Сè уште нема официјален одговор која е причината што од втората половина на јуни па сѐ до 23 септември годинава имаше голема разлика на цената на електричната енергија во земјите од Западна Европа и во југоисточниот регион на континентот. Европската енергетска заедница вети дека ќе го разгледа и испита тврдењето на земјите од регионот дека во овој период цената на струјата во регионот е 2 до 3 пати повисока од онаа во Франција и во другите европски земји. Земјите во регионот побараа и компензација на трошоците од Европската комисија која најави дека ќе го разгледа проблемот и ќе одговори на барањата.

Стручната енергетска јавност оцени дека причина за проблемот е „задушувањето“ на европскиот преносен систем поради исклучување на дел од производните капацитети на Украина која од извозник станала увозник на струја.

Од Регулаторната комисија за енергетика која заедно со Министерството за енергетика и рударство алармираа за проблемот, велат дека очекуваат Европската енергетска заедница официјално да ги дефинира и соопшти вистинските причини за појавата која трае 4 месеци.

– Го чекаме одговорот и ќе ја известиме јавноста. Како регулаторно тело не сакаме да нагаѓаме дали за тоа причина било таканареченото задушување на системот, високите температури или друго. Ако било причина задушувањето на системот за пренос не би траело толку долго. Но и да е така, ќе треба да знаеме за да иницираме мерки за нови инвестиции во прекуграничниот пренос во регионот. Не верувам дека причина било топлото време бидејќи земјите во регионот имаат големи инвестиции во обновливи извори на енергија. Топло време сме имале и порано, а против ова е и податокот дека разликата во цените беше висока до пред два-три дена. Дури овие два дена може да се рече дека состојбата се стабилизира. Затоа го очекуваме официјалниот одговор на Енергетската заедница – вели претседателот на Регулаторната комисија за енергетика Марко Бислимоски.

Тој потсетува дека во септември просечната цена во Франција беше 68 евра за мегават час, во Белгија 76 евра, а во Словенија 121 евро, а на берзата ХУПЕКС 138 евра што укажува на фактот дека регионот има 2 до 3 пати повисока цена.

Бислимоски најавува дека прашањето повторно ќе биде разгледано на Бордот на регулатори на Европската енергетска заедница во кое учествуваат регулаторите од регионот.

– Во вторник имаме состанок и ќе поразговараме за прашањето. Веројатно ќе добиеме и некои објаснувања до каде е истрагата и анализата што ја прави Европската енергетска заедница, па ќе имаме некакви одговори за причините на појавата – вели тој.

За разлика од него, професорот Константин Димитров вели дека причина за ваквата појава е тоа што во тој период се случило „задушување“ во преносниот систем на западна Европа од каде се обезбедува струја за Украина која се соочи со голем проблем со производните капацитети на струја.

– Веќе и писмено кажавме дека задушување на системот односно немање можност да се пренесе струја од западна Европа кон регионот и кон Украина каде што се зголемија потребите по исклучувањето на енергетските капацитети во Украина поради бомбардирањето и увозот наместо извоз од оваа земја. Дополнителната потреба на увоз од оваа земја придонесе да се преоптоварат преносните системи и да се создаде таканареченото „задушување“ односно преносните врски меѓу регионите не биле во состојба да ја преземат енергијата од Франција односно од западниот дел на Европа. Сето тоа не можеше да се избалансира и придонесе за скок на цените во југоисточниот регион на Европа во однос на западниот регион. Разликата беше драматична и, нормално, ја погоди и Македонија – вели Димитров.

Според него, ова „задушување“ на преносниот систем во Европа, како и испадот на преносниот систем Грција-Албанија-Црна Гора, укажуваат дека мора да се инвестира во преносните системи во регионот.

– Овие испади уште еднаш јасно покажуваат дека мора да се размислува и решава глобално и да се градат „сообраќајниците“ за пренос на енергијата. Во оваа насока, во земјава во фаза на градба треба да е високонапонскиот систем за поврзување со Албанија. Треба да се инвестира во сопствено производство на енергија кое ќе ги задоволува потребите на земјата со што и цената на струјата би била далеку пониска и помалку зависна од флуктуациите на берзата. Цената на електричната енергија зависи од способноста да се произведе доволно количество енергија за потребите на потрошувачите и трошоците за тоа производство. Ако побарувачката за енергија е поголема во однос на производството, енергијата мора да се купи на пазар (берза) каде што цената се менува секој час и е повисока бидејќи се плаќа и преносот. Тоа значи дека сопственото производство може да придонесе да имаме на располагање енергија со пониска цена во однос на таа што мораме да ја купиме на пазар од домашно производство (приватни производители на струја) или од странство/увоз – вели Димитров.

Токму, затоа загрижува фактот што земјава е свртена кон увоз на струја бидејќи домашните капацитети не можат да ги обезбедат потребните количини. Изминатиов период ЕСМ на неколку пати купи електрична енергија и тоа по цени кои достигнаа и до 150 евра.

Драстичната разлика на цените на струјата во западна и во Југоисточна Европа која се случува 4 месеци предизвика силни реакции во земјите од регионот во при крајот на август и во почетокот на септември. Највисоки разлики се случија во Албанија и во Романија, а не беа одминати ниту Македонија, Грција, Србија и Словенија.

Романија, Бугарија и Грција побараа од Советот на ЕУ исплата на компензација поради „многу повисоките цени“ на електричната енергијата во регионот на Југоисточна Европа во споредба со оние во земјите од Западна Европа.

Според романскиот министер за енергетика Себастијан Бурдуја, цените на струјата во регионот веќе неколку месеци се значително повисоки отколку во Западна Европа, што се должи на неколку фактори, меѓу кои и сушната година, намаленото производство на електрична енергија од хидроцентралите и проблемите со интерконекцијата.

– Обезбедуваме и значајна поддршка за Молдавија и за Украина, што прави дополнителен притисок врз цените на енергијата во Романија. Тоа не може да продолжи бесконечно – изјави Бурдуја.

Тој потенцира дека ако Романија е дел од единствен европски енергетски пазар, не може едноставно да толерира цени кои се два или три пати повисоки отколку оние во остатокот од Европа.

– Ако сакаме исти правила, мора да уживаме и исти придобивки. Во спротивно, некои ќе ги добијат сите придобивки, додека други ќе останат да ги покриваат трошоците. Затоа ќе го иницирам прашањето пред Советот на министри на ЕУ – додаде Бурдуја.

Грчкиот министер за енергетика Теодорос оцени дека единствениот пазар на електрична енергија на ЕУ не функционира во југоисточна Европа.

– Ќе работиме со Романија и со Бугарија за да се најде трајно решение за зголемените цени на електричната енергија во регионот – изјави Скилакакис.

Тој најави дека заедно со неговите колеги од Бугарија и од Романија ќе создадат „траен механизам за интервенција секогаш кога ќе се забележат екстремни цени поради отсекувањето на југоисточна Европа од остатокот од европскиот енергетски пазар“.

Грција и официјално испрати писмо до Европската комисија во кое укажува на проблемот.

И македонските Регулаторната комисија за енергетика и Министерството за енергетика, рударство и минерални суровини соопштија дека ја информирале Европската енергетска заедница (ЕЕЗ) дека во дел од земјите на Југоисточна Европа се регистрираат „нетипично високи цени на пазарот на електрична енергија“.

Во официјално писмо упатено до директорот на ЕЕЗ, Артур Лорковски двете македонски институции бараат да се мобилизира екипа која ќе направи детална анализа и ќе ги скенира причините поради кои постои голема нерамнотежа на цената на струјата од земја до земја.

Во овој период просечните цени на пазарите ден однапред во јули 2024 година се движеа од околу 159 евра за мегават час во Албанија, а во Франција беа околу 46 евра за мегават час.

Деновиве има осетно стабилизирање на цените.

The post 4 МЕСЕЦИ БАЛКАНОТ ПЛАЌА СТРУЈА ЗА ЦЕЛА ЕВРОПА Регионот бара компензација поради драстичните разлики во цената, во ЕУ – штама appeared first on plusinfo.mk.

„Партиите пријателски настроени кон Русија во трите источни германски покраини Бранденбург, Саксонија и Тирингија се спремаат за значителни придобивки на локалните избори во септември, од кои два се закажани за в недела“, пишува медиумот.

Во еден дел од статијата се вели:

„Тоа би било и лична победа за Путин: рускиот лидер го испекол својот занает како шпион на КГБ во 1980-тите во Дрезден, искуство што му оставило трајна фасцинација за сè што е германско. Еден биограф дури еднаш го нарече Путин „Германецот во Кремљ“.

Кои партии се во пораст на истокот на Германија?

Проруската Алтернатива за Германија (АфД) има големи шанси да заврши на првото место во сите три покраини, а неодамна формираната левичарска алијанса Сахра Вагенкнехт(БСВ) ја зголемува поддршката. Во исто време, Москва сака да воспостави силно упориште низ широкиот дел на поранешната Источна Германија, регион во кој доминираше со децении за време на Студената војна.

Ако прогнозите се потврдат на гласачките кутии, резултатите сигурно ќе предизвикаат длабока вознемиреност низ Германија. Ова ќе разоткрие дека не успеаја напорите на германскиот политички естаблишмент да го премости јазот Исток-Запад во земјата и до срж жќе ја разниша и онака нестабилната триделна коалиција во Берлин.

Сѐ на сѐ, партиите пријателски настроени кон Москва, кои се протегаат меѓу крајната десница и левица од политичкиот спектар, се очекува да освојат најмалку 50 отсто од гласовите низ регионите, според најновите анкети. Во една држава, Тирингија, се предвидува дека партиите ќе достигнат дури 65 отсто, а дека АфД ќе се искачи на првото место со околу 30 отсто од гласовите.

Иако сите партии не се толку отворено проруски како АфД, тие имаат заеднички два наративи наметнати од екстремната десница: дека НАТО ја дели вината за војната во Украина и дека мирното решение би било можно ако само Западот беше сериозен со својата дипломатија.

Она што е интересно дека во овие региони, дури и кога во прогнозите за претстојните избори е вклучена најголемата центристичка сила во Германија, конзервативните Демохристијани (ЦДУ), партијата не надминува 50 отсто од гласовите. Другите мејнстрим владејачки партии како СПД, Зелените и Слободните демократи имаат уште пониски бројки.

Овој пат, според анализата на Политико, укажува дека долгогодишните обиди уште од 1990-тите години да се увезе естаблишмент од некогашна Западна во Источна Германија сега се враќаат назад, иако голем дел од владејачката класа на Истокот и денес потекнува од Западот.

Брзиот подем на АфД е доказ за тоа, се вели во статијата. Уште повеќе, многу високи фигури на АфД не го кријат својот афинитет кон авторитарниот режим на Путин.

Бјорн Хоке, лидерот на АфД во Тирингија, кој многумина го сметаат за „кум“ на партијата, рече дека ако некогаш стане германски канцелар, неговото прво патување ќе биде во Москва. Ако тоа некогаш се случи, поверојатно е дека Путин прв ќе дојде во Германија да го посети Хоке.

Пред да се влошат односите меѓу Москва и Берлин, Путин беше чест посетител на Германија, вклучително и во неговиот поранешен роден град на исток.

– Ќе бидам искрен, доаѓам во Дрезден со посебно чувство – ѝ рече рускиот лидер на публиката за време на посетата на градот во 2009 година за да го прими Орденот на Свети Џорџ, награда во чест на истакнати личности кои „се борат за добро во светот“.

– Ова е без сомнение еден од центрите на европската култура, град богат со историја со свој посебен шарм – рече тогаш Путин.

The post ПУТИН ЌЕ СЛАВИ „ПУЧ“ ВО ИСТОЧНА ГЕРМАНИЈА? Додека размислува за Курск, проруските АфД ќе победат на изборите, пишува Политико appeared first on plusinfo.mk.

Утре ќе се задржи променливо облачно време со повремен пороен дожд и грмежи, особено во источните делови од земјата. Локално ќе има услови за краткотрајно невреме, информираат од УХМР.

Минималната температура ќе биде од 13 до 21, а максималната од 23 до 33 степени.

УХМР најавува дека за време на викендот времето ќе биде стабилно и потопло, а повторно дестабилизирање се очекува од вторник.

The post УТРЕ НЕВРЕМЕТО ЌЕ СВРТИ КОН ИСТОК Се очекуваат порои во источните делови од земјата appeared first on plusinfo.mk.

На видеото, кое наводно е снимено во регионот Суми во источна Украина, се гледа како група војници ги бројат мртвите на бојното поле. Не може прецизно да се каже дали видеото содржи тела на припадници на руските сили или на украинската армија.

На каналот Телеграм каде е објавено видеото, се наведува дека грозоморната сцена е снимена во близина на селото Краснопољ.

pic.twitter.com/LxvVTo0R6m

— Pluton (@Pluton45873221) June 16, 2023

Украинските сили напредуваат во јужните сектори на својата контраофанзива против руските окупаторски трупи, соопштија синоќа украински воени претставници.

Последниот извештај за контраофанзивата, како и извештајот за „очајниот отпор“ на руските трупи на исток, беше објавен откако украинскиот претседател Володимир Зеленски рече дека движењето во контраофанзивата е „најважното нешто“.

– Секој војник, секој нов чекор што го правиме, секој метар украинска земја ослободена од непријателот е од најголема важност – рече синоќа Зеленски во своето редовно видео обраќање.

Светските агенции нагласуваат дека не може да се потврди ситуацијата на бојното поле. Русија официјално не го признава напредокот на Украина во раните фази на контраофанзивата и тврди дека им нанела големи загуби на силите на Киев во изминатите 24 часа.

The post (ВИДЕО) НЕМА КРАЈ НА УЖАСОТ ВО УКРАИНА Мртвите кај Каснопољ не можат ниту да се избројат appeared first on plusinfo.mk.

Ново Информбиро?

Тоа е грмолавина од кодошење, со заплашување и замолчување!

Тоа е срамно однесување на грст материјалисти, платени да наметнуваат и да спроведуваат туѓи агенди и интереси, дотаму дрско, што, со осуда, го игнорираат правото на самоопределба во мисловна смисла – прифаќање или отфрлање на туѓи политички цели, при тоа, без омраза кон било кој народ, држава…

А туѓите цели на западните камшикари се одамна одомаќинети во нашата земја и непречено се реализираат. Со свое видение и наметнати смерници, тие, место нас, се изјаснуваат за нашите витални прашања, а потоа нѐ оценуваат што сме исполниле а што не, наводно, како критериум за во ЕУ, без да ги почитуваат нашето достоинство, совест и чест, како и правото на  здраворазумниот човек да ја отфрли заканата, која со присила го редефинира неговиот национален идентитет.

Затоа, ја отфрлам прозападната политика, која е профашистичка, колонијалистичко-робовладетелска и која нема право да настапува во име на Меѓународната заедница, бидејќи е мал дел од неа, чие име се злоупотребува од шака економски моќници и политички марионети на НАТО, односно на англо-американската, наметната и во Европа, политика.

Не е утеха, ама треба да се каже дека тие што ни се наметнаа и здружено нѐ колваат, и ни ја третираат државата како тоалетна хартија, а нас Македонците како отпадници од човечкиот род, меѓу себе не се поштедија. Колонијалниот систем, или современиот неоколонијализам форсиран од Америка, која во никого не гледа партнер, туку марионета, ја колонизира и Европа,  убедувајќи ја – заедно да ја уништиме Русија, а потоа и вас. Не стигнаа да ја уништат Мечката, и тоа нема да се случи, но затоа, англо-американската втора фаза за уништување на Европа, е во тек. Хороскопот на ЕУ, која веќе не е самостојна организација, го штелуваа до распад. Пропаѓа старата дама, посебно откако НАТО стапна во нејзината срцевина и ја претвори во сопствена база и команда, како „партнерство за мир“, која циркуска пародија денеска само понекој, за потсмев, ја споменува.

Тој навидум здружен Запад, со својот посеан вирус кој го разорува човештвото, нема снага во судир и спротивставување со Истокот, да успее. Неоколонијалниот систем пропаѓа заедно со збувнатиот фашизам, чии творци и следбеници не можат да сфатат дека во иста вода не се стапнува по втор пат.

Америка одамна почна да ја губи својата доминација на светски џандар и апаш, посебно кога Русија во 2022 година ѝ покажа нова ориентација за Истокот и Западот, стави точка на напредокот на НАТО и можноста да ја докачи за вратот. Затоа Соленбрег ја брани Украина преку телевизија и само повикува за нов дотур на оружје. Не праќа трупи, а нема ни војници кои би отишле да гинат… За да трае, трае војната, надевајќи се дека Русија ќе ослабне и ќе попушти, ќе ги врати освоените територии!

„Миротворците“ кои ја снабдуваат со оружје Украина, а забрануваат на Русија да ѝ се доставува од Кина и други земји, од подалеку морално ја куражат дека се со неа! Со  епски  стихови пеени и од нашите паролаши, нѐ забавуваат дека „Украина е морален победник – го обедини демократскиот свет“, „Русија мора да се победи“. Разгракани  ја забошотуваат вистината дека Америте  изгубија, НАТО не успеа и мора да се себе-укине, барем во Европа, која спрема Орбан, поддржан и од други политичари, треба да формира свој воен сојуз, без сегашното НАТО.

Македонија се сврсти како држава во таборот на „русофоби“, усогласувајќи ја во таа смисла внатрешната и надворешната политика со Западот, без алтернатива. Затоа, „нашите“ водачи кои ја препуштија судбината на земјава во туѓи раце, трчаат да ја „спасуваат“ Украина, да парадираат како недоветни по жртвуваната земја, сликајќи се со челните профашисти. Да се штитат интересите на туѓа држава, кога во исто време свесно се врши велепредавство на интересите на државата во чие име се шетаат и китат со ордени, е учество во трагикомичен  театар…

А војната сѐ повеќе светот ја карактеризира како одбранбена, бидејќи е јасно дека Русија беше нападната од НАТО, со самото тоа што преку Украина се обиде да ѝ се напика, а имаше договор кој не се испочитува, дека Украина нема да влезе  во тој сојуз раководен од суетна врхушка, која не може да се помири дека ѕвездата им е на видлив залез.

Не војува Русија со Украина, која сосе народот е жртвувана.  Светот знае кој ја провоцира војната и зошто  НАТО со Америте и Англичаните се осојузи кон Истокот. Точка е ставена на ширење на чадорот кон исток. За тоа е свесна Америка. Свесна е и Европа дека е втурната во туѓа војна од која пропаѓа. Измамена, отворено се труди да се ослободи од пријателското ропство, за кое од поодамна стана свесна, но молчеше. Сега, не само што прета, туку и клоца, но тоа е иден расплет.

А на НАТО и Америка им се брза. И на Англичаните. Не се почитува ништо што е противно на нивните интереси. Како што нетрпеливо нѐ чукаа нас по глава да го потпишеме Охридскиот, да го смениме името со Преспанскиот, а сега да го отвориме Уставот. Исто, во тој несреќен за „спогодби“ Охрид, ги присилуваат  Србите да  го прифатат француско -германскиот ултиматум, во кој нема две страни, бидејќи  Косово е насилно отцепен дел од Србија.

Да се разбереме и да ни биде дефинитивно јасно – тие двајцата неписмени силеџии од европтскиот бордел, преставници на американските и англиските интереси, кои ја силат Србија заобиколено да го признае Косово како правен субјект, воопшто не се насекирани што нивните држави се против признавање. Тие имаат задача – пред официјално да капитулира Украина, која повеќе од 20% ја изгуби територијата и својството на држава, Америка да се устоличи на Балканот, со новата НАТО држава, и  членка, се разбира – со војска и добиено наоружување за  контрола и одбрана, а по брза постапка, државата Косово ќе се обедини со Албанија со која и сега нема граници и ќе ја официјализира маршутата на Г. Албанија. Не случајно Албанија е местото каде се градат НАТО базите, а Криволак е базата поврзана со Бондстил, каде се стокми заедничкиот одбранбен систем меѓу Косово и Македонија, кој е големоалбански и дел од Тиранската платформа.

Тоа не е сѐ – Македонија отворено ја следи судбината на Косово. Не случајно брзоплето се повлече барањето за албански заедници, бидејќи е преурането. Но, во Прешевската долина синхронизирано се дејствува, исто како и во Босна. Во тоа помага и американската платформа за Отворен Балкан. Сѐ е обмислено со лаги и закани. Тенденцијата е одредени народи, посебно од Балканот, за сметка на други, да ја изгубат својата историска свест.

Ропството е новата лика на слободата, кој благодет во Македонија го консумираме, и со залагањето на Македонците од власта, чекаме – Бугарите и Албанците да ја поделат и врамат сликата на Санстефанија и Шкиперија е Маде. Тоа брзо ќе се оствари ако Србија ја потпише, или заобиколно ја прифати велепредавничката „двострана спогодба“. Потоа ја чека делба на планирани републики, секакви општини и чуки, до целосно раскомадување.

Жално е за мене сето ова што се случува. Се надевам дека ќе се сопре овој фашистички сатанистички терор, ако Русите, помогнати од Кина, Индија, Арапскиот, Јужноамериканскиот, и другиот напреден свет, ги победат глобалистите и воспостават нов мултиполарен геополитички систем, во кој, со Господ  напред, белким ќе се почувствуваме човечки битија!

The post Кој го враќа Информбирото? appeared first on plusinfo.mk.

Ваква глупост е напишана во новиот учебник по Историја и општество за петто одделение, во лекцијата од којашто учениците треба да ги научат соседните земји на Македонија.

Граѓани, родители на деца од основно, на социјалните мрежи бурно реагираат на „грешките“, односно, како што самите велат, на неписменоста на авторите на новиот учебник.

Претходно денеска, сличен пример објавивме и со учебникот кој надецата им дава основни информации за населението и за континетнтите, а таму е наведено дека највисокиот врв на светот – Монт Еверест на Хималаите, е висок 29.305 метри.

До сега се учеше дека врвот што го нарекуваат и „покривот на светот“ е висок 8.849 метри.

Пропаднало и Мртво Море, неверојатни 1.400 метри под нивото на земјата, открива нашиов „учебник“.

МАКЕДОНСКИ УЧЕБНИК ОТКРИ ДЕКА МОНТ ЕВЕРЕСТ ПОРАСНАЛ ЗА 20 КИЛОМЕТРИ Нашите деца учат дека највисокиот врв е висок 29.305 метри!

The post „ОФ МОРИ МАЈКО, КАКВИ ГЛУПОСТИ НИ УЧАТ ДЕЦАТА“ Учебник за 5-то одделение тврди дека Македонија на запад граничи со Бугарија (ФОТО) appeared first on plusinfo.mk.

ЕСМ веќе има набавено природен гас за топланите Исток и Запад до 15 ноември. По преземањето на топланите Исток и Запад под закуп од АД Адора, ЕСМ, како што истакна Ковачевски, веднаш почна да ги подготвува да можат да работат и на алтернативно гориво како втора варијанта, а тоа е дизел горивото во случај да го нема природниот гас или да има екстремно висока цена.

– Од 15 ноември ќе бидеме подготвени да направиме одреден тест период да се вклучат топланите Исток и Запад на дизел гориво со цел да го пробаме системот и да видиме дали може да работи и со овој енергенс, бидејќи во минатото работел на мазут кој е еколошки многу понеподобен. Тоа го правиме за да бидеме сигурни дека во целост ќе можеме да ги задоволиме потребите со топлинска енергија во подоцниот период на грејната сезона или во наредните сезони и доколку има проблеми со набавка на природен гас, изјави Ковачевски.

Нагласи дека во период кога функционира приватната гасна когенеративна електрана ТЕ-ТО се добиваат околу 60 проценти од потребната топлинска енергија за топлификацискиот систем во Скопје, а останатите 40 проценти ги обезбедуваат топланите Исток и Запад.

– Токму затоа и заради поволните временски услови планот на техничките кадри во ЕСМ топлинска енергија е да направат тест период од 15 ноември со промена на енергенсот и наместо гас да се употреби дизел гориво. Префрлувањето ќе биде за не повеќе од 24 часа, но тоа не значи дека во тој период граѓаните на Скопје ќе останат без топлинска енергија. Прво едната топлана ќе се префрла на дизел, а потоа другата, но при тоа најголем дел од топлинската енергија во континуитет ќе се добива од ТЕ-ТО и нема да има намалена испорака на топлинска енергија – прецизира Ковачевски.

Префрлањето на друг енергенс, како што рече, се прави за да се осигураат како компанија, но и граѓаните да бидат сигурни дека ќе има парно греење без оглед какви ќе бидат околностите во наредниот период во делот на испорака на природниот гас.

– Техничките лица планираат најмалку 10 дена една од топланите да работи на дизел гориво за да можат да се пратат параметрите и да може да се испита комплетниот систем. Во двете топлани се поставени нови 10 најсовремени пумпи за дизел гориво, а во моментов се чисти и системот кој претходно беше користен на мазут. Техничките лица ќе дадат информација колку дена ќе требаат дополнително за да се осигура дека тој систем ќе може да функционира на дизел гориво – посочи Ковачевски и додаде дека набавката на пумпите и чистењето на системот чини 330 илјади евра.

Порача дека дизелот го има во државните резерви и е полесно достапен и полесно може со него да се изменаџира евентуална криза со природниот гас за разлика од мазутот кој го нема на залиха и многу повеќе загадува.

Според Ковачевски, доколку топланите работат на дизел во моментов производството на топлинска енергија ќе биде поевтино за 20 до 30 проценти отколку на гас, но заради екологијата топланите ќе работат на природен гас се додека нема евентуални проблеми за негова набавка.

The post ЕСМ ВО ПРОВЕРКА НА ТОПЛАНИТЕ Ќе се тестира дали Исток и Запад може да работат на дизел appeared first on plusinfo.mk.

– Не можам да кажам дека тоа (протестот) беше посреднички напад, бидејќи таму имаше многу обични луѓе… но дали има посреднички конфликт во Србија – има, без сомнение. Тука има индиректен конфликт меѓу Истокот и Западот – рече тој.

– Се обидуваме да преживееме… со што е можно помалку рани и лузни – истакнува Вучиќ, кого Ројтерс го опишува како поранешен националист кој ја прифатил проевропската политика.

The post СРБИЈА Е СЦЕНА ЗА ПОСРЕДНА ВОЈНА МЕЃУ ИСТОКОТ И ЗАПАДОТ Вучиќ вели дека „се обидуваме да преживееме“ appeared first on plusinfo.mk.

Русија почнува да повлекува дел од силите од областа околу главниот град на Украина – Киев, и за САД тоа е „голема“ промена на стратегијата од страна на Москва, изјавија за Си-Ен-Ен двајца високи американски претставници.

Руските сили, кои сега се повлекуваат во некои области на северот ќе се фокусираат на освоената територија на југ и на исток. САД веќе ги набљудуваат овие движења кои се во тек, вклучително и руските тактички групи на баталјони кои ги напуштаат околните области околу Киев.

Руското Министерство за одбрана денеска соопшти дека одлучило „драстично да ги намали непријателствата“ во насоките Киев и Чернигов, изјави рускиот заменик-министер за одбрана Александар Фомин.

САД оценуваат дека Русија ќе го покрие нивното повлекување со евентуално воздушно и артилериско бомбардирање на главниот град, рече еден од соговорниците на Си-Ен-Ен. Американските власти предупредуваат дека Русија секогаш би можела повторно да се врати назад доколку дозволат условите за борба.

The post РУСИТЕ СЕ ПОВЛЕКОА ОД СЕВЕРЕН КИЕВ Фокусот го насочуваат кон југот и истокот на главниот град на Украина appeared first on plusinfo.mk.

Русија испраќа два баталјона ракетни системи земја-воздух С-400 во Белорусија. Вооружувањето се испраќа во рамките на воените вежби што ќе се одржат следниот месец, соопшти руското Министерство за одбрана.

Министерството за одбрана соопштува дека два баталјона С-400, што вообичаено вклучуваат осум против-воздушни ракетни системи, во моментов со воз се префрлаат во Белорусија од рускиот Далечен Исток

Официјална Москва најави дека во Белорусија ќе бидат распоредени и 12 борбени авиони „Су-35“ и еден ракетен систем „Панцир“.

Руските воени сили и опрема неделава почнаа да пристигнуваат во Белорусија за учество во воената вежба „Сојузничка одлучност“, што ќе се одржи во близина на западната граница на Белорусија со членките на НАТО – Полска и Литванија, и во близина на нејзиното јужно крило со Украина.

The post ОД ДАЛЕЧНИОТ ИСТОК РУСКОТО ОРУЖЈЕ СЕ ПРЕФРЛА НА ЗАПАДНИОТ ФРОНТ Два баталјона опремени со С-400 упатени кон Белорусија appeared first on plusinfo.mk.