Вкупно 41 пожар на отворен простор низ државава се евидентирани во текот на вчерашниот ден. Од тој број, 6 се активни, 9 се под контрола, 26 се изгаснати, соопштија денеска од Центарот за управување со кризи (ЦУК).

Од активните, првиот е во општина Македонски Брод, кај селата Тажево и Брезница и кај „Јасен“. Вториот е на територија на општините Демир Хисар и Охрид – Илинска Планина, кај селата Витово, Базерник, Мало Илино и Брежани. Третиот е на територија на општина Чашка, кај селата Папрадиште и Ореше. Четвртиот е во регионот на општина Петровец, кај селата Градманци и Дивље. Активен е и пожарот во општина Кочани – место викано „Панаѓур“, кај одмаралиштата на Пониква. Последниот од наведените е во општина Студеничани, кај селата Драчевица и Црвена Вода.

Од пожарите што се ставени под контрола, два се наоѓаат во општина Студеничани, по еден во општините Гевгелија, Охрид, Македонски Брод, Пласница, Делчево, Прилеп, како и еден што е на територија на две општини – Богданци и Дојран.

The post КАЈ ЈАСЕН СЀ УШТЕ ГОРИ БОРОВА ШУМА Огнената стихија не запира и во Чашка, Петровец, Кочани, Охрид, Студеничани appeared first on plusinfo.mk.

Како што информира Центарот за управување со кризи (ЦУК), пожар е регистриран во велешкото село Сливник во кој е зафатена една куќа, во село Сопотница, Демир Хисар, во пожар се зафатени сува трева и нискостеблеста вегетација, а стрниште, сува трева и гуми горат во пожарот во струмичкото село Костурино.

Во Скопско се изгаснати и сѐ уште се гасат седум пожари на отворено. ЦУК соопшти дека во Горно Блаце горела мешана деградирана шума и трева, а кај село Љубош, Студеничани над Батинци, горела деградирана шума и дива депонија.

-Во Волково гори трева, нискостеблеста деградирана шума и ѓубре. Изгоре и еден помошен објект. Пожарот е под контрола. Во Бојане, Сарај, гореше шума и трева,  во општина Бутел околу ул. „Боца Иванова“ кон обиколницата гореше сува трева, а изгоре и еден помошен објект. Гореше и депонијата Вардариште, како и ѓубре во село Орешани во општина Зелениково – информираат од ЦУК.

The post ЦУК ГО СУМИРА ОГНЕНИОТ БИЛАНС Денеска гореле 10 пожари на отворено, 7 од нив во скопско appeared first on plusinfo.mk.