Кандидатот за градоначалник на Врапчиште од коалицијата Национална алијанса за интеграција, Исен Шабани, прогласи победа.

По обработени 100 проценти од гласовите, според Државната изборна комисија, тој има освоено 5.414 гласови, наспроти кандидатот Зуљхајрат Демири, поддржан од Група избирачи, кој освоил 3.135 гласа.

Шабани се заблагодари на довербата. Тој веќе слави победа. Ова ќе биде негов трет мандат како градоначалник на општина Врапчиште.

The post ИСЕН ШАБАНИ ПОБЕДИ ВО ВРАПЧИШТЕ Ова е негов трет мандат appeared first on plusinfo.mk.

Општина Врапчиште ѝ го одзела возилото на градинката во Добри Дол, па сега отежнато се доставува храната за 40 деца во овој објект, соопшти Министерството за социјална политика, демографија и млади.

Претходно, Министерството ѝ ги одзеде ингеренциите на општината за именување в.д. директор. Општината возилото го одзела истиот ден кога Министерството поставило в.в. директор на градинката.

„Министерството ги информира жителите на Општина Врапчиште, дека по извршен контролен инспекциски надзор во ЈОУДГ „Пранвера“ Врапчиште утврдено е дека Општина Врапчиште, по одземањето на ингеренциите на градоначалникот на општината во делот на именување на в.д директор на установата и по поставувањето на в.д. директор од страна на министерството, го одзела возилото од предучилишната установа. Возилото е сопственост на општината, која во јуни 2021 година ѝ го дала на градинката на користење на неопределено време. Сè до 31.01.2025 година, кога е извршена законска смена на в.д директорот, предучилишната установа го користела возилото за дотур на храна за 40 деца згрижени во објектот во селото Добри Дол. Оттогаш до денес доставата на храната во овој објект се врши отежнато со помош на приватни возила“, соопшти министерството.

Повторно, се додава во соопштението, градоначалникот Исен Шабани и Општината Врапчиште вршат грубо кршење на Законот за заштита на децата.

„Тие се основачи на градинката и се надлежни за непреченото функционирање, но во овој случај, со попречување на секојдневниот тек на работите, односно, со одземање на возило за дотур на храна, вршат груба повреда на своите овластувања, на штета на своите најмали жители на општината – децата“, соопшти министерството.

За да биде иронијата поголема, се додава во соопштението, денеска, 10.02.2025 година, од страна и со налог на општината, исклучени се греењето и струјата во матичниот објект на градинката во селото Врапчиште, кој е составен дел на училиштето.

„Освен грубо кршење на законот со последниот чин градоначалникот ги прекрши и правата на децата, согласно Конвенцијата за правата на децата“, соопшти министерството.

The post НА ДЕЦАТА НЕМА СО ШТО ДА ИМ СЕ ДОСТАВУВА ХРАНА Градоначалникот на Врапчиште ѝ го одзел возилото на градинката во Добри Дол appeared first on plusinfo.mk.

Оценката на градоначалникот Шабани доаѓа по случувањата изминативе два дена со полициска акција за приведување, протест, реакции и негодувања по социјалните мрежи во врска со случајот.

Градоначалникот Шабани кажа дека имал средба со секретарот на Тетовско-гостиварската епархија и од него добил информација дека лицата кои работеле околу црквата не се дел од селскиот црковен одбор на Галате.

– Зад овој чин стои некоја друга група граѓани кои го направиле овој криминален акт. На оваа криминална група им порачувам, за секој проблем, потреба, да се обратат на легален начин, бидејќи во овој случај тие извршија узурпација и демолирање на местото – рече Шабани.

Тој посочи дека во општината со која раководи, владеат соработка и соживот, а на тие што се обидуваат да внесат раскол и меѓуетнички тензии, им порача тоа да го прават во општините од кои потекнуваат, нагласувајќи ги соседните Тетово и Гостивар.

На новинарско прашање дали досега некој поднел документи или барање за реконструкција на црквата „Св. Петка“ која е оштетена од пожар во 2001 година или нејзино возобновување, Шабани рече дека такво нешто немало. За барањето да се стопираат работите и полициската асистенција, градоначалникот напомена дека тој како функционер има обврска да застане во заштита на имот од узурпација на туѓ имот.

Градоначалникот на Врапчиште, Шабани, објасни дека општинската администрација од утрово работи нормално, но посочи дека има информација од МВР и од обвинителството за вчерашниот инцидент кога биле приведени две лица.

Од епархијата со соопштение потврдија дека архиерејскиот намесник на Гостивар, протоереј-ставрофор Марјанчо Мадевски, придружуван од епархискиот адвокат и од дел од црковниот одбор, остварил средба со Шабани. Целта на средбата е да се изнајде заедничко мирно законско решение за искушението во Галате во духот на традиционално добриот меѓуверски соживот во гостиварско.

– Тетовско-гостиварската епархија силно го поддржува владеењето на правото и во таа смисла останува отворена за изнаоѓање на решение за секој проблем по законски пат – наведуваат од Гостиварско-тетовската епрахија

Од СВР Тетово информираа дека полициски службеници имале заедничка средба со претседателот на црковниот одбор на црквата „Св. Богородица” во Галате за да се избегнат дополнителни тензии.

– Полициски службеници од Отсекот за превенција при СВР Тетово во селото Галате остварија средба со В.Р., претседател на црковниот одбор и М.Д., благајник на црквата „Св. Богородица”. На средбата се разговарало за претходните случувања околу чистењето на дворот на црквата „Св. Петка”. Освен тоа беше разговарано за активностите со цел избегнување на било какви дополнителни тензии околу овој случај, како и за натамошната соработка на полицијата и граѓаните, која се базира на взаемна доверба – наведуваат од СВР Тетово.

Иако неофицијално беа најавени протести пред општинската зграда, тие не започнаа, а работите на црквата на во месноста „топли извори“ во близина на селото Топлица се стопирани. Одлуката за прекин на работите ја потврдија и дел од жителите на селото Галате, на кое му припаѓа црквата. Тие на синоќешниот состанок донесоа заклучок да се работи откако ќе ги добијат соодветните дозволи од општината, го осудија целиот настан и се оградуваат од целиот случај.

The post „ПРАВЕТЕ СИ РАСКОЛ ВО ТЕТОВО И ВО ГОСТИВАР, А НЕ ТУКА“ Луѓето кои создадоа конфликт во Галате не се дел од селскиот црковен одбор, тврди градоначалникот Шабани appeared first on plusinfo.mk.