Премиерот Христијан Мицкоски попладнево на собраниската седница посветена на пратенички прашања предложи веќе идната година да се спроведе вонреден електронски попис на населението, но го услови тоа со итно прифаќање на моделот за една изборна единица.

Ова го изјави во одговор на прашањето на пратеникот Халил Снопче од редовите на Алијансата на Албанците, кој побара објаснување дали Владата ќе ја повлече одлуката за бројот на советници во општините, по вчерашната одлука на Уставниот суд во врска со спроведувањето на пописот во 2021 година.

– Уставниот суд на вчерашната седница укина некои одредби од методологијата за спроведување на Пописот на населението во 2021 година. Уставниот суд оцени дека директорот на Државниот завод за статистика ги пречекорил своите надлежности и со подзаконски акт извршил категоризација на резидентно и нерезидентно население за што немал законско овластување – рече Снопче.

Пратеникот и координатор на пратеничката група на Алијансата за Албанците, Халил Снопче рече дека е убеден оти се обезбедени потребните гласови за реконструкција. Според него, следствено на одлуката на Уставниот суд, одлуката на Владата за намалување на бројот на советниците во општините е невалидна.

– Дали на следната седница на Владата ќе ја поништите претходната одлука и ќе се врати претходната одлука за бројот на советници? Логички, не може да се отстранат нерезидентите бидејќи нивната одлука има директно влијание врз изборот и бројот на советниците – праша Снопче.

Тој посочи дека уште пред пет месеци има поднесено барање за автентично толкување на оваа владина одлука, но досега немал добиено никаков одговор.

Во одговорот, премиерот Мицкоски нагласи дека кај нерезидентното население во последниот попис немало адреса, туку тоа било класифицирано како нерезидентно население. Како пример ја наведе Општина Гостивар, од каде што е пратеникот Снопче, каде што, според него, бројот на жители бил намален од 85 илјади на 59 илјади резидентно население. Во тие 59 илјади, како што додаде, имало и неколку илјади кои не се изјасниле што се, односно одбиле да се попишат.

– Често зборувам дека дијаспората е нераскинлив дел од унитарниот карактер на Македонија како држава, и затоа ве молам како политичка партија да поддржите една изборна единица во која што ќе овозможите дијаспората да гласа – изјави Мицкоски.

Тој додаде дека Уставниот суд не може да биде законодавец и дека не е негова улога да кажува како треба да се работи, туку да се произнесува по законски решенија.

– Но не може да наметне. Тоа сте вие, пратениците, и во одреден дел Владата. Уставниот суд вели дека не може да има графа „нерезидентно“ и графа „резидентно население“, за што зборувавме уште во време на пописот дека тоа не го препознава Евростат. Исто како што молевме, немојте да го правите ова со Францускиот предлог – рече Мицкоски.

Притоа, премиерот предложи идната 2026 година да се спроведе вонреден електронски попис.

– Ви гарантирам дека со вкрстување на базите 90 отсто од населението ќе го попишеме преку електронскиот попис, а само отприлика 10 проценти ќе треба теренски – изјави Мицкоски, додавајќи дека е подготвен како претседател на Владата да обезбеди средства во Буџетот за реализација на пописот уште следната година.

Во коментар на одговорот, пратеникот Снопче рече дека за да гласа дијаспората не е потребна една изборна единица, туку политичка волја на партиите.

УСТАВНИОТ СУД ГИ УКИНА ОДРЕДБИТЕ РЕЗИДЕНТНО И НЕРЕЗИДЕНТНО НАСЕЛЕНИЕ Оваа одлука нема да важи за пописот од 2021 година

The post ЕДНА ИЗБОРНА ЕДИНИЦА, ИНАКУ НЕМА ПОПИС Мицкоски предложи ново пребројување, но под еден услов appeared first on plusinfo.mk.

Следно по излезност е гласачкото место 1844 во Струга каде гласале 62,68% од регистрираните избирачи, односно 753 лица.

Вкупната излезност во Изборната единица 5 е 55,13%, а во Изборната единица 6 изнесува 54,98%. Од седумте места каде се прегласува шест се наоѓаат во ИЕ5, додека во ИЕ6 се прегласува само во Желино. Таму до 18 и 30 часот гласале 546 избирачи, односно 54, 98%.

The post ИЗЛЕЗНОСТА ПОЛОВИНА ЧАС ПРЕД ЗАТВОРАЊЕТО НА МЕСТАТА Е 55,10% Гласале 2.487 од 4.514 избирачи на списокот appeared first on plusinfo.mk.

Ова го истакна носителот на листата на кандидати за пратеници на СДСМ и Коалицијата за европска иднина, д-р Венко Филипче на вечерашниот митинг во Неготино.

– Свесни сме дека кај народот има разочараност, граѓаните се уморни чекајќи го клучот за Европа, дадовме многу, а ни се бара уште. Но, СДСМ секогаш гледа подалеку од дневно политичките интереси – истакна Филипче во својот говор пред гласачите од Изборната единица 4.

Според Филипче, СДСМ има обврска да ја продолжи борбата и да ја задржи земјата на курсот на промените.

– Имаме обврска заради генерациите кои доаѓаат да ја чуваме жарта за општествени промени да тлее. После сите жртви што ги направивме како прогресивна и државотворна партија, недозволиво е сега да потклекнеме пред старите режимски политики. Ако сега се откажеме од борба, тоа е уништување на иднината за многу генерации – смета Филипче.

Тој ги повика граѓаните сите заедно да се изборат за подобар резултат и најави дека партијата ќе се зафати со враќање на довербата кај граѓаните веднаш по изборите.

– Нема никаква дилема дека СДСМ е исправен пред најголемиот предизвик од неговото основање. Резултатот на првиот круг на претседателските избори е под сите очекувања и го става на испит секој од нас, секој партиски член. Ќе имаме време за тоа да анализираме каде сме грешеле, и кој бил виновен за лошиот резултат. Ќе имаме време да ги менуваме работите и да ја градиме одново довербата кај граѓаните. Тоа мора да го започнеме првиот ден после изборите. Но, сега пред вториот круг, и на денот кога ќе се бираат пратеници, мора да се мобилизираме – повика Филипче од митингот од Неготино.

The post САМО НИЕ ГО ИСПРАВАМЕ КОРМИЛОТО НА БРОДОТ И покрај грешките СДСМ е единствена партија која ја враќа државата на вистинските патеки, вели Филипче appeared first on plusinfo.mk.

Ова го рече Владо Мисајловски, носител на листата за пратеници во Изборна единица 2, на митингот во Ѓорче Петров.

– Доста беше беда, доста беше мизерен однос кон граѓаните, кон државата. Доста беше низок стандард, лош живот, отуѓена Mакедонија. Јас и мојот тим, ние како ВМРО-ДПМНЕ, секој ден сме со вас, со сите граѓани. Секој ден сум овде во Ѓорче Петров, во сите населени места, низ цела општина, но и во сите општини од Изборна единица 2 – додаде Мисајловски.

Мисајловски побара масовна поддршка од Ѓорче Петров за уште поголема победа на 8 мај и за реализација на програмата на ВМРО-ДПМНЕ.

– Нема партија која во Ѓорче Петров ќе го победи ВМРО-ДПМНЕ. Но, за да направиме многу реформи како поголеми пензии, 50.000 нови работни места, 5.000 денари за сите пензионери, нова позитивна листа на лекови, секое дете во градинка и сето она што го предвидуваме во програмата, ни треба мобилизација. Масовно да го направиме тоа на 8 мај, да победиме. Да сте ми живи и здрави, да победуваме – истакна Мисајловски.

The post 50.000 НОВИ РАБОТНИ МЕСТА И 5.000 ДЕНАРИ ЗА ПЕНЗИОНЕРИТЕ За реформи ни треба мобилизација, повика Мисајловски appeared first on plusinfo.mk.

Николовски вели низ четворката во седиштето на СДСМ на Бихаќка од луѓето кои што го поддржуваат Филипче се зборува дека по изборите се надева да го преземе раководењето на СДСМ и дека затоа влегува во оваа изборна трка.

Филипче да одговори за неговата улога како Министер за здравство во справување со ковид кризата, бара Николовски кој поставува шест конкретни прашања:

Прво каде е тој во однос на модуларната болница во Тетово која што изгоре и 14 човечки животи кои што беа загубени таму,

Второ што мисли за тоа што Македонија имаше меѓу највисоките смртности во корона пандемијата,

Трето каква е неговата улога при набавката на вакцини преку сомнителни фирми од Хонг Конг за трговија со јужно овошје,

Четврто каква е неговата улога во процесот на приватизација на стерилизацијата во сите Јавно здравствени установи во Македонија,

Петто дали се обидувал или не една приватна болница во Македонија на сила или под притисок да биде продадена на еден бизнисмен од Албанија,

Шесто каква е неговата улога во случајот Онкологија и семејството Пановски.

Целата прес конференција на Николовски и прашањата за Венко Филипче се од 13-та минута во видеото.

The post 📽️ ШЕСТ НЕЗГОДНИ ПРАШАЊА ЗА ПОТЕНЦИЈАЛНИОТ ЛИДЕР НА СДСМ ПО ИЗБОРИТЕ Николоски го чепна лутиот ривал во „четворката“ appeared first on plusinfo.mk.

Aнкетата на ИПИС е изработена за потребите на МРТ 1 и е спроведена телефонски во периодот февруари/март на 6.069 испитаници, со маргина на грешка +/- 1 процент и со интервал на доверба 95%.

Во Изборна единица 1 според анкетата на МРТ 1 политичката партија ВМРО-ДПМНЕ би освоила 9 пратеници, СДСМ 4-5, Левица 1-2, ДУИ 2-3, АА 0, ЕСП, 1-2, ЗНАМ 1. Во Изборна единица 2 политичката партија ВМРО-ДПМНЕ би освоила 8 пратенички мандати, СДСМ 4, Левица 1, ДУИ 3, АА 0, ЕСП 2, ЗНАМ 2.

Во Изборната единица 3 ВМРО-ДПМНЕ би освоила 12 пратенички мандати, СДСМ 6, Левица 1, ДУИ 0, АА 0, ЕСП 0, ЗНАМ 1.

Во Изборната единица 4 ВМРО-ДПМНЕ би освоила 11-12 пратенички мандати, СДСМ 6-7, Левица 1, ДУИ 0, АА 0, ЕСП 0, ЗНАМ 1. Во Изборната единица 5 ВМРО-ДПМНЕ би освоила 9 пратенички мандати, СДСМ 5-6, Левица 1, ДУИ 2-3, АА 1 , ЕСП 0-1, ЗНАМ 0-1.

Во Изборната единица 6 ВМРО-ДПМНЕ би освоила 3-4 пратенички мандати, СДСМ 1-2, Левица 0, ДУИ 7-8, АА 2-3, ЕСП 6-7, ЗНАМ 0.

The post ЗА ВМРО-ДПМНЕ 52-54, ЗА СДСМ 26-30 ПРАТЕНИЦИ Двојна предност во анкетите за актуелната опозиција appeared first on plusinfo.mk.

Иницијатори на Предлог законот се Павле Трајанов, Димитар Апасиев, Боби Мојсоски, Љупчо Балкоски, Панчо Минов, Моника Зајкова, Борислав Крмов, Маја Морачанин, Мирослав Богдановски.

Пратеникот Павле Трајанов од Демократски сојуз смета дека процесот на услогласување долго траел речиси една година и очекува Предлог законот да помине на Комисијата, бидејќи текстот е целосно поддржан од ВМРО-ДПМНЕ, а СДСМ даде начелна согласност, но тој сепак не исклучува и блокада. Законот потоа треба да оди на пленарна седница на која се очекува да се донесе одлука за одржување на јавна дискусија по повод измените на Изборниот закон, во која може да се вклучат сите засегнати субјекти – парламентарните партии, вонпарламентарните, НВО, експерти, медиумите… Телото што ќе ја следи јавната дискусија ќе подготви извештај до Парламентот и можно е преку оваа јавна расправа да се иницираат амандмански промени.

– Гледано според јавните изјави повеќе од 90 пратеници ги поддржуват промените, Македонија да биде една изборна единица, пропорционален модел и пресметката за пратеници да се одвива преку Д’Онтовиот модел. Така што можно е да се донесе, не викам не, но можно е некој да го блокира законот. Дали ќе се одлучат да го блокираат законот некои од партиите, ДУИ или некоја друга партија, но тоа што бараа меѓупартиска соработка, разговори, сето тоа може да се одвива во Парламентот, да ги видиме аргументите кои се за и против. Очекувам повеќето пратеници да бидат за донесување на измените на овој Изборен законик – вели Трајанов.

Според него, ДУИ и други партии од албанскиот блок веќе го прекршиле принципот на соодветна етничка застапеност или за некои прашања да се гради консензус, посочувајќи на последниот избор на Влада.

– Ако може да помине Влада на овој начин мислам дека изборниот закон уште полесно може да помине со мнозинство од над две третини од пратениците. Инаку ние никогаш нема да имаме консензус сите партии, затоа што досега праксата покажа дека постојано се договараат поголемите партии – вели Трајанов, оценувајќи дека ако било која партија го блокира носењето на овој закон, можно е другите партии да блокираат носење на други закони, а тоа ќе значи блокада на Парламентот и предизвикување услови за вонредни парламентарни услови – додава Павле Трајанов.

Арбер Адеми од ДУИ во изјава за медиумите во Собранието го повтори партискиот став дека за измени на вакви значајни, важни законски решенија, потребен е поширок меѓуетнички и меѓупартиски консензус, и оти не се за промена на постојниот изборен модел со шест изборни единици.

– Кога се работи за изборниот модел и Изборниот законик треба да потврдам дека не постои усогласеност околу овој предлог закон. Пак ќе повториме дека треба сите политички партии да седнат, да разговараат за сите прашања за кои постои интерес помеѓу различните политички партии. Настојуваме дека изборниот модел треба да ја рефлектира хетерогеноста на нашето општество и мислиме дека постоечкиот модел со шест изборни едници тоа најдобро го отсликува – вели Адеми, посочувајќи дека ќе настојуваат да продолжат со преговори, а одлуките за Изборниот законик да се носат врз основа на аргументите.

Запрашан што доколку СДСМ, ВМРО-ДПМНЕ и помалите парламентарни партии постигнат двотретинско мнозинство за усвојување на измените за една изборна единица, Адеми посочи дека тие инсистираат на негово носење со поширок меѓуетнички и меѓупартиски консензус.

– Ние имавме можност лани, во август месец, каде што една политичка партија, односно еден пратеник го блокраше донесувањето на Изборниот законик пред Локалните избори, иако постоеше договор помеѓу најголемите политички партии. Не сакаме да ја доведеме ситуацијата на ова ниво, но секако сме подготвени да дискутираме за сите прашања за кои постои интерес и врз основа на аргументи да одлучиме како политички партии. Мислиме дека овој изборен модел резултираше после конфликтот од 2001 година. За првпат се имплементираше во 2002 година и врз основа на аргументите се донесе вакво законско решение. Така што настојуваме уште еднаш да постои поширок меѓуетнички и меѓупартиски консензус за каква било измена поврзана со изборниот законик, рече Адеми.

Од опозициската ВМРО-ДПМНЕ потврдуваат дека ќе го поддржат предлог законот, а со цел одржување предвремени избори.

– Ние како најголема опозициска партија излеговме во пресрет на малите партии во врска со нивните барања. Измените на Изборниот законик треба да имаат една цел, а тоа е да го засилат плурализмот, демократскиот процес во Република Македонија и на тој начин да се изгради и да се изнајде систем за најдобро да се изрази волјата на граѓаните. Во таа насока сме отворени да разговараме. Добро е што стигна овде во Собрание. Потребен е навистина консензус да се случат оние измени кои се потребни за конечно во Македонија да добиеме она што ни е најпотребно за да се спасиме од кризата, а тоа е брзи предвремени избори. Во таа насока спремни сме да разговараме како на најдобар начин да се одрази и да се прелее народната волја овде во Собрание за конечно да добиеме една легитимна и народна власт која што ќе се грижи онака како што треба и за здравството, и за економијата и за сите аспекти на општествениот живот – рече пратеникот Миле Лефков од ВМРО-ДПМНЕ.

Запрашан дали е можно без албанските партии да се изгласа овој закон, Лефков вели, сосема е легитимно партиите да водат сметка за своите сопствени интереси, да ги искажуваат во бројки изразени во мандати, но доаѓаат моменти кога треба да се грижат пред сѐ, за државните интереси.

– Ако ја земеме предвид ситуацијата во која се наоѓа Македонија, потребно е  да застанеме за момент, да покажеме една резерва за партиските интереси и пред се да ги ставиме државните интереси. Затоа од овде доаѓа поддршката за малите партии – рече Лефков.

Согласно постојниот изборен систем на парламентарните избори се избираат 123 пратеници, од кои 120 пратеници се избираат според пропорционалниот модел, при што, територијата на државата е поделена на шест изборни единици (во секоја од нив се избираат по 20 пратеници), а тројца пратеници (од редовите на дијаспората) се избираат според мнозинскиот модел во еден изборен круг и тоа по еден пратеник од три изборни единици во Европа и Африка, во Северна и Јужна Америка и во Австралија и Азија.

Со измените на Изборниот законик, како што се наведува во образложението на текстот на законот, целата државна територија би се обликувала во една изборна единица со отсуство на изборен праг, овозможувајќи им и на помалите политички партии, како и на партиите на помалите етнички заедници, да го остварат своето право на претставување. Во актуелната поставеност на системот, нивните гласови се поделени во шест изборни единици и во ниту една од нив, тие не успеваат да соберат доволно за да добијат пратеник.

Предлог измените се поднесени пред една година. ДУИ и Алијанса на Албанците се изјаснија против ваквото решение, а СДСМ даде начелна согласност за предлог законот, но се заложи за негово усвојување со консензус.

The post НЕМА КОНСЕНЗУС ЗА ЕДНА ИЗБОРНА ЕДИНИЦА Алијанса и ДУИ против, македонските партии една година го „пеглаат“ текстот appeared first on plusinfo.mk.

„Затоа ВМРО-Народна партија предлага да се побара компромис во предлогот на ДУИ и БЕСА за изборен модел кој опфаќа три изборни единици без долен праг. Длабоко сме уверени дека и ваквата промена е сепак подобра од моменталниот изборен модел и дава поголеми шанси на малите политички партии“, соопшти партијата на Љубчо Георгиевски.

The post ВМРО-НП СЕ ПЛАШИ ДЕКА ЌЕ ПРОПАДНЕ ПРЕДЛОГОТ ЗА ЕДНА ИЗБОРНА ЕДИНИЦА Подобро да прифатиме три, отколку да останат шест! appeared first on plusinfo.mk.

– СДСМ во основа поддржува една изборна единица и тоа беше нивниот став дека треба да се отвори расправата за ова прашање, меѓутоа големите партии често го менуваат мислењето и таков општ консензус тешко дека ќе се обезбеди. Јас сум оптимист дека три месеци е оптимално време кога може да се донесат усвојат измените на Изборниот законик. Ако за три месеци не се усвојат, ќе ја преиспитаме нашата поддршка на Владата – рече Трајанов во емисијата „360“.

Тој информира дека разговарал за ова со премиерот Ковачевски и дека е дел од приоритетите на Владата.

ВМРО-ДПМНЕ прави сериозен политички блеф со тоа што го менува ставот и вели дека е за промени во Изборниот законик и за воведување една изборна единица, смета претседателот на Демократски сојуз и пратеник Павле Трајанов, кој гостуваше во емисијата „360 степени“ на ТВ Алсат.

– ВМРО-ДПМНЕ го прави ова бидејќи смета дека СДСМ ќе се повлече од идејата за промени во Изборниот законик и воведување една изборна единица. Инаку, ако ВМРО-ДПМНЕ со коалиционите партнери и СДСМ со коалиционите партнери застанат цврсто, тогаш отпорот од која било политичка партија ќе се скрши и Македонија ќе биде со една изборна единица – смета Трајанов.

The post АКО ЗА ТРИ МЕСЕЦИ НЕ СЕ ВОВЕДЕ ЕДНА ИЗБОРНА ЕДИНИЦА Трајанов ќе ја преиспита поддршката на Владата appeared first on plusinfo.mk.

Во изјавата на Арсовски се нагласува:

Нема да зборуваме за претходните 4 години колку што е на власт Заев и СДСМ, туку ќе зборуваме за месец и половина колку што е новиот мандат на старата криминална влада на Заев.

За само месец и половина се случи, да пропадне Еуростандард банка, афера тешка 200 милиони евра, а парите да отидат во џебот на струмички фирми блиски до Заеви, се случи афера со панамски пари за бизнис зделки помеѓу Зоран Заев и бизнисменот Дака Давидовиќ за нови 2.000 станови во Тетово, се случија нови седумнаесет катници за развој на урбаната мафија во скопската населба Ѓорче Петров, се случи поскапата струја чиј профит се одлева во една струмичка компанија за обезбедување, или фактот што партиската маша на Зоран Заев, Марко Бислимоски, спротивно на закон, е првиот човек на Регулаторната комисија.

Во однос на предлозите на Маричиќ за една изборна единица и отворени листи треба и официјално да соопштат дали тоа е нивниот конечен став со оглед на тоа што во минатото повеќе работи беа договорени во таа насока, па потоа се предомислија и го променија мислењето. Таквата тргни – застани политика говори за нивниот пазарџиски менталитет.

Воедно сметаме дека отворените листи и една изборна единица преставува солидна основа за разговори за промена на Изборниот законик како и нашиот предлог локалните избори да се одржат во еден изборен круг со цел да се заштедат пари на граѓаните во период на тешка економска криза и да се заштеди време во кое ќе се спроведе изборниот процес. Исто така, бараме, еднаш засекогаш да се регулира гласањето на дијаспората – вели Арсовски.

The post Арсовски: Локалните избори да се одржат во еден изборен круг appeared first on plusinfo.mk.