Четворица странски земјоделски работници загинаа во јужна Италија откако автомобилот во кој се наоѓале бил запален во близина на бензинска станица во местото Амендолара. Италијанската полиција веќе приведе двајца пакистански државјани под сомнение за тешко убиство.

Според локалните медиуми, тројца од загинатите биле државјани на Авганистан, додека четвртата жртва била од Пакистан. Еден од работниците успеал да се спаси така што скршил прозорец од возилото и избегал од огнената стапица. Тој сега е клучен сведок во истрагата.

Пожарот избувнал во близина на бензинска станица, а густ црн чад бил видлив од голема далечина. Откако пожарникарите го изгаснале огнот, во внатрешноста на возилото биле пронајдени телата на четворицата работници.

Според досегашните сознанија на истражителите, снимките од безбедносните камери покажуваат дека две лица ги блокирале вратите на автомобилот однадвор, по што во возилото била истурена запалива течност. Набргу потоа избувнал пожар, а осомничените побегнале од местото на настанот.

Обвинителството во Кастровилари наредило апсење на двајцата осомничени, до кои истрагата стигнала токму преку анализата на видеоснимките.

Преживеаниот сведок изјавил дека од април работел на берба на јагоди заедно со загинатите колеги. Според неговото сведочење, тие биле превезувани од истите лица кои сега се осомничени за нападот.

Тој тврди дека работниците не ја добивале договорената заработка, а дополнително од нив биле барани пари за превоз. Наводно, конфликтот избувнал откако работниците одбиле да плаќаат дополнителни трошоци.

Сведокот изјавил и дека работниците биле изложени на закани со ножеви и огнено оружје и биле принудувани да работат без соодветен надомест.

Италијанските власти сега истражуваат дали овој случај е дел од пошироки конфликти меѓу групи мигранти кои работат во земјоделскиот сектор во јужна Италија. Според локалните медиуми, во последните месеци во регионот биле регистрирани повеќе случаи на подметнати пожари на возила што ги користеле земјоделски работници.

The post ЧЕТВОРИЦА МИГРАНТИ ЗАГИНАЛЕ ЗАПАЛЕНИ ВО ЗАКЛУЧЕНО ВОЗИЛО Морничави детали од бруталното злосторство во Италија appeared first on plusinfo.mk.

Шокантен обид за киднапирање се случил во Бергамо, Италија, каде 37-годишен романски државјанин нападна семејство кое било на шопинг, пренесува романски Информант.

На снимката од безбедносните камери може да се види како мажот се обидува да го истргне девојчето старо речиси 2 години директно од рацете на мајката.

Целата сцена траела помалку од 30 секунди. Девојчето било пренесено во болница каде што лекарите констатирале скрешница на бутната коска.

| ATTEMPTED KIDNAPPING IN BERGAMO: Toddler Injured in Supermarket Struggle

In Bergamo, a Romanian immigrant attempted to kidnap an 18-month-old girl from a supermarket while she was holding her mother’s hand. The child suffered a fractured femur during the struggle. pic.twitter.com/githeDbsHH

— Vox Occidental (@vox_occidental) February 15, 2026

Властите ги истражуваат мотивите на осомничениот. Според првичните информации, тој немал криминално досие во Италија. Мажот ќе се соочи со обвинение за обид за киднапирање и за сериозен напад.

Заменик-началникот на италијанската државна полиција нагласил дека инцидентот оставил силно емоционално влијание врз семејството.

The post 📽️ СЕ ОБИДЕ ДА ГРАБНЕ ДЕВОЈЧЕ СРЕДЕ БЕЛ ДЕН ВО БЕРГАМО Драма во Италија, детето заврши со скршена бутна коска appeared first on plusinfo.mk.

Семејна трагедија го потресе малото место Сан Паоло Белсито кај Неапол, каде 25-годишен маж самиот се јавил во полицијата и признал дека ја убил својата сестра, 23-годишната Ноеми Рикарди. Според италијанските медиуми, тој дури ѝ го покажал телото на мајка си преку видео повик, само неколку минути пред да се предаде.

Според истрагата, братот и сестрата боледувале и заедно се лекувале во центар за ментално здравје во Нола. Живееле со својата мајка, која за среќа не била дома во моментот на крвавата расправија. Инцидентот се случил во семејната куќа на улицата Виа Сан Паоло Белсито, каде расправијата брзо преминала во насилство. Момчето, според првичните информации, Ноеми ја прободел најмалку шест пати со кујнски нож.

Кога полицијата влегла во домот, оружјето веќе било пронајдено во станот, а осомничениот стоел смирен. На карабинерите им рекол дека е „исцрпен“ и дека доживеал „напад на лудило“.

Обвинителката Антонела Витаљано отвори истрага и нареди обдукција што треба да потврди како точно починала Ноеми и да го утврди редоследот на настаните. Истрагата ќе се фокусира и на менталната состојба на осомничениот и мотивите кои довеле до овој шокантен чин. Во моментот на убиството во куќата биле само братот и сестрата, што дополнително ја усложнува реконструкцијата на трагичната вечер.

The post ЈА ИЗБОЛ СЕСТРА СИ, ПА ПРЕКУ ВИДЕО ПОВИК СЕ ПОФАЛИЛ НА МАЈКА СИ Грозоморно убиство во Неапол, сторителот сам се пријавил во полиција appeared first on plusinfo.mk.

Голманот на италијанскиот вицешампион Интер, 27-годишниот Хосеп Мартинез, бил вмешан во тешка сообраќајна несреќа во која животот го загубил 81-годишен маж во електрична инвалидска количка, пренесуваат италијанските медиуми.

Несреќата се случила во местото Фенегро, во покраината Комо, кога инвалидската количка, според првичните информации, излетала од велосипедската патека директно на патот, пред возилото управувано од Мартинез.

„Автомобилот управуван од голманот на Интер, Хосеп Мартинез, удрил човек во електрична инвалидска количка кој се движел по велосипедска патека веднаш до патот. Мартинез веднаш застанал за да му помогне, но мажот починал пред пристигнувањето на брзата помош“, стои во соопштението на италијанската полиција.

Околностите на трагичната несреќа се уште се истражуваат, а полицијата спроведува увид за да утврди дали голманот ја почитувал сообраќајната брзина и сите прописи во моментот на судирот.

Мартинез, кој ова лето му се приклучи на Интер од Џенова, соработувал со властите и дал изјава во полициската станица веднаш по настанот.

The post ГОЛМАНОТ НА ИНТЕР УЧЕСТВУВАШЕ ВО СООБРАЌАЈКА СО СМРТЕН ИСХОД Почина 81-годишен маж во инвалидска количка appeared first on plusinfo.mk.

Според информативниот канал Раињуз 24 (Rainews24), денеска „гуруто“ е обвинет за сексуални злосторства, вклучително и врз малолетни лица.

Сектата, со седиште во Новара, дејствувала и во Милано, Џенова и Павија. Нејзините членови биле главно жени кои биле „во ропство“ и подложени на психолошки притисок.

Истрагата траеше две години, посочува каналот. 

The post Разбиена секта во Италија вмешана во сексуални злосторства врз деца appeared first on plusinfo.mk.