Основниот граѓански суд Скопје после 4 години донесе пресуда со која делумно го усвои тужбеното барање од Орце Тодоровски, поранешен директор на штабот на ВМРО-ДПМНЕ и заменик генерален секретар на партијата, како и актуелен помошник генерален директор во МРТВ, против Данела Арсовска, поранешна градоначалничка на Скопје, како и Град Скопје, поради клевета и навреда.

Според пресудата, судот утврдил дека на прес-конференцијата одржана на 6 декември 2022 година Арсовска изнела невистинити тврдења со кои му нанела штета на угледот и честа на Тодоровски. Изјавите се однесувале на наводна набавка на 150 автобуси од Унгарија и тврдења дека Тодоровски посредувал за исплата на провизија.

Судот оцени дека со ваквите изјави е сторена клевета, поради што Данела Арсовска е задолжена да му исплати на Тодоровски 100.000 денари како надомест на нематеријална штета.

Со пресудата, Арсовска е задолжена и јавно да ја објави изреката од пресудата на сопствен трошок во два дневни весници, како и во иднина да се воздржи од изнесување исти или слични невистинити и навредливи тврдења.

Одговорност утврди и за Град Скопје, кој солидарно со Арсовска ќе треба да ја надомести штетата и да ја објави изреката од пресудата во согласност со судската одлука.

The post ДАНЕЛА АРСОВСКА ОСУДЕНА ЗА КЛЕВЕТА Треба да му плати 100.000 денари на Орце Тодоровски appeared first on plusinfo.mk.

Во македонската политика долго време недостигаше едно нешто, а тоа е чувство дека државата разговара со Европа исправено, а не со наведната глава и подвикан ‘рбет. Затоа пораките што премиерот Христијан Мицкоски ги испрати денеска од Охрид, по средбата со Андреј Пленковиќ, заслужуваат внимателно читање, а не автоматски аплауз или автоматска осуда.

Да се каже дека Македонија останува посветена на Европската Унија, а истовремено да се признае дека процесот одамна престана да биде чисто европски и се претвори во билатерален лавиринт не е радикализам. Тоа е констатација што денес тешко може сериозно да се оспори.

Проблемот не е во Европа како идеја. Проблемот е што Македонија со години добиваше порака дека секоја нова отстапка ќе биде „последната“. Секој компромис требаше да ја отвори вратата, а секоја нова врата водеше до нов услов. Во таква атмосфера, сосема е природно кај граѓаните да се создаде чувство дека критериумите не се исти за сите.

Токму затоа изјавата дека „нема повеќе идентитетски отстапки“ не треба да се чита како антиевропска порака, туку како обид конечно да се постави црвена линија. Секој државник што има минимално чувство за себе би го направил истото. Европа не смее да бара од земјите-кандидати да се откажуваат од сопственото чувство за национален континуитет за да докажуваат дека се „доволно европски“.

Секако, ваквиот став носи ризици. Полесно е да се ветува брз напредок отколку да се соопшти дека можеби ќе следува подолг и потежок пат. Но политиката не е само трговија со надеж, туку и управување со реалноста. А реалноста е дека Македонија предолго влегуваше во непринципиелни преговори на своја штета во кои однапред бевме ставени во дефанзива.

Добро е што премиерот Мицковски паралелно зборува и за реформи, за Планот за раст и за Реформската агенда. Затоа што ако веќе европскиот пат е блокиран од политички причини, тогаш единствениот разумен одговор е државата внатрешно да стане поевропска, со институции, економија и систем, а не само со декларации.

Особено важна е и пораката дека партнерствата во регионот мора да се градат стратешки. Договорот со Хрватска не е спектакуларна геополитика, но е пример како се создаваат сојузништва со држави што поминале низ сличен пат и знаат што значи долгото чекање пред европските порти.

Секако, оваа влада ќе треба да покаже дека зад цврстата реторика има и реални резултати. Патриотизмот без реформи брзо се претвора во политички фолклор. Но исто така е точно дека реформите без достоинство ја претвораат државата во вечен кандидат што постојано нешто докажува, а никогаш не стигнува до целта.

Република Македонија не треба да се откажува од Европа. Но, исто така, не треба повеќе да се однесува како ученик што постојано бара дозвола да биде тоа што е. Европа може да нè прифати или да нè одбива, но конечно мора да разбере дека Македонија и Македонците имаат достоинство, став и национална самосвест и дека повеќе не сакаат да чекорат кон Европа со свиткан ‘рбет.

The post Конечно, глас и јазик што не звучат понижено appeared first on plusinfo.mk.

На меѓународните берзи денеска барел нафта се тргуваше за помалку од 107 долари. Намалувањето на цената на нафтата се должи на пораките од САД за брзо завршување на војната со Иран и поминувањето на супертанкер низ Ормуска Теснина.

На берзата во Лондон попладнево барел нафта се тргуваше за 106,84 долари, што е за 4,44 долари помалку во споредба со вчера.

На американската берза нафтата поевтини за 3,70 долари во споредба со вчера и барел изнесуваше 100,45 долари.

The post ЦЕНАТА НА НАФТАТА ПАДНА ПОД 107 ДОЛАРИ ЗА БАРЕЛ! Берзите реагира на најавите за скоро завршување на војната appeared first on plusinfo.mk.

Македонската асоцијација на новинари (МАН) остро реагира на заканите, непрофесионалниот и понижувачки однос од премиерот Димитар Ковачевски кон новинарите од Телма ТВ.

„Незаконски (клевета, навреда и понижување) и спротивно на сите професионални стандарди, морал и етика, е односот на премиерот Ковачевски кон сите новинари и медиуми, а во случајов јавно ги понижува новинарите од Телма ТВ со квалификација дека се продале.

Димитар Ковачевски е познат по постојани закани, навреди, омаловажувања и притисоци врз новинарите и медиумите, исто како и неговиот претходник Зоран Заев.

Освен на Телма, тој ѝ се закануваше и на МРТ, Алфа ТВ, Канал 5, од собраниска говорница повика на правосуден линч против новинарот Драган Павловиќ – Латас, а да не заборавиме дека оваа власт е лидер по нарачаните истраги, процеси и прогони против професионалните медиуми и новинари. Оваа власт ќе остане запаметена како најрепресивната против слободата на медиумите и слободата на говорот“ – се вели во реакцијата на МАН.

Македонската асоцијација на новинари (МАН) најавува дека ќе ја извести Светската федерација на новинари за сите закани, притисоци, навреди, клевети и понижувања од власта предводена од Димитар Ковачевски и претходно од Зоран Заев, соопшти организацијата.

The post ПОНИЖУВАЧКИ ОДНОС НА КОВАЧЕВСКИ КОН МЕДИУМИТЕ Реакција од МАН на заканувачките изјави на лидерот на СДСМ appeared first on plusinfo.mk.

Со овие измени се укинува „согласноста за вработување“ па институцијата ќе може да вработува само со изјава од раководно лице на институцијата дека се обезбедени средства за вработување.

– Секој министер ќе одлучува колку нови луѓе му требаат и тие треба да бидат во согласност со буџетот на институцијата. Во случај да се надмине буџетот одговорноста паѓа врз министрите. Тие претходно ќе пишуваат изјава дека ќе вработуваат согласно буџетот, а ако го надминат ќе одговараат кривично – рече на брифингот со новинарите министерот за финансии Фатмир Бесими.

Фатмир Бесими не смета дека со ова ќе настане хаос од вработувања во јавниот сектор, напротив, според него, со ова се става ред. Тој додаде дека доколку станува збор за претпријатија кои се загубари и ако имаат потреба од нови вработувања, одлука за тоа ќе носи владата.

The post „СОГЛАСНОСТ ОД ФИНАНСИИ“ ОДИ ВО ИСТОРИЈАТА По нова година секоја државна институција сама ќе одлучува за нови вработувања appeared first on plusinfo.mk.

Ова се главните поенти од прес-конференцијата по денешната средба на заменик-помошникот државен секретар на САД Габриел Ескобар со премиерот Димитар Ковачевски.

На прашањето за почетокот на уставните промени, Ескобар воздржано изјави дека САД се задоволни од тоа што процесот почнал и се надеваат дека ќе продолжи.

Новинарите го прашаа Ескобар да ја прокоментира изјавата на лидерот на опозицијата Христијан Мицкоски дека странски дипломати вршат тортура врз опозицијата да ги прифати уставните променe.

– Сакам јасно да посочам дека САД не избира влади во земјите на НАТО, меѓутоа поставуваме очекување и единствената работа за која ќе зборувам е да ја дадам истата порака која што ширам во регионот – САД ги гледа како природни партнери оние кои што се посветени на евроинтеграциите, НАТО и на борбата против корупција. Исто така, сакам да слушнам и да имам многу отворена размена на гледишта и се надевам дека ќе имаме повеќе по состанокот да ѝ кажеме на јавноста – рече Ескобар.

Ковачевски на прес-конференцијата изјави дека нов договор нема да има, ниту ќе има можност за репреговарање на преговарачката рамка.

– Она што ние треба да направиме како политичко лидерство е да обезбедиме непречен процес на зачленување на Северна Македонија во полноправно членство во ЕУ. По членството во НАТО, Северна Македонија треба да стане членка на Европската Унија, бидејќи Европската Унија е нашата единствена алтернатива и директен интерес на граѓаните и барање на граѓаните – рече Ковачевски.

Тој изрази благодарност за придонесот на САД во сите процеси, како и за личните заложби на Ескобар, како во однос на развојот на Северна Македонија, така и во неговите лични заложби за унапредување на регионалната стабилност на Западен Балкан.

Ова е видео од прес-конференцијата на Ескобар и на Ковачевски:

The post САД НЕМА ВРЗ НИКОГО ДА ВРШАТ ТОРТУРА За уставните промени ќе се дебатира толку долго колку што е потребно за да се донесе правилна одлука, потврди Ковачевски appeared first on plusinfo.mk.

„Родовата рамноправност е основно човеково право кое е вградено во меѓународната правна рамка и е од суштинско значење за создавање на еднакво општество. Жените и девојките ширум светот и понатаму се соочуваат со системска дискриминација и маргинализација, а феминистичкото движење, предводено од жени и сојузници, има клучна улога во оспорувањето на штетните родови норми, преку застапувањето за родова еднаквост.

Изјавите како онаа на Владиката Петар единствено служат за овековечување на штетните родови стереотипи и ја зајакнуваат дискриминацијата на жените. Со сугерирањето дека жените кои ги бараат своите права треба да бидат подготвени да извршуваат повеќе должности, владиката Петар во суштина тврди дека жените треба да бидат казнети затоа што се залагаат за сопствените права. Ова не само што е длабоко неправедно, туку е и спротивно на принципите на еднаквост и правда што сите ние се стремиме да ги почитуваме.

Бараме Поглаварот на МПЦ ОА г.г.Стефан и Светиот Архиерејски Синод на МПЦ ОА-Јустинијана да го разреши г. Петар од должноста Митрополит и негово целосно расчинување заради повреда на Уставот на Република Северна Македонија и повреда на основните човекови права и слободи.

Ова барање произлегува од непоправливоста на Митрополитот Петар во своето однесување, со кое произнесува ретроградни и антицивилизациски ставови кои се спротивни на христијанството како религија.

Воедно бараме да се активира Одлуката на САС на МПЦ за расчинување на Митрополитот г. Петар донесена од Синодот под претседателсво на г.г. Гаврил која е извршна и е стапена во сила на денот на донесувањето 14 јуни 1990 година.

Би сакале да го потсетиме Владиката Петар дека правата на жените се човекови права и дека феминизмот и борбата за рамноправност на жените и еднакви можности е клучна за создавање праведно општество. Наместо да го осудуваме феминистичкото движење и да го обвинуваме за општествени прашања, треба да работиме заедно кон креирање на општество кое ја прифаќа различноста, промовира рамноправност и обезбедува прстап кон еднакви можности за сите поединци“ – се вели во реакцијата на Платформата за родова еднаквост.

The post СЕ БАРА ОД МПЦ-ОА ВЛАДИКАТА ПЕТАР ДА „ЛЕТА“! Платформата за родова еднаквост тврди дека неговите изјави за жените се кршење на Уставот appeared first on plusinfo.mk.

Ќиро, сам по сам беше легенда. Сите го сакаа, без разлика на сите негови маани. Беше јак на уста, а кога ќе кажеше нешто – кажано беше.

Во негова чест, се обидовме да ги собереме неговите најинтересни анегдоти и изјави:

– Злато мое, многу ми беше ладно, сета среќа што не се помочав – одговори Ќиро Блажевиќ на новинарското прашање: зошто толку многу скокавте покрај клупата?

– Нема ништо подобро од новинарството. Имаш власт, им ја пиеш крвта на луѓето со сламка, па уште и добиваш пари за тоа – изјави за НОВА ТВ во Португалија.

– Тајната е тајна додека случајно или неслучајно не ја дознае Ќиро Блажевиќ. Тогаш веќе станува сензација – изјави тој во моментот кога во Динамо му соопштија дека Манџукиќ оди во Манчестер Сити за 22 милиони евра.

– Тој е толку многу левак што десната нога ја користи само за да може да се качи во автобус – изјави Блажевиќ за Калстром.

– 6:0 е голем резултат, но некако може да се издржи. Сепак, 7:0 е посебна бламажа – рече Ќиро по победата на Аргентина над Србија и Црна Гора.

– Најголемиот порок ми е пи*ка. Вагината, да бидам малку културен, е чудна работа. За неа се воделе војни, се губеле глави. Додека не дојде до тоа парче месо, човек може да полуди. По консумацијата обично почнува да се кае. А затоа и настанала онаа стара народна поговорка „после е*ење нема каење“.

– Мајка ми сакаше да бидам свештеник. Ја послушав и заминав во манастир. Таму сретнав преубава монахиња, се викаше Аурора. Кога ја видов, хашимага (асоцијација за машки полов орган) веднаш скокна. Тогаш си реков на себеси, Ќиро, ова не е работа за тебе, секој ден мораш да плакнеш очи и да го секираш хашимага, а не смееш да ја правиш онаа работа. Побегнав од манастир.

– Потентните мажи мораат да „шараат“ на страна. Тоа им е еден вид тренинг за натпреварот со својата сопруга. Дали има полоша работа од тоа да ја е*еш својата жена и да броиш туѓи пари? Јадете грав секој ден, па да видиме дали нема да ви здосади.

– Правев операција на простатата. За време на оперативниот зафат може да настрада нервот кој е многу важен за секс. Ми беше страв. Лекарот ми даде некакви капсули за стимулација. Во истот момент кога ја испив првата капсула, хашимага ме потсети на периодот од неговата младост и неговото дивеење. Тоа е единствениот афродизијак што сум го користел во животот. Ќиро е 100% потентен.

The post СЕ ЗАЉУБИЛ ВО МОНАХИЊА, ПА ПОБЕГНАЛ ОД МАНАСТИРОТ Најлудите изјави на легендарниот Ќиро Блажевиќ appeared first on plusinfo.mk.

Директорот на ДПИ, Ардиан Муслиу за МИА изјави дека вчера бил извршен вонреден инспекциски надзор на УКИМ, а Решението за изземање на двете изјави од документацијата што студентите ја доставуваат за упис, било издадено усно поради итноста, односно поради тоа што е во тек електронското аплицирање на кандидатите за запишување на факултетите и поради рокот определен за запишување на кандидатите кој истекува за неколку дена.

Надзорот на ДПИ ги потврдил поплаките на студентите, односно е констатирано дека во електронска апликација, iKnow-системот за упис на студентите во академска 2022/2023, покрај останатите документи кои треба електронски да ги пополнат, задолжително треба да пополнат и подоцна, при нивната достава во хартиена форма, да потпишат Изјава за неконкурирање на друг универзитет и Изјава за неподигање документи.

Со изјавата за неконкурирање на друг универзитет, кандидатот се обврзува да конкурира само на една од единиците на Универзитет „Св. Кирил и Mетодиј“ – Скопје и на ниту еден друг универзитет, додека со Изјавата за неподигање на документите кандидатот се обврзува дека во рок од три месеци нема да ги подигне оригиналните документи кои ги доставил при уписот.

Наведените изјави задолжително требало да ги пополнат и потпишат сите апликанти за запишување на прв циклус на студии во академската 2022/2023 година на сите единици на Универзитет „Св. Кирил и Методиј“-Скопје.

– Наведеното е спротивно на член 27, став 2, алинеја 1 од Законот за високото образование, како и спротивно на член 158, став 5, од Законот за високото образование – рече Муслиу за МИА и соопшти дека претставникот на субјектот на надзор изјавил дека уште веднаш ќе се обрати до службениците задолжени за одржување на iKnow-системот да ги тргнат изјавите од електронската апликација.

Директорот на ДПИ посочи дека поради итноста односно затоа што е во тек електронското аплицирање за упис на факултет, како и поради рокот определен за запишување на кандидатите кој истекува за неколку дена, согласно член 83, став 6, од Законот за инспекциски надзор, од страна на советниците државни просветни инспектори задолжени за постапување по предметот, дадено е усно Решение за изземање на двете изјави од документите кои студентите треба да ги пополнат, потпишат и достават при аплицирање за студирање на прв циклус на студии на единиците на Универзитетот „Св. Кирил и Методиј“.

Решението на ДПИ, исто така, наложува и да биде доставена информација до сите единици на Универзитетот во иднина да не ги бараат наведените изјави. Согласно Законот за инспекциски надзор, ќе следува и Решение за отстранување на незаконитоста во работењето на Универзитетот „Св. Кирил и Методиј“.

The post НЕ ИМ БАРАЈТЕ НА СТУДЕНТИТЕ ИЗЈАВИ Инспекторите го искараа УКИМ appeared first on plusinfo.mk.

Тој пред камерите покажа документи кои пратениците од опозицијата ги потпишале и ги завериле на нотар, а со кои ветуваат дека нема да прифатат промена на Уставот.

– Сакам јасно и гласно да се знае дека ништо не е готово, а народот не смее да очајува. Борбата продолжува и ќе победиме. Информацијата којашто денеска помина во Собранието нема никакво значење затоа што рамката ја усвојува Владата. Затоа, обврските кои произлегуваат од преговарачката рамка, а тоа е промена на Уставот со цел внесување на Бугарите, нема да помине во македонското Собрание. За тоа гаранција е ВМРО-ДПМНЕ и коалциијата. Народот може да биде спокоен. Ова не е 2019 година. Ова што го држам во рацете се документи потпишани од пратениците од опозицијата и заверени на нотар, а во кои се вели дека пратениците ветуваат дека нема да дозволат отворање на македонскиот Устав. Сите овие изјави се нотарски заведени. Нема отстапување ниту милиметар. Нема чекор назад, оти зад нас остана сѐ што имаме – порача Мицкоски.

Тој му се заблагодари на народот кој масовно излезе на улиците и не само што покажал дека Македонија е жива, туку демонстраирал невидена енергија.

– Многумина приоѓаа и многумина даваа поддршка. Ова не беше битка ниту моја, ниту на партијата. Заслугата е на народот. Илајдници луѓе излегоа на улиците и кажаа што мислат за францускиот предлог – рече Мицкоски.

The post ПРАТЕНИЦИТЕ ОД ВМРО-ДПМНЕ ПОТПИШАА ИЗЈАВИ НА НОТАР ДЕКА НЕМА ДА ДОЗВОЛАТ ОТВОРАЊЕ НА УСТАВОТ Мицкоски му порача на народот да биде спокоен appeared first on plusinfo.mk.