Во врска со конечниот извештај на Државниот завод за ревизија за работењето на Фондот на пензиското и инвалидското осигурување на Македонија за 2024 година, Фондот ја информира јавноста дека станува збор за редовна годишна ревизија која се спроведува секоја година согласно закон и го опфаќа финансиското работење, усогласеноста на постапките и управувањето со средствата на институцијата.

Важно е да се нагласи дека предмет на ревизија е работењето на Фондот во текот на целата 2024 година.

Во првите девет месеци од ревидираниот период со Фондот управуваше раководен кадар именуван во време на претходната Влада предводена од СДСМ и ДУИ, додека актуелното раководство ја презеде одговорноста за управување со институцијата во последниот квартал од годината.

Поради тоа, најголемиот дел од ревидираните постапки, одлуки, договори, административни процеси и утврдени состојби се однесуваат на период кога Фондот функционирал под раководство на претходниот менаџмент.

Дополнително, значителен дел од забелешките на ревизорите се однесуваат на состојби кои се провлекуваат со години и биле нотирани и во претходни ревизорски извештаи, што укажува дека станува збор за наследени системски слабости.

Фондот на ПИОМ нагласува дека по преземањето на функцијата, актуелниот менаџмент веднаш пристапи кон анализа на сите ризични процеси и воведе конкретни мерки за надминување на утврдените слабости.

Во делот на јавните набавки отстранети се сите недостатоци забележани во наодите и се воспоставени дополнителни контролни механизми, зајакнати се процедурите за планирање и реализација на набавките и е воспоставен систем на повисока транспарентност и отчетност.

Истовремено, преземени се активности за средување на административните евиденции, подобрување на внатрешните контроли, унапредување на финансиското управување, зајакнување на институционалната дисциплина и подобрување на процесите поврзани со управувањето со средствата и имотот на Фондот.

Фондот на ПИОМ со полна одговорност оценува дека слабостите кои се однесуваат на тековното административно работење и на системот на јавни набавки се веќе надминати, а механизмите воспоставени на крајот на 2024 и во текот на 2025 година, значително го намалуваат ризикот од повторување на констатираните состојби во иднина и ова е нотирано во извештајот на ДЗР во прилот на забелешките од Фондот на ПИОМ.

Воедно, во јавноста се отворија прашања поврзани со обврските кон Фондот за здравствено осигурување и трансферите кон пензиските друшва од вториот столб.

Во таа насока Фондот на ПИОМ смета дека е потребно да се истакне дека зголемувањето на овие обврски е директна последица на историски најголемото зголемување на пензиите во државата.

Со одлуките донесени во изминатиот период, пензиите беа зголемени номинално за околу 7.000 денари месечно за сите 347.000 пензионери. Тоа значи дополнителни средства за пензионерите во износ од околу 30 милијарди денари на годишно ниво.

Бидејќи придонесот за здравствено осигурување на пензионерите се пресметува како процент од исплатената пензија и изнесува 11,8 проценти од нето исплатената пензија, а делот за вториот столб е 6 проценти од вкупните придонеси за пензиско осигурување, сосема очекувано е со растот на пензиите да се зголемува и обврската по овој основ кон Фондот за здравствено осигурување.

Оттука, Фондот на ПИОМ нагласува дека зголемените обврски се директен резултат на повисоките пензии и подобриот животен стандард на пензионерите, а не последица на нарушена финансиска стабилност или нефункционирање на системот.

Исплатите по овие основи зависат од висината на средства обезбедени во буџетот на ПИОМ и реализацијата на овие стапки во буџетот на Фондот за 2024 година изнесува 82,24 проценти за ФЗО и 92,95 проценти за Вториот столб.

Фондот на ПИОМ смета дека најважно е што во ниту еден момент не е доведено во прашање здравственото осигурување на пензионерите.

Сите пензионери непречено и континуирано ги остваруваат своите права од здравственото осигурување и редовно ги добиваат здравствените услуги под исти услови како и досега.

Фондот на ПИОМ целосно ги прифаќа препораките на Државниот завод за ревизија и континуирано работи на нивна имплементација.

Истовремено, Фондот на ПИОМ останува посветен на принципите на законитост, отчетност, транспарентност и домаќинско управување со средствата на осигурениците и пензионерите.

Граѓаните и пензионерите треба да бидат уверени дека финансиската стабилност на Фондот, редовната исплата на пензиите, непреченото функционирање на пензискиот систем и континуираното обезбедување на здравствените права на пензионерите не се доведени во прашање и остануваат врвен приоритет на актуелното раководство на ПИОМ и Владата на Република Македонија.

The post РЕВИЗИЈАТА НА ФОНДОТ ЗА ПИОМ СЕ ОДНЕСУВА НА ВРЕМЕТО НА ПРЕТХОДНОТО РАКОВОДСТВО Многу од утврдените слабости во меѓувреме се надминати appeared first on plusinfo.mk.

Започна исплатата на парите од МојДДВ за скенирани фискални сметки за првото тримесечје од 2026 година, информираа од УЈП.

Исплатата се реализира етапно, согласно обработката на налозите.

Според објавените податоци, парите ќе добијат 528.447 корисници, а вкупно  бидат исплатени близу 836 милиони денари (13,6 милиони евра).

Од УЈП информираат дека кај 4.968 корисници е утврден неточен податок за трансакциска сметка, поради што исплатата засега не може да се реализира додека не се коригираат податоците.

Дополнително, кај 7.560 корисници износот за поврат е помал од 50 денари, па парите ќе бидат префрлени и исплатени во следниот квартал.

Од УЈП апелираат граѓаните кои сè уште не добиле пари од претходни или тековни исплати да ги проверат податоците за трансакциската сметка во апликацијата.

The post ПОЧНА ИСПЛАТАТА НА МОЈДДВ На сметките на граѓаните ќе легнат вкупно 13,6 милиони евра appeared first on plusinfo.mk.

Управниот одбор на АЛКАЛОИД АД Скопје на седницата одржана на ден 26.02.2026 година донесе Предлог-Одлука со која му предлага на Собранието на акционери исплата на дивиденда за 2025 година во износ од 720,00 денари бруто односно 648,00 денари нето по акција, што во однос на исплатената дивиденда по акција за претходната година од 630,00 денари бруто односно 567,00 денари нето е поголема за 14,3%.

За исплатата на дивиденда и персонален данок на личен доход компанијата ќе издвои над 1 милијарда денари.

Во согласност со предлог одлуката, исплатата на дивидендата ќе започне од 13.05.2026 година.

АЛКАЛОИД АД Скопје објави дека седницата на годишното Собрание на акционери на Друштвото ќе се одржи на ден 30.03.2026 година со почеток во 08:00 часот во деловните простории на Друштвото, Бул. Александар Македонски бр. 12, Скопје, Република Северна Македонија.

The post АЛКАЛОИД АД ЌЕ ИСПЛАТИ ЗА 14,3% ПОГОЛЕМА ДИВИДЕНДА ОД ЛАНИ За исплатата на дивиденда и данок на доход се предвидени над милијарда денари appeared first on plusinfo.mk.

Видеолотарија Касинос Австрија им исплати 77.017.392 денари (околу 1.250.000 евра) на своите играчи на ВЛТ терминалите ширум Македонија во септември. Овие бројки не се само статистика, тие претставуваат илјадници нови среќни приказни, велат од компанијата.

– Среќни бројки во септември: 5 Супер милионер џекпот добитници заедно поделија 32.674.350 денари, 23 Милионер џекпот добитници добија вкупно 34.310.057 денари, а играчите на Мини џекпот поделија 10.032.985 денари – соопштија од Видеолотарија.

Оттаму додаваат дека Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди.

– Во изминатите 11 години, на среќните играчи низ Македонија им се исплатени преку три милијарди денари – доказ за транспарентност, стабилност и лидерска позиција во областа на електронските игри на среќа. Септември докажа дека среќата секогаш е тука, на ВЛТ терминалите на Видеолотарија Касинос Австрија – порачуваат од Видеолотарија.

The post ВИДЕОЛОТАРИЈА КАСИНОС АВСТРИЈА ИСПЛАТИ ОКОЛУ 1,2 МИЛИОНИ ЕВРА НА ИГРАЧИТЕ Во септември имало 5 супер милионери и 23 милионери appeared first on plusinfo.mk.

Ова го покажува последното истражување на Центарот за граѓански комуникации.

Сите општини и Град Скопје, во 2023 година исплатиле 1,1 милион евра за адвокати по разни основи. Најчеста основа е за „правни услуги“, потоа „трошоци по извршни исправи“ и „плаќања по судски решенија“. 40% од исплатената сума е за адвокати кои општините сами ги ангажирале, додека останатите 60% се за исплатени адвокатски услуги по други основи како извршни исправи, судски решенија итн.

Истражувањето покажува дека речиси иста сума 1 милион евра во 2023 година  потрошиле и министерствата.

Од 81 единица на локална самоуправа, 72 имале исплати за користење на адвокатски услуги во 2023 година, додека општините Босилово, Валандово, Градско, Делчево, Зрновци, Јегуновце, Карбинци, Липково и Пласница не користеле услуги на адвокати, ниту исплатиле адвокати врз други основи.

Една четвртина од општините исплаќаат месечен паушал на некој адвокат, во ист или приближно ист износ.

Градот Скопје е лидер меѓу локалните самоуправи со потрошени 214.000 евра за адвокати во 2023 година, односно 21,5 % од вкупниот износ кој го исплатиле сите единици за локална самоуправа заедно. Овие пари се се исплатени на вкупно 106 адвокати чии што услуги Градот Скопје ги користел или морал да им исплати во 2023 година.

Општина Гази Баба е на второто место со исплатени 123 илјади евра што претставува 11,3 % од вкупниот износ кој го исплатиле сите единици за локална самоуправа. Овие средства се исплатени на четири адвокати. Од нив  81 %, односно 100.000 евра се исплатени на адвокат за предметот за „изградба на пречистителни станици и колектори“.

Во однос на вкупниот број на исплатени адвокати повторно на врвот е Град Скопје со 106, пред Општина Битола со 60 и Општина Куманово со 35.

Според истражувањето, вкупно 417 адвокати ги наплатиле своите услуги од единиците за локална самоуправа во 2023 година. Од нив најмногу наплатил адвокатот Влатко Ристовски од Скопје, речиси 103.000 евра, и тоа 100.500 евра од Општина Гази Баба и 2.500 евра од Општина Карпош.

На второто место е адвокатката Билјана Панова која од Град Скопје наплатила 49.000 евра, а трето е Адвокатско друштво Стојановска-Димитровски Крива Паланка кое од 8 општини наплатило нешто повеќе од 39.000 евра.

Сите министерства заедно и Владата, на адвокати им исплатиле 1 милион евра. Само две министерства ангажирале адвокати, додека другите исплати се на адвокати по други основи, односно за судски и извршни решенија, и камати.

Најмногу исплати, односно дури 82 % од парите што сите министерства заедно ги исплатиле на адвокати, има Министерството за финансии за функциите на државата. Само за оваа намена, исплатени се 834.000 евра.

Во однос на вкупниот број на исплатени адвокати, на врвот е Министерството за финансии, за функции на државата, со 327 исплатени адвокати. Следи Министерството за правда со 108, па Министерството за труд и социјална политика со 45.

Истражувањето утврдиле дека вкупно 500 адвокати ги наплатиле своите услуги од министерствата во 2023 година. Од нив најмногу наплатил адвокатот Иван Поповски, 61.052 евра. Сите други имаат наплатено помали суми. Втор е адвокатот Владимир Николоски кој наплатил 27.063 евра, па адвокатот Петар Василев со 26.467 евра.

The post 2 МИЛИОНА ЕВРА ЛАНИ ОПШТИНИТЕ И МИНИСТЕРСТВАТА ПОТРОШИЛЕ ЗА АДВОКАТИ Нема да ве изненади кој е на врвот на листата appeared first on plusinfo.mk.

Ракометната Федерација на Македонија (РФМ) по претходно донесена одлука на Управниот одбор, денеска (14.11.2024 година) ги исплати наградите на националните селекции.

Исплатени се 2.000.000 денари на машката сениорска репрезентација за пласманот на IHF Men’s World Championship 2025 кое ќе се одржи во Хрватска, Норвешка и во Данска.

Исплатени се 1.000.000 денари на младинската селекција (машка конкуренција) за освоено 9-то место на M20 EHF EURO Championship 2024, кое се одржа во Словенија.

Исплатени се 2.000.000 денари за пласман на женската сениорска репрезентација на Women’s EHF EURO 2024, кое ќе се одржи во Унгарија, Швајцарија и во Австрија.

Македонската сениорска репрезентација обезбеди пласман на IHF Men’s World Championship 2025 по одиграните бараж натпревари со селекцијата на Фарски Острови. Сениорите својот настап на светското првенство ќе го имаат во градот Вараждин, Хрватска, и ќе разигруваат во прелиминарниот дел во групата со селекциите на Унгарија, Холандија и на Гвинеја.

Машката кадетска ракометна репрезентација со прикажаните одлични настапи на M20 EHF EURO Championship 2024, веќе следната година ја очекува учество на IHF Men’s U21 Handball World Championship кое ќе се одржи во Полска во периодот од 18 до 29 јуни 2025 година.

Женската сениорска репрезентација обезбеди пласман на Women’s EHF EURO 2024 преку квалификациите, како второпласирана во групата. Европското првенство годинава во женска конкуренција за прв пат ќе биде организирано со 24 селекции, а нашите сениорки својот настап во прелиминарната група ќе го имаат со селекциите на Унгарија, Турција и на Шведска во градот Дебрецин, Унгарија.

The post ИСПЛАТЕНИ 5 МИЛИОНИ ДЕНАРИ ЗА ДОБРИТЕ ПЛАСМАНИ НА РАКОМЕТНИТЕ РЕПРЕЗЕНТАЦИИ Догодина ќе играме на Светско првенство appeared first on plusinfo.mk.

„Како директори јавно го искажуваме своето незадоволство од непромислените изјави на техничкиот министер, Велковски на вчерашната прес-конференција. За еден професионалец да работи во социјална заштита потребна е посветеност, толеранција и емпатија, чиста професионалност и информираност, а пред се знаење.

Министер што не ги проверува информациите пред да ги каже во јавност, а притоа ги навредува сите вработени во институцијата каде моментално тој е на чело е целосно неприфатливо.

Бараме извинување за нарушување на интегритетот на нашите вработени, како директори го цениме трудот на вработените и никакви политички игри не смеат да ја навредат нивната професионалност! Човек што не ги почитува вработените, не можи да води едно од најголемите министерства во државата“ – се вели во реакцијата од директорите испратени од повеќе различни центри за социјална работа.

Министерот Велковски рече дека е направен милионски криминал во Министерството за труд и социјална политика (МТСП) преку злоупотреба на системот за социјална заштита и незаконско и противправно исплаќање пари.

„ОТКРИВМЕ 2.252 НЕЗАКОНСКИ ИСПЛАТИ НА СОЦИЈАЛНА ПОМОШ!“ Министерот Велковски открива скандал во Министерството за труд и социјална политика

The post ИЗЈАВИТЕ ЗА „МИЛИОНСКИ КРИМИНАЛ“ СЕ НЕПРОМИСЛЕНИ И НЕПРОВЕРЕНИ Директорите за социјални грижи бараат извинување од министерот appeared first on plusinfo.mk.

– За појаснување на ситуацијата за јавноста, се работи за над 2.200 корисници кои примале гарантирана минимална помош и социјална пензија и пријавиле дека не поседуваат возило, а според евиденцијата на МВР, тие се сопственици на такво превозно средство. При вкрстување на базите на податоци месеци наназад кај овие лица во системот стои дека имаат возило, меѓутоа необјасниво е како службите не постапувале по однос на истото со што се продолжила исплатата на парични средства, со што се предизвикала милионска штета на буџетот на министерството. Имаме првични сознанија дека забележана е и ретроактивна исплата на средства за повеќе месеци наназад, што отвори голем сомнеж за извршени злоупотреби во институциите под надлежност на министерството за труд и социјална политика – рече министерот Велковски.

Манипулацијата е системска, вели тој, а во неа најверојатно биле вклучени повеќе лица, за што е започнат вонреден инспекциски надзор со цел откривање на сторителите позади овој милионски криминал во Министерството за труд и социјална политика.

– Мојата цел како министер за труд и социјална политика е да обзнанам пред целата македонска јавност што се случувало во ресорот кој денес го водам и да не дозволам да се случува вакво изигрување на системот. За да биде појасно, еден од условите за остварување на правата е да се провери материјалната, социјалната и имотната состојба на корисникот, а тоа е да не поседувате возило, како и приходи остварени по други основи. Инспекциските служби од министерството веќе од денес започнаа вонредни инспекциски надзори се со цел да се открие кој навистина стои позади овој криминал од милионски размери – изјави Велковски.

Како што и претходно објави министерот Велковски, вкупната бројка на детектирани злоупотреби е за 2.252 лица и тоа:

Берово – 15; Битола -166; Валандово – 23; Велес – 98; Виница – 11; Гевгелија – 9; Гостивар – 164; Дебар – 31; Делчево – 3; Демир Хисар – 3; Кавадарци – 23; Кичево – 49 ; Кочани –18; Кратово – 4; Крива Паланка – 9; Крушево – 22; Куманово – 235; Македонски брод – 6; Неготино – 4; Охрид – 40; Прилеп – 229; Пробиштип – 1; Радовиш – 56; Ресен – 1; Свети Николе – 6; Скопје 714; Бутел – 45; Гази Баба – 79; Карпош – 125; Кисела Вода – 155; Центар – 38; Чаир – 151; Шуто Оризари – 121; Струга – 32; Струмица – 70; Тетово – 150; Штип – 59.

The post „ОТКРИВМЕ 2.252 НЕЗАКОНСКИ ИСПЛАТИ НА СОЦИЈАЛНА ПОМОШ!“ Министерот Велковски открива скандал во Министерството за труд и социјална политика appeared first on plusinfo.mk.

На 20 ноември годинава поднесена е кривична пријава против Курто Дудуш до ОЈО за гонење организиран криминал и корупција за сторено кривично дело Злоупотреба на службената положба и овласување по член 353 од КЗ – информираше денеска на прес-конференција Асан Ферат, претседател на ОО СДСМ Шуто Оризари.

– Курто Дудуш во својство на градоначалник на општина Шуто Оризаре во период од 2020 година до денес, со намера противправно да стекне имотна корист и да нанесе штета на буџетот на општина Шуто Оризари, спротивно на член 40 од Законот за јавни набавки, вршел плаќање кон различни правни субјекти без да спроведе јавна набавка. Вкупен износ за ваквиот договор изнесува 29.033.405 денари, за кои требало да спроведе јавна набавка според законот. Поточно на одредени фирми им исплаќал милионски суми без спроведување на јавна набавка – рече Ферат.

За да биде неговото самоволио поголемо, додаде Ферат, Дудуш исплаќал милиони на негови блсики од добиени дотации од министерства.

– Во името на граѓаните на општина Шуто Оризари го повикуваме Јавното Обвинителство и сите надлежни институции заедно да застант и да стават крај на ова злосторничко однесување – рече претседателот на Основната организација на СДСМ во Шуто Оризари.

The post ИСПЛАЌАЛ МИЛИОНСКИ СУМИ БЕЗ ДА РАСПИШУВА ТЕНДЕРИ? Кривична пријава за Курто Дудуш, градоначалник на Шуто Оризари appeared first on plusinfo.mk.

„Во оваа прилика, Фондот им се заблагодарува на сите здравствени работници за трпението и апелира за понатамошна соработка, имајќи предвид дека техничките тимови работат постојано и секојдневно“, се наведува во соопштението.

ФЗОРСМ ја уверува јавноста дека ги користи сите расположливи капацитети и знаењата на сите внатрешни и надворешни ИТ експерти за кои има правна можност, а со привремените решенија кои Фондот ги операционализира во кус рок, се надминуваат дел од проблемите, особено и се овозможува функционирање на системот во услови на сајбер-напад.

– Во оваа прилика би сакале да ја искористиме можноста и повторно да потврдиме дека анализата на експертските технички тимови утврди дека при сајбер нападот нема излевање на податоци надвор од базите на Фондот. Воедно напоменуваме дека, во однос на исплатата на боледувањата, породилното отсуство и рефундацијата, со ставање на системот во целосна функција ќе бидат исплатени сите обврски на ФЗО кон осигурениците, но и кон здравствените установи. Подрачните служби на Фондот функционираат согласно препораките и во континуитет ги примаат барањата, а контролорите од ФЗОРСМ веќе и започнуваат со контроли на терен врзани со спроведувањето на сите споделени упатства и насоки за работење, се посочува во соопштението.

Од Фондот наведуваат дека сите осигуреници непречено можат да се обратат до подрачните служби кои се достапни и телефонски преку јавно објавени линии за информации за осигурениците, и да добијат информации во врска со сите решенија кои се усогласени со матичните лекари, а преку кои осигурениците можат да ја остварат здравствената заштита.

– Фондот навремено и постојано ќе ја информира јавноста за сите нови утврдени информации кои се од интерес на граѓаните, се посочува во соопштението.

The post ПЛАТИТЕ ВО ЗДРАВСТВОТО НАРЕДНАТА НЕДЕЛА Фондот за здравство прибира податоци за вработените appeared first on plusinfo.mk.