Во недела на 11 јануари во земјава треба да се одржат повторените избори за градоначалник во општините Гостивар, Маврово Ростуше, Врапчиште и Центар Жупа. Дваесетдневната изборна кампања за изборите завршува утре (9 јануари) на полноќ, по што започнува изборниот молк до завршување на гласањето на 11 јануари во 19 часот. Според информациите од Државната изборна комисија (ДИК), гласачките ливчиња веќе се печатат и утре заедно со апаратите за биометриска идентификација ќе се дистрибуираат до Општинските изборни комисии а оттаму да бидат подигнати од Избирачките одбори. Во сабота гласаат болните и изнемоштените и лицата во затворите.

Сѐ е подготвено за повторените избори во четирите општини 

Кандидати за градоначалник на Гостивар се Невзат Бејта, од коалицијата Вреди и независниот Ваљбон Лимани поддржан од НАИ. Во Врапчиште кандидати за градоначалник се Исен Шабани од НАИ и Зуљхајрат Демири поддржан од Група избирачи. Во Центар Жупа има само еден кандидат за градоначалник и тоа Аријан Ибраим од Демократска партија на Турците. Во Маврово и Ростуше, пак, има двајца кандидати и тоа Онер Јакупоски, поддржан од Коалиција Твоја Македонија предводена од ВМРО – ДПМНЕ и Анес Ахмети, кандидат на СДСМ.

Избирачкиот список за повтореното гласање е веќе заклучен. Во Гостивар во Избирачкиот список се запишани 82.870 граѓани со право на глас, 78.185 гласачи се постојани жители на општината, додека во посебниот Избирачки список за лица кои живеат во странство се запишани 4.604 гласачи, а 81 лице се во затвор или во притвор.

Во Избирачкиот список за Маврово Ростуше се запишани 10.575, од кои во посебниот Избирачки список за жители во Општината 9 622, во странство 951, а во затвор или во притвор се двајца.

Во Избирачкиот список за Врапчиште запишани се 27.279 граѓани со право на глас, 26.318 во посебниот Избирачки список за жители од Општината, во посебниот ИС за гласачи кои живеат во странство се запишани 950, а 11 во затвор или во притвор.

Бројот на гласачи во Центар Жупа запишани во Избирачкиот список се 7.562, од нив 6.305 во оштината, во посебниот ИС за гласачи во странство се запишани 1.257 лица.

Според информациите од ДИК, нема никаков интерес за набљудување на повторените избори. До денеска нема пријавено ниту еден набљудувач.

Во Регистарот за медиуми за платено политичко рекламирање пријавени се 32 интернет портали, 13 регионални и национални телевизии и пет радиостаници.

Треба да гласаат повеќе од половината од излезените избирачи за еден кандидат 

Согласно членовите 132, 132а и 133 од Изборниот законик на повторените избори не е потребна излезност од една третина на гласачите туку за да се избере градоначалник треба за еден од кандидатите да гласаат повеќе од половината од излезените избирачи, вклучувајќи ја и Центар Жупа каде што има само еден кандидат.

Изборите за градоначалник во овие четири општини се повторуваат бидејќи на Локалните избори 2025 таму немаше доволен број граѓани излезени на гласање.

Според податоците од Државната изборна комисија (ДИК), во овие општини во првиот круг на 19 октомври не беше постигната законската излезност од најмалку една третина (33,33 проценти) од запишаните гласачи, што е услов за изборите да се сметаат за успешни.

Во Гостивар одѕивот беше 33,31 процент, во Врапчиште – 25,18 проценти, во Маврово и Ростуше – 30,31 процент и во Центар Жупа – 21,49 проценти.

Ова се последни избори за овој состав на Државната изборна комисија. Нивниот мандат завршува на 15 јануари односно до изборот на нов состав на Комисијата.

The post В НЕДЕЛА ЌЕ СЕ ИЗБИРААТ ГРАДОНАЧАЛНИЦИ ВО 4 ОПШТИНИ Ќе победи оној за кого ќе гласаат повеќе од половина од излезените гласачи appeared first on plusinfo.mk.

Демократската партија на Турците во Македонија (ДПТМ) соопшти дека денескка официјално ја поднела кандидатурата за нејзиниот кандидат Аријан Ибраим за градоначалник на Општина Центар Жупа на повторените локални избори што ќе се одржат на 11 јануари 2026 година.

„Центар Жупа е општина во која со години заеднички вложуваме труд, доверба и посветеност. Нашиот кандидат Аријан Ибраим, преку својата работа и пристап, ја стекна и ја зацврсти поддршката на граѓаните. Уверени сме дека и на овие избори ќе продолжиме по истиот пат, со истата одлучност и посветеност.

Веруваме дека на 11 јануари, со уште поголема излезност и уште посилна поддршка од нашите сограѓани, Центар Жупа повторно ќе победи. Нека овие избори бидат успешни и благотворни за нашиот народ, за државата и за целото наше членство. На нашиот кандидат и на општинската организација им посакуваме искрен успех“ – се вели во соопштението на ДПТМ.

The post АРИЈАН ИБРАИМ ВО ТРКАТА ЗА ГРАДОНАЧАЛНИК НА ЦЕНТАР ЖУПА Го кандидираше Демократската партија на Турците appeared first on plusinfo.mk.

Левица е задоволна од излезноста во урбаните средини во Скопје, но исклучок се како што велат од партијата, општините Чаир и Скопје, каде има мала излезеност и, како што велат, наводи за поткуп во однос на мотивирање на граѓаните да не излезат на гласање. Во текот на изборниот ден, најголем број од пријавите за забелешки за изборниот процес биле во насока на нефункционалноста на голем број од уредите за електронска идентификација на гласачите.

– Помина денот на вториот круг од Локални избори за 2025 година, каде што за првпат претставник од Левица, учествуваше во изборниот процес за градоначалник на град Скопје. Задоволни сме од излезноста во урбаните средини. Исклучок, секако е Општина Чаир и Општина Сарај, каде што има неверојатно мала излезеност дури и наводи за поткуп во однос на мотивирање на граѓаните да не излезат на гласање што за нас е тешка повреда на изборното право, рече на вечерашната прес конференција портпаролот на Левица, Круме Богевски.

Тој додаде дека во текот на овој изборен процес се обиделе да покријат максимален број избирачки места со нивни набљудувачи.

– Во текот на изборниот ден, најголем број од пријавите беа во насока на нефункционалноста на голем број од уредите за електронска идентификација на гласачите. Па како и секоја година, изборна година идентификација со класичниот начин на идентификација со УВ ламби – рече тој.

Според нецелосните податоци на ДИК, во вториот круг на изборите за градоначалник на Скопје кандидатот на Левица Амар Мициновиќ освоил 57.645 гласови, при преброени 96% од гласовите.

Кандидатот на коалицијата „Твоја Македонија“ предводена од ВМРО-ДПМНЕ, Орце Ѓорѓиевски, оствари убедлива победа во речиси сите скопски општини, со исклучок на Општина Центар, каде Мециновиќ освоил повеќе гласови.

The post ИЗЛЕЗНОСТА ВО ЧАИР И САРАЈ ЈА РАЗОЧАРА ЛЕВИЦА Партијата поднела пријави за неправилности appeared first on plusinfo.mk.

Според првичните податоци од Државната изборна комисија (ДИК), ВМРО-ДПМНЕ и коалицијата што ја предводи се во убедливо водство во првиот круг од локалните избори, со предност во 54 општини низ државата.

ДИК соопшти дека досега се обработени 90,62 проценти од гласовите, односно 3.148 од вкупно 3.474 избирачки места, што претставува речиси целосна слика за резултатите од првиот круг.

Коалицијата Вреди засега води во осум општини, додека СДСМ е во водство во седум општини. Партијата ДУИ води во пет општини, а Демократската партија на Турците во една општина.

The post ВМРО-ДПМНЕ ВО ВОДСТВО ВО 54 ОПШТИНИ Најнови податоци од обработени 90,62 проценти од гласовите appeared first on plusinfo.mk.

Претседателот на ДИК, Борис Кондарко, информира дека до овој час своето гласачко право го оствариле 803.091 граѓанин на ниво на целата држава.

– Според последните податоци, обработени се 3.287 избирачки места, односно 94,62 проценти. На овие избирачки места запишани се вкупно 1.721.645 граѓани – изјави Кондарко.

Тој потсети дека на претходните локални избори во 2021 година, вкупниот одѕив заклучно со 19:00 часот бил 49,98 проценти, што покажува дека годинава интересот е нешто понизок.

Од ДИК нагласија дека гласањето се одвива без поголеми нерегуларности и дека конечните податоци за излезноста ќе бидат објавени по затворањето на гласачките места.

Информацијата за излезноста во првиот круг од овие локални избори до 19 часот ќе биде соопштена по полноќ.

Првите неофицијални резултати ДИК ќе ги соопшти околу полноќ.

The post ИЗЛЕЗЕНОСТА ДО 18:30 ЧАСОТ Е 46,55 ОТСТО Првите неофицијални резултати ДИК ќе ги соопшти околу полноќ appeared first on plusinfo.mk.

До 17:20 часот на локалните избори излезноста на гласачите изнесува 39,61 проценти, информира Државната изборна комисија (ДИК). Податоците се базираат на обработени 3.221 избирачки места, каде право на глас имаат вкупно 1.699.296 гласачи.

Највисока излезност е забележана во Вевчани (61,84 отсто), Лозово (61,09 отсто), Крушево (60,94 отсто) и Дојран (60,91 отсто). Најмал одѕив до 17 часот е регистриран во Врапчиште (20,94 отсто).

ДИК информира дека процесот на гласање се одвива мирно и без значителни нарушувања на повеќето избирачки места. Избирачките одбори се задолжени да им овозможат на новинарите непречено известување, како и фотографирање на изборните места. За разлика од странските новинари и набљудувачи, домашните медиуми не мораат да бидат акредитирани од ДИК.

ДО 15 ЧАСОТ 31,34% ИЗЛЕЗЕНОСТ Највисока во Чашка, најниска во Врапчиште

The post ДО 17:20 ЧАСОТ ИЗЛЕЗНОСТА ПОД 40% Гласале 39,61% од избирачите appeared first on plusinfo.mk.

Претседателот на ВМРО-ДПМНЕ Христијан Мицкоски во вечерашното гостување во Тема на денот, на ТВ Сител, ги повика граѓаните на масовна излезност во недела и истакна дека на овие локални избори граѓаните имаат можност да изберат помеѓу две опции, едната понуда со која Македонија оди назад и другата понуда е опцијата на ВМРО-ДПМНЕ и коалицијата со која се избира вистинскиот избор.

– Во суштина имаме две понуди една понуда кој нè враќа назад во оние темни страни на македонската историја, оние 7 години кога граѓаните беа сведоци на сето она што се случуваше и овие 15 -16 месеци на оваа Влада која ја предводи ВМРО-ДПМНЕ и сето тоа кое го направи со сите тие предизвици кои ги имавме позади нас. Јас ги повикувам да излезат и масовно да гласаат бидејќи ако не излезат и ако не гласаат тогаш некој друг ќе профитира од сето тоа, граѓаните ќе се движат на бранот којшто некој ќе го креира. Затоа првично ги повикувам сите граѓани масовна да излезат и да гласаат по сопствено убедување. Да не биде дека јас сум претенциозен и дека го гледам својот партиски интерес, само излезете и гласајте по вашето сопствено убедување. Втората порака е да гласаат за политички партии кои можат да менуваат, а не за помали политички партии коишто практично се мала група која профитира на основа на гласот на граѓаните и трето убеден сум ако го слушаат разумот и срцето и длабоко во душата се фокусираат што им вели тогаш убеден сум дека во огромно мнозинство ќе гои заокружат бројот 9 и ќе ја поддржат коалицијата која ја предводи ВМРО-ДПМНЕ – кажа Мицкоски.

Лидерот на ВМРО-ДПМНЕ му порача на лидерот на СДСМ Венко Филипче да се држи до медицината, бидејќи, како што вели, дефицитот е помал за половина од тоа што го кажува, додека „против инфлацијата се бориме од 14 на 4%“.

– Го слушав тоа, и не можев да се изначудам, и тоа го коментирав на еден мој настап, да си се држи до тоа до коешто е добро, а тоа е неврохирургијата, односно лекарскиот занает. Неговите претходници ми држеа лекции, па видовме како завршија, ако било толку добро, а тоа е од 2022 година надвор од владата, тогаш немало тие да бидат во дебела опозиција и со оние бројки како што ги имаат сега и во парламентот и генерално во јавното мислење. Но, повторно она коешто тој го кажува е акт дека не е вистина .

Мицкоски нагласи дека во владите на СДСМ во 2022 и 2023 година, буџетскиот дефицит не бил под 5-5,5%, а во однос на инфлацијата, како што вели тој сега е под 4%, додека за време на владеење на СДСМ била двоцифрена и достигнуваше во 2022 година 14,2%.

– Вчера спомена, а и во прес-конференцијата дека буџетскиот дефицит до крајот на годината ќе биде една милијарда и 400 милиони евра. 15-ти октомври, значи 2 и половина месеци пред да заврши оваа година буџетскиот дефицит е 560 милиони евра. 40% од тоа што тој го кажува како проект. А до крајот на годината може максимум да дојде еве до 600-650 милиони евра, и да ги следи капиталните инвестиции. Тоа е 3,4% од БДП. Во владите на СДСМ 2023,2022, ајде 2021 и 2020 не ги сметаме тогаш сè уште беше короната, еве ќе ги оставиме – кажа Мицкоски и додаде:

– 2022, 2023 тие немаат година под 5, 5 и пол% буџетски дефицит. Зборува за инфлацијата многу биле високи 4%. Од јануари до септември се 4% до крајот на годината убеден сум дека ќе ја видиме 3ката, а следната година ќе бидеме помеѓу 2 и 3%, што е најниско во регионот. Ајде да видиме како било 2023. 9,4%. Како било 2022, 14,2%. Сега 2022 14,2% е малку, 2023 9,4% е уште помалку, а 2025 под 4% е многу.

The post МИЦКОСКИ ПОВИКА НА МАСОВНА ИЗЛЕЗНОСТ Повика да се гласа за партии кои можат да менуваат appeared first on plusinfo.mk.

Претседателот на Србија, Александар Вучиќ, изјави дека Албанците се многу нервозни поради значителната излезност на локалните избори во Косово во српските области, што се одржуваат денеска.

Според него, Албанците од сите области, од Тирана, преку Приштина, до Прешево и Бујановац, „се опиени по синоќешната победа“ на албанската фудбалска репрезентација над Србија во Лесковац.

– Би сакал прославата во српските заедници во Косово и Метохија вечерва да биде малку поважна од таа прослава. Исто како што тие се радуваа синоќа со албанското знаме, за вечерва за едно поважно прашање од шутирањето на топката, луѓето да се радуваат во српските заедници – рече Вучиќ.

The post „НЕРВОЗНИ СЕ ШТО СРБИТЕ ИЗЛЕГОА ДА ГЛАСААТ НА КОСОВО“ Вучиќ вели дека на изборите има „опиени од синоќешниот фудбал“ appeared first on plusinfo.mk.

Следно по излезност е гласачкото место 1844 во Струга каде гласале 62,68% од регистрираните избирачи, односно 753 лица.

Вкупната излезност во Изборната единица 5 е 55,13%, а во Изборната единица 6 изнесува 54,98%. Од седумте места каде се прегласува шест се наоѓаат во ИЕ5, додека во ИЕ6 се прегласува само во Желино. Таму до 18 и 30 часот гласале 546 избирачи, односно 54, 98%.

The post ИЗЛЕЗНОСТА ПОЛОВИНА ЧАС ПРЕД ЗАТВОРАЊЕТО НА МЕСТАТА Е 55,10% Гласале 2.487 од 4.514 избирачи на списокот appeared first on plusinfo.mk.

Од вкупно запишаните 4.514 гласачи гласале 1150 гласачи. Во споредба со гласањето на 8 мај, на ова прегласување се забележува зголемена излезеност за 3,71 проценти на овие избирачки места.

Најголема излезност има на избирачкото место во Желино каде гласале 325 гласачи, а најмала е излезноста во Крушево на избирачкото место 1194 каде до 13 часот гласале 47 гласачи односно 15,77 проценти.

„Во ИМ 2101 во Желино гласале 325 гласачи односно 32,73 проценти. Во ИМ 1194 во Крушево, гласале 151 гласачи, односно 32,20 проценти. Во ИМ 1202 во Крушево гласале 47 гласачи односно 15,77 проценти. Во ИМ 1272 во Охрид гласале 185 гласачи, односно 26.02 проценти. Во ИМ 1470 во Долнени гласале 117 гласачи, односно 17,78 проценти. Во ИМ 1470/1 во Долнени гласале 100 гласачи, односно 15,82 проценти. Во ИМ 1844 во Струга гласале 225 гласачи, односно 29,88 проценти“, се наведува во соопштението на ДИК.

The post ДО 13 ЧАСОТ ИЗЛЕГЛЕ 25,48% ОД ИЗБИРАЧИТЕ Излезноста е поголема во однос на 8 мај appeared first on plusinfo.mk.