Ние не можеме да се лутиме на оние кои заминаа, ги разбираме, знаеме дека заминаа затоа што сакаа подобро образование за своите деца, подобра работа, достоинствена плата, стабилен живот и тоа е нормална човечка потреба, борба за иднина, но исто така знаеме и нешто друго – колку и да оди човек далеку, срцето го влече назад, затоа што, како што мудро вели нашиот народ, каменот тежи на своето местото, само дома си свој. Вие што сте денеска тука сте жив доказ за тоа – рече премиерот Христијан Мицкоски во своето обраќање на Форумот на повратници во Македонија.

Мицкоски рече дека нивното враќање не е симболично и е порака дека корените не се пресечени и дека љубовта кон домот не исчезнува.

– Вашето враќање не е симболично, тоа е суштинско. Тоа е порака дека Македонија не е заборавена, дека корените не се пресечени и дека љубовта кон домот не исчезнува без разлика на годините и далечината – рече премиерот.

Мицкоски рече дека многумина заминале затоа што немале избор, не затоа што сакале да ја напуштат татковината туку затоа што животот, времето и околностите ги натерале да бараат подобри услови, сигурност и перспектива.

– Денеска зборувам пред луѓе кои носат посебна тежина во ова општество, луѓе кои ја знат татковината одвнатре и од надвор. Луѓе кои заминале, и што е најважно, луѓе кои се вратиле тука и започнале нова успешна приказна. Вие покажавте дека искуствата и знаењата стекнати надвор не се губат кога ќе се вратите, туку добиваат смисла, стануваат темел за нови бизниси, нови работни места, нови идеи и нова енергија во нашата економија. Ни треба секој што верува дека оваа земја може и мора да биде подобро место за живеење. Преку вашоиот пример денес испраќаме порака до сите наши луѓе ширум светот – Ве разбираме, Ве почитуваме, вратите Ви се широко отворени – рече премиерот Мицкоски на Форумот на повратници во Македонија.

По неговото излагање следуваа шест обраќања на Македонци, повратници од странство, кои решиле да го продолжат својот живот во Македонија, и тука да основаат свои бизниси во различни сфери. На форумот присуствуваа и се обратија претставници и раководители на повеќе државни институции, министерства и агенции.

The post ДОЈДЕТЕ СИ ДОМА, ВРАТИТЕ ВИ СЕ ШИРУМ ОТВОРЕНИ, БИДЕТЕ СВОИ НА СВОЕТО! Порака до иселените македонски граѓани, од Форумот на повратници во Македонија appeared first on plusinfo.mk.

Пејачот Мирко Перковиќ-Поки, кој е популарен меѓу хрватските иселеници, починал во Цирих по настапот на 15-тата Ливањска ноќ одржана во саботата, на 29 ноември, објавува Fenix-magazine.

Точните околности на смртта сѐ уште не се познати, а неговите пријатели рекле дека бил пронајден во хотелска соба во недела околу 11 часот наутро.

Велат дека Перковиќ се чувствувал лошо во текот на целата вечер, поради што морале порано да го прекинат настапот на Ливањската ноќ. Пријателите сакале да го однесат во болница, но тој одбил, убедувајќи ги дека му е потребен само одмор бидејќи бил дехидриран.

За жал, отишол во хотелската соба каде подоцна бил пронајден мртов.

Мирко Перковиќ Поки беше пејач и музичар од Ливно кој живеел и работел помеѓу Берлин и Минхен многу години. Тој се занимава со музика уште од основно училиште, свирејќи хармоника и клавијатури, и има повеќе од две децении музичко искуство зад себе.
Во текот на својата кариера, издал неколку албуми во соработка со регионални продуценти. Настапувал низ Европа и Канада и бил познат по својот широк репертоар кој вклучувал далматински песни, поп, рок и фолк музика.

Ќе биде запаметен како едноставен, или како што сакал да се нарекува себеси, „народен“ човек и музичар, посветен на квалитетен и автентичен музички израз, пишува Fenix-magazin.

The post ХРВАТСКИ ПЕЈАЧ НАЈДЕН МРТОВ ВО ХОТЕЛСКА СОБА ВО ЦИРИХ Мирко Перковиќ-Поки имал настап вечерта пред да почине appeared first on plusinfo.mk.

Судијка во Федералниот суд во Бостон ја блокираше одлуката на администрацијата на претседателот на САД, Доналд Трамп, да го одземе правниот статус на 532.000 имигранти од Куба, Хаити, Венецуела и Никарагва, објави Њујорк тајмс.

Одлуката на судијката Индира Талвани е најнова со која се оспорува притисокот на Трамп за брзи и масовни депортации кои конкретно ги таргетираат Латиноамериканците.

Администрацијата на Трамп на крајот на март објави крај на специјалната програма, која беше спроведена во 2023 година од претходната администрација на претседателот Џозеф Бајден.

Таа програма им овозможи на Кубанците, Хаиќаните, Никарагванците и на Венецуелците да останат во САД 2 години поради состојбата со човековите права во нивните земји.

Програмата овозможи околу 532.000 мигранти да влезат во земјата, до максимално 30.000 месечно.

Судијата Талвани нареди итно прекинување на важењето на одлуката. Таа рече дека владата постапила врз основа на погрешно толкување на законот, имајќи предвид дека се забрзани процедурите за отстранување на имигрантите кои влегле во САД нелегално, но не и за оние што легално се во рамките на владините програми.

Без таа судска суспензија, мигрантите, кои влегоа во САД во рамки на програмата, ќе мораа да ја напуштат земјата до 24 април, 30 дена по издавањето на наредбата.

За време на неговата кампања, Трамп вети дека ќе депортира „милиони“ имигранти без документи.

ТРАМП МУ СЕ ВОСХИТУВА НА КРАЛОТ ЧАРЛС Џеј Ди Венс најави дека САД и Велика Британија може да склучат голем трговски договор

The post НАД 500.000 ИМИГРАНТИ ВО САД МОЖЕ ДА ЗДИВНАТ БАРЕМ НЕКОЕ ВРЕМЕ Судија ја блокираше одлуката на Трамп за депортација на иселениците appeared first on plusinfo.mk.

Во тешка сообраќајна несреќа што синоќа се случила во Италија, животот го загубиле двајца иселеници од Дебарско.

Станува збор за Бајрам Бајрамоски (53) од село Жировница, општина Маврово и Ростуше, кој според неговите соселани од Жировница, во Италија бил над две децении. Оженет и татко на две деца.

Втората жртва е Фуат Етемовски (65) од дебарското село Џепиште, кои исто така со семејството долги години живеел во Италија.

Според полицијата несреќата се случила во близина на Боскалто ди Лореџија кога од работа се враќале во нивниот дом во областа Тревизо.

Возилото, камионче во кое се наоѓале директно се судрило со тешко товарно возило, камион. Двајцата починале на самото место а третото лице кое било со нив, босански државјанин бил тешко повреден.

The post ИСЕЛЕНИЦИ ОД ДЕБАРСКО ЗАГИНАА ВО СООБРАЌАЈКА ВО ИТАЛИЈА Нивниот камион се судрил со поголем товарен камион appeared first on plusinfo.mk.

Претседателот на САД, Доналд Трамп, вчера објави дека во заливот Гвантанамо ќе биде подготвен објект за 30.000 мигранти, со кој ќе управуваат Пентагон и Министерството за домашна безбедност.

Во американската поморска база, во тој залив на Куба веќе е сместен објект за мигранти кој со децении се користи наизменично, вклучително и за сместување Хаиќани и Кубанци, спасени на море.

– Денеска, исто така, потпишувам извршна наредба со која се упатуваат министерствата за одбрана и домашна безбедност да започнат со подготовка на објект за 30.000 мигранти во заливот Гвантанамо – рече Трамп во Белата куќа.

Тој објасни дека објектот ќе се користи за „приведување на најлошите криминални илегални мигранти кои му се закануваат на американскиот народ“.

Затворот Гвантанамо беше основан во 2002 година од тогашниот претседател Џорџ В. Буш за странски осомничени милитанти по нападите врз САД на 11 септември 2001 година. Во него сè уште има 15 затвореници.

Но, мигрантскиот објект е одделен од тој озлогласен затвор со високо обезбедување за странци, осомничени за тероризам.

Американската војска во вторникот објави дека ќе им дозволи на имиграциските и на царинските служби да приведат мигранти во воздухопловната база Бакли во Колорадо.

Одлуката е донесена откако Трамп претходно нареди депортација на мигрантите од земјата со американски воени летови и распоредување на нешто повеќе од 1.600 војници на границата со Мексико.

The post ТУКА ЌЕ БИДАТ ПРИВЕДЕНИ НАЈЛОШИТЕ МИГРАНТИ Трамп подготвува објект за 30.000 проблематични доселеници во заливот Гвантанамо appeared first on plusinfo.mk.

Очекувањата на Николоски се дека пред нас е стабилна и исклучително успешна година со рекорден број странски инвестиции, како и дека земјава ќе биде „број еден во регионот“.

-Утрово имам потврда за деветта авиолинија, но  уште не можам да ја кажам јавно. Мислам дека нашата дијаспора ќе биде многу среќна кога ќе ја слушне. Како Влада во овие шест и пол месеци имаме девет нови авионски линии, а можам да најавам и почеток на реконструкција на терминалната зграда на охридскиот аеродром – рече Николоски.

Во обраќањето на конференцијата, тој се осврна и на останатите инфраструктурни проекти. Очекува, како што рече, до почетокот на летната сезона да бидат пушетни 40 километри од автопатот Охрид – Кичево, како и „многу убави вести во следниот период“ за брзата пруга на Коридорот 10 која треба да биде главниот крвоток на Македонија.

-Пред нас имаме стабилна година и мислам дека ќе биде исклучително успешна. Доколку во нашиот најголем трговски партнер, Германија, барем се стабилизира состојбата ако не оди нагоре, во тој случај мислам дека ќе бидеме број еден во регионот. Тука, секако, најзначаен е бизнис секторот од кој очекуваме сериозна поддршка. Очекуваме и рекорден број странски инвестиции, независно дали од постојните или од нови. Досега отворивме 42 километра експресни патишта. Во следните три месеци очекувам отворање на уште 10 километри, а до крајот на годината и да заврши целосното решение од главниот град до Прилеп или автопат или експресен пат. Моментно интензивно работиме на преку 150 километри автопатишта во државата, се гради Прилеп – Битола, Охрид – Кичево, популарната Стража, има тендер за Скопје – Блаце за конечно да се заврши и тој автопат, кон Косово – рече министерот.

The post ДОБРА ВЕСТ ЗА НАШИТЕ ИСЕЛЕНИЦИ Николоски најави нова авиолинија од македонските аеродроми appeared first on plusinfo.mk.

Во последната деценија, односно во периодот од 2014 до 2024 година, само преку легална емиграција, од Албанија заминале повеќе од 478.000 граѓани. Но, реалниот број на оние кои ја напуштиле земјата е многу повисок ако се земе предвид илегалната имиграција, објави весникот „Тема“.

Најпосакувана дестинација и понатаму е Германија, по што следуваат Франција, Италија и Велика Британија.

Континуираното и незапирливо иселување, особено во последните години, констатира весникот, предизвикало силни последици во општествениот и во економскиот живот на државата, оценувајќи дека она што посебно загрижува се високите стапки.

Според податоците на Европскиот институт за статистика, Албанија има највисоко ниво на имиграција во регионот. Додека земја со најниско ниво е Црна Гора.

„Како причини што ги принудуваат Албанците да емигрираат се наведени семејните причини, а потоа вработувањето. Причините за подобро работно место станаа поинтензивни во последните години. На трето место е потребата од поквалитетно образование. Но, иселувањето на високо ниво, особено на младите, има последици за земјата“, наведува „Тема“.

Тоа се согледува во намалувањето на бројот на населението кое предизвикува недостиг на работна сила на пазарот на трудот, а и ги намалува потрошувачката и продуктивноста на економијата.

The post ПОЛОВИНА МИЛИОН АЛБАНЦИ СЕ ИСЕЛИЛЕ ЗА 10 ГОДИНИ Албанија има највисоко ниво на имиграција во регионот appeared first on plusinfo.mk.

Претседателката Гордана Сиљановска Давкова за време на престојот во Рим, оствари средба со претставници на македонската дијаспора и на италијанско-македонската стопанска комора, АПИ НОРДЕС.

На средбата, соговорниците ја запознаа претседателката со нивните тековни активности и вклученоста на дијаспората во севкупните општествено-економски процеси во Италија. Во разговорот со г. Мунир Шемси, успешен бизнисмен и претседател на АПИ НОРДЕС, претседателката беше информирана за заложбите на Комората, за неговиот личен и професионален развој, како и за над тридеценискиот хуман активизам насочен кон социјално ранливи семејства во неговиот роден крај, информираат од кабинетот на македонската претседателка.

Претседателката Сиљановска Давкова изрази благодарност за исклучителниот придонес на македонските иселеници во континуираното унапредување и продлабочување на соработката меѓу македонската и Италијанската република.

Таа ја нагласи важноста од одржувањето на врските со дијаспората, како нераскинлив дел од македонското ткиво што доследно ги негува културата и традицијата, афирмирајќи ја нивната матична држава во странство. Во таа насока ја потенцираше и потребата од почитување на нивните согледувања на состојбите во нашето општество, имајќи ги предвид децениските искуства и демократски вредности стекнати во државите во коишто живеат и работат.

Средбата со претставниците на македонската дијаспора се реализира за време на посетата на претседателката Сиљановска Давкова на Италијанската Република и Светиот Престол, по повод манифестацијата „Македонија во чест на Св. Кирил”.

The post СИЉАНОВСКА ДАВКОВА ВО РИМ ОСТВАРИ СРЕДБА СО МАКЕДОНСКАТА ДИЈАСПОРА Благодарност за исклучителниот придонес на македонските иселеници во Италија appeared first on plusinfo.mk.

Полошкиот регион и општините кои гравитираат во овој регион се поддржани со повеќе од 60% повеќе од истата инвестиција доколку тоа се случи во кој било друг регион, почнувајќи од регионот на градот Скопје, како најразвиен регион, се вели во соопштението на Секторот за координација на активностите на министерот.

Бектеши истакна дека за привлекување странски инвестиции, не само од компании кои имаат странска сопственост, туку и од нашите сонародници кои живеат во странство, со најновите законски измени, секоја инвестиција што ќе се случи во Северна Македонија од кој било иселеник што работел и делувал во дијаспората претходните 5 години ќе се поддржат со дополнителни 15 % кои припаѓаат на странска компанија која не е во сопственост на граѓанин или сонародник.

– Ние како Влада ќе ѝ дадеме приоритет на оваа компанија да ја земеме како пример кој треба да го следат оние кои можат да го направат истото. Му посакувам успех на Мултипарк Изаири и да не застанеме тука туку да ги развиваме постоечките капацитети и дека нашата поддршка ќе го имаат секогаш – изјави Бектеши, пренесува Секторот за координација на активностите на министерот.

The post ВЛАДАТА ЌЕ ДАВА ДО МИЛИОН ЕВРА НЕПОВРАТНА ПОДДРШКА ЗА ИСЕЛЕНИЦИ КОИ ЌЕ ИНВЕСТИРААТ ВО ЗЕМЈАВА!?! Министерот Бектеши промовира новина од законските измени appeared first on plusinfo.mk.

Вкупно, од членките на ЕУ преку лични трансфери во други земји кои не се дел од Унијата биле испратени 37,7 милијарди евра. Истовремено во ЕУ како прилив од странство се влеале 13 милијарди евра.

Најголем одлив има од Франција 12 милијарди евра, од Италија 6,5, од Шпанија 6,3 и од Германија 6,1 милијарда.

Од државите во регионот, најмногу во матичните земји испратиле Хрватите 1,56 милијарди евра, потоа иселениците од Босна и Херцеговина 1,47, Бугарите 1,15, косовската дијаспора 1,12, албанската 1,04 милијарди, Грците 812 милиони, Црногорците 300 милиони евра.

Одливите на евра од ЕУ покажуваат постојан тренд на раст, и од 2015 година се зголемени за 47 отсто, што во 2021 резултира со негативно салдо за Унијата од 24,7 милијарди евра.

The post ИСЕЛЕНИЦИТЕ ГО ПОДОБРУВААТ ДРЖАВНИОТ ДЕВИЗЕН БИЛАНС Тие на семејствата им испратиле 325 милиони евра appeared first on plusinfo.mk.