Системот за гласање преку интернет во руската престолнина Москва во текот на ноќта се соочи со кибернапад  но ситуацијата е под контрола, изјави денеска шефицата на Централната изборна комисија на Русија, каде се одржуваат парламентарни избори.

– Нападите сè уште се во тек, но ниту еден не беше успешен – рече Ела Памфилова, пренесоа рускитте медиуми.

Парламентарните избори се одржуваат во Русија од петок до недела. Се очекува дека гласање ќе ѝ донесе победа на владејачката партија Единствена Русија.

Изборите се сметаат за референдум за тоа дали да се продолжи со инвазијата врз Украина, која сега е во својата петта година.

Рускиот претседател Владимир Путин ги нарече изборите „заеднички придонес кон победата на Русија против Украина“.

Единствена Русија, која е на власт повеќе од 20 години, очекува двотретинско мнозинство и покрај тешката економска криза, воениот замор и јавното незадоволство. Меѓу кандидатите на партијата се десетици воени ветерани.

Заедно со изборите за Државната дума, во осум региони се избираат и претставници на регионалните парламенти.

State news agency TASS has posted this clip of Putin voting online in the Russian parliamentary election pic.twitter.com/bdkATMFy63

— Francis Scarr (@francis_scarr) September 18, 2026

Кремљ вчера објави видео од онлајн гласањето на претседателот Путин, кој се заблагодари откако на екранот се појави потврдата дека успешно гласал.

Ова се првите парламентарни избори во Русија од почетокот на војната со Украина во 2022 година.

Повеќе од 111 милиони гласачи имаат право на глас, а овозможено е и електронско гласање.

The post 🎥 НЕУСПЕШНИ КИБЕР НАПАДИ НА СИСТЕМОТ ЗА ГЛАСАЊЕ ВО МОСКВА Путин гласаше онлајн на парламентарните избори appeared first on plusinfo.mk.

Снимката од претседателот на Русија Владимир Путин како 40 секунди се бори со глушецот за да гласа стана хит на социјалните мрежи. По неколку кликања конечно стигна зеленото „Успешно гласавте“, а Путин му се заблагодари на компјутерот и крена палец.

„Има ли Виндоус на компјутерот?“, „Староста го фати“, се само некои од реакциите на социјалните мрежи.

Ова, инаку, му е шесто електронско гласање, па глушецот и Путин веќе би требало добро да се познаваат.

Во Русија се во тек парламентарни избори за Државната дума. Гласањето трае 3 дена, од 18 до 20 септември.

Putin voted remotely in Russia’s State Duma election

Judging by the video, the electronic voting process required maximum concentration from the old man.

His eyesight is clearly failing him, so he might well have missed the box he meant to tick.

Who did he thank? Himself… https://t.co/mXJEba4hTL pic.twitter.com/2kmK0rqLSa

— NEXTA (@nexta_tv) September 18, 2026

The post 📽️ ПУТИН 40 СЕКУНДИ СЕ БОРЕШЕ СО ГЛУШЕЦОТ ЗА ДА ГЛАСА Не е познато дали компјутерот бил на „Виндоус“ appeared first on plusinfo.mk.

Украинскиот претседател Володимир Зеленски не очекува суштински напредок во мировните преговори додека не завршат претстојните парламентарни избори во Русија. Изборите се закажани за 18 септември.

Сепак, Киев и Вашингтон веќе подготвуваат терен за можен трилатерален состанок со Москва.

Следната станица треба да биде Њујорк кон крајот на септември. Зеленски предупреди дека секое дипломатско придвижување досега било проследено со посилни руски напади.

– Верувам дека на крајот на септември ќе имаме можност да се сретнеме со американскиот тим во Њујорк – рече Зеленски на прес-конференција по потпишувањерто на Декларацијата за 100 години партнерство со Канада.

Неговите советници и претставниците за национална безбедност секојдневно разговараат со американските колеги. Една од темите е можниот формат за трилатерален состанок меѓу Украина, Русија и САД.

„Сакаат да го уништат дијалогот“

Зеленски тврди дека Киев веќе препознава образец во однесувањето на Москва. Кога дипломатските контакти се интензивираат, Русија ги засилува нападите.

– Штом ќе слушнат дека преговараме во ЕУ, во Европа, со други земји или со Американците, тие секогаш се обидуваат да ги интензивираат своите напади врз нас. Тие едноставно сакаат да ги запрат сите преговори и да го уништат дијалогот – вели украинскиот лидер.

И покрај тоа,Зеленски рече дека Киев нема да се откаже од дипломатскиот пат.

– Веруваме во мир и ќе се движиме во таа насока. Постои само еден начин да се запре оваа војна. Нема друг начин.

Житото како прв тест за примирје

Извозот на храна и енергетската инфраструктура би можеле да станат првите полиња за ограничено намалување на борбите.

Украина во изминатите месеци разговараше за безбедноста на извозот преку Црното Море со Египет, Индија, Обединетите Арапски Емирати, Саудиска Арабија и со САД.

– Сите велат дека блокадата на украинските земјоделски производи е огромен предизвик, не само за Украина или за Русите, туку и за целиот свет – рече Зеленски.

Премиерот на Канада Марк Карни ја поддржа можноста за ограничен прекин на огнот што би ги опфатил житото и енергетската инфраструктура. Прекините во украинскиот извоз, според него, особено ги погодуваат земјите во Африка и на Блискиот Исток.

Нови санкции наместо чекање

Канадскиот премиер смета дека САД можат да одиграат клучна улога. Ги спомена и индискиот премиер Нарендра Моди и претседателот на ОАЕ, Мохамед бин Зајед, меѓу лидерите што промовираат слични иницијативи.

– Канада е подготвена да ги поддржи сите овие идеи – рече Карни.

Отава паралелно подготвува нов притисок врз Москва. Новиот пакет санкции треба да опфати компоненти што Русија ги користи во балистичките ракети.

Канада планира да ги заостри ограничувањата и за руската „флота во сенка“ и за финансиските услуги.

– Нема да седиме и да чекаме резултати – рече Карни.

Тој најави продолжување на притисокот и врз оние што ѝ помагаат на Русија во војната.

Канада влегува во ФРЕЈА

Балистичките ракети беа друга голема тема на средбата. Канада ќе се приклучи на ФРЕЈА, паневропска програма за развој на антибалистичката одбрана на Украина.

Целта е производство на поевтини пресретнувачи во големи количества. Тие треба да бидат одговор на руските балистички ракети.

Украина се надева дека првиот систем ќе го добие до крајот на годинава. Зеленски претходно разговараше со одбранбени компании во Норвешка, а разговорите сега продолжуваат и во Канада.

– Овој напор се мери во месеци, а не во децении – рече Карни.

Додека новите системи не станат достапни, Украина останува зависна од американските системи „Патриот“ и од нивните пресретнувачи.

Зеленски рече дека Киев продолжува да им верува на американските партнери, но се огради од целосна доверба.

– Секако дека им веруваме на Американците. Но, преговорите се тежок предизвик. Вклучени се многу различни интереси, па затоа веруваме, но и проверуваме – рече Зеленски.

The post ЗЕЛЕНСКИ ЌЕ ПОЧЕКА ЗА ТРОЈНА СРЕДБА, СЛЕДАТ ИЗБОРИ ВО РУСИЈА „Штом чујат дека преговараме, ги засилуваат нападите“ appeared first on plusinfo.mk.