Претседателот на ВМРО-ДПМНЕ, Христијан Мицкоски, на вечерашниот митинг во Пробиштип го повика граѓаните масовно да излезат на гласање во недела, 2 ноември, за вториот круг од локалните избори.

– Во недела масовно да излеземе на избори, да го заокружиме бројот 9 за Тони Тоневски и за развој на Пробиштип. Седењето дома е најлошата опција – порача Мицкоски.

Тој потенцираше дека во првиот круг коалицијата предводена од ВМРО-ДПМНЕ освои 33 градоначалници, а двајца кандидати се откажаа, што го зголемува бројот на градоначалници на 35. Во вториот круг се одлучува во 24 општини, а во шест од нив коалицијата е второпласирана со големи шанси за победа.

– Во 58 општини советничките листи на коалицијата предводена од ВМРО-ДПМНЕ победија и имаат убедливо мнозинство во Советот. Кога на сето тоа ќе се додаде убедливото водство на идниот градоначалник на Град Скопје, Орце Ѓорѓиевски, очекуваме вкупно 60 општини, нешто што досега ниту една политичка коалиција во независна Македонија не го постигнала – рече Мицкоски.

Претседателот на ВМРО-ДПМНЕ посочи и дека Демократската унија за интеграција (ДУИ) е поразена на овие локални избори, откако повеќе од 20 години беше дел од влади во земјата.

– Имаме три опции во вториот круг: да се гласа за победничката коалиција предводена од ВМРО-ДПМНЕ, да се гласа за поранешната владина коалиција предводена од СДСМ или, најкатастрофалната опција, да останеме дома. Седењето дома не казнува никого, освен самите граѓани – додаде Мицкоски.

Тој заврши со повик до граѓаните да го слушаат својот разум и срце и да го заокружат бројот 9 за Тони Тоневски.

– Убеден сум дека кога ќе застанете позади параванот, ќе го препознаете бројот 9 и името на Тони Тоневски како вашата опција за следните четири години – заклучи Мицкоски.

The post МИЦКОСКИ ОЧЕКУВА 60 ОПШТИНИ ВО РАЦЕТЕ НА КОАЛИЦИЈАТА Лидерот на ВМРО-ДПМНЕ повика на излезност на изборите, седењето дома е најлошата опција appeared first on plusinfo.mk.

Кандидатот за градоначалник на Скопје од Левица, Амар Мециновиќ, вечерва го отвори изборниот штаб на партијата во општина Центар, со мотивирачки говор во кој порача дека борбата на Левица е најголемата политичка битка во Македонија во последните триесет години.

– Мило ми е што се гледаме денеска, овде. Немам спремено говор, ама може да се задржиме едно три саати – рече Мециновиќ со насмевка, најавувајќи ја енергијата со која ќе ја води оваа кампања.

Тој оцени дека најтешкиот дел од изборната трка е зад нив и дека Левица сега има појасна стратегија и насочена енергија.

– Сега, кога сме веќе во средиштето на кампањата, темпото е прилагодено и супер ни оди – истакна Мециновиќ, додавајќи дека партијата учи од сопственото искуство, без зависност од агенции и политички советници.

– Тоа ни го даде искуството кое ние сами го создаваме, опипувајќи го пулсот на народот – додаде тој.

Мециновиќ ја спореди борбата на Левица со Давид против Голијат, нагласувајќи дека сите финансиски и медиумски ресурси се на страната на големите партии, но дека Левица има нешто што тие немаат — „ум, креативност и желба за вистинска промена.“

– Многу е убаво чувството за овие избори, затоа што го даваме максимумот, а тоа се гледа – рече тој.

Кандидатот на Левица истакна дека граѓаните се сè поотворени кон нив, благодарение на парламентарната работа на партијата. Според него, Левица станува сериозен фаворит, дури и пред СДСМ, за влез во вториот круг во трката за Град Скопје.

– Ќе згазиме! Секој ден ќе бидеме на терен, меѓу граѓаните. Левица веќе не е партија на јабанџии, ова е партија која ќе го детронизира монополот на ВМРО и СДСМ – вели Мециновиќ

На крајот од говорот, Мециновиќ потсети дека политиката мора да се заснова на секојдневниот живот на луѓето.

– Политиката е за мајките со колички кои не можат да поминат по тротоари, за средношколците кои не стигнуваат на часови, за работниците кои работат по две работи. Тоа е равенката која ни донесе успех и која никогаш не смееме да ја напуштиме – порача Мециновиќ.

The post „БОРБАТА НА ЛЕВИЦА Е БОРБА НА ДАВИД ПРОТИВ ГОЛИЈАТ“ Мециновиќ ветува детронизирање на монополот на ВМРО и на СДСМ appeared first on plusinfo.mk.

Лидерот на ВМРО-ДПМНЕ, Христијан Мицкоски, на народниот митинг во општина Сопиште во рамки на изборната кампања за локалните избори 2025 со слоган „Вистинскиот избор! Твојот човек! Твоето место! Твојата иднина!“, остро ја критикуваше состојбата во судството и обвинителството, нарекувајќи ги „последните бастиони на власта на СДСМ и ДУИ“.

– Многу ме прашуваат изминатиов период, зошто и како не правиме реформи во судството и обвинителството. Тоа е нешто што за сите нас претставува болка, бидејќи тие институции се уште се последните бастиони во одбрана на претходната влада – изјави Мицкоски, додавајќи дека бројни пријави од надлежните институции не се процесуираат, туку „се држат во фиока“.

Тој најави дека по локалните избори, реформите во правосудниот систем ќе станат приоритет.

– После овие локални избори, ќе се навратиме и на таа тема – рече Мицкоски.

Во своето обраќање, Мицкоски порача дека „моментот што го чекале генерации е пред нас“ и дека е време за ресет на системот и изградба на држава на правда, слобода и грижа за секого.

– Судството мора да биде непристрасно и непокорливо, со судии кои судат според законот, а не според влијанија. Правдата не смее да биде привилегија на малкумина, туку право на секој граѓанин – брза, достапна и ефикасна – нагласи Мицкоски.

Тој додаде дека ќе постават јасни правила, транспарентни процеси и нулта толеранција кон корупцијата, која, како што рече, „тоне животи и ја кочи промената“.

– Здравствениот систем ќе биде столб на државата со модерни болници, достапни лекови, стручен кадар и превенција што ќе ги штити семејствата, наместо да ги остава ранливите сами да се борат – изјави Мицкоски.

Во завршницата на говорот, тој предупреди дека „кочниците“ во институциите ја гушат државата.

– Не можеме да го чекаме утрото додека ситни и големи кочници ја гушат работата на државата. Тие кочници се вградени во институциите и претставуваат длабока држава во државата – заклучи Мицкоски.

The post МИЦКОСКИ НАЈАВИ РЕФОРМИ И „РЕСЕТ“ НА СИСТЕМОТ Премиерот порача дека правдата ќе биде достапна за сите appeared first on plusinfo.mk.

На денешниот народен митинг во Кичево, претседателот на ВМРО-ДПМНЕ, Христијан Мицкоски, во рамките на изборната кампања за локалните избори 2025 година, со слоган „Вистинскиот избор! Твојот човек! Твоето место! За твојата иднина!“, ја изрази својата целосна поддршка за кандидатот за градоначалник Александар, нагласувајќи дека тој е најдобриот избор за сите кичевчани, без разлика на нивната политичка, етничка или верска припадност.

– Кога одлучувавме кој да ја добие поддршката за кандидат за градоначалник на Кичево, не размислував кој ќе биде најдобар за ВМРО-ДПМНЕ, туку кој ќе биде најдобар за кичевчани – истакна Мицкоски пред насобраниот народ.

Тој порача дека Александар има визија и програма која ги обединува сите граѓани – Македонци, Албанци, Турци, Роми и сите кои живеат во Кичево.

– Најважниот проект не е само инфраструктурата, туку заедништвото и обединувањето на Кичево – додаде тој.

Мицкоски потенцираше дека предстоечките локални избори се од клучно значење за иднината на градот и повика на единство и масовно излегување на гласање.

– Ова е неповторлива можност да покажеме што навистина му треба на Кичево. Да се обединиме сите, без разлика на партија или вера, и на 19 октомври да го заокружиме бројот 9 за Александар“, нагласи лидерот на ВМРО-ДПМНЕ.

Во своето обраќање, Мицкоски остро ја критикуваше опозициската ДУИ и нејзиниот лидер Али Ахмети, обвинувајќи ги за богатење на сметка на народот.

– Што ќе му е Зајас на Али ако е празен? Нема радост ниту во дворците, ако народот околу тебе е гладен и раселен – рече Мицкоски.

Тој додаде дека 20 години владеење донеле сиромаштија и иселување, а Александар нуди проекти за сите заедници во градот, без поделби и привилегирани групи.

– На нечесноста од ДУИ ќе одговориме сложно, сите кичевчани. Ако и некој од нашите погреши, исто ќе ве повикам да се обединиме против тоа – порача Мицкоски.

Тој заклучи дека времето на поделби мора да заврши и дека само преку работа, одговорност и заедништво може да се постигне вистинска промена.

– Мора резултати, мора дела, мора заедништво. Само така победата е можна и блиску – заврши тој.

The post „ШТО ЌЕ МУ Е ЗАЈАС АКО НАРОДОТ МУ Е ГЛАДЕН“ Мицкоски жесток кон Ахмети и побара обединување во Кичево за Јовановски appeared first on plusinfo.mk.

Претседателот на ВМРО-ДПМНЕ, Христијан Мицкоски, се обрати на народен митинг во Долнени, во рамки на изборната кампања за локалните избори 2025 година, потенцирајќи дека граѓаните имаат само две опции на изборите – коалицијата СДСМ-ДУИ-Левица или ВМРО-ДПМНЕ со коалициските партнери.

На денешниот митинг во Долнени, Мицкоски порача дека слоганот на ВМРО-ДПМНЕ за овие избори е: „Вистинскиот избор! Твојот човек! Твоето место! За твојата иднина!“.

– На овие избори имаме две опции, две понуди. Едната е коалицијата создадена на непринципиелни релации помеѓу коалиционите партнери. Врз основа на слепата желба за власт, слепата желба за привилегии, но и гневот и омразата кон ВМРО-ДПМНЕ. Тоа е коалицијата составена од СДСМ, ДУИ и Левица. Венко Филипче, Димче Апасиев и Али Ахмети се осојузиле поради слепата желба за власт и омразата кон нашата партија. И втората опција е ВМРО-ДПМНЕ. Тоа се двете понуди кои граѓаните ќе ги имаат пред себе. Трета опција нема – рече Мицкоски.

Претседателот на ВМРО-ДПМНЕ потенцираше дека коалицијата СДСМ-ДУИ ја уназадувала државата седум години, додека ВМРО-ДПМНЕ изминатите 15 месеци гради темели за подобра иднина на граѓаните.

– Првата опција нѐ враќа во времето кога државата се ограбуваше, кога народот буквално живееше на товар на власта и кога државата се распродаваше. Втората опција е ВМРО-ДПМНЕ, која живее заедно со народот, која секој ден, буквално 7 дена во неделата, работеше по 15 часа за да се исправат погрешните политики на претходната коалиција. Неисплатени плати, неисплатени субвенции – тоа се последиците од управувањето на СДСМ-ДУИ. Целта на овие партии е да се дофрлат до фотелјите и потоа да ја уништуваат нашата татковина, Македонија – истакна Мицкоски.

На крајот од митингот, Мицкоски ги повика граѓаните масовно да излезат на изборите на 19 октомври и да гласаат за бројот 9.

– Ве повикувам сите на 19 октомври да го заокружите бројот 9, да гласате за ВМРО-ДПМНЕ и коалицијата. Само така можеме да зборуваме за иднина, развој на општините и прогрес на Македонија – заклучи Мицкоски.

The post СДСМ, ДУИ И ЛЕВИЦА СЕ ВО СОЈУЗ ПОРАДИ ОМРАЗАТА КОН ВМРО-ДПМНЕ Мицкоски ги повикува граѓаните да го заокружат бројот 9 за развој на државата appeared first on plusinfo.mk.

Шведскиот премиер Улф Кристерсон денеска го замоли својот унгарски колега Виктор Орбан да не ја вклучува неговата земја во неговата изборна кампања, бидејќи Орбан го критикуваше начинот на борба на Стокхолм со организираниот криминал.

„Разбирам дека во вашата земја има изборна кампања и дека овој пат сте навистина во опасност“, напиша Кристерсон на X.

„Но, ние не се мешаме во вашата изборна кампања и не сакаме да учествуваме во неа“, додаде тој.

Претходно денеска, унгарскиот премиер ја спомена борбата на шведските власти за ограничување на бројот на бомбашки напади и пукања, повикувајќи се на изјавата на Кристерсон од почетокот на 2025 година, во која тој призна дека Шведска не „ја контролира“ ситуацијата.

„Законот и редот им се уриваат, а тие ни држат предавања за владеењето на правото“, рече Орбан.

Двајцата лидери првично се судрија во понеделникот, кога Орбан ја критикуваше Шведска, велејќи дека во таа земја, позната по редот и безбедноста, „280 малолетници“ биле уапсени за убиство.

Потоа Кристерсон ги нарече коментарите на Орбан „скандалозни лаги“.

Овие „280 малолетници уапсени за убиство“ што ги спомена Орбан, станува збор за 280 девојчиња на возраст меѓу 15 и 17 години, кои беа обвинети за убиство, убиство без умисла или насилство во 2024 година, според податоците од шведското обвинителство.

Имено, таа година биле регистрирани четири случаи на убиство или убиство од небрежност и 277 случаи на насилство.

The post „НЕ ЈА МЕШАЈ ШВЕДСКА ВО ВАШАТА ИЗБОРНА КАМПАЊА“ Кристерсон му списка на Орбан appeared first on plusinfo.mk.

Репортерот на БГНЕС го коментира рекламниот спот на  СДСМ за претстојните парламентарни избори  и вели дека Бугарија е претставена  како одбранбен играч на фудбалски натпревар кој агресивно се обидува да го спречи македонскиот напаѓач да стигне до целта, имплицирајќи дека нашата земја ја кочи Македонија за нејзините евроинтеграции.

„Во спотот кој претставува фудбалски натпревар, Софија и Скопје се претставени како жестоки противници. Играчот облечен во бугарските бои го влече македонскиот напаѓач за дрес. Претставени се и грчки и француски „одбранбени играчи“ кои го спречуваат македонскиот фудбалер да постигне гол“, пишува БКНЕС.

Во спотот кој се емитува на македонските телевизии Ковачевски кој шутира во празен гол вели:

„Иднината на Македонија не е игра. Секој предизвик што го надминуваме не приближува до нашата цел. Само СДСМ има јасна визија и сила да ја однесе Македонија во Европската Унија. Заедно ќе победиме. Нема откажување од иднината!“

The post „КОВАЧЕВСКИ ГО КОРИСТИ ФУДБАЛОТ И ЗА ПРИМИТИВНА АНТИБУГАРСКА КАМПАЊА“ Бугарските медиуми му замеруваат на СДСМ за изборен спот appeared first on plusinfo.mk.

„Поради одржување на митинг од изборната кампања за претседателските избори 2024 година на 21.04.2024 во 13.00 часот пред седиштето на Европската унија на ул.„Св. Кирил и Методиј” во Скопје, Единицата за безбедност  на патниот сообраќај при СВР Скопје ќе преземе мерки за посебен режим на сообраќај на ул.„Св. Кирил и Методиј” почнувајќи од 19,00 часот на 20.04.2024 (сабота) до 21.00 часот на 21.04.2024 (недела). Притоа, за сообраќај ќе биде затворена ул.„Св.Кирил и Методиј” на потегот од крстосница со бул.„Кочо Рацин” до крстосница со бул.„Св. Климент Охридски”.
Исто така, на 21.04.2024 во 20.00 часот на плоштад „Македонија” во Скопје ќе се одржи  митинг од изборната кампања за претседателските избори 2024 година. Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните“ – информираат од МВР.

The post СКОПЈЕ ВИКЕНДОВ СО ПОСЕБЕН РЕЖИМ Пренасочување на сообраќајот поради политичките митинзи appeared first on plusinfo.mk.

Ама предизборното слепило е зафркната работа и еве на пример не гледаат дека во Македонија животот станува сè поскап. Цените на сите производи се зголемуваат. Граѓаните се исплашени, бараат реакција од Владата ценовното цунами да се намали, ама премиерот не го гледа тоа – загледан е во митинзите – кој дошол – кој не дошол.

А одреагира веќе Стопанската комора со предупредување дека до крајот на годината цените на производите ќе се покачат и до 50 отсто, ако Владата не преземе нешто. Ама министрите  раскажуваат по средби со граѓаните дека ќе им направеле чешма, а дупката на патот ќе ја пополнеле со цемент.

Апсурди!

Во последните четири години, квалитетот на животот континуирано опаѓа, а цените растат и се зголемува индексот на трошоци за живот. Загрижувачко е тоа што само минатиот месец цените на мало се зголемиле за 5,6 отсто. А Владата во кампањата уште раскажува за укинатата радиодифузна такса. Или како што некои нивни функционери објаснуваа: секое македонско семејство е побогато за 170 денари месечно.

Соседот мој со години нема проблем со цените на горивото – секогаш точи за „илјадарка”, како што знае да каже на шега. Сега го слушам и тој е загрижен: „не стига” – објаснува. И во право е, речиси на секои две недели имаме повисоки цени на горивото. Само годинава бензинот е поскапен за 14 денари. Па ете на соседот му „отиде” заштедата од радиодифузната такса со полнење на десет литра бензин во резервоарот.

Можеше ли Владата да го ублажи скокот на цените на горивата? Прашање кое си го поставува јавноста, а од власта вака оди одговорот: по Нова Година пензиите ќе бидат повисоки за 200 денари. Во нивни стил кажано: следната година секое семејство што има пензионер ќе биде побогато за уште 200 денари месечно. Па ете од каде соседот ќе го дополни резерворат со бензин, без да се почувствува поскапувањето. Од радиодифузната такса 170 денари, од пензиите плус 200 денари – доволно за уште десет литра бензин по „стара” цена.

А во маркет со страв да влезеш: зејтинот, млекото, лебот, брашното, шеќерот… сè е поскапо. Државниот завод за статистика пресметал дека во септември биле потребни 1.000 денари повеќе за основните продукти отколку во август. Колку ќе биде таа разлика во декември?

Но се гледа дека власта е комотна. Впрочем во нивните мисли и ова не е проблем, затоа што минималната плата ја покачија на 15.000 денари. Е оди да видам некој од министрите да преживее нормално еден месец со минималната плата.

А по изборите, ако тргне и инфлацијата да оди нагоре, џабе ќе е и номиналното покачувањето на минималната плата, „значајното” зголемувањето на пензиите и „судбоносното” укинувањето на радиодифузната такса.

Затоа, мора да делуваат брзо. Ако треба нека ја вратат радиодифузната такса, ќе издржиме и без таа нивна помош, но само нека се борат против ценовниот бран кој веќе нè поплавува.

The post Итно нека ни ја вратат радиодифузната такса appeared first on plusinfo.mk.

– Дали имав намера да направам измама, да направам нешто лошо? Дали бев негрижлив? Невнимателен? Мојот одговор на сето ова е наједноставен. Не!  – изјави Саркози пред судот. – Од моментот кога ми кажаа дека работите се во ред, повеќе немав причина да размислувам за тоа – додаде тој.

Обвинителите, од друга страна, тврдат дека Конзервативната партија на Саркози на митинзи потрошила речиси двојно повеќе од со закон дозволените 22,5 милиони евра, а потоа ангажирала пријателска агенција за односи со јавноста за да ги скрие трошоците.

Иако Саркози призна дека е одговорен за политичката насока на неговата кампања, тој рече дека не бил одговорен за организирањето митинзи и за плаќањето на сметките.

Досега, истрагата не успеала да докаже дека Саркози учествувал во шемата.

The post Саркози на суд се брани пркосно – негира дека ги украл изборите во 2012 година appeared first on plusinfo.mk.