Според податоците на Министерството за внатрешни работи, излезеноста била 56,87 отсто, што е помалку од изборите во 2019 година, кога излегле 57,78 отсто од запишаните избирачи.

Меѓутоа, поради пропорционалниот модел, Нова демократија засега не го обезбедува потребниот минимум од 151 пратеник за да формира еднопартиска Влада, па така можно е на крајот од јуни или почетокот на јули да се одржат нови избори.

Во парламентот место обезбедуваат пет партии, кои успеаја да го поминат изборниот праг од три отсто.

The post НОВА ДЕМОКРАТИЈА ВОДИ СО ПОВЕЌЕ ОД 20 ОТСТО ПРЕД СИРИЗА Сепак, мала е веројатноста Мицотакис да формира влада, можни се нови избори appeared first on plusinfo.mk.

Пратеникот на ДУИ, Арбер Адеми истакна дека неговата партија во работната група ќе предложи една изборна единица со пет посто праг и со отворени листи. Тој посочи дека прагот од пет отсто е во функција за да се обезбеди политичка стабилност.

– Ако господинот Трајанов сака да има загарантирано пратеничко место доживотно, ајде да разговараме и за тоа, но во рамките на работната група. Треба да бидеме конструктивни. Токму поради овие причини, Демократски сојуз беше против отворени листи за советници, бидејќи така целата јавност ќе дознае кој колку тежи во политичката сцена и затоа беа против – рече Адеми.

Одговарајќи на новинарско прашање за изјавата на претседателот и пратеник на Демократски сојуз, Павле Трајанов дека ниту ДУИ, ниту било која од албанските партии самостојно не може да го достигнат овој праг, Адеми рече дека ова „не е блеф и оти ДУИ поддршката што ја уживаа може да се потврди и да се направи проста математика дали пет отсто е достижно или не“.

Пратеникот на СДСМ, Миле Талевски истакна дека неговата партија ги поддржува измените на Изборниот законик, со оглед на тоа дека, како што посочи, тие биле првата политичка партија којашто во својата програма уште во 2016 година внесе предлог за една изборна единица.

– Ги поддржуваме законските измени во делот на препораките од ОБСЕ и ОДИХР. Во делот на прагот, во делот на отворените листи и со оглед на тоа дека Изборниот законик секогаш се носел со консензус апелираме преку дебата, преку дијалог во работната група да се утврдат потребата од отворени листи, потребата од праг. Битно е да се дискутира и зеднички како политички партии да го предложиме Изборниот законик и да го изгласаме тука во Собранието – рече Талески.

Пратеникот на ВМРО-ДПМНЕ, Никола Мицевски потенцира дека неговата партија ќе даде поддршка на една изборна единица откако ќе се договорат другите работи.

– Став на ВМРО-ДПМНЕ во однос на една изборна единица е тоа дека не се мешаме во внатре коалициските комбинаторики на владејачките партии и конфликтите кои што постојат меѓу нив по однос на овој процес затоа што гледаме дека од една страна имаме лицемерие дека поддржуваат една изборна единица. А од друга страна, втора година имаме закочен  процес на закон кој што е во процедура. Ние ги повикуваме ДУИ и нивниот подизведувач СДС да се произнесат по оваа прашање, затоа што играта на лош и добар полицаец продолжува од овие две политички партии. Имено, ако одреден временски период во изминативе години ВМРО-ДПМНЕ им беше крива затоа што немаа една изборна единица, а им е дел од коалициското ветување уште од седумнаесетта година на владејачкото мнозинство, се уште ги држат помалите политички партии во коалиција со оваа ветување – рече Мицевски.

The post ВМРО-ДПМНЕ ЌЕ ГЛЕДА СЕИР ДУИ е за изборен праг од 5 отсто, СДСМ ќе размислува appeared first on plusinfo.mk.

Тој истакна дека препораките на ОБСЕ/ОДИХР треба да бидат дел од Изборниот законик и дека тука не треба да постои никаква дилема.

– Ние како партија ги разбираме препораките во насока на зголемување на квалитетот на избирачкиот процес, а што се однесува на процентот на изборниот праг кој според предлогот треба да изнесува 2 проценти, јавноста треба да знае дека минимумот според ОБСЕ/ОДИХР изнесува 1 процент. Сепак, ние изразуваме целосно разбирање со помалите партии и го прифаќаме секое решение што ќе го договорат со власта – рече Мицкоски.

Лидерот на најголемата опозициска партија во земјава го поздрави донесувањето на Резолуцијата за заштита на македонскиот идентитет и македонската посебност, со која, како што рече, јасно се оцртуваат националните црвени линии за македонскиот јазик, историјата и идентитетот.

– Содржината на Резолуцијата остана таква каква што беше доставена и ние сме многу среќни поради тоа. Благодарни сме на политичките субјекти кои искрено ја поддржаа Резолуцијата. Знаеме дека зборот на власта не трае ни 5 минути, но сметаме дека ваквата Резолуција како акт не смее да биде прекршен од оваа и од секоја идна влада. Овој процес во нормални услови требаше да биде воден од власта, а не од опозицијата, но за нас и за Македонија е голем успех тоа што донесовма таква Резолуција. Ние како партија ќе останеме посветени на евроинтеграцијата и заштитата на македонските национални и државни интереси. Македонија мора да научи да гради национален и државен консензус кој нема да зависи од тоа дали некој поради незнаење ќе создава нови спорови кои ќе го принудат македонскиот народ на нови преговори – рече Мицкоски.

Тој истакна дека за нас како држава не постои друга алтернатива освен Европската Унија.

– Друга алтернатива освен ЕУ не постои. Македонија треба веднаш да ги започне преговорите со Унијата, бидејќи тоа го заслужуваме веќе цела една деценија. Следна таква можност е Самитот кој ќе се одржи во декември годинава – посочи Мицкоски.

Лидерот на ВМРО-ДПМНЕ одговарајќи на новинарско прашање во однос на коалиции за локалните избори истакна дека се подготвени да преговараат за коалиција со сите партии кои се против Заев и коалицијата на власт.

– Ставот на ВМРО-ДПМНЕ го имам јас соопштено неколку пати во минатото ќе го повторам, сите оние политички субјекти коишто ценат дека Владата, власта во случајот предводена од СДСМ и ДУИ како мнозински партии, водат погрешни политики и водат политики коишто се на штета на мнозинството граѓани, на штета на државата, сите тие политички субјекти коишто ги споделуваат ова чувство, мислење, тврдење се добредојдени во коалиција со ВМРО-ДПМНЕ и ВМРО-ДПМНЕ е подготвена со сите тие да разговара и да преговара за коалиција уште пред одржување на првиот круг на локалните избори. Тоа ги вклучува тука и партиите на Албанците, Турците, Власите, Србите, Бошњаците, Ромите, Египќаните, македонските политички партии сите се добредојдени. Секој оној којшто има чесна намера и секој оној којшто мисли дека оваа власт ја води Македонија во пропаст е добредојден – нагласи Мицкоски.

The post Мицкоски за изборниот праг: Ќе го прифатиме секое решение што ќе го договорат помалите партии и власта appeared first on plusinfo.mk.

Граѓанските здруженија се жалат дека е невозможно да се соберат 10.000 потписи во време на летни одмори, само во работно време и само во некои зафрлени подрачни канцеларии на Државната изборна комисија (ДИК), а револтот е голем и кај речиси сите помали политички партии, кои, освен што се противат на зголемувањето на изборниот праг, бараат тој да се намали на само 1 отсто или воопшто да го нема.

Од друга страна, наспроти лидерите на големите партии во земјава, претседателот Стево Пендаровски повикува да се почитува препораката на ОБСЕ/ОДИХР која предвидува непосредно пред избори да нема менување на изборните правила. Сепак, ако е неопходно да се направат измени во овој период, посочува Пендаровски, тогаш тие треба да се направат со поширок политички и општествен консензус постигнат не само помеѓу власта и опозицијата, туку и со организациите од граѓанскиот сектор.

– Ставот на претседателот Стево Пендаровски е дека треба да се оди со понизок изборен праг со цел да се овозможи поголемо учество на граѓаните во изборниот процес – велат од Кабинетот на Пендаровски.

Стравот лозјето го чува

Измените на Изборниот законик на два месеца пред избори само го прикажува лажното владеење на големите политички партии, но и стравот што го чувствуваат овие политички субјекти од реалниот граѓански сектор, вели политичкиот аналитичар Синиша Пекевски.

Предлогот да се воведе изборен праг од 2 отсто претставува јасна слика за тоа колку големите политички партии не го имплементираат вистинскиот демократски живот во Македонија.

Синиша Пекевски Политички аналитичар

– Предлогот да се воведе изборен праг од 2 отсто претставува јасна слика за тоа колку големите политички партии не го имплементираат вистинскиот демократски живот во Македонија. На овој начин тие го кочат демократскиот процес, а нивната цел е да ги заштитат сите бенефиции што сега ги уживаат. Со менувањето на Изборниот законик на само два месеца пред локалните избори во октомври, не само што се кршат препораките на ОБСЕ/ОДИХР, туку директно се кршат и законите. Но, ние веќе се навикнавме да се кршат закони во Македонија – вели Пекевски.

Аналитичарот Марко Трошановски од Институтот за демократија за Радио Слободна Европа објаснува дека овие измени кои се најавуваат се недемократски потег на Владата со кои се намалува плурализмот на политичката понуда.

– Ваквите најавени измени се огромен удар врз демократизацијата на општеството. Измените сами по себе ги устоличуваат политичките партии како единствени актери во политичката игра и единствени кои би можеле да им дадат некаква понуда на граѓаните. Со самото ова, гласот на граѓаните како носител на суверенитетот, вклучително и суверенитетот на земјата, сериозно се подрива – вели Трошановски.

Министерот за правда Бојан Маричиќ, пак, вели дека станува збор за компромисен предлог меѓу политичките партии и оти прагот, според него, е достижен за оние кои имаат поддршка од граѓаните.

Со воведувањето на прагот, како што објасни премиерот Зоран Заев, во една општина со 50.000 избирачи треба да се соберат 1.000 потписи, додека во Градот Скопје за некој независен кандидат да се натпреварува ќе треба да се соберат над 9.000 потписи, за разлика од моменталната регулатива која предвидува само 1.000 потписи.

Невозможна мисија

Да се соберат 10.000 потписи во време на летна сезона, во рамки на работното време и во некои зафрлени подрачни канцеларии на Државната изборна комисија (ДИК) е практично невозможно да се изведе, реагира граѓанската коалиција „Зелен хуман град“, која брои 20 здруженија.

Ваквата измена во Изборниот законик, велат оттаму, е ништо друго освен недемократски и противуставен потег.

– Ако гледаме во апсурдноста на целите овие промени – за да регистираме една политичка партија во нашата држава потребни се само 1.000 потписи, таа политичка партија може да делува насекаде во државата во сите изборни едници, а независните избирачки листи со овие предлози треба да соберат 10.000 потписи за да делуваат само на подрачјето на Град Скопје. Ако тоа не е апсурд, тогаш јас не знам што е – вели Горјан Јовановски од „Зелен хуман град“.

Претседателката на ДОМ, Маја Морачанин, вели дека предложените проценти се многу високи и најавува амандмани кога измените ќе дојдат на дневен ред во Собранието.

– На граѓаните кои не се членови на политички партии треба да им се олесни можноста да се вклучат во локалната власт, односно тој процент да биде подостапен за нив. Предложените проценти се навистина многу високи – изјави Морачанин.

Сличен став дели и Моника Зајкова, пратеничка од ЛДП, која вели дека не гледа потреба во тоа да се постават какви било изборни прагови, а кога веќе треба да има праг, додава таа, тогаш тој не треба да биде поголем од 1 процент.

– Не гледаме потреба за ставање какви било изборни прагови, ама доколку е неопходно да се има такво ограничување, тогаш прагот не треба да биде повисок од еден процент. И ние преку амандмани ќе се обидеме да се избориме за оваа цел – истакна Зајкова.

Предоцна за промени

ОБСЕ/ОДИХР препорачува шест месеци пред избори да не се чепка Изборниот законик, како и изборен праг од 1 отсто, вели лидерот на Левица, Димитар Апасиев.

– Ова е перверзија што ја прави СДСМ и не можам да сфатам зошто во целата приказна влегува и ВМРО-ДПМНЕ. Со измените на Изборниот законик десеткратно ќе се зголеми бројот на потребни потписи за независни листи на кандидати за советници и за градоначалници. Мислам дека во СДСМ чувствуваат голем страв, бидејќи новите дечки кои се појавуваат како зелени им одземаат многу гласови. Ова нема да помине без тензии – предупреди Апасиев.

Мислам дека во СДСМ чувствуваат голем страв, бидејќи новите дечки кои се појавуваат како зелени им одземаат многу гласови.

Димитар Апасиев Претседател на Левица

Тој ја демантираше изјавата на премиерот Зоран Заев дека не се работи за договор само помеѓу големите партии, туку дека во изработката на предлог-законот учествувале сите политички партии, вклучително и Левица.

– Точно е дека присуствувавме на средбите во Клубот на пратеници, но за праг од два отсто за независните кандидати воопшто не беше разговарано на тие состаноци – рече Апасиев.

Вчера Левица поднесе над 500 амандмани на измените на Изборниот законик.

И партијата Демократски сојуз смета дека со измените на Изборниот законик флагрантно се кршат препораките на ОБСЕ/ОДИХР за забрана за измени на изборните правила шест месеци пред избори.

„Иако како главна причина за промени на изборните правила се наведуваат препораките на ОБСЕ/ОДИХР, со самиот факт дека измените на Изборниот законик се носат два месеца пред одржувањето на локалните избори, флагрантно се кршат токму препораките на ОБСЕ/ОДИХР за забрана за измени на изборните правила шест месеци пред избори. Скандалозен е предлогот за определување цензус од 2 отсто собрани потписи од запишаните избирачи како услов за пријавување на независни кандидатски листи, што има за цел да ги елиминира граѓанските листи и да обезбеди чист терен за големите политички партии од власта и опозицијата“, соопшти партијата на Павле Трајанов.

Во Извештајот на набљудувачката мисија на ОБСЕ/ОДИХР за последните локални избори во 2017 година се наведува дека треба да се размисли за стандардизирање на потребниот број потписи за независни кандидати на најмногу еден процент од регистрираните гласачи во согласност со меѓународната добра практика.

The post Големите партии пред нос им ја затвораат вратата на независните листи appeared first on plusinfo.mk.