Поранешниот градоначалник на Струмица, Костадин Костадинов, се огласи на социјалните мрежи по завршувањето на вториот круг од локалните избори, коментирајќи ги резултатите и иднината на СДСМ.

– Да, СДСМ изгуби. Честитки за победата на ВМРО-ДПМНЕ и секако за демократскиот капацитет на нацијата, секаде, но особено во Кичево – напиша Костадинов.

Тој нагласи дека, и покрај поразот, партијата не е целосно изгасната и има потенцијал за реформи и ребрендирање.

– СДСМ може и мора да помине низ сериозен филтер, да се реформира и да се ребрендира, што ќе ѝ овозможи да остане втората најсилна партија во Македонија – додаде Костадинов.

Според него, фокусот на партијата не треба да биде само на брзо менување на власта, туку на зајакнување на улогата во рамките на опозицијата.

– СДСМ мора да биде отворена за сите и да создаде платформа во која ќе се најдат што поголем број на помали групи, па дури потоа да стреми кон нешто повеќе. Време е за длабински анализи, тешки промени, тешки одлуки, дебати и многу, многу работа – изјави Костадинов.

На крајот, тој им честиташе на сите учесници на изборите, како на победниците кои ќе бидат градоначалници, така и на оние кои ќе седнат во советите на градовите.

The post ЧЕСТИТКИ ДО ВМРО-ДПМНЕ, ОСОБЕНО ЗА КИЧЕВО Костадинов проговори за реформите и иднината на СДСМ appeared first on plusinfo.mk.

„Ако околу нешто се обединуваат членовите на СДСМ, тоа е мислата дека ова сега не е добро и дека треба да престане. Луѓето бараат промени, радикален рез, а некаде велат – како со сатар. Јас затоа се залагам за радикален дисконитинуитет со досегашната пракса во СДСМ и за нов почеток“.

Ова во поткастот на Плусинфо го вели Јован Деспотовски, човекот кој прв ја објави својата кандидатура за изборите на претседател на СДСМ, што ќе се одржат в недела на 30 јуни.

Деспотовски најавува радикален рез во кадровската политика во СДСМ.

– Ниту еден член на досегашното раководство на СДСМ нема да биде дел од мојот тим, од новото раководство. Тука нема да има никакви компромиси – вели тој.

Деспотовскуи зборува и за тоа зошто впечатокот дека поранешниот претседател Зоран Заев има сериозно влијание врз изборот му штети на изборниот процес,  но ѝ штети на партијата.

Во разговор со новинарот Бранко Героски, Деспотовски ги анализира и причините за поразот на изборите и за падот на СДСМ во последните години.

– Ние ги изгубивме и цврстината и ставовите и на крајот се сведовме на кираџија во сопствената влада – вели тој.

The post 🎥 ВО СДСМ МОРА ДА СЕ ПРЕСЕЧЕ КАКО СО САТАР Ниту еден од сегашното раководство нема да биде дел од мојот тим, ветува Деспотовски   appeared first on plusinfo.mk.

„Создадовме перцепција кај граѓаните дека ние од нешто се откажуваме, дека ние нешто предаваме, дека ние сме предавници. Се доведовме во ситуација дека сме се откажале од нашите идеали, дека сме се откажале од Гоце, дека сме се откажале од АСНОМ“.

Овие зборови се дел од анализата на Александар Бајдевски за причините на катастрофалниот пораз на СДСМ на изборите на 8 мај. Во поткастот на Плусинфо, Бајдевски, еден од четворицата кандидати за нов лидер, отворено зборува за фактот дека раководството на СДСМ не ги послушало и граѓаните, но и членовите на партијата, дека она што се заговара во врска со францускиот предлог и промената на Уставот нема да помине.

– Ние малку се подзаборавивме и се подзагубивме, а го изгубивме и другарството меѓу себе – искрено вели Бајдевски.

Тој смета дека не ни треба нов СДСМ, ниту дека на СДСМ му треба нов почеток, туку дека на СДСМ му треба едно враќање назад, но во идеолошка смисла. Додава дека СДСМ е државотворна партија и со пиетет говори за придонесот на Киро Глигоров, Бранко Црвенковски, Владо Бучковски, Радмила Шеќеринска и Зоран Заев.

Во интгервјуто со новинарот Бранко Героски, Бајдевски зборува за своето долгогодишно партиско искуство, за тоа како го замислува партискиот живот како иден претседател на СДСМ, како и за некои свои интересни идеи и иницијативи во економската политика.

Ова е второ интревју во кое Плусинфо ги претставува кандидатите за претседател на СДСМ, што ќе биде избран на изборите в недела на 30 јуни. Во поткастот на Плусинфо веќе гостуваше Славјанка Петровска, а утре (петок, 28 јуни) ќе гостува Јован Деспотовски. Венко Филипче ја одби поканата за интервју.

The post 🎥 НЕ НИ ТРЕБА НОВ, ДА ГО ВРАТИМЕ СТАРИОТ, ДРЖАВОТВОРЕН СДСМ Создадовме перцепција кај граѓаните дека ние сме предавници, вели Александар Бајдевски appeared first on plusinfo.mk.

Тоа е јасно како бел ден. Особено сега, откако ги видовме листите на Бихаќка за евакуација од бродот што тоне.

Мудрецот, пак, вели дека победата има илјада татковци, а поразот е сирак.

Тоа е така затоа што мудрецот не станува во пет и пол сабајле за да вежба во теретана.

Како Таче наш.

Да станува и да вежба, не би зборувал глупости.

Бидејќи, може да се случи овој пораз на СДСМ и да не биде баш сирак.

Имено, според неверојатното и тажно сценарио што го слушнав деновиве, токму овој пораз на СДСМ – според очекувањата, можеби тоа ќе биде најтежок дебакл во историјата на партијата! – сепак, ќе има еден татко.

Погодувате, Димитар Ковачевски.

Звани Таче.

Досегашната “логика на нештата”, која некои ја нарекуваат и политичка култура, им наложуваше на партиските лидери кои доживуваат изборни порази да се повлечат од челните позиции и кормилата на своите “титаници” да им ги препуштат на некои нови маченици.

Се сеќавате, нели, така и Ковачевски беше октроиран за лидер на СДСМ, по поразот на Зоран Заев на локалните избори во 2021 година. Заев поднесе оставка и го донесе Таче за раче. И на Бихаќка и на чело на владата.

Но, сценариото што го слушнав јас вели нешто друго: по поразот на 8 мај, Ковачевски не планира да поднесе оставка од челната позиција во партијата. Својата одлука да остане претседател на СДСМ, тој ќе ја образложи со два аргумента.

Првиот можеби има некаква логика – октроиран или не, човекот немаше на располагање цел мандат да покаже што знае и што умее. За среќа…

Вториот “аргумент” ќе биде класична манипулација. Во СДСМ уште сега се ложат на тезата дека после победата, ВМРО-ДПМНЕ нема да успее да состави политичка влада, па странците ќе притиснеле да се стокмела широка коалиција, односно концентрациона влада, која ќе ги донела уставните промени и ќе го продолжела “патот кон ЕУ”.

И нормално, нема подобар претставник на СДСМ за една таква блесава влада од Ковачевски, кому политичката култура не му е јака страна. Ако е потребно, за ова ќе лобирале и западните амбасади.

Накусо, според најновите информации од “фронтот за Европа”, ова прилично смешно и преглупо сценарио е единствената шанса на Димитар Ковачевски да го преживее поразот на СДСМ на изборите.

Има ли реални шанси Таче на крајот да ги зафркне сите?

Не сите. Но, некои да.

А еве и зошто.

Формирањето на новата влада на чело со победничката ВМРО-ДПМНЕ ќе биде сложена операција, која ќе изискува многу добра волја, солидна вештина на играчите, но и време. Сакам да кажам, не е исклучено процесот да потрае.

Е, токму во тоа “меѓувреме”, Таче ќе ја искористи шансата да организира онлајн општи избори во СДСМ, на кои ќе ја потврди својата лидерска позиција.

Претендентите на тронот на поразениот СДСМ – а такви има! – ќе мора да се судрат со Ковачевски и да го победат во битка. А тоа, како што е познато, во СДСМ ретко се случува. Или никогаш. Фраерите на Бихаќка секогаш се опседнати со идејата да демонстрираат лажно единство и секоја кавга да ја завршат со козарачко коло.

И затоа, ако Таче сепак одлучи да не поднесе оставка по поразот на 8 мај, најверојатно неговиот наследник ќе биде – Таче од теретаната.

Ете, ова е најсмешната од неколкуте новости што ги слушнав за театарот во СДСМ.

Не дека е нешто особено важно сево ова што го изнаприкажав, но ајде да ја почнеме неделата во добро расположение и сите ние што сме надвор од теретаните.

И да викнеме сложно:

И по Таче – Таче!

Хех…

ПС. Го овластувам Тричко филозофски да го опее овој маневар на Ковачевски. Кога ќе дојде време за тоа. И ако дојде, се разбира. Нема поголем мајстор за пишување панегирици.

The post И по Таче – Таче?! appeared first on plusinfo.mk.

Од едната страна се, како што вели тој, „нормалните луѓе што се спремни да ја бранат Македонија од лудаците“. Од другата страна, пак, е списокот имено на „лудаците“ и на „сераторите“.

Со оглед на тоа што во Тричковите дихотомии се говори само за „ненормалноста“ на ВМРО-ДПМНЕ и за „нормалноста“ на СДСМ, јасно е дека и пописот не може да биде поинаков. Со таа нијанса што тој во последно време нешто помалку зборува за СДСМ, а повеќе за Владата, зашто веројатно и нему му е јасно кој во Владата трева коси, а кој вода носи.

Списоците се големи и опфаќаат и политичари, интелекталци и други јавни личности, но најинтересни се списоците на новинарите и на медиумите.

Ова е дел од списокот на црвените елеци меѓу новинарите. Според Тричковски, пропагандата на Владата и на СДСМ почива на следниве лица и медиуми:

• Џабир Џерала и Цивил Медиа;
• Зоран Бојаровски и Рацин (нов портал);
• Медуза и Трн (нови портали);
• Петрит Сарачини;
• Жарко Трајановски;
• Јане Ѓорѓиоски;
• Ненад Јовановиќ од Кавадарци;
• Ацо Лукаровски од Фејсбук;
• Ацо Кабранов и Либертас;
• и други.

Освен мојата маленкост, како Тричков архи-непријател (заедно со Владе Милчин, неизбежно), во последните постови јас озлогласен главно поради моето „фрфљање“, на списокот на „лудаците“, според главниот пропагандист на СДСМ, се и следните медиуми и новинари:

• Медиумите генерално („Северна Македонија е единствена држава во која сите медиуми се под контрола на опозицијата“, вели Тричковски);
• Сите новинарски здруженија: ЗНМ, СЕММ и Синдикатот на новинарите (МАН не се спомнува, но би требало да се подразбира);
• Сител, Телма, Алфа;
• Сунаи Сабриоски (и Тричко не пропуштил да му удри заушка на младиот новинар на ТВ24);
• Жанета Трајковска („матица на медиумските кретени“);
• Горан Михајловски („ако го изберете Горан тоа значи дека автоматски сте ја елиминирале Жанета“);
• Младен Чадиковски („будала на привремена работа како крупие во Фламинго казиното на корупцијата“);
• Ива (Биљана Секуловска?);
• Мирка Велиновска („сите во едно – свето стотство“);
• други.

Ова „други“ е важно, бидејќи во разни постови по разни поводи, Тричковски спомнува уште многу новинарски имиња, повеќе и помалку важни. Најчесто да ги исплука, но понекогаш и некои да пофали.

Е сега, да им објаснам нешто на другарчињата од СДСМ.

Точно е тоа дека сите ние одамна знаеме дека на Тричко Врабецот му диши главата. Метафорички кажано. И тоа не е спорно, ниту е предмет на расправа.

Јас сум сигурен дека луѓе од СДСМ деновиве убедуваат дел од луѓето на списокот на „лудаците“ дека партијата нема врска со Тричковиот попис, дека тоа што го пишува шапшалот не било партиска нарачка и слично.

Но, другарчиња од СДСМ, да си знаете една работа: апсолутно никој не ви верува!

Сите знаат дека Тричко функционира исто како оној Саше будалиот и оној Рубин од Прилеп. Нема суштинска разлика. Евентуално во принадлежностите.

И на Заев, кога ги убедуваше жртвите на оваа новинарска Ал каеда дека СДСМ нема врска со нивните атаци, никој не му веруваше. Бидејќи знаевме дека човекот лаже.

И сега сите знаеме кој стои зад ова манијачење на Тричковски.

Другарчиња од СДСМ, дури и да ви простат некои од „лудаците“, тие нема да ги заборават Тричковите тешки думи, кои може да ги смисли само човек отруен од длабока омраза.

И кога ќе се сетат на неговите зборови – а ќе се сетат, немајте дилеми – пред очи ќе им се појават вашите црвени елеци.

Така функционира тоа, верувајте.

Што и да надроби Мирка за мене, јас неа ја паметам од седенките во Синиот клуб (штабот на СДСМ) и покрај Глигоров. Тоа е Мирка во мојата меморија.

Што и да излае Тричко денес, јас совршено точно знам кои се тие негови 40.000 и кусур причини поради кои му се лути на ВМРО-ДПМНЕ и таа една, единствена причина поради која мене ме мрази од дното на душата.

Џабе ќе се убедуваме, драги другарчиња од СДСМ. Си се знаеме сите во нашата релативно мала новинарска заедница.

А најважно од сѐ, сите знаеме од каде дува ветрот.

Уште од времето на Никола Груевски, па и годиништа пред тоа, а посебно во времето на Зоран Заев, политичарите за чија сметка се правеа списоци на „нормални“ и „луди“ новинари, однапред биеја изгубени битки.

Извесноста од уште една изгубена изборна битка е прапричината за овој паничен Тричков попис.

Не можете да победите кога централни фигури на пропагандата ви се луѓе кои јавно им се подбиваат и јавно ги мразат Македонија и Македонците. Па како тоа не ви беше јасно?!

Свесен сум и за тоа дека и вие, другарчиња од СДСМ, сте во паника. Но, нема да ве советувам што да правите. Се потрошија и моите совети, кои ионака беа попусти, бидејќи јас изгледа одамна сум на списокот на непријателите и на овој најнов СДСМ. Судбина. Јас и многу други, а богами за некои никогаш не би помислил…

Нејсе, џабе сега муабети. Големи сте, знаете што правите.

Штом сте ги облекле црвените елеци, сте кинисале.

Веројатно ви е јасно каде.

The post Тричко ги пребројува новинарските црвени елеци, СДСМ после ќе се чуди зошто ги изгубил изборите! appeared first on plusinfo.mk.