– Ова е прва реална активност со која почнува изградбата на двата коридора. Тоа што сите го очекувавме го реализираме денеска, а го ветивме минатата недела. Тука каде што стоиме поминува новиот автопатот Гостивар – Кичево, а материјалот од минирањето ќе биде искористен за Тетово – Гостивар и за страничниот пат од Тетово. На најтранспарентнен, најотворен начин ги вршиме работите за да се убеди јавноста дека коридорите ќе се изградат во рекордно време и најквалитетно – рече првиот вицепремиер и координатор на активностите за изградба на коридорите 8 и 10д, Артан Груби.

На настанот присуствуваат американската амбасадорка Анџела Агелери, министерот за транспорт и врски Благој Бочварски и директорот на ЈП за државни патишта Ејуп Рустеми.

Со договорот што го потпиша Владата со „Бехтел и Енка“ е предвидена изградба на автопатските делници Тетово – Гостивар, Гостивар – Букојчани, Требеништа – Струга – Ќафасан на Коридорот 8 и на автопатската делница Прилеп – Битола на Коридор 10д.

До проектната единица – Јавното претпријатие за државни патишта веќе се доставени инфраструктурни проекти за сите делници, освен за Требешништа – Струга – Ќафасан. Доставени се и елаборати за експропријација за Тетово-Гостивар и Гостивар-Букојчани, а до крај на месецов се очекуваат елаборати и за Прилеп-Битола.

На „Бехтел и Енка“ досега им се исплатени две транши, од 117 милиони евра и од 53 милиони евра согласно Програмата за финансирање патна инфраструктура за проектот Коридор 8 и Коридор 10д за 2023 година, со која за годинава се предвидени вкупно 243 милиони евра.

The post „БЕХТЕЛ И ЕНКА“ СТАРТУВАА ОД ГОРНА БАЊИЦА Почнаа градежните работи за изградба на Коридорот 8 appeared first on plusinfo.mk.

–  Фактите целосно ги побија нивните невистини. (Артан) Груби и (Димитар) Ковачевски уверуваа дека странски експерти ќе го водат надзорот, а се покажа дека македонските контроверзни фирми „Електра Солушн“ на Ампови и „Евро консалтинг“ (на криминалецот баран со потерница Бранимир Димитријевиќ) ќе добијат 70% од мрсниот тендер. Односно од 22 милиони евра „Електра Солушн“ ќе земе 8,2 милиони евра, а фирмата на криминалецот баран со меѓународна потерница Бранимир Димитријевиќ ќе наплати 7,1 милион евра – велат од ВМРО-ДПМНЕ.

Според партијата владините функционери лажеле и кога тврделе дека компаниите кои ќе го вршат надзорот се реномирани.

– Власта уверуваше дека компаниите се реномирани, а „Електра Солушн“ добила лиценца за надзор во време пред истекот на рокот на јавната набавка и од долгогодишно искуство единствено може да се пофали со шиење на долна облека. Груби и екипата избрале фирма за долна облека да врши надзор на изградба на автопатишта во Македонија. Тоа доволно говори само по себе. Дополнително, наместо мноштво реномираните странски експерти за надзор се сведоа само на 5 лица, од кои 4 од регионот, а дел од нив и со македонско потекло. Секоја лага им падна во вода исто како што лажеа за новиот менаџмент на „Ептиса“, па се покажа дека е компанија со непроменет кинески менаџмент од 2016-та, лажеа за реномето, а се покажа дека за истата влада на СДС и ДУИ дале лоша референца за нив и препорака да не се соработува, лажеа дека Бранимир Димитријевиќ нема никаква врска со сопственоста на една од фирмите во конзорциумот, па се покажа дека компанијата е уште поврзана со него и уште еден тон лаги од оваа власт на Ковачевски и Груби – велат од ВМРО-ДПМНЕ.

Оттаму бараат реакција и на јавното обвинителство

– Јавното обвинителство за ова не смее да молчи и да бега. Ислам Абази нека не се крие и нека започне постапка. Ова смрди – корне на корупција и наместен тендер -додаваат од партијата.

The post КОЛКУ Е СТРУЧНА ЗА ИЗГРАДБА НА ПАТИШТА ФИРМА КОЈА ПРОИЗВЕДУВАШЕ ДОЛНА ОБЛЕКА? ВМРО-ДПМНЕ обелоденува скандалозни моменти во тендерот за надзор на изградба на автопатиштата appeared first on plusinfo.mk.