Одделот за внатрешна контрола поднел кривична пријава против раководител на смена на граничниот премин Јажинце, кој, според пријавата, не казнил возач со истечена сообраќајна дозвола и не го исклучил возилото од

Полициски раководител на смена на граничниот премин Јажинце е осомничен за злоупотреба на службената положба, откако не казнил возач кој управувал возило со истечена сообраќајна дозвола и му дозволил да продолжи да учествува во сообраќајот.

Одделот за внатрешна контрола при Министерството за внатрешни работи поднел кривична пријава против А.Љ. до Основното јавно обвинителство за гонење на организиран криминал и корупција, поради сомнение за злоупотреба на службената положба и овластување.

Според пријавата, на 27 јуни 2026 година, осомничениот, кој работел како раководител на смена во Полициската станица за граничниот премин Јажинце, одлучил да не му изрече глоба на возачот од 100 евра во денарска противвредност, иако претходно друг полициски службеник утврдил дека сторил сообраќаен прекршок.

Возачот управувал возило со сообраќајна дозвола чиј рок на важење бил истечен повеќе од 30 дена. Наместо да ја изрече предвидената казна и да го исклучи возилото од сообраќај, полицискиот раководител му дозволил на возачот да продолжи да го користи.

Против полицискиот службеник ќе биде покрената и дисциплинска постапка, а Одделот за внатрешна контрола ќе предложи тој да биде суспендиран од работното место до завршувањето на постапката.

За кривичното дело „злоупотреба на службената положба и овластување“ е предвидена одговорност согласно член 353 од Кривичниот законик.

The post НАМЕСТО КАЗНА ОД 100 ЕВРА, МУ ДОЗВОЛИЛ ДА ПРОДОЛЖИ Истрага против полициски службеник appeared first on plusinfo.mk.