Градежните работи на првата линија на Градскиот воз од Зелениково до Нова железничка станица привршуваат. Од септември ќе се стави во функција градскиот воз на оваа линија, вели директорот на МЖ Инфраструктура, Синиша Ивановски.

Тој информира дека се работи на од Зелениково до главната железничка станица, во должина од околу 25 километри.

– Ова е постоечка пруга, дел од коридорот 10 и одамна е во функција, но не онака како што треба да биде. На делницата се прави реконструкција, комплетно се демонтираше целата пруга, дел од праговите се заменети со бетонски, а другиот дел, кон Скопје, со нови, дрвени прагови. Правевме тестирања и веруваме дека по комплетно завршување на градежните работи до крајот на јуни, ќе може да се вози повторно со проектираните 80 км/ч, за патничкиот сообраќај. Потоа ќе има дополнителни тестирања, но во принцип, овој крак за градски воз би требало од септември да биде во целосна функција – рече Ивановски во интервју за Призма.

Според него, за делниците кон Илинден и кон Ѓорче Петров, градежниот дел ќе биде сличен.

-И на двете места има постоечка пруга, меѓутоа за разлика од таа од Зелениково, на овие делници нема никаков сообраќај и се во многу лоша состојба. Веќе објавивме постапка за двата проекти, и ако успееме да завршиме со проектирање до септември, веднаш ќе има оглас за избор на изведувач на двете траси, за кон крајот на 2026 да почнеме и до крајот на 2027 да ги завршиме – вели тој.

Ивановски појасни дека парите за овој дел од пругата треба да се обезбедат со ребалансот на буџетот.

-Во ребалансот на буџетот ги баравме овие средства, да бидат во развојната програма, дел во 26-та, дел во 27-ма и можеби дел во 2028 година и се надеваме дека ќе ни биде одобрени, приоритет на владата е да имаме градски воз” – вели Ивановски.

Тој вели дека воз за линијата треба да обезбеди МЖ Транспорт.

-Мора да имаме координација со другото претпријатие (МЖ Транспорт н.з.). Им кажавме, ние ќе ги направиме пругите, вие возовите како знаете да ги обезбедите. Дадоа збор дека од први септември, ќе има воз којшто специјално ќе биде наменет за градскиот воз и тој нема да продолжува кон Гевгелија, туку од Транспортен центар до Зелениково, во континуитет. Возниот ред го одредуваат тие, меѓутоа сигурно ќе го има повеќе пати во денот – вели Ивановски.

Тој додаде дека за реализација на проектот ќе мора да помогне и Јавното сообраќајно претпријатие на Град Скопје со линии до железничките станици.

-Градоначалникот даде согласност дека при креирање на возниот ред ќе биде вклучено ЈСП, за синхронизирано собирање на патници од населените места и носење до самата станица. Верувам дека и двете претпријатија, и МЖ Транспорт и ЈСП, ќе најдат ресурси за овој проект да биде функционален бидејќи даваме целосно нова алтернатива за движење и транспорт. Мора да најдат. И јас можам да имам оправдување дека немаме капацитети, но даваме приоритет на градскиот воз за да заживее. Со него ќе имаме извесност, ќе знаеме за колку минути ќе стигнеме до центарот. А со автомобил, дали имало протест, делегација или сообраќаен метеж, нема извесност, па затоа оваа алтернатива за приградските населби е нешто што би требало да биде приоритет и за Град Скопје, и за ЈСП и за МЖ Транспорт- вели директорот Ивановски.

The post ВО СЕПТЕМВРИ ЌЕ ТРГНЕ ВОЗОТ ОД ЗЕЛЕНИКОВО ДО ЖЕЛЕЗНИЧКАТА СТАНИЦА Ивановски вели дека во реализација на проектот ќе се вклучи и ЈСП со пристапни линии appeared first on plusinfo.mk.

Понудата од нула царинска стапка во трговската размена на светот со САД, нема да биде прифатена од американската администрација бидејќи тоа не е нејзина цел, велат експерти.

Според нив, администрацијата на Доналд Трамп има за цел да го намали трговскиот дефицит и јавниот долг, а дел од парите планира да ги обезбеди преку царинската политика. Доколку прифати бесцаринска трговија, според нив, Трамп ќе сака да му наплати на светот за тоа.

– Лично не верувам во сценариото за ослободување од царините, бидејќи е очигледно дека Трамп сака да ги зголеми приходите од царините и на тој начин да го намали трговскиот дефицит со светот, кој во САД се провлекува од Втората светска војна наваму кога доларот стана единствена валута во трговијата. Според тоа, барањата на државите за ослободување од царините во размената со САД не се реално остварливи. Трамп нема да ги прифати ваквите предлози, туку ќе бара да се прифатат неговите барања, со цел да го намали дефицитот и јавниот долг – вели професорот Зоран Ивановски.

Професорот Ванчо Узунов смета дека ако американскиот претседател Доналд Трамп прифати ослободување од царините ќе сака да наплати од светот на друг начин што повторно ќе биде на штета на слободната трговија.

– Тоа би било идеален случај на реализирање на слободната трговија, но Трамп бидејќи во моментов се коцка со светот и води политика на уцена, ако прифати бесцаринска трговија ќе сака да го наплати на некој начин тоа од светот. На пример, ќе бара од земјите да увезуваат повеќе стоки или услуги од САД што ќе влијае негативно на слободната трговија. А како? Некои од стоките кои ќе треба да ги увезе одредена земја од САД можат да имаат пониска цена кај друга земја извозник, а тоа значи дека се нарушуваат конкуренцијата и правилата на слободната трговија. Но да почекаме да видиме која од опциите на преговорите ќе надвладее. Дали ќе попуштат лидерите од другите земји во светот и ќе ја прифатат уцената на Трамп и ќеа му платат или истовремено ќе попуштат двете страни – вели Узунов.

Според него, во целата „коцкарска игра на уцени“ на Трамп губитници ќе бидат граѓаните како на САД кои гласаа за него, така и другите во светот кои со ништо не заслужиле да бидат дел од плановите на Трамп.

Узунов и Ивановски сметаат дека Македонија и ЕУ нема да успее да издејствува 0 царинска стапка, бидејќи за Трамп Македонија не е репрезентативен играч, а Европската унија ќе биде принудена, можеби да прифати некоја од уцените на Трамп.

– Македонија ќе се третира како и остатокот од светот, а Европската унија на крај ќе биде принудена да ја прифати понудата на Трамп за увозот на енергенси од САД со што ќе се намали разликата во трговската размена како што сака и американската администрацијата – вели Ивановски.

Според нив, не може да се предвиди што ќе се случува во трговската војна меѓу двете најголеми економии кинеската и американската бидејќи засега не се знае колку силни се чувствуваат двете економии.

Американскиот претседател веќе одговори дека не е доволен предлогот на Европската унија за целосно, реципрочно ослободување од царините за индустриски производи, вклучително и автомобили и даде предлог Унијата да увезе енергенси во вредност на трговскиот дефицит, кој според пресметките на американската администрација со ЕУ изнесуваат 350 милијарди долари.

Европската унија и нашите експерти сметаат дека Трамп не ги зема предвид вредностите на извозот на услуги и затоа трговскиот дефицит со ЕУ е далеку повисок според пресметките на САД. ЕУ тврди дека трговскиот дефицит со САД изнесува 210 милијарди долари.

– Од далеку се гледа дека Трамп воопшто не ги смета за извоз услугите кои САД ги извезуваат во другите земји, туку само она што директно влегува преку границите. Извозот на САД е многу поголем, ако се земат предвид услугите кои патем одат преку интернет, а не преку државните граници – коментира Узунов.

Дека Трамп нема намера да се откаже од царините, говори и неговата изјава дадена неколку часа пред да стапи во сила новиот пакет во обраќањето пред Националниот републикански конгресен комитет во кој наведе дека светските лидери коленичат и го молат да преговараат.

Притоа тој се пофали и со бројките дека со промената на царинската политика САД дневно заработуваат по 2 милијарди долари. Податоците за февруари на Министерството за финансии на САД покажуваат дека во буџетот се слеале 7,25 милијарди долари од царина. Утре ќе се знаат и податоците за март.

Според портпаролката на Белата куќа, дури 70 земји изразиле желба за договор околу царинските стапки.

Засега Кина уште не одлучила да преговара. На оваа светска економска сила  Трамп ѝодреди царинска стапка од 104%.

– САД продолжуваат да ги злоупотребуваат царините за да вршат притисок врз Кина. Кина одлучно се спротивставува на тоа и никогаш нема да го прифати овој облик на насилничко однесување – изјави денеска портпаролот на кинеското Министерство за надворешни работи Лин Џијан.

Тој додаде дека ако САД навистина сакаат да ги решат проблемите преку дијалог и преговори, треба да заземат „став на еднаквост, почитување и взаемна корист“.

– Кина ќе продолжи да презема решителни и ефективни мерки за заштита на своите права и интереси – рече Лин.

Останува да се види како ќе заврши оваа војна на САД со светот, која експертите ја сметаат за војна без крв, но со огромни последици врз светскиот економски поредок.

Рецесијата можеби тропа на врата, што да се прави?

The post ДАЛИ ТРАМП ЌЕ ПРИФАТИ НУЛА ЦАРИНСКА СТАПКА СО СВЕТОТ? Експерти тврдат дека светот ќе треба да плати цена за тоа appeared first on plusinfo.mk.

„Sport Life“ обложувалници, потпишаa договор за стипендирање на тројца врвни македонски спортисти, учесници на последните Олимписки игри во Париз (2024). Маратонецот Дарио Ивановски, тaеквондистката Милјана Релјиќ и пливачот Никола Ѓуретановиќ, се тројцата млади спортисти кои ќе добијат по едногодишна стипендија од „Sport Life“, во вредност од 3.000 евра, коишто ќе се исплаќаат во месечни рати од по 15.000 денари.

– Согласно мисијата на обложувалниците „Sport Life“ и како општествено одговорна компанија, преку чинот на стипендирање, сакавме да го наградиме успехот на нашите млади и талентирани спортисти, и да им помогнеме во овогодинешните предизвици со кои се соочуваат на спортски и професионален план. Се надеваме и посакуваме нашата заедничка соработка да придонесе за уште подобри спортски резултати и секако за нивен настап на следните Олимписки игри во 2028 година во Лос Анџелес – изјави Петар Поцков, маркетинг директор на компанијата „Sport Life“.

Тренерот на маратонецот и олимпиец Дарио Ивановски, Игор Јакимовски, во однос на стипендијата, изјави дека поддршката на врвните спортисти е клучна алка за развојот, напредокот и континуитетот на самиот спортист.

–  Денес во Македонија е навистина тешко да се опстане на врвно ниво во услови кога се работи за индивидуален спортист, но вербата секогаш се враќа токму во моментите кога општествено одговорни компании ќе го препознаат квалитетот, талентот и жртвата на спортистот за врвните достигнувања со своја конкретна поддршка. Таа за мене и за Дарио е од круцијален значај и наш неопходен ветер во грб за да продолжиме со остварување на следните зацртани цели. Веќе на 23 февруари е нашиот прв голем предизвик за оваа сезона, а тоа е „Севиља маратон“ на кој Дарио ќе се обиде да постигне уште еден врвен маратонски резултат во професионалната кариера. – истакна тренерот Јакимовски.

Во друштво на добитниците на стипендиите е и олимписката спортистка Милјана Релиќ. Таа тренира и освојува медали во боречката вештина таеквондо, под надзор на тренерот Александар Ефтимов од ТК „Тигри“ од Скопје. Тие истакнуваат дека им следуваат бројни натпревари за кои напорно тренираат и за кои поддршката на „Sport Life“ е добредојдена и значајна, особено пред Светското првенство во октомври месец во Кина, и за натпреварите каде ќе се обезбедува норма за Гранд При натпреварите од следната година, а тоа се натпреварите во јуни во Шарлот, САД, во август во Кореа, и во ноември во Тајланд.

– Меѓу овие натпревари претстојат и натпревари за собирање на поени за светската и олимписката ранг-листа. Веќе викендов имаме учество на силниот Туркиш Г2 Опен, каде ќе учествуваат бројни светски, европски и олимписки медалисти. Потоа следат натпреварите во Словенија, Бугарија, Холандија, а на 30 март е Скопје Г-1 Рамус Опен, итн. Напорно тренираме и очекуваме тоа да го потврдиме со медали на овие турнири – истакнува тренерот Ефтимов.

Својата благодарност ја искажаа и нашиот пливач и олимпиец, Никола Ѓуретановиќ и Горан Стаменов, главен Тренер на ПК „Вардар 2018“.

– Навистина сум благодарен за оваа стипендија од „Sport Life“, која ми дава мотив да продолжам напорно да работам и да ги поместувам границите. Оваа поддршка е признание за моите достигнувања и ќе ми помогне во подготовките за големите натпреварувања. Се надевам дека со моите успеси ќе инспирирам уште многу млади пливачи да веруваат во себе и да ги следат своите соништа – изјави Никола Ѓуретановиќ, нашиот рекордер во пливање.

– Оваа стипендија од „Sport Life“ не е само финансиска поддршка, туку и силен мотив за Никола и за сите талентирани млади пливачи кои сонуваат за големи спортски успеси. За Никола, ова значи уште повеќе вложување во тренинзи, подготовки и настапи на меѓународната сцена, каде што веќе докажува дека е меѓу најдобрите. Ќе продолжиме да го градиме патот кон нови рекорди, поголеми натпреварувања и репрезентативни настапи за Македонија. Од името на ПК „Вардар 2018“, од Никола и неговото семејство, упатуваме огромна благодарност за искажаната доверба, која покажува дека трудот, дисциплината и посветеноста се вреднуваат – истакна Стаменов.

За спортистите добитници на стипендиите:

Маратонецот Дарио Ивановски, е првиот атлетичар кој остварил норма за Олимписки игри. Тој има истрчано бројни атлетски патеки и дистанци во кариерата, а дебито на маратонските патеки го имаше на Скопскиот маратон во 2020, на кој следната година и победи. Во последните години неколкупати го подобруваше државниот рекорд во маратон, што во моментов изнесува два часа, осум минути и 26 секунди. Тој е првиот македонски олимпиец кој завршил една маратонска трка.

Таеквондистката Милјана Релиќ, беше знаменосецот на нашите олимпијци на минатогодишните летни Олимписки игри во Париз, каде и ја победи двојната олимписка и светска шампионка од Велика Британија Џејд Џонс. Таа има освоено бронзен медал на Европското првенство во теквондо У-21 во Букурешт 2024 година, како и бројни медали од најсилните Г класа турнири, во Турција, Израел, Естонија, Хрватска, Босна, Србија, Црна Гора, Албанија, Бугарија, Романија итн. Прогласена е за наша најдобра спортистка за 2024 г. од Министерството за спорт, МОК и од бројни организации.

Пливачот Никола Ѓуретановиќ од ПК „Вардар 2018“, е државен рекордер во пливање на 400 m, 800 m и 1500 m слободно, златен медалист на Државното првенство на Македонија во дисциплините 200 m и 400 m слободно, 100 m и 200 m грбно, 100 m и 200 m градно и 200 m и 400 m мешано. Од поновите успеси, ги вбројуваме: финалист на Меѓународниот пливачки натпревар „Свети Никола” – Ниш, на 400 m и на 1500 m и личните рекорди и норми за учество на Купот на мултинации (Кипар), на Европското јуниорско првенство (Словачка) и на Светското јуниорско првенство (Романија).

The post „SPORT LIFE“ ЌЕ ПОДДРЖИ ТРОЈЦА МАКЕДОНСКИ ОЛИМПИЈЦИ Ивановски, Релјиќ и Ѓуретановиќ добија едногодишни стипендии appeared first on plusinfo.mk.

Ивановски успеа да постави фантастично време на трката долга 42,2 километри за време од 2 часа, 11 минути и 53 секунди што е подобро за повеќе од шест минути од претходниот рекорд на кој тој беше автор, поставен 15 мај 2022 година во Копенхаген (2:18.12).

The post ЗА ШЕСТ МИНУТИ БЕШЕ ПОБРЗ НА МАРАТОНОТ Дарио Ивановски постави нов македонски рекорд во Валенсија appeared first on plusinfo.mk.

Ова се ставовите на експерти по уставно право кои ги консултираше Плусинфо откако Џафери во интервју за ТВ24 изјави дека не го прекршил Уставот со обраќањето на албански јазик на Комитетот за надворешни работи во Брисел во рамки на Самитот „Европски парламент – Западен Балкан“.

– Го користев моето природно право, вродено како и на секој човек во земјава. На кој било јазик да зборував, јас го претставував Собранието на Северна Македонија во најдобро можно светло – рече Џафери.

Но, со тоа не се согласуваат уставните експерти. Професорката по уставно право, Тања Каракамишева, е јасна дека Џафери со своето официјално обраќање пред Европскиот парламент на албански јазик флагрантно го прекршил член 7, став 1 од Уставот на Македонија, каде јасно се вели дека на целата територија на земјата и во нејзините меѓународни односи службен јазик е македонскиот јазик и неговото кирилско писмо.

– Објаснувањето на Џафери дека зборувањето на албански јазик е негово природно право е мошне проѕирно и без никаква правна заснованост ако се има предвид прецизната уставна одредба во која јасно и децидно е прецизирано кој јазик е службен јазик во меѓународните односи – вели Каракамишева.

Професорката посочува дека дополнително во член 7 од Уставот се вели дека друг јазик различен од македонскиот може да се користи во органите на државната власт во земјата само во согласност со закон. Таа објаснува дека никаде, во ниту еден закон не е наведено дека албанскиот јазик може да се користи во меѓународните односи, имајќи предвид дека Уставот тоа не го дозволува.

– Претседателот на Собранието е државен функционер кој ја застапува и ја претставува Македонија како држава во меѓународните односи, конкретно во случајов пред Европскиот парламент. Оттука, оправдувањето на Џафери не држи вода ако се земе предвид неговата официјална позиција и статус во државата и неговата обврска како функционер да ги почитува Уставот и законите во земјата. Не е точна констатацијата на Џафери дека уставната одредба за примена на јазиците е непрецизна, широко поставена и дека може да се толкува на различни начини – вели Каракамишева.

Таа додава дека во меѓународните односи службен јазик секогаш бил само еден јазик, согласно Уставот и законите на Македонија.

– Во правна држава и во држава каде што владее правото, природните права на граѓаните, на кои се повикува Џафери, мора да бидат во согласност со Уставот. Ако се дозволи своеволно и арбитрарно повикување на користење природни права на функционери спротивно на Уставот, тоа би било преседан и кршење на принципот на владеење на правото – јасна е Каракамишева.

За пластично да се разбере ситуацијата на првиот парламентарец, правните експерти велат замислете француски претседател на Националното собрание кој е од германско малцинство што живее во Франција да се обрати на германски јазик како негово природно право. Или претседател на Собрание на Бундестагот кој е од француска етничка група да се обрати официјално на француски јазик, а го претставува германскиот Парламент.

Џафери се вади дека во Европскиот парламент „имаат право да го користат тоа што го знаат најдобро“.

Поранешниот претседател на Уставен суд, Трендафил Ивановски, вели дека претседателот на Собранието Џафери е навикнат да го крши Уставот.

– Бидејќи станува збор за употреба на јазикот на конференција во Европскиот парламент, Џафери треба да зборува на македонски јазик, затоа што ја претставува државата, а тоа е уредено во Уставот. Никој не го оспорува природното право, но ако тоа е во приватна примена. Претседателот на Собранието на својот мајчин јазик говори во Парламентот и тоа е според закон, но кога настапува на меѓународни конференции и во меѓународни институции тој на најдоследен начин треба да се придржува до Уставот. А дали му требаше ова, секако дека не – вели Ивановски.

Џафери во интервјуто вели дека останува на ставот дека не го прекршил Уставот.

– И останувам на ставот дека некому не му дозволив фешта на Комисијата за надворешна политика АФЕТ во Европскиот парламент. Апропо сите случувања не дозволив фешта и проценив дека е посоодветно да се обратам на јазикот кој најдобро го знам, а тоа е мојот мајчин јазик. Соодветно си го знам и службениот, односно книжевниот македонски јазик – рече претседателот на Собранието.

Ивановски не се согласува ни во овој дел со Џафери.

Според поранешниот претседател на Уставен суд, Џафери требало да зборува на македонски јазик, особено бидејќи земјава се наоѓа во исклучително чувствителен период кога други ги оспоруваат нашиот јазик, идентитет, култура и историја.

– Џафери со говорот на албански јазик во Европскиот парламент направи злоупотреба и ѝ нанесе штета на државата – вели Ивановски.

Експерти по уставно право се категорични дека Џафери го повредил Уставот.

– Во Уставот јасно пишува дека во државата и надвор од државата, единствен јазик е македонскиот јазик. Тој таму беше во својство на функционер – претседател на Собранието и ја претставува државата. Џафери таму не бил во својство на граѓанин за да се повикува на природното право. Уставот не е флексибилен – вели експерт по уставно право кој сакаше да остане анонимен.

The post Уставните експерти му скокнаа на Џафери: Природното право да зборуваш на албански јазик користи си го приватно, а не кога ја претставуваш Македонија appeared first on plusinfo.mk.

Противник на Ивановски за влез во четвртфиналето ќе биде домашниот тенисер Џек Пинингтон Џонс, кој е седми носител на турнирот во Вимблдон.

Македонскиот тенисер во првото коло го совлада десетиот носител, Американецот Дели Бланш, со 7:5, 7:6(4).

The post Ивановски во осминафинале на јуниорскиот Вимблдон appeared first on plusinfo.mk.

Македонскиот атлетичар патеката ја мина со 14:02:32 минути што е нов државен рекорд во оваа дисциплина.

Денеска Ивановски ќе настапи на трката на 3000 метри.

The post Бронза и нов македонски рекорд на 5.000 метри за Ивановски  appeared first on plusinfo.mk.

Ивановски до златниот медал стигна со време од 8:03:95 минути.

На атлетската Балканијаdа учествува и Јован Стојковски, кој ќе настапи во трката на 400 метри.

На Балканското атлетско првенство во сала во Истанбул настапуваат над 250 атлетичари од 22 држави.

The post Злато за Ивановски на 3.000 метри на атлетската Балканијада во Истанбул appeared first on plusinfo.mk.

Иџет Мемети досега ја извршуваше функцијата народен правобранител, бил министер за правда, уставен судија, државен советник во Владата и член на Државната изборна комисија.

Адвокатот Љупчо Ивановски бил заменик на општинскиот јавен обвинител во Скопје,како и заменик на народниот правобранител. Од 2006 до денес работи како адвокат.

Советот на јавни обвинители е самостоен орган кој ја обезбедува и гарантира самостојноста на јавните обвинители во извршување на нивната функција. Советот има својство на правно лице и е составен од 11 члена. Мандатот на избраните членови на Советот трае четири години со право на уште еден избор.

Свечена изјава пред претседателот на Собранието денеска ќе даде и Павлина Црвенковска, член на Судскиот совет на Република Северна Македонија.

Мемети и Ивановски завчера на 25. собраниска седница со 61 глас „за“, без против и без воздржани беа избрани за членови на Советот на јавни обвинители, а Црвенковска за член на Судски Совет.

The post Мемети, Ивановски и Црвенковска ќе дадат свечени изјави пред претседателот на Собранието appeared first on plusinfo.mk.