Државната изборна комисија (ДИК) на денешната седница донесе одлука за исплата на средства за членовите на општинските изборни комисии и на членовите на избирачките одбори за локалните и повторените избори во 11 општини коишто имаат блокирани сметки.

Станува збор за 107.201.924 денари за општините Арачиново, Делчево, Пехчево, Тетово, Струга, Кривогаштани, Василево, Желино, Гостивар, Врапчиште и Зрновци, а средствата ќе бидат префрлени на наменските сметки на општините за локалните избори.

Како што објасни претседателот на ДИК Бојан Маричиќ, средствата на Државната изборна комисија ѝ се префрлени со одлука на Влада.

Локалните избори во земјава се одржаа на 19 октомври, а на 2 ноември 2025 година се одржа вториот круг. Повторени избори имаше во четири општини, меѓу кои и Гостивар, на 11 јануари годинава.

The post ЧЛЕНОВИТЕ НА ИЗБИРАЧКИТЕ ОДБОРИ КОНЕЧНО ЌЕ ГИ ДОБИЈАТ ПАРИТЕ Донесена одлука за исплата во 11 општини кои имаат блокирани сметки appeared first on plusinfo.mk.

Државната изборна комисија (ДИК) утре ќе ги објави конечните резултати од првиот круг на локалните избори, одржани на 19 октомври. Како што најави претседателот Борис Кондарко на денешната 150. седница на Комисијата, резултатите ќе бидат објавени за сите општини поединечно, откако ќе заврши постапката по тужбите поднесени пред Управниот суд.

„Планиравме резултатите да бидат објавени денеска, но постапките пред Управниот суд сè уште траат и дел од рочиштата се закажани за доцна вечерва. Затоа ќе ја продолжиме седницата утре, кога ќе ги објавиме конечните резултати за сите општини“, изјави Кондарко.

Тој додаде дека во текот на утрешниот ден Комисијата ќе го објави и прегледот на општините каде што нема поднесени тужби и каде гласањето е завршено, како и општините во кои ќе се одржи втор круг на избори.

Разрешени избирачки одбори во Шуто Оризари

На денешната седница, членовите на ДИК донесоа одлука за разрешување на членовите на избирачките одбори во две избирачки места во Општина Шуто Оризари, каде што Управниот суд го поништи гласањето.

„Сметаме дека се направени пропусти при спроведувањето на изборната постапка. Затоа мораме да интервенираме и да назначиме нови избирачки одбори кои ќе го спроведат гласањето во вториот круг. За избирачкото место 2962 се однесува постапката за избор на градоначалник, а за избирачкото место 2966 – за избор на советници“, изјави претседателот на Комисијата.

Според него, ДИК нема да ангажира избирачки одбори од Општинската изборна комисија Шуто Оризари, туку искусни членови од други општини кои успешно го спровеле првиот круг од изборите.

„Ова е порака дека нема да се толерира никакво незаконито работење. Членовите на избирачките одбори кои направиле пропусти не само што ќе бидат разрешени, туку ќе бидат преземени и сите неопходни мерки за заштита на изборниот процес“, додаде Кондарко, упатувајќи дека Обвинителството може да ја разгледа документацијата и евентуално да отвори постапка.

Над 1.500 акредитирани набљудувачи

Вкупниот број на акредитирани набљудувачи за локалните избори изнесува 1.565. Од нив, 94 се домашни, а 651 меѓународни набљудувачи. Меѓу нив има и 14 странски новинари.

Комисијата денеска одобри дополнителни шест набљудувачи за Европскиот парламент и 97 за Здружението за развој на општествено-социјални иновации „Вејк ап“ – Скопје.

Дополнително, ДИК донесе одлука за определување авансни средства во висина од 8.000 денари по рута за вработените кои се задолжени за транспорт на доверливиот изборен материјал и уредите за биометриска идентификација.

Комисијата, исто така, разгледа девет приговори за лично избирачко право. По извршената проверка, три приговори беа одбиени како неосновани, а шест беа прифатени.

The post ДИК ГО ЧЕКА СУДОТ Утре конечни резултати, но Обвинителството може да се вклучи за Шуто Оризари appeared first on plusinfo.mk.

Во Избирачкиот список се запишани и во странство би требало да отпатуваат 191 лице кое во дипломатските претставништва и конзуларни канцеларии во вторник на 23 април ќе ги спроведат изборите.

Гласање на Претседателските избори 2024 година, врз основа на прифатените 2.571 пријави на наши државјани, треба да се спроведе во Абу Даби каде се пријавени 26 наши државјани за гласање, во Белград – 31, Берлин – 260, Берн – 186, Бон – 164, Брисел – 93, Вашингтон – 34, Венеција – 79, Виена – 123, Детроит – 34, Загреб – 87, Канбера – 31, Копенхаген – 74, Лондон – 87, Љубљана – 332, Минхен – 166, Мелбурн – 64, Њујорк – 85, Осло – 41, Париз – 44, Прага – 52, Рим – 30, Стокхолм – 85, Торонто – 117, Хаг – 65, Чикаго – 88, Анкара – 18, Варшава – 23, Мадрид – 18, Пекинг – 12 и Софија – 22.

Другите наши граѓани кои живеат во странство своето право на глас можат да го остварат во избирачките места во земјата.

Организацијата и спроведувањето на двојните избори е во тек. ДИК ја започна дистрибуцијата на недоверливиот материјал, додека доверливиот материјал ќе започне да се дистрибуира во недела.

Гласањето е во среда на 24 април, а ден претходно гласаat дијаспората, болните и изнемоштените, лицата во притвор и затворениците.

The post ЗА ДЕСЕТИЦИ ГЛАСАЧИ ОКОЛУ 200 ЧЛЕНОВИ НА ОДБОРИ ЌЕ ЛЕТААТ ОКОЛУ СВЕТОТ НА ДРЖАВЕН ТРОШОК Во Пекинг се пријавиле дури 12 луѓе за гласање appeared first on plusinfo.mk.

– Мислам дека доколку има потреба и доколку се потребни на работните места каде сега се целосно ангажирани, на третман на пациентите со ковид, во оној систем на ротација може да се ослободат. Не работат сите лекари и здравствени работници цело време. Тие ротираат. Oколу 3.000 здравствени работници се членови на избирачките одбори избрани во 2016 година. Тие луѓе веќе имаат искуство и дополнително може да имаат искуство и во советите за превентивните мерки  што ќе треба да се спроведат на гласачките места. Во разговорот претставниците на ДИК рекоа дека бројот на барање за изземање е многу сличен на сите претходни изборни активности. Меѓутоа, мислам дека овој проблем прво не е така голем, меѓутоа ако се наметне, може да се изменаџира и со систем на ротации лекарите да бидат ослободени, ако треба – објасни Филипче, одговорајќи на новинарско прашање по посетата на Скопскиот аеродром.

Во врска со новиот директор на Центарот за јавно здравје, Александар Стојанов, кој доаѓа по разрешувањето на Арбен Зибери, министерот информира дека административна процедура треба да заврши денеска.

– Колку што јас знам, решението е пратено и по пошта, меѓутоа физички новиот директор го примил решението. Мислам дека денеска треба да се заврши таа административна процедура – истакна Филипче.

На прашањето за пациентка која е на дијализа и е ковид-позитивна, а е хоспитализирана, Филипче објасни дека се појавил проблем со овие случаи.

– Се појави проблем со пациентите кои се на дијализа, а кои се  ковид-позитивни зашто центрите каде што сега се прави дијализа, се регистрирани како дневни и таму пациентите не може да се лекуваат. Тоа направи мало изместување на утврдената стратегија со давање под концесија на центрите за дијализа. Се наметна ситуацијата сите позитивни пациенти кои треба да прават дијализа, да се лекуваат само во „8 Септември“ – рече Филипче.

The post Филипче: Со ротација може да се изменаџира ангажманот на здравствените работници во избирачките одбори appeared first on plusinfo.mk.