Во свет каде технологијата постојано ја редефинира иднината, Avenga Academy (Авенга Академи) веќе 15 години го гради мостот меѓу знаењето и реалните вработувања. Како дел од глобалната групација Avenga, академијата претставува еден од највлијателните центри за едукација во областа на ИТ, дизајн и бизнис, создавајќи заедница од над 20.000 алумни и 200 искусни ментори.

Под мотото „When I complete Avenga Academy, I won’t tell, but there will be signs“, Академијата „Авенга“ ја лансира својата нова кампања посветена на студентите кои преку труд, знаење и истрајност ги градат своите кариери – без големи зборови, но со видливи резултати. Токму врз максимата „Делата зборуваат посилно од зборовите“ се потпираат новите комуникациски активности на едукативниот центар специјализиран во сферата на бизнисот и ИТ индустријата.

„Во време кога сите зборуваат, ние решивме да оставиме делата на студентите да зборуваат наместо нас. Нашата нова кампања ја симболизира суштината на она во што веруваме — дека вистинскиот успех не се декларира, туку се гледа преку резултати. Во изминатите 15 години изградивме заедница од над 20.000 студенти и 200 ментори кои секојдневно докажуваат дека знаењето и посветеноста значат повеќе од празни зборови и ветувања“, велат од менаџерскиот тим на Avenga Academy.

Avenga Academy е носител на меѓународни лиценци и сертификати од светски брендови како Microsoft, Cisco, CompTIA, EC-Council, ISTQB, Kryterion, ACI, Certiport и Meazure, преку кои ги спојува највисоките образовни стандарди со практично искуство за да ги подготви студентите за иднината на работата, каде технологијата и човечкиот потенцијал одат рака под рака.

Годинава, едукативниот и тренинг центар ја прошири својата програма со уште две нови академии: програмирање со примена на вештачка интелигенција и продукт и проектен менаџмент, но постои и надополнување на постоечките програми со модули на примена на вештачка интелигенција, како и алатки кои се побарувани на пазарот. Дополнително, отворени се и уписите за: Web Design и Front-End Development, Graphic Design со Figma и Video Content Creation, Game Design и Production, UI/UX Design, Sales & Business Development, Computer Networks & ITOps, Cyber Security, Software Testing со Playwright и AI, DevOps, Data Science и Digital Marketing.

Со силен фокус на иновација, практична примена и партнерства со индустријата, академијата претставува мост меѓу образованието и професионалниот свет, подготвувајќи ги идните генерации за вистинските предизвици на пазарот.

„Авенга Академи“ (поранешен Сеавус Едукативен и Развоен Центар) е пионер на модерното неформално образование и дел е од глобалната групација „Авенга“.

The post 🎥 „AVENGA ACADEMY“ СО СТРУЧНОСТ И ПОСВЕТЕНОСТ ГИ ИЗДИГНУВА СВОИТЕ СТУДЕНТИ Едукативниот и тренинг центар ја проширува својата програма appeared first on plusinfo.mk.

Brainster Next, првиот практичен колеџ за дизајн и софтверско инженерство во Македонија, нуди уникатна можност до 10-ти јуни, единствена на Балканот: студирај сега, плаќај по вработување.

Овој иновативен финансиски модел е наменет да ги подготви амбициозните, креативни и иновативни матуранти за кариера и високоплатени професии и бизнис.

Иновативниот финансиски модел „Студирај сега, плати по вработување“, воведен во 2023 година како единствен на Балканот, им овозможува на студентите да студираат на висококвалитетни студии по европски стандард за нула денари.

Овој модел нема скриени трошоци за книги, испити или дополнителни материјали. Можноста е достапна за сите што ќе бидат примени на тригодишните додипломски студии по Софтверско инженерство и иновации или UX/UI и графички дизајн.

Brainster Next има ограничен број слободни места само за креативни и иновативни студенти кои сакаат да ги совладаат вештините на иднината, вклучувајќи ја вештачката интелигенција, претприемништвото и иновативен начин на размисливање.

Студирањето се темели на работа на реални проекти, а Brainster 100% гарантира вработување по завршувањето на студиите.

– Сигурни сме дека сите што ќе ги завршат овие студии ќе можат веднаш да се вработат кај нашите многубројни партнери од ИТ индустријата. Овој пристап не само што ги отстранува финансиските бариери, туку и обезбедува практично искуство и можност за вработување по студирањето преку мрежа од над 200 интернационални и домашни компании и стартапи, со кои студентите ќе работат на реални проекти. Сето ова го подготвува секој дипломец за успешна кариера во најбрзорастечките индустрии – вели Петар Ниновски, основач и CEO на Brainster, Brainster Next колеџот и NU академијата за средношколци.

Brainster NEXT колеџот е посветен на развивање таленти со вештини кои ќе бидат најбарани во следните 15 години, вклучувајќи вештачка интелигенција, иновации и претприемништво.

Меѓународно признаената диплома Bachelor of Science овозможува кариерни можности на глобално ниво. За квалитетот на студиите, меѓу другото, говори и фактот што од оваа година Brainster за прв пат ќе понуди програми во Словенија и во Хрватска, односно една 100% македонска образовна институција ќе извезува знаење во Европската Унија.

Можност за решавање на приемниот тест имаат сите што сакаат да го направат првиот чекор кон успешна кариера.

Аплицирањето не се базира на рангирање и пресметки за минатиот труд (оценките од средното образование и резултатите од државната матура), туку напротив – на компетенциите, способностите, афинитетите и желбата да се постигне повеќе и да се напредува. Реши го приемниот тест и влези во процесот на селекција!

Линк до Приемниот тест https://generation.next.edu.mk/

Поради ограничениот број на места, селекцијата ќе биде според критериумите на Brainster, а рокот за решавање на приемниот тест е до 10 јуни.

За повеќе информации, посетете ја официјалната веб-страница на Brainster Next колеџот https://next.edu.mk/

The post СТУДИРАЈ ЗА 0 ДЕНАРИ, ПЛАТИ КОГА ЌЕ СЕ ВРАБОТИШ! Бреинстер некст гарантира вработување веднаш по студиите appeared first on plusinfo.mk.

– Нашата индустрија има еден континуитет, немаше големи проблеми, во време на пандемијата работата од дома, за која инсисираме и понатаму да се применува не придонесе за пад. Имаме 400 нови компании, 1.200 нововработени, а остварен е  приход од една милијарда евра, тоа е раст за 12 отсто за една година – изјави Пешева.

Мицкоски, рече, на средбата која била, успешна и плодна, слушнал импресивни бројки за ИТ индустријата во која има 16.000 вработени и која плаќа данок во вредност од 12, 5 милиони евра.

– Обратот на компаниите е околу една милијарда евра, бројот на вработени е повеќе од 16 илјади кои што се во моментот и сите овие бројки се споредено со минатата 2019 година во раст би рекол двоцифрен 10 и повеќе проценти. Она што исто така е импозантно и треба да се спомене е дека извозот практично од ИКТ индустријата на годишно ниво во 2020 година е повеќе од 230 милиони евра. Данокот кои што го платиле овие компании, а кој што е резултат на профитот кои што го оствариле некаде околу 12 и пол милиони евра, значи сериозна бројка која што влегува во буџетот – рече Мицкоски.

Но, она кое што недостасува, додаде Мицкоски, е соодветната клима и поддршката од страна на владата и исполнување се разбира на ветувањата кои што биле дадени за време на предвремените парламентарни избори во делот на даночната политика, во делот на работните односи итн.

– Потребно е да се стимулираат овие компании,  а ние како ВМРО-ДПМНЕ имаме сериозна програма во делот на дигитализацијата која што практично беше и составен дел од нашата предизборна кампања. Она кое што го гледаме денеска од владата е сѐ само не дигитализација, бидејќи често пати од нивна страна беше најавувано, но нема некаков почеток по тоа прашање. Но, како  ВМРО-ДПМНЕ во иднина сериозно ќе работиме затоа што сум длабоко убеден и како инженер и еве би рекол како универзитетски професор, дека општество кое што нема да биде дигитализирано се доведува под знак прашалник и неговото постоење како такво општество – додаде Мицкоски.

The post Анета Пешева: ИТ индустријата оствари милијарда евра приход, имаме 400 нови компании во пандемијата appeared first on plusinfo.mk.