До 18.00 часот, на територијата на државата регистрирани се вкупно 28 пожари на отворен простор, од кои активни се 6, под контрола е еден, а изгаснати се 21 пожари, соопштија попладнево од Центарот за управување со кризи.

Активи се пожарите кај Дрџински рид, село Русиново во Општина Берово, каде што гори дабова, букова шума и папрат, близу село Никуштак, Липковско е зафатена нискостеблеста деградирана шума и дабова шума, кај селата Варвара и Драчевица, во Општина Студеничани опожарена е мешана шума и ниска вегетација. Во Општина Струмица помеѓу селата Муртино и Банско пожарот зафатил ниска вегетација, стрништа горат во село Фалише во Општина Тетово и ниска вегетација во Општина Долнени во село Секирци.

Под контрола е пожарот на дивата депонија Вардариште во Општина Гази Баба.

Изгаснати се 21 пожар во повеќе општини во државата каде горела главно ниска вегетација, во Општина Ресен на место викано Порој биле зафатени и  јаболкови насади, во Општина Липково во селата Оризаре и Слупчане била опожарена и мешана шума и ниска вегетација, а во Општина Старо Нагоричане: с. Младо Нагоричане, маало Бузанци била зафатена од пожар кровна конструкција од плевна, наведуваат од ЦУК.

The post СЀ УШТЕ ГОРИ ШУМА НА ШЕСТ ЛОКАЦИИ За еден ден се изгаснати 21 пожар на отворено appeared first on plusinfo.mk.