат треба да плати пари. Според пријавата, ѝ било кажано парите да ги донесе во болницата.

Кога пристигнала, во дворот ја пречекало женско лице на кое му ги предала парите.

Подоцна сфатила дека била измамена.

Од СВР Велес соопштија дека се преземаат мерки за расчистување на случајот и пронаоѓање на сторителите.

The post „ДОНЕСИ ГИ ПАРИТЕ ВО ДВОРОТ НА БОЛНИЦАТА“ Жена од Велешко измамена од лажен лекар appeared first on plusinfo.mk.