Вкупната сума на грантот може да биде од 600 евра како минимален износ до 15.000 евра како максимален износ. Рокот на отплата на кредитите е до 42 месеци со грејс период од 12 месеци, додека отплатата на кредитот ќе се врши квартално по 10 проценти од главнината.

Ова е предвидено со новата бескаматна линија „Ковид 4“ која е дел од петтиот пакет мерки, а за која ќе може да се аплицира откако ќе биде објавен јавниот повик кон крајот на следниот месец.

За мерката се одвоени вкупно 615 милиони денари или 10 милиони евра од Буџетот кои ќе се пласираат преку Развојната банка. Висината на поединечните кредити ќе изнесува од 3.000 до 30.000 евра.

– Условите на оваа линија се направени така да ги наградуваат успешноста во работењето на фирмите, инвестициите и проширувањето на капацитетите. „Ковид 4“ линијата предвидува грантови за успешност во случај доколку фирмите ги зголемат вкупните приходи за 2021 година за најмалку 10 проценти споредено со 2020 година. Тогаш ќе имаат право да побаруваат грант до 30 проценти од кредитот или во случај доколку го зголемат бројот на вработени во 2021 година за најмалку 5 проценти тогаш ќе можат да побаруваат грант од 20 проценти. Доколку пак се исполнат и првиот и вториот услов, кредитокорисникот може да оствари право на грант од 50 проценти – изјави министерот за финансии Фатмир Бесими на денешната прес-конференција во Владата.

Бескаматната линија „Ковид 4“ е наменета за микро, малите и средните претпријатија кои имаат до 250 вработени. Парите се наменети за компании од туризмот, угостителството, ивент индустријата, транспортот, приватните здравстени установи, трговците поединци и занаетчиите кои имаат пад на приходите од најмалку 30 проценти и капитал и резерви не помалку од 33 проценти од износот на бараниот кредит.

Износот на кредитот кој ќе може да го користи одреден субјект ќе зависи од бројот на вработени во јануари, февруари или март 2021 година и падот на приходите во 2020 во однос на 2019 година. Субјектите кои имаат пад на приходите меѓу 30 и 50 проценти, ќе можат да користат кредит по 15.200 денари по вработен, додека субјектите кои имаат пад на приходите повеќе од 50 проценти, ќе може да користат кредит по вработен од 22.000 денари, појасни директорот на Развојната банка, Кире Наумов.

Корисниците на оваа бескаматна линија не можат истовремено да ја користат и мерката за финансиска поддршка за исплата на плати од петтиот пакет, како и кориснците на „Ковид 3“ линијата. Корисниците на „Ковид 1“ и „Ковид 2“ можат да бидат корисници на оваа бескаматна линија само доколку ги подмириле сите досегашни обврски по основ на претходните кредити.

Со претходните три бескаматни линии инјектирани се 44,1 милиони евра во стопанството. Поддржани се 4.078 фирми во кои се вработени 36.802 лица. Со последната бескаматна линија „Ковид 3“ воведена е грант компонентна за микро и мали претпријатија раководени од жени, млади претприемачи, субјекти кои извезуваат или се дигитализираат. Од 62 проценти од кредитокорисниците на „Ковид 3“ се очекуваат барања за грант.

The post Грант до 15.000 евра за најпогодените сектори appeared first on plusinfo.mk.

Опфатени се 12 категории на дејности меѓу кои угостителските објекти кои не работат поради рестриктивните мерки во изминатите 14 дена, потоа ноќните клубови, рестораните за свадби, евент индустријата, фитнес центрите, фотостудијата и приватните детски одмаралишта. Мерки има и за туристичките агенции.

На угостителските објекти ќе им бидат покриени 30 проценти од приходите. Дополнително ќе добијат по 15.200 денари финансиска поддршка за секое вработено лице за што ќе бидат одвоени 9,9 милиони евра со која ќе бидат опфатени 6.000 угостителски објекти со околу 17 илјади вработени.

Со околу 2,5 милиони евра ќе бидат поддржани приватните детски одмаралишта, ноќните клубови, игротеките, рестораните за свабди, евент индустријата, фитнес центрите и фотостудијата. Во оваа категорија, според проценките, спаѓаат околу 1.200 компании на кои ќе им бидат покриени околу 30 проценти од приходите и дополнително ќе добијат поддршка од 15.200 денари по вработен.

Трета мерка се однесува на туристичките агенции со А и Б лиценца за кои се одвоени 1,4 милиони евра.  Агенциите со А лиценца ќе добијат најмногу до 5 илјади евра, а туристичките агенции со Б лиценца до 2.000 евра. Финансиска поддршка од 30.750 денари ќе добијат туристичките водичи и музичарите кои во 2020 година имале просечен месечен нето приход под 15 илјади денари.

Два милиони евра се одвојуваат и за компаниите кои ја реинвестирале добивката во 2019 година. Оваа мерка ќе се реализира преку Развојната банка, а се очекува да им помогне на компаниите да ја зголемат својата ликвидност.

Во шестиот пакет мерки има и бескаматна кредитна линија во висина од еден милион евра со нула каматна стапка која е наменета за медиумите.

– Свесен сум дека позади нас имаме тешка година во која неизвесноста и неможноста да се види јасно сликата и извесниот крај, сите не прави нетрпеливи. Конзистентно и посветено работиме на креирање мерки и решенија кои ја поддржуваат домашната економија. Ги разбирам и оние кои во последниве денови се гласни на улиците, разбирам дека сите се грижиме за својата иднина. Веќе неколку пати повторив и ќе повторам и денес – треба да останеме здрави и живи, а се останато заедно ќе го надокнадиме – порача вицепремиерот задолжен за економски прашања Фатмир Битиќи на денешната прес-конференција на која заедно со економскиот тим на Владата го презентираа шестиот пакет мерки.

Битиќи истакна дека се следат состојбите и екномските параметри и доколку е потребно ќе бидат донесени нови пакети мерки.

– Кога го донесовме петтиот пакет мерки укажавме дека ги следиме состојбите и соосдветно реагираме. Затоа дојде шесттиот пакет мерки бидејќи никој не можеше да предвиди дека во април ќе мораме да донесеме одлука за затворање на угостителскиот сектор. Следиме и се консутлираме со стопанските комори и синдикатите. Ако е потребно, соодветно ќе реагираме. Економскиот тим на Владата е во постојано заседание – нагласи Битиќи.

Фирмите од овие дејности денеска почнаа протести со свои барања кои, како што рекоа, треба да им овозможат да преживеат до нормализирање на работата. Дел од фирмите протестираа и во изминатиот период. Тие сметаат дека досегашната помош од владата не е доволна и немала континуитет. Дел од фирмите се затворени со одлиука на владата поради пандемијата, а дел имаат намалени приходи и за 80 до 100 отсто.

The post Владата понуди пакет мерки тежок 17,8 милиони евра за фирмите кои денеска протестираа appeared first on plusinfo.mk.

Како што е соопштено, тие денеска добиле покана од Битиќи за средба на која треба да се разговара за изнаоѓање решенија за помош на овој сектор.

Од „Ивент индустријата“ поради средбата го ставија во мирување и протестот.

„Заради желбата за прогрес и изнаоѓање на прифатливо и одржливо решение за помош, од утре протестите ќе ги стават во мирување. Нивното повторно обновување ќе зависи од текот на разговорите и од евентуалното решение кое ќе биде постигнато“ се вели во соопштението.

Организаторите на протестите велат дека се свесни за економската состојба на државата, но укажуваат оти тие се една од најзагрозените гранки како последица на корона-кризата, и затоа бараат поголема помош и поддршка од Владата

The post Организаторите на настани и Битиќи утре ќе разговараат за помош на секторот appeared first on plusinfo.mk.

Од ИВАП се жалат дека целата заедница на компании која се занимава и работи во секторот за организација на настани е во незавидна и тешка состојба, а Владата како што велат и покрај тоа што им го ограничила правото да работат, не се обидела да им помогне.

– Веќе една година секторот не работи или работи делумно, со крајно ограничувачки де факто
економски неисплатливи проекти. Тоа значи дека компаниите и вработените се оставени
без основна можност за приход или заработка за живот. Се обидовме да бидеме конструктивни,
придонесуваме во спречувањето за ширење на заразата, не вршевме притисок врз вас и имавме разбирање и за ситуацијата во која сите се наоѓаме. За жал, не го добивме истиот пристап и од Ваша страна – се вели во отвореното писмо до Владата.

Од ИВАП велат дека пакетот мерки кој што бил наменет за нив, ниту е ставен во функција, а ниту пак ќе придонесе за олеснување на нивната состојба.

За итно решавање на проблемите бараат средба до 29 март, во спортивно велат ќе бидат приморани да го искористат правото решенијата да ги бараат на поинаков начин.

– Искрено ве замолуваме да не нé терате нашата едногодишна тишина да ја претвориме во голема
врева, која нема да престане се додека не се исполнат нашите барања – велат од ИВАП.

Претходниот месец од Ивент индустријата изразија незадоволство од петтиот пакет мерки од Владата и го нарекоа „фрлање трошки“.

Мерката 11 наменета за нив, во која се предвидени средства за организација на настани и реализација на проекти од исклучителен јавен и државен интерес, според нив не претставува помош туку реализација на програма и активности на Владата за 2021 година. Не им беше јасно ниту кои се тие проекти од државен интерес, кои ќе бидат критериумите за добивање проект, кој ќе добие помош, за кога се однесуваат проектите и слично.

The post Ивент индустријата: Или средба или радикално ќе го „решаваме“ проблемот appeared first on plusinfo.mk.

Во тој контекст е и мотото „ПОМЕН – една година тишина!“ под кое тие се собраа тука точно напладне, во 12.00 часот, за да искажат револт од ситуацијата во која се наоѓаат. Дојдоа со порака дека без поддршка од државата, не ќе можат да опстанат.

Бројките на ковид -19 заболени, како што посочија, се зголемува, а тоа значи дополнителна неизвесност дали воопшто наскоро повторно ќе почнат со работа.

Маја Бабиќ, претседател на Асоцијацијата на ивент индустријата (ИВАП) рече дека компаниите од оваа дејност бараат неповратна помош, грант, како што добија сопствениците на ноќните клубови, бидејќи проценките се дека падот на приходите во ивент индустријата е повеќе од 60 отсто.

– Баравме да бидеме третирани исто или слично како што беа третирани ноќните клубови. Тие добија грантови од по 10.000 евра. Бараме грант зашто сме една година затворени, но и за да можеме летово нешто да работиме. Буквално сме исцицани. Никаква помош немавме цела година од државата. И предложивме на Владата да има механизми со кои ќе може да се определи вид помош, а тоа значи дека компаниите треба навистина да докажат дека работат во ивент индустријата, дека имаат повеќе од 60 отсто пад на приходот – вели Бабиќ.

Претставници на ИВАП во јануари разговарале со вицепремиерот за економски прашања Фатмир Битиќи. Понудиле решение за нивната индустрија, но, иако добиле ветување дека тоа ќе биде земено предвид и разгледано, Владата воопшто не ги послушала и донела, како што нагласи Бабиќ, свои, неразбирливи мерки.

– Откако беше објавен петтиот економски пакет за кој слушнавме преку медиумите, реагиравме веднаш. Упативме писмо со забелешка дека мерките се несоодветни, дека ивент индустријата е незадоволна, како и дека бара уште еднаш да седне на маса со надлежните и да разговара. Но, нема никаков фидбек од сето тоа. Остануваме на ставот дека мерките не се добри или, кога веќе ги донеле, барем да ги објаснат. Објавија дека ќе дадат помош за секторов, но никој ништо не знае. Само велат, ќе ги организира настаните на државата и толку. Тоа не е помош, туку ангажирање – објасни Бабиќ.

Со овој собир, вели таа, Асоцијацијата сака да го сврти вниманието на Владата, но и на јавноста, за состојбата во која се наоѓа ивент индустријата.

– Како сектор, воопшто не сме препознаени и разбрани, а без помош и поддршка не е возможно да опстанеме по цела година неработење. Деновиве е зголемен бројот на КОВИД заболени што значи дека оваа индустрија уште долго не ќе може да почне со работа. Како одговорни граѓани и компании сметаме дека е неумесно да бараме одржување јавни настани при ваква состојба. Ние не правиме тајни настани, не ги прекршуваме законите и прописите и не и создаваме проблеми на пазарната инспекција. Затоа, сметаме дека немаме друг избор, освен Владата да изнајде начин и да му помогне на овој сектор –  истакна претседателката на Асоцијацијата.

Според неа, во последниот пакет мерки Владата објави дека се наменети средства за секторот -организирање настани, но моделот кој го предложи, ниту некому му е јасен, ниту има најава кога би се реализирал зашто рокови не се дефинирани.

– Ние понудивме неколку модели за помош, но ниту еден од нив не бил земен предвид. Понуден е целосно нов, нејасен модел без рокови и јасни правила што остава простор за сомнеж во неговата правичност и намена. За жа, изведувачките уметности, музиката и јавните настани се вториот најголем губитник од КОВИД пандемијата во Европа и светот, според последното истражување на европската агенција EY Consulting, веднаш зад авио-транспортот и според истражувањата, закрепнувањето на оваа важна општествена гранка мора да биде сериозно поддржано и помогнато од локалните влади – рече Бабиќ.

The post Ивент индустријата крева врева по едногодишната тишина од јавни собири appeared first on plusinfo.mk.

Асоцијација на Ивент индустрија (ИВАП) велат дека се затворени 11 месеци и не оствариле никави приходи.

– Нашите бизниси се пред колапс. Мерките кои ги понуди Владата во претходните пакети за помош
се недоволни и несоодветни за нашиот сектор бидејќи намалувањето на прометот кај нас е и до 100%“. Уште на почетокот на кризата предупредувавме дека сме првите што сме затворени и дека ќе бидеме последни што ќе можат да работат. За жал, нашето предвидување се оствари а во земјава навистина нема можност за организирање на било каков настан на отворен или затворен простор. Ова секако не нѐ погодува само нас организаторите, тука сѐ уште многу други дејности кои трпат значителни штети заради ситуацијата – велат од Ивент индустријата.

Оттаму информираа дека  оствариле средба со вицепремиерот за еконосмки прашања Фатмир Битиќи на која му ја презентирале  комплексноста на секторот и состојбата во која се најдоа.

– Задоволни сме од приемот но сега тоа треба да се претвори и во реална реакција. Доколку Владата итно не насочи помош кон нашата индустрија и доколку јасно не ја вброи нашата индустрија во една од најзагрозените, навистина ќе сметаме дека сме заборавени од сопствената држава – велат од индустријата за организирање настани.

The post Ивент индустријата е во колапс бара да биде вклучена во новиот пакет економски мерки appeared first on plusinfo.mk.