Кандидатот за градоначалник на Град Скопје од редовите на ВМРО-ДПМНЕ и коалицијата, Орце Ѓорѓиевски, вечерва на телевизијата Канал 5 порача дека очекува убедлива победа во вториот круг од локалните избори што ќе се одржат во недела, на 2 ноември.

– Не победив во првиот круг поради малата излезност, но верувам дека овојпат граѓаните ќе излезат во многу поголем број и ќе ја потврдат нашата заедничка победа – изјави Ѓорѓиевски.

Тој додаде дека досега немало толку голема разлика во поддршката меѓу двајца кандидати за градоначалник на Скопје, како што е моменталната од 60.000 гласови меѓу него и неговиот противкандидат од Левица, Амар Мециновиќ.

Во дебатата „На дуел кај Иван“, Ѓорѓиевски го обвини противкандидатот дека лажно се претставувал пред јавноста.

– Вие цело време тврдевте дека сте политиколог и пример за младите, а вечерва признавте дека немате завршено високо образование. Тоа е првата работа. Втората е дека се нарекувате дете на транзицијата, а двајцата ваши родители се вработени во државни институции цел живот – изјави Ѓорѓиевски.

Во делот на програмата за чисто и уредно Скопје, тој ја повтори својата позната изјава дека градот може да биде исчистен за само 72 часа.

– Стојам зад тоа што сум го ветил. Имаме 117 камиони, од кои само 17 се исправни. Имаме план, визија и поддршка од општествено одговорни компании и граѓаните. Скопје ќе биде чисто – не само во центарот, туку на секоја микролокација – потенцираше Ѓорѓиевски.

Кандидатот на коалицијата предводена од ВМРО-ДПМНЕ истакна дека под негово водство локалната самоуправа го спречила носењето на ДУП кој предвидувал изградба на дури 99 згради во Расадник.

– Нема да дозволиме нова урбанизација и бетонизација на сметка на граѓаните. Расадник ќе остане зелена зона, а не бетонска џунгла – рече Ѓорѓиевски.

Тој тврдеше дека уште од првиот круг било очигледно дека Левица има поддршка од ДУИ.

– Имаме фотографии и докази. Кандидатот на Левица и кандидатот на ДУИ од Тетово беа заедно по изборите, а има и снимки од нивни средби во Собранието. Тоа јасно покажува во која насока се движи нивната соработка – изјави Ѓорѓиевски.

Ѓорѓиевски најави зголемување на капацитетите на „Лајка“ и создавање безбедни зони околу училиштата и градинките.

– Нема да градиме нови стационари, туку ќе ги прошириме постоечките во рамки на Вардариште и мега паркот што ќе го изградиме таму. Ќе има повеќе осветлување, столпчиња за пешачење и катни гаражи на неколку локации – во центарот, Карпош, Чаир и Кисела Вода – додаде тој.

The post ЃОРЃИЕВСКИ УБЕДЕН ВО ПОБЕДА ВО ВТОРИОТ КРУГ Скопје ќе биде чисто за 72 часа, спречена е изградба на 99 згради во Расадник appeared first on plusinfo.mk.

Кандидатката за градоначалник на Скопје од редовите на СДСМ, Каја Шукова, во својата програма вети изградба на 15 нови паркови за 15 месеци и засадување на 10.000 дрвја во првата година.

Таа истакна дека зелените површини се клучни за квалитетот на животот на граѓаните и дека градот ќе добие стратегија за нивна заштита и проширување.

Тргнувајќи од потреба за стратегија за заштита и проширување на своите зелени простори, Шукова поголеми зелени површини и билошка разновидност во градот со план во три фази:

На краток рок програмата на Шукова најавува заштита на постојните паркови и зелени површини од дополнителна урбанизација. Во оваа фаза е предвидено засадување на 10.000 нови дрвја низ градот рехабилитација на запуштените градини и паркови.

Спроведување на институционални и технички реформи на ЈП „Паркови и зеленило“ и повторно сопствено производство на цвеќиња и садници во ова јавно претпријатие.

На среден рок во програмата на Шукова е предвидено создавање нови паркови во густо населените области коишто моментално немаат доволно зелени површини, како и развој на зелен појас околу градот што ќе ги ограничи урбаното ширење и загадувањето.

Во третата фаза, на подолг рок предводено е поврзување на сите паркови и зелени површини во една мрежа на „еколошки коридори“.

Во оваа фаза се планира заштита на биолошката разновидност во и околу градот преку специјални програми за заштита на домашните видови и создавање урбани градини и земјоделски површини во соработка со локалните заедници.

The post СКОПЈЕ ЌЕ СТАНЕ ПОЗЕЛЕНО Шукова најави план за 15 паркови за 15 месеци appeared first on plusinfo.mk.

Преку соопштение ВМРО-ДПМНЕ ја обвини СДСМ и претседателот, Венко Филипче, дека активно поддржуваат бугарска пропаганда во Македонија, со цел да ги негираат македонскиот идентитет, култура и државни интереси. Според владејачката партија, однесувањето на структури во СДСМ е „срамно и антимакедонско“, а зад сè стојат лични бизнис интереси и пари од Бугарија.

„Структури на СДСМ поддржуваат опасна бугарска пропаганда која има за цел негирање сè што е македонско. Амбасадорот на бугарските интереси и пари во Македонија е СДСМ и Венко Филипче“, се наведува во соопштението.

Од ВМРО-ДПМНЕ велат дека не е случајно што постојан мета на критики од СДСМ и од структури поврзани со официјална Софија е лидерот на ВМРО-ДПМНЕ и премиер, Христијан Мицкоски, кого го опишуваат како „предводник на политиката за заштита на македонските интереси“.

„Јасно е зошто се нападите врз ВМРО-ДПМНЕ и пред сè врз Мицкоски. Тој е пречка за распродажбата на државата, затоа што се грижи за секој еден граѓанин и го брани националниот интерес“, велат од партијата.

Понатаму, во соопштението се потенцира дека однесувањето на структури од СДСМ е срамно, особено затоа што, како што тврдат од ВМРО-ДПМНЕ, тоа се прави под влијание на бугарски финансиски интереси.

„Срамно е однесувањето на структурите од СДСМ кои поддржуваат бугарска пропаганда, а сето тоа за да си заштитат лични бизнис интереси“, обвинуваат од ВМРО-ДПМНЕ.

Според партијата, граѓаните јасно знаат кој се грижи за Македонија, а кој ја распродава државата за сопствена корист. Како што велат, ВМРО-ДПМНЕ ќе продолжи да се бори против сите форми на странско влијание кои ги поткопуваат македонските вредности и идентитет.

„Секој еден граѓанин ги има прочитано внатрешните структури што се вклучени во ваква антимакедонска пропаганда. Секој знае кој навистина го брани интересот на Македонија“, велат од ВМРО-ДПМНЕ.

The post „СДСМ И ФИЛИПЧЕ РАБОТАТ ЗА СОФИЈА“ Лидерот на опозицијата е гласник на антимакедонска пропаганда, велат од ВМРО-ДПМНЕ appeared first on plusinfo.mk.

Претседателот на СДСМ, Венко Филипче на прес-конференција соопшти нови имиња на кандидати за претстојните локални избори, кои денеска биле утврдени на состанокот на Извршниот одбор на партијата. Како најголемо изненадување, за кандидат за градоначалник на Град Скопје е предложена потпретседателката на СДСМ и поранешна министерка за животна средина, Каја Шукова.

– За кандидат за Општина Битола – претседателот на Општинската организација Методија Куновски, во Валандово актуелниот градоначалник Перо Костадинов, во Виница претседателот на Општинската организација Гоце Милевски, во Зрновци претседателот на ОО Ванчо Митев, во Кавадарци регионалниот партиски координатор Виктор Велевски – рече Филипче на прес-конференцијата.

Тој истакна дека за Општина Карпош кандидатка за градоначалник ќе биде д-р Маја Мојсова Миовска, поранешна директорка на Клиниката за анестезија, реанимација и интензивно лекување (КАРИЛ), додека на Општина Кисела Вода Горан Трајковски, кој е поранешен директор на Државен пазарен инспекторат.

– Во Општина Маврово Ростуше кандидат ќе биде Анес Ахмети, во Општина Ново село Петар Спасов, во Петровец Елизабета Зелениковска, во Прилеп претседателката на ОО Петра Лукаровска, во Радовиш партискиот претседател Ристо Спасов, во Свети Николе Дејан Гичев, во Општина Чашка актуелниот градоначалник Горан Стојановски, во Општина Брвеница Светлана Митревска Анџелковска – рече Филипче.

The post КАЈА ШУКОВА ЌЕ СЕ БОРИ ЗА СКОПЈЕ Филипче откри 16 имиња на кандидати за градоначалници appeared first on plusinfo.mk.

ВМРО-ДПМНЕ жестоко го нападна лидерот на СДСМ, Венко Филипче, обвинувајќи го за, како што велат, „неспособност, додворување на Бугарија и отворен напад врз Велика Британија“. Од владејачката партија реагираа по неговите последни јавни настапи, обвинувајќи го и за прикривање на кандидатот за Град Скопје.

„Иако Бугарите насекаде низ Европа велат дека ние сме нивна покраина, а македонскиот јазик нивен дијалект, Филипче ќе се истепа да ги внесе во Устав. Па што да очекуваме повеќе од бугарскиот ас во Македонија – тандемот Заев и Филипче?“, стои во реакцијата на ВМРО-ДПМНЕ.

Од партијата обвинуваат дека Филипче отворено се ставил на страната на Русија и Кина, по неговиот напад на стратешкиот договор кој Владата го постигна со Велика Британија.

„Филипче само што ја обвини Велика Британија за корупција! Тоа го прави единствено Русија. Ние пак, со гордост го поздравуваме потпишувањето на договорот со една од најмоќните светски сили и економии“, велат од ВМРО-ДПМНЕ.

Од партијата потенцираат и дека СДСМ сѐ уште нема кандидат за Скопје.

„Филипче штотуку потврди дека нема кандидат за Град Скопје. Јавно го повикуваме Мишко Ралев – дали ќе ја прифати кандидатурата? Дотолку СДСМ е на колена што никој не им се нафаќа да биде кандидат“, стои во изјавата на ВМРО-ДПМНЕ.

The post „ФИЛИПЧЕ ЈА БРАНИ БУГАРИЈА, А ЈА НАПАЃА БРИТАНИЈА“ Остра реакција на ВМРО-ДПМНЕ на лидерот на СДСМ appeared first on plusinfo.mk.