Повеќе од 100 лица се уапсени во Косово поради сомненија за фалсификување на резултатите од парламентарните избори одржани на 28 декември, а наредено е повторно пребројување на сите гласови, соопшти обвинителот од Призрен, Петрит Кријезиу.

– Станува збор за организиран обид и директна намера за поткопување на резултатите и волјата на граѓаните, изјави тој, додавајќи дека 109 лица се приведени поради фалсификување изборни резултати, притисоци и заплашување, како и активна и пасивна корупција.

Според него, постои сомнеж дека биле манипулирани повеќе од 68.000 гласачки ливчиња на изборите на кои победи партијата на досегашниот премиер Албин Курти. Истрагата за наводната измама започна во средината на јануари, но сè уште не е познато дали некоја политичка партија имала корист од тоа.

Според прелиминарните резултати, движењето Самоопределување освоило повеќе од 51 отсто од гласовите.

По утврдување на „висок степен на неточности“ при делумното повторно пребројување, Државната изборна комисија нареди повторно пребројување на гласачките ливчиња на сите избирачки места, соопшти претседателот на комисијата Крешник Радониќи.

По оваа одлука, обвинителката Лаура Пула отвори истрага за можни кривични дела поврзани со изборниот процес.

Изборите беа одржани по повеќе од десет месеци политичка блокада, откако ниту една партија не успеа да формира стабилна влада. Новото пребројување и истрагата дополнително го одложуваат формирањето на парламентот и владата, продлабочувајќи го институционалниот застој.

По гласањето, високата претставничка на ЕУ за надворешна политика Каја Калас изјави дека Брисел очекува брзо формирање на нова влада за да се надмине политичкиот застој.

The post 109 УАПСЕНИ ПОРАДИ СОМНЕНИЈА ЗА ИЗБОРНА ИЗМАМА Повеќе од 68.000 гласови украдени на косовските избори appeared first on plusinfo.mk.

За резолуцијата на Европскиот парламент за ситуацијата во Србија по изборите гласаа 461 пратеник; против биле 53, а воздржани 43.

„Европскиот парламент повикува на независна истрага од страна на почитувани меѓународни правни експерти и институции за нерегуларности на парламентарните, покраинските и локалните избори, со посебен осврт на изборите за собранието на град Белград, бидејќи одредени обвинувања се прошируваат, вклучително и оние за организирана миграција на гласачите на локално ниво надвор од опсегот опфатен во извештаите на ОБСЕ/ОДИХР“, се вели во изгласаната резолуција.

The post ЕУ БАРА МЕЃУНАРОДНА ИСТРАГА ЗА МОЖНА ИЗБОРНА ИЗМАМА Европскиот парламент изгласа резолуција за Србија appeared first on plusinfo.mk.

Во средата вечерта во Европскиот парламент, европратениците побараа меѓународна истрага за изборна измама во Србија, а некои од нив ги повикаа земјите-членки на Европската Унија да не ги прифаќаат резултатите од изборите, чии нерегуларности беа посочени од меѓународните набљудувачи и дел од српската опозиција.

„Ја повикуваме ЕУ да спроведе независна истрага за сите пријавени изборни нерегуларности и наводи за измама“, напишаа политичари во писмото во кој имаше увид Политико, испратено вклучително и до Фон дер Лајен, претседателот на ЕС Шарл Мишел и претседателката на ЕП Роберта Мецола.

Порталот потсетува дека „нелибералниот претседател на Србија Александар Вучиќ“ ја консолидираше својата власт со прогласување победа на декемвриските избори, што поттикна десетици илјади луѓе да бараат поништување на изборите на улични протести во Белград, за кои водечките опозицискиот блок на левичарската коалиција „Србија против насилството“ тврди дека се украдени со бројни злоупотреби и манипулации.

Повикот до лидерите на ЕУ го упатија 24 потписници на писмото, вклучувајќи го и претседателот на комисијата за надворешни работи на Бундестагот, Михаел Рот и неговиот француски колега Жан-Луј Бурланж, барајќи независна истрага за наводите за измама и препораки за да се обезбеди слободни и фер избори во Србија.

Потписниците претежно претседаваат со комисиите за надворешни или европски прашања во нивните национални парламенти и доаѓаат од цела ЕУ, вклучувајќи ги Франција, Италија, Данска и Луксембург, но и Украина, Молдавија и Велика Бритаија.

– Во зависност од наодите на истрагата – велат тие – можеби ќе бидат потребни нови избори во Србија.

The post ДА СЕ СПРОВЕДЕ ИСТРАГА ЗА НАВОДИТЕ ЗА ИЗБОРНИ ИЗМАМИ ВО СРБИЈА Писмо од 24 европски функционери за надворешна политика до највисоките европски тела appeared first on plusinfo.mk.

Добитничката на Нобеловата награда за мир, која војската ја отстрани од власт со државен удар во февруари, „е осудена на две години затвор според член 505(б) и две години според Законот за природни катастрофи“, изјави портпаролот на хунтата Зау Мин Тун за француските медиуми.

На истата казна е осуден и поранешниот претседател Вин Мајнт, изјави портпаролот, додавајќи дека тие засега нема да бидат одведени во затвор.

– Тие ќе треба да одговараат за други обвиненија и тоа ќе се направи од местото каде што сега престојуваат во главниот град Најпидау, рече тој.

Аунг Сан Су Чи (76) се наоѓа во домашен притвор откако на 1 февруари генералите со преврат ја соборија од власта, со што беше ставен крај на краткиот период на граѓанско владеење во Мјанмар, земјата која со децении е управувана од воена хунта.

Хунтата собра обвиненија против Су Чи, вклучувајќи и кршење на законите за службена тајност, наводи за корупција и изборна измама.

Доколку хунтата ја прогласи за виновна за сите обвиненија што се поднесени против неа, Су Чи се соочува со десетици години затвор.

На новинарите денеска не им беше дозволено да присуствуваат на изрекувањето на пресудата во Специјалниот суд во главниот град што го изгради војската, а адвокатите кои ја бранат Су Чи неодамна добија забрана за комуникација со медиумите.

Според локалната невладина организација, повеќе од 1.300 луѓе се убиени, а повеќе од 10.000 уапсени во репресиите што хунтата ги спроведува за задушување на отпорот против пучот од 1 февруари.

Со затворањето на поранешната премиерка Аунг Сан Су Чи мјанмарската хунта сака да ги задуши слободите, реагираше денеска експресно „Амнести Интернешнел“.

„Тешките казни изречени на Аунг Сан Су Чи поради лажни обвиненија се последниот показател за одлучноста на армијата да го отстрани секој глас на опозицијата и да ги задуши слободите во Мјанмар“, се наведува во соопштението на невладината организација.

The post ВОЕНАТА ХУНТА ЈА ОСУДИ ПРЕМИЕРКАТА САН СУ ЧИ Крај на граѓанското владеење во Мјанмар appeared first on plusinfo.mk.

Оние од опозиција велат дека народот знае да цени и да суди, веројатно сакајќи да испратат порака дека актуелните функционери ќе ја слушнат „пресудата” од народот на следните избори поради нештото што (не) го направиле за време на мандатот, односно дека ќе ги загубат изборите.

Оние од власта велат дека народот знае да цени и да суди, сакајќи да се испуваат со сето она што (не) го направиле за време на мандатот, односно дека на следните избори нивните противници од опозицијата ќе ја слушнат „пресудата” од гласачите и ќе бидат принудени да го признаат поразот.

Но, дали и едните и другите вистински веруваат во фразата што постојано ја повторуваат? Не би рекол. А дали народот вистински верува во содржината што му ја сервираат политичарите пред избори? Голем дел, за жал – да. Авторитарен си е македонскиот електорат, си се врзува за победник и за власт, за партија наместо за индивидуа, и тоа е тоа.

И тек допрва, цело лето и половина есен, сѐ до денот на локалните избори во октомври, ќе се изнаслушаме за тоа дека народот знае да цени и да суди. Секој кандидат за градоначалник од опозицијата, претпоставувам, на секој митинг и на секој јавен настап ќе повторува дека народот на денот на гласањето ќе ги осуди актуелните градоначалници кои не направиле ништо во изминатите четири години. Секој актуелен градоначалник кој ќе се вклучи во трката за втор мандат ќе кажува (а некои веќе почнаа) дека народот знае да суди и да ги цени работите што биле направени во изминатите четири години.

Досадно, зарем не? Но, зошто да не направиме исчекор и да ја „легализираме” ваквата фраза? Оти, вака, сѐ е без врска. Ниту народот суди, ниту некој ќе биде осуден. Бадијала арчење зборови, бадијала празни муабети. Ако народот навистина имаше моќ да суди, многумина од актуелните политичари сега повторно ќе продаваа лубеници во Горни Милановац или ќе поправаа прозорци во јавни установи.

Зошто, на пример, сите фрази од тој тип и сите предизборни ветувања што ќе ги даваат кандидатите за градоначалници, не бидат јасно наведени, потпишани и нотарски заведени?! За да не мора народот да „суди”, туку тоа да го прави оној чија работа е да суди – судијата.

Не си го реализирал тоа што си го ветил, а си потпишал дека ќе го реализираш? Ајт на рочиште!

Си ветил дека ќе изградиш нешто, а не си изградил? Е па, братко, си извршил предизборна манипулација, си ги прелажал граѓаните и треба да ти се суди. Во судница!

Па така, ако веќе во Кривичниот законик постои „Изборна измама” (Член 165), тогаш зошто да не се додаде и „Предизборна измама“?

The post Предизборна измама appeared first on plusinfo.mk.

Од извори блиски на Камчев, дознаваме дека тој немал никаква намера за бегство, што може лесно да се заклучи од неколку неспорни и лесно проверливи факти. Бизнисменот Камчев не поседува пасош, а тоа значи дека не може легално да ја напушти земјава и да се даде во бегство. Од друга страна, целото негово семејство, вклучувајќи ги и децата, е во Скопје.

Исто така, сопственикот на „Орка холдинг“ во моментов подготвува крупни инвестиции во Македонија, но и во Белград. Општо познато е дека тој буквално секој ден е ангажиран во менаџирањето на клиничката болница „Аџибадем Систина” и особено на нејзиниот ковид- центар.

– Кој човек во таква ситуација и со такви активности би планирал бегство од земјата? – зачудено велат негови блиски.

Досега во медиумите беа објавени повеќе шпекулации дека спроведувањето на Камчев во полициска станица е поврзано со случаите „Империја“ и „Плацеви на Водно“.

Исто така, се шпекулираше дека Агенцијата за национална безбедност (АНБ) имала цврсти информации дека тој се подготвува за бегство. Дека сето ова веројатно е неточно, говори и тоа што на бизнисменот му било кажано дека е спроведен во полиција поради некаква изборна измама, за која тој не знае ништо.

Се ројат сомневања дека претставата со приведувањето на Орце Камчев е изрежирана за да се покријат крупните и други скандали на власта, кои во текот на оваа недела беа обелоденувани буквално секој ден.

The post Што ли нема да смислат – Камчев го привеле за божемна изборна измама?! appeared first on plusinfo.mk.