Премиерот Христијан Мицкоски oчeкува СДСМ да го повика избеганиот поранешен директор на ЕСМ Васко Ковачевски да се врати во земјава и да се соочи со правдата.

Одговарајќи на новинарско прашање во однос на тоа дека СДСМ продолжува со повикот дека поранешниот премиер Никола Груевски треба да одговара, тој рече:

– Па јас поврзано со таа тема, тоа што имав да кажам, го кажав во текот на вчерашниот ден и немам што да додадам. Мораме во државата да имаме подеднакви услови за сите, без разлика кој бил, како бил, дали некој е сегашен, дали некој е поранешен висок функционер и тука не треба да има никаква дилема, никој. Барем додека е оваа Влада и додека сум јас претседател на Владата. Но, она коешто загрижува е фактот дека од опозицијата сѐ уште не ја научија лекцијата. И сѐ уште живеат во оној свој паралелен свет, па никако не можете да слушнете, да речеме да го повикаат Васко Ковачевски да се врати и да се соочи со правдата. И се чудам зошто на нивните прес-конференции, доколку сакаат и планираат да бидат реална алтернатива на оваа Влада, не можете да го сретнете името на Васко Ковачевски и да го повикаат исто така да се врати и да се соочи со правдата.

Мицкоски очекува од СДСМ да биде критички и да се однесува критички како сега, кога високи функционери од претходната Влада на СДСМ, поранешни премиери, претседатели на Влада, нивни блиски од семејството и така натаму, ќе бидат опфатени со одредени прогони.

– Имам чувство, не велам дека имам информации, имам чувство. Очекувам дека и тогаш кога тоа ќе се случи, исто така ќе имаат вакви прес-конференции и тогаш нема да велат дека тоа е политички прогон, туку истите тие ќе ги повикаат да одговараат пред органите, односно да ја докажуваат својата невиност – рече Мицкоски.

The post ЗОШТО СДСМ НЕ ГО ПОВИКА ВАСКО КОВАЧЕВСКИ ДА СЕ ВРАТИ И ДА СЕ СООЧИ СО ПРАВДАТА? Мицкоски очекува опозицијата да биде критички настроена и кога нејзини функционери ќе се соочат со прогон appeared first on plusinfo.mk.

Германскиот канцелар Олаф Шолц се заложи за обезбедување заштита на руските регрути кои бегаат од Русија и бараат заштита во Германија, објавија денеска германските медиуми.

– Јас сум за обезбедување заштита на овие луѓе – рече Шолц во интервју за весникот „Ноје оснабрикер цајтунг одговарајќи на прашањето дали регрутите кои нема да одговорат на повикот за мобилизација во Русија треба да добијат политички азил.

Тој додаде дека пред да се обезбеди заштита, треба да се извршат брзи безбедносни проверки на секој поединечен апликант.

– Се разбира, пред да обезбедиме заштита, секој апликант мора да го подложиме на темелна безбедносна проверка бидејќи треба да знаеме кого пуштаме во земјата – рече канцеларот.

Претходно, министерката за внатрешни работи, Ненси Фесер, се залагаше за обезбедување заштита на руските дезертери, но германската влада најави дека сака да најде решение „на ниво на ЕУ”.

Најголемата опозициска партија, Унијата ЦДУ/ЦСУ, претходно се спротивстави на давање заштита на луѓето кои сакаат да избегнат мобилизација во Русија.

Откако рускиот претседател Владимир Путин најави мобилизација на околу 300.000 луѓе на 21 септември, многу Руси бараат начини да не бидат мобилизирани и испратени во војна во Украина. Десетици илјади луѓе веќе ја напуштија Русија, заминувајќи во Казахстан, Грузија и други земји.

The post ШОЛЦ БАРА ДА СЕ ЗАШТИТАТ ИЗБЕГАНИТЕ РУСКИ РЕГРУТИ Секој апликант темелно да се провери appeared first on plusinfo.mk.