Демократот Крис Папас го победи републиканецот Џон Сунуну во трката за Сенат во Њу Хемпшир, станувајќи првиот отворено геј маж избран во историјата на Сенатот на САД.

– Многу сум им благодарен на сите во оваа просторија и пошироко кои ја овозможија оваа победа. Сакам да му се заблагодарам на човекот до мене, мојот неверојатен сопруг, Ван. Во ред, погрешната личност беше на гласачкото ливче, очигледно. Но, тој секогаш беше покрај мене. И погледнете, вечерва, победа, загуба или нерешено, јас сум најсреќниот човек затоа што сум во брак со маж кого го сакам – изјави новоизбраниот сенатор.

И покрај пресвртницата што ја претставува победата на Папас, неговата сексуалност не беше значајно прашање во трката, бидејќи двајцата кандидати избраа наместо тоа да се фокусираат на прашања како што се прифатливоста на цените и други политички несогласувања.

– И покрај сите негативни напади, добро е да се знае дека љубовта и вистината преовладаа вечерва – додава Папас.

 

View this post on Instagram

 

A post shared by WBZ News | CBS News Boston (@wbztv)

The post 📽️ ИЗБРАН ПРВИОТ ОФИЦИЈАЛЕН ГЕЈ СЕНАТОР ВО САД Неговата сексуалност не беше значајно прашање во трката appeared first on plusinfo.mk.

АфД за првпат победи на покраинските избори во Саксонија-Анхалт и, според проекциите, оствари рекорден резултат, додека ЦДУ претрпе голем пораз. Саксонија-Анхалт избра нов покраински парламент.

– Испишавме историја во оваа покраина – изјави водечкиот кандидат на АфД, Улрих Зигмунд, за ARD.

Тој додаде дека им подава рака на сите други политички сили, но само на оние кои се подготвени заедно со него да спроведат јасен политички пресврт.

– Она на што со мене не треба да се смета е откажувањето од сопствените вредности заради доаѓање на власт – рече тој.

Во тој случај, како што рече, не би бил подготвен ниту за коалиција, ниту за малцинска влада. Сега ќе почека за да види како ќе се постават останатите партии.

Копретседателката на АфД, Алис Вајдел, оцени дека станува збор за „историски резултат“.

– Ќе видиме што сè ќе ни донесе оваа вечер – изјави таа за ZDF и нагласи: „Ова е сосема јасен мандат за составување влада.“

Според нејзините зборови, најсилната партија секогаш има мандат да формира влада. АфД е подготвена и за разговори за можни партнери.

– Нашата рака е секогаш испружена – рече Вајдел, додавајќи дека покраинскиот огранок на партијата самостојно ги носи одлуките.

Рекордна излезност 

Излезноста на покраинските избори во Саксонија-Анхалт изнесуваше 80 отсто, според податоците на ZDF.

АфД убедливо победи на покраинските избори во Саксонија-Анхалт. Според проекцијата на ARD, изработена од институтот „Infratest dimap“, партијата освои 44,5 отсто од гласовите. На изборите во 2021 година таа доби 20,8 отсто. Со ова АфД го оствари својот најдобар резултат на покраинските избори досега и стана најсилната политичка сила во покраинскиот парламент.

Далеку зад неа се наоѓа ЦДУ. Партијата на покраинскиот премиер Свен Шулце освои историски ниски 18,5 отсто од гласовите. Ова е голем пад во споредба со покраинските избори во 2021 година, на кои ЦДУ, предводена од долгогодишниот премиер Рајнер Хазелоф, убедливо победи со 37,1 отсто од гласовите.

Според проекцијата, трета по сила е Левица (Die Linke) со 9,5 отсто од гласовите, со што останува под својот досега најлош резултат во Саксонија-Анхалт, кој изнесуваше 11 отсто.

Следат Зелените со девет отсто, пред СПД, која освои осум отсто од гласовите. Со ова и СПД се приближува до својот најлош резултат досега. На изборите во 2021 година таа освои 8,4 отсто.

БСВ (Сојуз Сахра Вагенкнехт) освои пет отсто од гласовите и сè уште стравува за влезот во покраинскиот парламент, додека ФДП, според проекцијата, со два отсто не го помина изборниот праг.

Колку се сигурни проекциите и прогнозите?

Пред објавувањето на првите изборни проекции, институтите за истражување на јавното мислење во Саксонија-Анхалт се наоѓаат под посебна лупа.

Пред пет години, предизборните анкети значително отстапуваа од конечниот резултат: Христијанско-демократската унија (ЦДУ) оствари многу подобар резултат од очекуваниот, додека АфД помина значително полошо.

Роланд Аболд, директор на институтот „Infratest dimap“, изјави за Дојче веле дека институтите за истражување на јавното мислење поради тоа овојпат со посебно внимание ја следеле изборната трка.

– Можеме да кажеме дека пред изборите имаше релативно малку промени во анкетите – рече Аболд.

Според најновите истражувања, АфД има поддршка од околу 40 до 41 отсто од гласачите, додека владејачката ЦДУ е на приближно 22 до 23 отсто. Се очекува во парламентот да влезат и Левица и Социјалдемократската партија на Германија (СПД), додека Зелените се движат околу изборниот праг од пет отсто, неопходен за освојување пратенички мандати.

Аболд рече и дека еден од проблемите воочени на претходните избори, по сè изгледа, сега е помалку изразен:

– Кога станува збор за предизборните анкети, може да се каже дека проблемот со луѓето кои не сакаат да признаат дека намераваат да гласаат за одредени партии всушност стана помал.

1,7 милиони луѓе со право на глас

Право на глас на овие покраински избори имаат сите германски државјани кои наполниле најмалку 18 години и најмалку три месеци имаат пријавено главно живеалиште во Саксонија-Анхалт. Станува збор за речиси 1,7 милиони гласачи.

Тие го избираат Покраинскиот парламент кој има најмалку 83 пратеници, но тој број обично е поголем, на пример доколку се доделуваат дополнителни и компензациски мандати.

The post ИСТОРИСКА ПОБЕДА НА АФД ВО ПОКРАИНАТА САКСОНИЈА-АНХАЛТ Рекордна излезност и 44% од гласовите за десницата appeared first on plusinfo.mk.

Во привот изборен круг коалицијата предводена од ВМРО-ДПМНЕ, благодарение на поддршката на граѓаните, постигна историски резултат. За прв пат во независна демократска Македонија коалицијата предводена од ВМРО-ДПМНЕ на советничките листи победи во 58 општини плус главниот град, тоа се вкупно 59 општини, рече претседателот на ВМРО-ДПМНЕ, Христијан Мицкоски на денешниот митинг во Македонска Каменица.

– Имаме веќе избрани 33 градоначалници, во вториот круг имаме дополнителни 26 кандидати за градоначалници, а противкандидати на нашите кандидати во две општини веќе се откажаа, со што трката во вториот круг веќе е извесна и таму. А од останатите 24 очекувам во сите 24 општина да победат кандидатите на ВМРО-ДПМНЕ и да бидат градоначалници во своите општини. Oчекувам, со победата на Орце Ѓорѓиевски во Град Скопје да се заокружи бројката од 60 градоначалници, што е исто така историски резултат што никогаш не е направен во Македонија – рече Мицкоски.

Тој ги повика граѓаните на Македонска Каменица и на цела Македонија да излезат да гласаат и на вториот круг од локалните избори во недела.

– Би сакал да се заблагодарам на сите граѓани коишто излегоа и гласаа во првиот круг и да ја искористам оваа прилика да ги повикам да излезат и да гласаат во вториот круг. Гледаме дека има наши граѓани коишто, можеби, со години не дошле во Македонија, но доаѓаат од земјите во западна Европа за да гласаат во општини како што се Брвеница и Кичево и така натаму. А, гледаме дека одредени наши сограѓани остануваат дома, мислејќи дека на тој начин ќе покажат некаков револт, пркос или ќе испратат некаква порака, која во суштина нема да биде препознаена, бидејќи кога останувате дома дозволувате некој друг да одлучува за вашата иднина. Затоа мојата порака и мојата замолница до оние коишто сè уште се двоумат дали да излезат во овој втор изборен круг, е да излезат масовно и, нормално, да го заокружат бројот 9 – повика Мицкоски.

Мицкоски додаде дека ВМРО-ДПМНЕ се бори подеднакво за секоја општина и за секоја педа од македонската територија, што се покажа и во измината година и половина власт.

– Затоа, кога велам дека очекувам сите 26 кандидати кои се во вториот круг сите да победат и да им се приклучат на оние 33, тоа и го мислам, и ние како ВМРО-ДПМНЕ, како коалиција правиме сè што можеме тоа да се случи и јас сум убеден дека во недела заеднички ќе испишеме уште една историја, којашто до сега не се случила во Македонија – потенцираше Мицкоски.

Кандидатот за градоначалник за општина Македонска Каменица, Димчо Атанасовски рече дека со поддршка на Владата наскоро ќе бидат прва општина со асфалтен пат до секој дом и со чиста вода за пиење за секое семејство.

– Најголемите и најзначајните проекти во нашиот град се изградени од ВМРО-ДПМНЕ и ние ќе продолжиме по трасираниот пат, пат по кој ќе чекориме сплотени, цврсто и храбро затоа што ние резервен дом немаме. Имаме визија за развиена Каменица, за перспективен град за град на успех и благосостојба, за град во кој сите ќе бидат среќни – рече Атанасовски.

Тој истакна дека во изборната програма има многу нови проекти и идеи за напредок, со цел уште поуспешен и модерен град.

– Имаме идеи за напредок и визија за иднината, работиме за успешна и модерна општина која е пример за останатите. Имаме многу нови проекти за нашиот град. Дојдено е ново време, време кога се гради домаќински и се вложува во иднината, време во кое се бориме за секој еден од вас, за секој проблем да биде решен, секој предизвик да биде надминат, време во кое Македонска Каменица и нејзините жители се пред сè и над сè. Денес имаме нови асфалтни патишта, водоводни, канализациони системи во секој дел од општината, имаме реконструирани образовни институции, јавно претпријатие кое целосно е во функција на граѓаните, имаме силни вложувања и во културата, спортот – рече Атанасовски.

Тој ги повика граѓаните да се обединат, и да го заокружат бројот 9 за општина Македонска Каменица да продолжи да се развива.

– Сега е време на обединување, а веднаш по новата победа, ќе биде време за вистинска експанзија, доаѓа времето кога овој град ќе биде препознатлив насекаде, и ќе биде инспирација и поттик за сите останати – посочи Атанасовски.

The post МИЦКОСКИ ПОВИКА ВО НЕДЕЛА МАСОВНО ДА СЕ ИЗЛЕЗЕ НА ГЛАСАЊЕ Очекува историска победа со 60 градоначалници appeared first on plusinfo.mk.

Македонската тенисерка Лина Ѓорческа постигна сензационална победа на стартот од турнирот W125 Самсун Опен, откако денеска ја совлада поранешната број 1 на ВТА листата, Каролина Плишкова од Чешка. Ѓорческа триумфираше со 2:0 во сетови (6:4, 6:3) по 75 минути игра и стигна до најголемата победа во својата кариера.

– Ова е еден од оние моменти кои ќе ги паметам цел живот. Да се победи поранешна број 1 е голема чест и огромна мотивација за понатаму – изјави Ѓорческа по мечот.

Плишкова, која во кариерата осум недели беше на врвот на светскиот тенис и има два Грен слем финалиња (Вимблдон и УС опен), ја започна подобро средбата. Таа направи брејк за водство од 2:1 и подоцна поведе со 4:2, но Ѓорческа возврати со серија од четири гема и го доби сетот со 6:4.

Во вториот сет, македонската тенисерка направи брејк во четвртиот гем по долга борба од 14 поени и ја одржа предноста до крај за конечни 6:3 и триумф од 2:0.

Во второто коло, Ѓорческа ќе игра против белгиската тенисерка Софија Костулас, која ја совлада Вероника Фалковска од Полска со 2:0 (7:6(1), 6:4).

Денеска Ѓорческа ја очекува и настап во двојки. Заедно со турската партнерка Чагла Бујукакчај треба да го доиграат мечот од првото коло против словенечките тенисерки Далила Јакупович и Ника Радишич, кој беше прекинат поради дожд. Словенечките тенисерки водат со 1:0 во сетови, а во вториот сет резултатот е 1:1 во гемови.

The post НАЈГОЛЕМАТА ПОБЕДА ВО КАРИЕРАТА Ѓорческа ја порази поранешната број 1 Каролина Плишкова appeared first on plusinfo.mk.

Нема да биде изненадување ако претседателската кандидатка Гордана Силјановска Давкова в среда на 8 мај освои повеќе од 500.000 гласови, па дури и 600.000, но и ако ВМРО-ДПМНЕ има историски резултат од 61 освоен пратенички мандат на парламентарните избори.

Ова го тврди Христијан Мицкоски, лидерот на ВМРО-ДПМНЕ, во видео-интервју за поткастот на Плусинфо, во рамките на серијалот на бесплатно претставување на учесниците во кампањите за овој изборен циклус.

Покрај повеќемесечната работа на дизајнирање и претставување успешна изборна програма и проширување на победничката коалиција на ВМРО-ДПМНЕ, кои се основни причини за успехот на 24 април, којшто ќе се повтори и в среда на 8 мај, Мицкоски ги анализира и причините кои се поврзани со владејачкиот СДСМ:

– СДСМ уште на изборите во 2020 година беш зрел за пораз, но во услови на корона бевме сведоци на епска злоупотреба на државни пари и ресурси. Па дури и така, СДСМ таа година имаше убедливо најслаб резултат во однос на владејачките партии во повеќе европски земји, кои убедливо победуваа на изборите – анализира Мицкоски.

Потоа уследи големиот пораз на локалните избори на СДСМ во 2021 година, по што ВМРО-ДПМНЕ, имајќи ги предвид интересите на државата, безуспешно се обидува да дојде до предвремени избори и на еден нормален, демократски начин да се испочитува волјата на мнозинството избирачи.

– Но, тие тогаш одлучија да опстојат на власт и да ги задржат позициите по било која цена, со насилно водење политика. Toa e оној период, кога исчезнуваа пратеници од парламентот, ако се сеќавате. Кога Зоран Заев поднесе оставка во владата и во партијата, природно беше да одиме на избори. Но, тогаш, на еден чуден начин, би рекол незапаметен начин до сега, тој го постави Димитар Ковачевски и за претседател на СДСМ и за премиер – вели Мицкоски и додава дека тоа е првата посериозна грешка на владејачката партија после поразот на локалните избори.

Втората голема грешка е потчинетата улога на СДСМ во однос на ДУИ, кога дојде до израз неискуството на Ковачевски, вели Мицкоски и додава:

– Со цел да ги задржи своите позиции во власта, СДСМ се доведе во позиција на целосна потчинетост кон ДУИ и кон Али Ахмети. Во Македонија се појави едно чувство на апартхејд, луѓето се почувствуваа дека има малкумина коишто се привилегирани и се граѓани од прв ред и едно огромно мнозинство граѓани од втор ред.

Мицкоски вели дека е изненаден и не ги разбира пораките и реториката на СДСМ во кампањата.

– Не ги разбирам. Тие пак ги повторуваат истите грешки од времето на Заев. Тоа е истата празна реторика. Се сеќавате, нели, на онаа метла што си ја даваа од рака в рака – вели лидерот на ВМРО-ДПМНЕ, потсетувајќи на метафоричната порака со метлата за „чистење“ во редовите на СДСМ, која повеќе служеше за мајтап наместо да биде прифатена како порака со посериозно значење.

Проследете го целото видео-интервју со Христијан Мицкоски:

The post 🎥 СДСМ БЕШЕ ЗРЕЛ ЗА ОПОЗИЦИЈА УШТЕ ВО 2020 ГОДИНА, В СРЕДА ГО ЧЕКА ИСТОРИСКИ ПОРАЗ Ковачевски ги повтори грешките на Заев и му се потчини на Али Ахмети appeared first on plusinfo.mk.