Премиерот Христијан Мицкоски побарал објаснување од Министерството за внатрешни работи и од Агенцијата за национална безбедност зошто е проценето дека безбедноста на поранешниот вицепремиер Артан Груби била загрозена додека бил во Истражниот затвор „Скопје“, откако тој се предаде на полицијата по повеќе од една година бегство.

Во гостување на ТВ Канал 5 Мицкоски наведе дека одговорот кој го добил од двете институции е дека проценките се „класифицирани, строго доверливи документи“, што значи дека тие не можат да ги објават или да им ги дадат на други институции, вклучително и на директорот на затворот.

Тој потенцираше дека тоа што Груби сега е во куќен притвор, а не во строг притвор или ефективен затвор, не значи дека оваа мерка е конечна.

– Мерките ги одредуваат обвинителството и судот врз основа на факти… таа одлука може да се менува или надградува – рече Мицкоски.

Премиерот Мицкоски, исто така, коментираше дека има чувство оти многу граѓани се загрижени околу случајот, што, според него, предизвикува немир и во политичкиот живот.

Прашањето за Мицкоски уследи откако Јавното обвинителство на Македонија, одговарајќи на реакциите во јавноста што ги предизвика одлуката Артан Груби да биде во куќен притвор, соопшти дека МВР и АНБ процениле дека во притворското одделение не може да се гарантира неговата безбедност.

The post ОД КОГО Е ЗАГРОЗЕН АРТАН ГРУБИ ВО ИСТРАЖНИОТ ЗАТВОР „СКОПЈЕ? Мицкоски побарал одговори од МВР и од АНБ appeared first on plusinfo.mk.

Под силно полициско обезбедување тие беа изведени пред судија на претходна постапка.

Тие изгледаа сосема поинаку кога пред два дена исто така беа донесени со лисици на рацете во Кривичниот суд, пишува Курир.

Јавноста е вознемирена до висок степен и бара најстрога казна за овие луѓе. На Фејсбук е отворена иницијатива за враќање на смртната казна во Македонија.

Синоќа ги видовме како изгледаат како затвореници иако уште се во притвор. Гневните граѓани коментираат дека даваат поддршка што овие монструми сега изгледаат вака и дека сигурно сфаќаат колку скапо ќе го платат ужасното дело кое го сторија.

Што значи, во светски рамки, чинот на шишање на притвореници и затвореници?

Постојат неколку причини поради кои на луѓето им се бричат главите пред да одат во затвор. Истите ги наведува и NBC News во едно свое истражување.

Најпрво, за хигиенски причини. Најважно, за да се подготват за психолошката и емоционалната реалност на својот живот зад решетки. Па дури и од безбедносни причини, при несогласувања и тепачки, да не дојде до откорнување на коса при кубење.

Во многу земји бричењето на главата на затворениците е задолжително со закон. Косата е важен симбол, во некои култури има и религиско значење. Затоа, чинот на шишање на ќелаво, некои го сметаат како чин на понижување.

Бидејќи некои земји ја сметаат косата за дел од религиското изразување, бричењето на главите на затворениците таму се смета за контроверзно.

Директорот на затворот во Шутка: Не толерирам фризури за вакви кривични дела

– Не толерирам фризури во истражниот затвор за сторителите на вакви тешки кривични дела и не се толерира облека со некакви ознаки на неа – изјави за 360 степени директорот на затворот Филип Андов.

Осомничени за убиството, покрај таткото на Вања, се Велибор Манев, Влатко Кешишов и Боре Видевски.

Приведен беше и 46-годишниот струмичанец Стефан Димковски кој го превезувал Љупчо Палевски Палчо осомничен за убиството на 14 годишната Вања, од Белград до граничниот премин со Турција на граничниот премин Капетан Андреево. Македонската полиција го лиши од слобода Димковски на граничниот премин Дојрани при влез во Македонија.

Првоосомничениот, Љупчо Палевски – Палчо, синоќа е приведен во Турција.

The post „ЧИН НА ПОНИЖУВАЊЕ, ГРИЖА ЗА ХИГИЕНА ИЛИ ОД БЕЗБЕДНОСНИ ПРИЧИНИ“ Зошто осомничените за убиство на Вања се потстрижени ќелави, какво значење има тоа? appeared first on plusinfo.mk.