Сопствениците на популарниот бар „Констелејшн“ во Кран-Монтана, Жак и Џесика Морети, денеска се појавија за првпат пред истражен судија во Сион како осомничени во врска со пожарот од 1 јануари во кој загинаа 40 лица, меѓу кои 21 лице под 18 години.

Тие ги дадоа своите искази во канцеларијата на Министерството за правда на Кантонот Вале, во придружба на тројца адвокати.

Иако беа пречекани од голем број новинари пред зградата на судот, осомничените не дадоа никакви изјави. И адвокатите, исто така, одбија да коментираат за случајот – јавува швајцарскиот јавен сервис „РТС“.

Според информациите од истрагата, осомничените се товарат за убиство од небрежност, предизвикување пожар и телесни повреди предизвикани од небрежност.

Како дел од денешната истрага, предводена од обвинителите, фокусот беше ставен на имотната состојба на семејството Морети, додека конкретни прашања за причините за трагедијата се очекуваат подоцна.

Иако деталите за самиот пожар не беа разгледани, жртвите во овој случај, како и адвокатите на жртвите, ќе имаат можност да поставуваат прашања за време на следните рочишта.

Истрагата ќе продолжи во наредните денови.

The post СОПСТВЕНИЦИТЕ НА БАРОТ ШТО ИЗГОРЕ ВО КРАН МОНТАНА ИЗВЕДЕНИ ПРЕД СУД Се товарат за убиство од небрежност appeared first on plusinfo.mk.

Од 2016 година во државава не функционира Центарот за изгореници. Иако тој се уште фигурира на официјалната веб страница на Универзитетската клиника за хируршки болести „Св. Наум Охридски“ – Скопје, во пракса, не постои.

Првиот официјален центар за изгореници во земјава е формиран во рамки на Воената болница во Скопје под раководство на полковник д-р. Крсте Митановски д-р.сци.мед. Центарот е затворен за да се ослободи простор за приватната Кардиохирургија „Жан Митрев”.

Вториот Центар за третман на изгореници е отворен во септември 2000 година во тогашна стара Градска општа болница, односно сегашна Клиника за хируршки болести „Св.Наум Охридски” во Скопје. Oд 2016 година, Центарот е надвор од употреба иако во него работеле специјалисти и субспецијалисти по пластична и реконструктивна хирургија.

Прим. д-р Добрила Андоновска, која работела во овој Центар, во објава на Фејсбук во детали објаснува дека Центарот функционирал како посебен оддел на Одделението за пластична и реконструктивна хирургија, сместен во посебен дел од болницата со посебен надворешен влез и дека бил опремен со најсовремена опрема.

– Центарот беше опремен со најсовремена опрема од Јапонската Влада – Интензивна нега со два Клинитронови системи од француско потекло, какви што постоеја во регионов единствено во Пирогов – Софија (околу 40 – 50 на број). Овие компјутеризирани системи овозможуваа специјални микроклиматски услови: аерација, температура, влажност и пациентите лежеа како во бестежински простор на ,,кади” исполнети со силиконски песок кој ,,врие” поради проток на воздух. Центарот располагаше со посебна операциона сала за изгореници каде шесте специјалисти по пластична хирургија, тимски со врвните анестезиолози, вршеа оперативни зафати и преврски во општа анестезија. Центарот беше опремен и со респиратор донација од Макстил. Освен интензивната нега постоеше и болничка соба со два кревети, што значи дека капацитетот беше за 4 пациенти со екстензивни изгореници, а со нивно подобрување се префрла, по потреба, на одделението за Пластика со 15 кревети. Беше формирана и Банка на амнионски мембрани (во соработка со Гинекологија – Чаир) по пример на Пирогов и други центри – појаснува Андоновска.

За период од петнаесет години и пет месеци во Центарот се лекувале 1.316 пациенти со екстензивни изгореници, просечно 84 пациенти годишно со екстензивни, живото-загрозувачки изгореници, голем број од нив со политраума. Дополнително, околу 20 – 30 пациенти годишно со друга тежина на изгореници се лекувале на одделенијата за Пластична хирургија и за Детска хирургија

– Во Центарот се лекуваа и странски државјани како приватни пациенти и имаше тенденција да прерасне во регионален Центар – вели Андоновска во објавата.

По трагичната несреќа во Кочани, најголем дел од повредените се пренесени на лекување во соседството и држави во Европа. Министерот за здравство денеска на прес-конференција соопшти дека вкупно 178 пациенти се лекуваат во различни здравствени установи. Од нив, 64 се во државните клиники во земјава, а 13 пациенти се сместени во приватните болници. Надвор од државата се лекуваат 101 пациент. Сите се во релативно стабилна состојба. Во земјава се пристинати и медицински тимови од Израел, Чешка, Белгија и Србија.

The post МАКЕДОНИЈА „ИМА“ ЦЕНТАР ЗА ИЗГОРЕНИЦИ САМО НА ВЕБ-СТРАНИЦА Од 2016 нема каде се лекуваат пациентите со тешки повреди appeared first on plusinfo.mk.

Деца на возраст од 3, 7 и 9 години изгореа во семејниот дом во ромската населба Куршанец кај Чаковец во кој избил пожар.

Бебето родено минатата година било спасено.

– Целата заедница е во шок. Ова е непоправлива загуба за семејството и за целата наша населба – изјави за Međimurski.hr претседателот на ромската заедница во Меѓимурје, Матјаш Дидо Оршуш, изразувајќи го својот длабок шок од овој трагичен настан.

Засега не се познати сите детали за околностите на пожарот. Полицијата излегла на терен и врши увид за утврдување на причините за трагедијата.

Посебно се истражува каде биле родителите во моментот на пожарот.

The post ТРАГЕДИЈА ВО ХРВАТСКА Три деца изгореа во пожар appeared first on plusinfo.mk.

Пожарот е ставен под контрола по 7 часа, а пожарникарите успеале да го спречат ширењето на огнот на другите пловни објекти.
Некои чамци беа целосно изгорени, а други делумно изгаснати, но прашање е дали ќе бидат повторно во функција.

– Пламените јазици многу брзо се проширија низ сите чамци до крај, пожарникарите брзо дојдоа, но не можеа да направат ништо. Кога стигнавме, веќе беа зафатени повеќе од 20 чамци. Ние, како што велиме во жаргон, го пресековме пожарот за да не се прошири на другите чамци и успеавме да го спречиме. Некои чамци се откачија и запалени почнаа да пливаат. Моравме да ги ловиме, успеавме да го спречиме ширењето и таму – вели сопственикот на еден од изгорените чамци.

Според првичните проценки на противпожарната служба, пожарот најверојатно избил во електроинсталацијата на некој од бротчињата.

– Се запалила некоја електроинсталација, претпоставувам, почнало од некаде и огнот брзо се проширил. Тешко е да се изгасне таа пластика, треба да дојде брод за гаснење од морето – изјави пожарникарот Самир Граховиќ за хрватските медиуми.

ГОЛЕМ ПОЖАР ВО ИСТАРСКОТО ПРИСТАНИШТЕ МЕДУЛИН Луѓе скокаа во морето да спасат нешто, изгореа најмалку 22 пловни објекта

The post 🎥 📷ОГНЕНАТА СТИХИЈА НАПРАВИ ПУСТОШ ВО ПРИСТАНИШТЕТО ВО МЕДУЛИН Еве што остана од глисерите и чамците по големиот пожар appeared first on plusinfo.mk.

– За гаснење на пожарот интервениравме со три возила и девет пожарникари. Опожарени беа дел од катот на куќата – дневна просторија и кујна. Затекнато е едно изгорено лице, а другото лице, задушено од чадот извлечено е надвор од куќата и предадено на службата за Итна помош каде е констатирана смрт. Двете лица се на возраст од околу 60 и 80 години. Лицата пред да стигнеме веќе биле починати – вели Кристијан Момироски, командир на противпожарната единица од Прилеп.

Едниот прилепчанец бил затекнат во дневната просторија и целосно изгорен, а другиот во претсобјето каде се задушил. Пожарот е изгаснат и е спречено да се прошири на другиот кат и на соседните куќи.

Увид на местото на пожарот направија полицијата и основен јавен обвинител. Се врши истрага за да се откријат причините за пожарот и трагедијата.

На самото место беше и екипата на службата за Итна помош која ја констатирала смртта на двајцата прилепчани.

– Синоќа околу 21,45 часот добивме повик во Итната помош од полицијата која беше на терен дека има опожарена куќа. Нашата екипа на лице место дозна дека во куќата има две лица кои не се извлечени. На пожарникарите им требаше околу 20 минути да стигнат до телата. Едното тело беше целосно опожарено, а другото делумно. Првично од ситуацијата која ја видовме, сигурно дека двете лица се имаат задушено од чадот. Еден од луѓето што живее таму ни кажа дека биле подвижни, но останале во куќата да го гаснат пожарот. Во куќата живееле тројца, од кои едниот излегол да побара помош. Викал по нив да излезат, ама тие останале во куќата да го гаснат пожарот. Ние ја утврдивме смртта, а потоа надлежност презеде основниот јавен обвинител – изјави Даниел Аврамоски началник на службата за Итна помош- Прилеп.

Сосетка потврди дека во куќата живееле тројца, татко со двајца синови.

Обдукцијата телата на загинатите ќе ги утврди причините за смртта, а надлежни инспектори ќе ја вршат истрагата за причината за пожарот.

The post ТРАГЕДИЈА ВО ПРИЛЕП, ТАТКО И СИН ИЗГОРЕА ВО ПОЖАР Сами се обидувале да го изгаснат огнот appeared first on plusinfo.mk.

– Пожарот е локализиран, но има уште една екипа која проверува – велат од кумановската Противпожарна единица.

Регионалниот ЦУК Куманово извести дека пожарникарите од ТППЕ Куманаво од 01:35 часот интервенирале на опожарени подрумски простории во зградата на Основен суд во Куманово, каде што се наоѓа архива на Судот. Во гаснењето на пожарот интервенирале седум пожарникари со две возила.

Претседателката на судот Снежана Манев вели дека противпожарните екипи сè уште се на терен.

– Според првичните информации зафатена е една просторија каде има стари, завршени предмети. Ќе почекаме да завршат екипите на Противпожарна единица и после увидот на полицијата ќе кажат од што настанал пожарот. Ќе информираме за причините, судот денеска нема да работи. Електричната енергија е исклучена, изјави – претседателката Манев за МИА

The post ИЗГОРЕ АРХИВАТА НА КУМАНОВСКИОТ СУД Седум пожарникари се бореа со огнената стихија, пожарот е локализиран appeared first on plusinfo.mk.

Изгорени се околу 100 мали свињи, но при интервенцијата спасени се осум мајки свињи и околу 100 мали свињи.

Не се знае која е причината за настанатот пожар. На терен ќе излезат полициски службенiци со цел да се утврди како настанал пожарот.

The post ПОЖАР ЗАФАТИ ФАРМА ВО ШТИПСКО Изгореа околу 100 прасиња appeared first on plusinfo.mk.

„Алах да им даде рај на починатите, а на повредените што поскоро закрепнување. Овие зборови ги кажувам со жалење и со повредено срце. Тие беа исто така наше семејство, бидејќи секогаш кога патувавме и патниците ги сметавме за фамилија. Четири дена бевме заедно во Истанбул и забележав дека повеќето и порано доаѓале со нас на тури со нашите автобуси за Истанбул. Овие тестови се од Алах и верувам дека се прифатени од секој верник, неговата волја не може да биде променета ни за минута и бараме од Алах никого да не тестира“, напиша Хаџиу на Фејсбук.

Државниот јавен обвинител Љубомир Јовески рече дека Обвинителството ги прибира потребните документации, а потоа ќе биде донесена соодветна одлука.

– Веднаш по сообраќајната несреќа документацијата од компанијата „Беса Транс“ е одземена. Ве уверувам за кое било лице доколку има основ, Обвинителството ќе отвори постапка – изјави Јовески, информирајќи дека е отворен предмет за „Беса Транс“.

The post ПАТНИЦИТЕ ГИ СМЕТАВМЕ ЗА НАШЕ СЕМЕЈСТВО Газдата на „Беса Транс“ со сочувство за загинатите appeared first on plusinfo.mk.

Името на вториот возач на опожарениот автобус на автопатот Струма е Кадри Мемеди. Неговиот син Бесар ексклузивно за БНТ изјави дека телото на неговиот татко било пронајдено во одделoт за спиење.

Мемеди не возел, но не е потврдено. Синот Кадри бил во Бугарија за да го препознае телото и се вратил дома.

Неговиот татко имал 54 години, со над 20 години искуство. Често патувал во Германија и Турција и ги знаел рутите. Автобусот бил технички исправен, вели неговиот син.

Бесар тврди дека компанијата Беса Транс има сервис и во Турција. Неговиот татко заминал во четвртокот, а во петокот веќе бил во Турција.

Кадри во петокот оттаму му се јави на синот. Во автобусот не дозволувал патници со опасен багаж – ниту со пиротехнички средства, ниту со гориво. Автобусите биле стари 3 години и технички исправни.

Од списокот на преживеани во несреќата, како што вели Бесар има и еден кој не е на списокот за патници на „Беса Транс“ – Шади Науф ал Салех.

The post ТЕЛОТО НА ВТОРИОТ ВОЗАЧ БИЛО ВО КАБИНАТА ЗА СПИЕЊЕ Неговиот син открива име на патник кое го немало во списокот appeared first on plusinfo.mk.

– Додека не заврши ДНК анализата не може да се утврди точниот број на настрадани лица. Направени се 44 обдукции, но увидени се и остатоци од тела коишто ќе се поврзат со ДНК анализата. Треба да почекаме да се испитаат овие остатоци и тогаш точно ќе видиме колку лица биле настрадани – изјави Станков за МИА.

Станков потврди дека кога ќе бидат готови извештаите од македонските лекари од судска медицина, кои овие денови беа во Софија, истите ќе бидат предадени на бугарските власти.

Претходно, портпаролката на главниот обвинител на Бугарија Сијка Милева, на прес-конференција со заменик-јавниот обвинител на Бугарија Борислав Сарафов изјави дека на местото на трагедијата се пронајдени 44 тела.

Таа информира дека се сретнала со преживеаниот маж кој и раскажал како го скршил стаклото на автобусот и рекол дека спасил осум лица, а не седум.

– Според податоците со кои располагаме, патувале 52 лица, ние пронајдовме 44 тела, а се хоспитализирани седум лица – четворица мажи и три жени. Останува големата загатка, каде е осмото лице. Работиме на таа верзија, не сакаме да шириме дезинформации, може да се работи и за лошо сеќавање на сведокот – истакна Милева.

The post ДИРЕКТОРОТ СТАНКОВ ДЕЦИДЕН Видов 44 целосни тела и остатоци од 45 тело appeared first on plusinfo.mk.