Операторите на електрична енергија нема да можат да ги исклучат ранливите категории граѓани кои не плаќаат струја во зимскиот период, предвидува новиот Закон за енергетика кој веќе е на сила. Обемниот документ од 300 страници содржи регулативи за т.н. фискални и нефискални мерки со кои треба да се регулира нешто што се вика „енергетска сиромаштија“.

Новитетите на брифинг со новинарите ги најави министерката за енергетика Сања Божиновска заедно со челници од ЕВН, ЕСМ и од МЕПСО.

Амбициозниот закон треба да ја стави Македонија на рамниште со најсовремените европски директиви. Преку апликации и дигитализација е замислено вмрежување меѓу корисниците, дистрибутерите и произведувачите на струја, што треба да ја зголеми улогата на корисникот кој ќе добива прецизни информации за трошењето или производството на струја.

– Ќе има воведување батерии за складирање струја. Во зима нема да може да ги исклучите оние кои нема да плаќаат, а ќе има и нефискални мерки за енергетска сиромаштија. Ќе има повеќе полначи за батерии за електрични возила и регулатива за нивно поставување. Секој ќе може да го смени операторот за енергетика во рок од 48 часа. Законот е имплементација на ЕУ директивите, особено во делот на чистата енергија. До 80% од паметните, односно „смарт“ броила граѓаните ќе треба да ги набават до 2031 година. Ќе има формирање и на граѓански заедници – изјави министерката на брифинг со новинарите во Едукативниот центар во Матка.

Паметните броила треба самите далечински да ја отчитуваат потрошувачката и се еден од клучните новитети во закнот. Се предвидува и детален план за инвестиции во енергетиката за следните 10 години.

Со новиот закон МЕПСО ќе биде под капата на Министерството за енергетика, рударство и минерални суровини.

The post НЕМА ВЕЌЕ ИСКЛУЧУВАЊЕ ОД СТРУЈА ВО ЗИМА Новиот закон предвидува „енергетска сиромаштија“ appeared first on plusinfo.mk.

„Во овој процес ќе се санира еден од поголемите дефекти на улицата Никола Парапунов во Карпош 4, каде што има излевање на вода на улицата веќе десетина дена. Дополнително ќе се санираат и три други  дефекти на затворачи по должината на главниот цевковод Ф1600мм и тоа на потегот од кружниот тек во Ѓорче Петров до раскрсницата на булевар Партизански одреди со улица Никола Парапунов“, се наведува во соопштението.

Цевководот ќе биде затворен до завршување на интервенцијата.

Оттаму информираат дека вакво затворање на главниот градски цевковод не се случува често. Последниот пат било во 1991/1992 година. Зафатот е неопходен за решавање на дефекти од овој тип.

– Со санацијата, освен што ќе се санираат дефектите, ќе се намали загубата на вода и ќе се ревитализира овој дел од водоводниот систем од Ѓорче Петров до Карпош – велат од водовод и канализација.

Жителите на Карпош 4 деновиве се соочуваат со проблеми од поплавени улици, тротоари и зелени површини, со насобран смет, што е сериозен проблем за локалното население.

Некои граѓани стравуваат дека гаражите во близина може да се поплават поради дополнителните врнежи.

The post ПОДГОТВЕТЕ СЕ ЗА ДЕНОВИ БЕЗ ВОДА Водовод на 21 декември ќе го затвори главниот вентил на градскиот водовод appeared first on plusinfo.mk.

Во интервју објавено денеска во весникот „То вима“, Самарас бара од премиерот Киријакос Мицотакис да го отпушти министерот за надворешни работи Јоргос Герапетротис за наводно попуштање на турските барања во тековните разговори со Анкара.

„Чист конзервативец кој ја водеше грчката влада од 2012 до 2015 година, Самарас постојано го критикуваше односот на грчките влади кон Турција“, пишува Франс прес.

Владиниот портпарол Павлос Маринакис денеска изјави дека Самарас „искажал целосно несогласување со целата актуелна политика на Владата“. Дополнително, ги извртуваше изјавите на министерот за надворешни работи, кои повеќепати на исцрпен начин беа разјаснети“.

– Тоа ниту може да се толерира, ниту да се прифати. По втор пат од 1993 година, Самарас се стави надвор од Нова демократија – додаде портпаролот.

Самарас, кој беше министер за надворешни работи, беше разрешен во 1992 година од тогашниот премиер Констандинос Мицотакис, татко на Кирјакос Мицотакис, поради неговиот бескомпромисен однос и политички разлики во спорот со Република Македонија.

По повод исклучувањето од Нова демократија, Самарас денеска изјави дека „одлуката на Мицотакис се објаснува со ароганција и очигледна неприсебност“.

The post САМАРАС ЈА КРИТИКУВАШЕ ВЛАДАТА И ГО ИСКЛУЧИЈА ОД ПАРТИЈАТА Поранешниот грчки премиер повеќе не е член на Нова демократија appeared first on plusinfo.mk.

„Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и по појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба. Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.“, соопштија Министерството за спорт и Ракометната федерација на Македонија.

По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и на ЖРК Скопје, со што тие повеќе немаат легитимитет да настапуваат во националниот систем на натпревари во македонскиот ракомет.

„Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта, што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест“, се наведува во соопштението.

The post ДРАКОНСКИ МЕРКИ ЗА ЖРК СКОПЈЕ И ЗА ЖРК ГЕВГЕЛИЈА Клубовите се збогуваа со играњето ракомет appeared first on plusinfo.mk.

Анкетираните изјавиле дека ќе мора да ги преземат овие драстични чекори доколку лимитот на цената на енергијата во Британија се зголеми за предвидената сума од 150 фунти (176 евра), односно за 9,2%.

Според анкетата, парното ќе го исклучат 31% од домаќинствата со деца и 39% од корисниците со ниски примања.

Организацијата предупредува дека без итна интервенција на владата во Лондон, домаќинствата во Британија ќе продолжат да се соочуваат со невозможни избори и драстични намалувања за да си дозволат греење на своите домови.

Според веб-страницата на организацијата, 34% од анкетираните изјавиле дека ќе имаат потешкотии да си дозволат храна или други основни работи како хипотека или кирија во текот на зимата, а 7% рекле дека ќе мора да прескокнуваат оброци.

The post ЕДНА ЧЕТВРТИНА ОД БРИТАНЦИТЕ ЌЕ ГО ИСКЛУЧАТ ПАРНОТО Најавеното покачување на цената од 9,2% е превисоко за нив appeared first on plusinfo.mk.

„Дебели девојки, светот се врти поради вас“, гласи еден стих од песната, па се чини, за многумина денес е контроверзна.

Целта на објавувањето на колекцијата хитови на платформата е да се запознаат и помладите со музиката на „Квин“, а мнозина ја критикуваат одлуката таа песна да биде исфрлена од списокот, нарекувајќи ја „апсурдна“.

„Ова е сосем нова состојба во музичкиот свет. Никој не може да разбере зошто толку добронамерна и забавна песна не може да биде прифатлива во денешното општество. Зошто не ги цениме луѓето од сите ‘форми и големини’ како што вели општеството треба, наместо ‘да се ослободиме’ од нив? Да се игнорира таа песна е апсурдно. Патем, ефектот на бумеранг ќе резултира со повеќе луѓе да ја преземат таа песна отколку пред 40 години“ – пишува колумнистот на Фокс Њуз, Џо Конча.

Песната е еден од најголемите хитови на легендарната рок група, а се појави и на нивниот албум „Greatest Hits“ од 1981 година. А, овојпат и некои други песни доаѓаат со предупредување дека „дел од музиката на бендот содржи теми за возрасни, како што се повремени референци за насилство и дрога“.

The post 📽 ПЕСНА НА „КВИН“ ЗА ДЕБЕЛИ ДЕВОЈКИ ИЗБРИШАНА ОД КОЛЕКЦИЈА ХИТОВИ Уште еден апсурд на „политички коректното“ цензурање на уметноста appeared first on plusinfo.mk.

Руското раководство на украинската електрана соопшти дека реакторот број 4 е префрлен од „врело“ во „ладно исклучување“ поради индиции за истекување на пареа. Еден од шесте реактори мора да биде во „врело исклучување“ за да произведе пареа за потребите на централата.

-Персоналот во фабриката открил индиции за истекување во дел од цевката бр.3 на генератор на пареа. За да се задоволат потребите за помошна пареа на нуклеарната централа Запорожје, се размислува за префрлање на единицата број 6 во состојба на „врело исклучување“ – објавено е на Телеграм.

The post ЗАПОРОЖЈЕ ПРЕД ЗАТВОРАЊЕ Нуклеарната централа префрлена на резервен далновод appeared first on plusinfo.mk.

Со цел да се превенираат овие непосакувани акции за исклучување од снабдувањето со струја, ЕДС во изминатиот период во повеќе наврати апелираше за поголема ажурност на претпријатијата за навремено подмирување на сметките за електрична енергија, подобро планирање на буџетите за потрошувачка на електрична енергија и домаќинско трошење на струјата.

– Ја поздравуваме одлуката на Владата да ги помогне институциите кои беа исклучени од снабдување од страна на ЕВН, но истовремено апелираме дека е неопходно Владата да помогне и кај јавните претпријатија што должат и кон останатите снабдувачи со електрична енергија на македонскиот пазар. Интервенцијата на Владата не смее да биде селективна и финансиската помош за покривање на долговите за електрична енергија не би требало да биде насочена само кон еден снабдувач – велат од ЕДС.

Тие напоменуваат дека сервисирањето на долговите за електрична енергија кои јавните претпријатија ги имаат акумулирано значи и одговорност кон граѓаните кои токму од овие правни субјекти добиваат витални услуги.

– Токму во интерес на граѓаните кои ги користат услугите на државните институции и на јавните претпријатија неопходно е што поскоро да се најде решение за нивните долгови за електрична енергија, кои што кај некои достигнуваат високи износи и со тоа ја загрозуваат испораката на струја и кон останатите клиенти и ја нарушуваат стабилноста на балансната група во целост кај сите снабдувачи – додаваат од ЕДС.

Во овој момент, балансната група која што ЕДС ја снабдува со електрична енергија ја сочинуваат повеќе од 550 правни субјекти, од кои над 200 се јавни претпријатија и институции.

ЕДС, која што веќе 10 години работи на македонскиот пазар по највисоки професионални стандарди, има целосно разбирање за предизвиците со кои што се соочуваат сите деловни субјекти во енергетска и во финансиска смисла поради зголемувањето на цената на електричната енергија. Поради тоа, кога ќе дојдат во ситуација некои од клиентите да се соочат со проблеми при подмирувањето на своите обврски, работат со нив за да најдат начин како соработката да продолжи, особено кога се работи за клиенти чија примарна дејност е давање услуги кон граѓаните и домаќинствата.

– Но, во одредени случаи, и покрај нашите обиди да се дојде до заемно прифатливо решение, принудени сме да ги искористиме законските решенија за раскинување на договорот и прекин на испораката кон некои од клиентите. Затоа, како општествено одговорна компанија која што секогаш го има предвид интересот и на клиентите и на граѓаните, уште еднаш апелираме до надлежните органи, општините, јавните претпријатија и институции дека во постојните услови во енергетскиот сектор од клучно значење е редовното и навремено подмирување на сметките за електрична енергија, разумното и одговорно планирање на буџетите за потрошувачка на електрична енергија од надлежните сектори и секако рационално користење на енергијата – порачуваат од Енерџи деливери солушнс.

The post АКО ПЛАЌА, НЕКА ПЛАЌА ЗА СИТЕ! Владата да не ги заборави долговите за струја на јавните претпријатија appeared first on plusinfo.mk.

– Дополнително, украинското ослободување на Херсон нема да биде последната победа на Украина во војната – оценува Институтот за воени студии.

Аналитичарите на Институтот предвидуваат дека борбите ќе продолжат не само на југ, туку и околу градот Бахмут во источниот регион Доњецк, единственото место каде руските сили сè уште се обидуваат да нападнат и да заземат територија. И во северниот регион Луганск украинските сили продолжуваат да вршат контранапад.

Русија вчера потврди дека нејзините сили се повлекуваат од регионот Херсон, а украинскиот претседател Володимир Зеленски објави дека Украина ослободила дури 41 населба.

Во меѓувреме продолжуваат руските гранатирања на Киев. Во главниот град денеска ќе биде воведено вонредно исклучување на електричната енергија поради новите напади врз енергетски објекти. Во вторникот од мрежата беа исклучени 904.000, а вчера 746.400 потрошувачи, јавија украински медиуми. Претходно, владини претставници соопштија за рестрикции на електричната енергија, со ограничено улично осветлување.

The post УКРАИНА НА ПАТ КОН ОГРОМНА ПОБЕДА ВО ХЕРСОН Новите руски напади го оставија Киев во мрак appeared first on plusinfo.mk.

Според неа, власта бега од соочување со народот затоа што знаат дека ќа има излезност на референдумот и знаат дека народот е против договорот кој е извор на асимилацијата.

– Џафери е шампион во кршење на Уставот за што не постои друг пример во светот. Иницијативата за референдум е во согласност со членот 24 од Законот за референдум и не е во спротивност на Уставот, а тој член дозволува распишување на рефендуми – децидна е Стојаноска.

Таа потенцираше дека ова дополнително ќе ги заостри односите во собранието за што виновна ќе биде власта.

– Не се работи за менување на меѓународен договор, референдумското прашање е дали сте за престанок на важењето на договор со Бугарија – рече на вечерашната прес- конференција Дафина Стојаноска, член на ИК на ВМРО-ДПМНЕ и пратеник во Собранието.

Инаку, попладнево Претседателот на собранието, Талат Џафери, ја отфрли иницијативата на ВМРО-ДПМНЕ за референдум за поништувањее на договорот со Бугарија.

Во одговорот до претседателот на ВМРО-ДПМНЕ Христијан Мицкоски, Џафери пишува дека иницијативата за референдум не е во согласност со Уставот во кој е утврдено дека меѓународноте договори што се ратификувани се дел од внатрешниот правен поредок и не може да се менуваат со закон.

The post ЏАФЕРИ Е ШАМПИОН ВО КРШЕЊЕ НА УСТАВОТ Според Стојаноска власта бега од соочување со народот appeared first on plusinfo.mk.