Двете жени, кои денеска пријавија дека се загубиле, се пронајдени на пат помеѓу скопските села Долно Количани и Батинци, но тие не се странски државјанки, туку се од земјава, соопшти Центарот за управување со кризи.

Жените се во добра здравствена состојба и со возило, во придружба на полицијата, веќе се движат кон Драчево.

– Појаснуваме дека, поради грешка во првичната комуникација, не станува збор за странски државјанки, туку за државјанки на Македонија, наведува ЦУК.

Претходно соопшти дека преку единствениот број за итни повици 112 била добиена информација дека две жени кои патувале со возило, се изгубиле во реонот на патот кон Дрисла.

– ЦУК е во постојана комуникација со МВР и Полициската станица Драчево, од каде е побарано упатување екипа на терен. Полициска екипа од ПС Драчево е веќе упатена кон локацијата и постапува по случајот. Акцијата е во тек, информираше попладнево ЦУК.

The post ПРОНАЈДЕНИ ДВЕТЕ ЖЕНИ КОИ СЕ ИЗГУБИЈА КАЈ ДРИСЛА Не станува збор за странски државјанки appeared first on plusinfo.mk.

Преку единствениот број за итни повици 112 добиена е информација дека две женски странски лица, кои патувале со возило, се изгубиле во реонот на патот кон Дрисла.

ЦУК е во постојана комуникација со МВР и Полициската станица Драчево, од каде е побарано упатување екипа на терен.

Полициска екипа од ПС Драчево е веќе упатена кон локацијата и постапува по случајот.

The post ДВЕ СТРАНСКИ ДРЖАВЈАНКИ СЕ ИЗГУБИЛЕ КАЈ ДРИСЛА Испратена е екипа да ги пронајде appeared first on plusinfo.mk.

Како што е соопштено, тие се јавиле на бројот за итни случаи 112 по што вработен на ски-лифтот успеале да ги пронајдат.

„Скијачите се јавиле за помош на 112. Од ЦУК веднаш биле известени СВР Тетово и раководителот на РЦУК Тетово. Во меѓувреме, лице вработено на ски-лифт пронашло пет (5) од изгубените лица, а подоцна во 16.15 часот го пронашло и шестото изгубено лице. Прво сите биле згрижени во полициската станица на Попова Шапка“, се наведува во соопштението на ЦУК.

Сите скијачи потоа безбедно биле вратени дома.

The post ШЕСТ СКИЈАЧИ СЕ ИЗГУБИЈА НА ПОПОВА ШАПКА Вработен на ски-лифтовите ги извлече од густата магла appeared first on plusinfo.mk.

Легендарниот актер и сурфер Тамајо Пери (49), актер во филмот „Пиратите од Карибите“, почина вчера откако беше нападнат од ајкула додека сурфал на брегот на Оаху, Хаваи, објави Скај њус.

Безживотното тело на Пери било пронајдено од локални сурфери во близина на плажата Малакахан на северниот брег на Оаху, а според видливите повреди, можно е Пери да претрпел многу повеќе од едно каснување од ајкула.

Спасувачите го изнесле Пери на брегот, а болничарите веднаш констатирале смрт.

Тамајо Пери е роден во 1975 година, израснал на источната страна на Оаху, но својата кариера ја изградил на Северниот брег, и како професионален сурфер, а подоцна и како спасувач. Почнал да сурфа на 12-годишна возраст, а додека бил тинејџер, Пери се сметал за „тивко локално момче кое морало да позајмува даски за сурфање бидејќи немало спонзори“.

Според неговите пријатели и познаници, Пери бил „спасувач кој сите го сакале“. Неговата личност била „заразна“ и колку што луѓето го сакале, тој повеќе ги сакал нив.

– Тамајо беше легендарен спасувач и многу почитуван – рече градоначалникот на Хонолулу, Рик Бланџијарди, нарекувајќи ја смртта на Пери „трагична загуба“.

Харизмата на Пери и неговите вештини му донесоа и улоги во хитовите од 2002 година „Изгубени“, „Пиратите од Карибите“ и „Хаваи 5-0“.

The post ИМАШЕ СИЛНА ХАРИЗМА И СИТЕ ГО САКАА, А ТОЈ НИВ УШТЕ ПОВЕЌЕ Ајкула го уби легендарниот актер од „Пиратите од Карибите“ appeared first on plusinfo.mk.

Како што е соопштено станува збор за С.Ц.(41) и Л.С.(25), двете од Непал, кои работеле во охридска фирма.

Полицијата презема мерки за нивно пронаоѓање.

Ова е втор случај на увезени работнички од Непал да ги напуштаат домовите во кои ги сместиле газдите на фирмите во кои се вработени. Првиот случај беше пред две недели во Прилеп кога исто така сопственик на фирма информира дека 4 Непалки го напуштиле живеалиштето.

The post СЕ ИЗГУБИЈА ДВЕ НЕПАЛКИ ВРАБОТЕНИ ВО ОХРИД Газдата пријави дека не се вратиле во домот каде што биле сместени appeared first on plusinfo.mk.

Семејството било пронајдено на стариот пат Кичево-Дебар, кај месноста „Лопушник“.

– Тие претходно, околу 21.00 часот, пријавиле дека со својот автомобил „шкода“, патувајќи од Кичево кон Дебар, се изгубиле низ шумските патишта – истакнуваат од полицијата.

Сите тројца биле во добра здравствена состојба.

The post БРАЧНА ДВОЈКА И НИВНАТА ЌЕРКА СЕ ИЗГУБИЛЕ ВО ШУМА Полицијата ги пронашла на стариот пат Кичево-Дебар appeared first on plusinfo.mk.

Оттаму соопштуваат дека веднаш била известена полицијата и по релативно кусо децата се најдени во добра здравствена состојба и се превезени до нивните домови во Скопје.

Според последниот 24-часовен извештај на ЦУК, од вкупниот број 1.522 повици на бројот за итни случаи 112, „реални“ повици за итни случаи биле  33,84%, а 66,16% други, именувани како „неитни повици“, што биле за други потреби на граѓаните или едноставно не биле итни.

Согласно природата на настаните, преку ЦУК кон полиција биле упатени 50,80% од повиците од 112, кон Итната медицинска помош 37,97%, а кон пожарникарите биле упатени 7,49%.

ЦУК информира и дека викендов имало 25 пожари на отворено – во саботата 21 и четири пожари вчера, и тоа во Битола, Прилеп, Крушево и Куманово.

The post ПРОНАЈДЕНИ СЕ ДЕЦАТА ШТО СЕ ИЗГУБИЈА НА ВОДНО Сакале да го скратат патот, па залутале appeared first on plusinfo.mk.

Денеска во 09.35 часот во Полициската станица за граничен надзор „Охридско Езеро“, од веслачки клуб „Црн Дрим“ од Струга било пријавено дека во водите на Охридското Езеро, на два километри од брегот, наспроти „Женска плажа“, неконтролирано се оддалечува чамец за веслање со двајца малолетници во правец кон државната граница со Република Албанија.
Според пријавеното, членови на веслачкиот клуб се доближиле до чамецот, но поради силниот ветер не можеле да го извлечат на брегот.

Полициски службеници од Полициската станица за граничен надзор „Охридско Езеро“, Полициската станица за граничен надзор „Франгово“ и членови на веслачкиот клуб го пронашле чамецот на еден километар наспроти хотелот „Изгрев“ во Струга, по што со службен пловен објект чамецот со малолетниците безбедно го пренеле до брегот на Езерото.

Децата се во добра здравствена состојба.

The post СИЛЕН ВЕТАР ОДДУВАЛ ЧАМЕЦ СО ДВАЈЦА ТИНЕЈЏЕРИ НА ОХРИДСКО ЕЗЕРО Полицијата ги нашла на 1 километар спроти хотелот „Изгрев“ appeared first on plusinfo.mk.

На училишен Совет во ОУ „Гоце Делчев“  од Босилово ќе се одлучува какви постапки или дисциплински мерки ќе бидат преземени за ученичките кои се загубија на екскурзија во Скопје, вчера.

Наставничката ги оставила пред „Веро Џамбо“, каде им дала слободно време за да прошетаат самостојно.

Според кажувања на роднини на девојчињата не биле исплашени дека се загубени, а првпат биле во Скопје. Имале постари телефони на кои најверојатно додека патувале им се испразнила батеријата и затоа не можеле да се јават.

– Зошто кренавте толкава паника, ние имавме пари, ќе си фатевме такси и ќе си дојдевме – им рекле девојчињата на загрижените родители.

Повеќе од осум часа траеше агонијата на родителите чии девојчиња вчера се изгубија во Скопје, за време на екскурзија организирана од нивното основно училиште.

Девојчињата на возраст од 12 и 14 години биле пријавени во полиција за изгубени околу 16 часот. Нивната наставничка пријавила дека последен пат биле видени во Веро Џамбо, каде биле да ручаат во ресторан по посетата на Саемот на книга.

Полицијата ги пронашла ученичките десеттина минути пред полноќ во близина на Стара рампа. Тие биле во добра состојба, но полицијата не открива други детали.

The post ЌЕ ГИ СУСПЕНДИРААТ ОД ИДНИ ЕКСКУРЗИИ Девојчињата од Струмичко не биле исплашени што се загубиле appeared first on plusinfo.mk.

„Веднаш по добиената пријава од страна на полициските службеници преземени се соодветни мерки и малолетничките се пронајдени“, се наведува во соопштението.

Девојчињата на возраст од 12 и од 14 години беа пријавени вчера околу 16 часот во СВР Скопје, од страна на нивната наставничка која ги водела на еднодневна екскурзија.

The post ЗАЛУТАЛЕ ВО КИСЕЛА ВОДА Пронајдени се двете девојчиња од Струмица кои беа пријавени за изгубени appeared first on plusinfo.mk.