изгубиле Archives - plusinfo.mk

ТЕШКА ГОДИНА ЗА КРИПТО МИЛИЈАРДЕРИТЕ За една година изгубиле 110 милијарди долари

плусинфо — Sat, 13 May 2023 05:38:39 +0000

Крипто милијардерите изгубиле имот во вкупна вредност од 110 милијарди долари за една година, објави магазинот „Форбс“.

Во 2022 година, на листата на „Форбс“ на милијардери имаше 19 луѓе кои своето богатство го заработија во бизнисот со криптовалути, чиј имот тогаш беше проценет на 140 милијарди долари. Оваа година, 10 од 19-те луѓе од минатогодишната листа повеќе не се милијардери, а богатството на останатите девет е 30 милијарди долари.

Според листата на „Форбс“, најбогатиот крипто-милијардер се уште е основачот и шефот на најголемата крипто берза Binance, Чангпенг Жао, чие богатство се проценува на 10,5 милијарди долари. Минатата година неговиот имот беше проценет на 65 милијарди долари.

Втор на листата, коосновачот на крипто мрежата Ripple, Џед Мекејлеб, има богатство од 2,4 милијарди долари, што е мало намалување во споредба со минатогодишните 2,5 милијарди долари.

Веднаш по него следи шефот и ко-основачот на крипто берзата Coinbase, Брајан Армстронг, со 2,2 милијарди долари, кој минатата година имаше 6,6 милијарди долари.

Изминатата година беше тешка за крипто милијардерите поради падот на берзата FTX и многу правни спорови.

The post ТЕШКА ГОДИНА ЗА КРИПТО МИЛИЈАРДЕРИТЕ За една година изгубиле 110 милијарди долари appeared first on plusinfo.mk.

НАЈБОГАТИТЕ РУСИ ИЗГУБИЛЕ 83 МИЛИЈАРДИ ДОЛАРИ Во војната настрадаа и тајкуните

плусинфо — Tue, 01 Nov 2022 21:51:16 +0000

Богатството на најбогатите руски бизнисмени е намалено за 83,4 милијарди долари од почетокот на 2022 година.

Според новиот индекс на милијардери на „Блумберг“, богатството на Владимир Потанин, претседател на холдингот „Интерос“ и рударската компанија „Норникел“, сега изнесува 29,8 милијарди долари, што е за 1,08 милијарди долари помалку од почетокот на годината.

Леонид Микелсон, претседател на управниот одбор на „Новатек“, изгубил пет милијарди долари од јануари 2022 година и неговото нето богатство се проценува на 27,4 милијарди долари.

Алексеј Мордашов, првиот човек на „Северстал“, сега има 21,1 милијарда долари, односно 7,78 милијарди долари помалку отколку на почетокот на годината.

На листата се најдоа и претседателот на управниот одбор на „НЛМК“, Владимир Лисин со богатство од 20,2 милијарди долари по загуба од 7,8 милијарди долари, потоа поранешниот извршен директор на „Лукоил“ Вагит Алекперов, кој е „полесен“ за 1,86 милијарди долари, и сопственикот на „Металоинвест“, Алишер Усманов, со загуба од 3,38 милијарди долари.

Еден од најголемите акционери на „Новатек“, Генадиј Тимченко, загуби 8,35 милијарди долари, додека поранешниот неизвршен директор на најголемиот светски производител на ѓубрива, групацијата „Еурохем“, Андриј Мелниченко, загубил 3,88 милијарди долари во изминатите десет месеци.

The post НАЈБОГАТИТЕ РУСИ ИЗГУБИЛЕ 83 МИЛИЈАРДИ ДОЛАРИ Во војната настрадаа и тајкуните appeared first on plusinfo.mk.

Во Србија работа изгубиле околу 200 илјади луѓе во пандемијата

МИА — Wed, 13 May 2020 14:05:21 +0000

Во Србија околу 200.000 лица или осум проценти од вработените, вклучително и неформално вработените и самовработените, во февруари ги загубиле своите работни места за време на пандемијата на коронавирусот и вонредната состојба. Тоа го оценка од истражување на SeConS група за развојна иницијатива со поддршка на Фондацијата Фридрих Еберт.

Како што беше соопштено, најголем товар, но и најголемиот ризик за време на кризата го сносат жени, кои сочинуваат дури 86 проценти од вработените „на првата линија на заразата“.

Зголемен обем на работа во домаќинството и грижа за членовите на семејството, исто така, остана кај жените (во 70 отсто од домаќинствата), кои ги извршувале тие работи претежно дури и пред кризата.

Истражувањето покажа дека вработените во Србија добро се вклопуваат во работата од дома: околу една четвртина од вработените (24,7 проценти) се префрлиле на работа од дома, 90 отсто од нив имаат соодветни средства за работа додека само 15 отсто што работеле од дома биле помалку ефикасни од вообичаеното.

„Две третини од испитаниците се загрижени за здравствените ризици, 35,6 проценти од нив се загрижени за претстојната економска криза во Србија, 16,2 отсто изразија загриженост за потенцијалното влошување на состојбата на слободите, зајакнување на репресијата и авторитарната власт“.

Истражувањето беше спроведено на репрезентативен примерок од 1.600 лица вработени во февруари 2020 година, јави Бета.

За речиси половина од оние кои ги загубиле работните места, причината е отказ поради прекинување на работата на компанијата (46,2 проценти), а на петтина од вкупниот број (20,5 проценти) не им бил понуден нов договор, откако истекол претходниот.

Во повеќето други случаи, вработените биле принудени да си дадат оставки затоа што во вонредна состојба, укинување на јавниот превоз, затворање на градинки и училишта и прекинување на услугите за социјална помош за стари лица, тие не можеле да се организираат да одат на работа и да преземат зголемени одговорности за грижата за членовите на семејството.

Најтешко погодени од загуби на работните места се вработените во приватни компании, во угостителството, трговијата, градежништвото, самовработените, неформално вработените, како и оние кои работеле со договори за определено време.

The post Во Србија работа изгубиле околу 200 илјади луѓе во пандемијата appeared first on plusinfo.mk.