Владата од стратешко безбедносни причини планира да ја исклучи од енергетскиот систем когенеративната централа „Те-То“ откако ќе биде изградена новата централа на грчкиот инвеститор „Митилинеос“.

Ова на денешниот брифинг со новинарите го изјави вицепремиерот за економски прашања Фатмир Битиќи, пренесе порталот Фактор.

– Централата Те-То ќе ја исклучиме затоа што е руска инвестиција. Наскоро ќе започне изградбата на гасоводот со Грција и ние повеќе нема да бидеме зависни од нив – рече Битиќи.

„Митилинеос“ ќе треба да ја изгради централата за 5 години и се очекува покрај електрична енергија, да произведува и топлинска енергија која што би била за 40 отсто поевтина.

Струјата што би ја продавал „Митилинеос“ на ЕСМ би била само 5% пониска од берзанската.

Според Битиќи, Те-То треба да се затвори од стратешко безбедносни причини и покрај тоа што оваа компанија многу помогна со своето работење во енергетската криза.

Владата на новиот инвеститор кој треба да ја гради когенеративната гасна централа на просторот на Железарницата му дава низа погодности, што беше повод за реакција на експертската јавност која бара енергетските капацитети да ги гради државата.

ДОГОВОРОТ СО „МИТИЛИНЕОС“ ЗА ГАСНА ЦЕНТРАЛА Е ВТОР „ЧЕБРЕН“! Никако не смее да помине во Собрание, алармираат инженерите

The post ЌЕ СЕ ИСКЛУЧИ ЦЕНТРАЛАТА ТЕ-ТО ЗАШТО Е РУСКА ИНВЕСТИЦИЈА Ќе го замени централата на грчки „Митилинеос“ за 5 години appeared first on plusinfo.mk.