Полицијата во Мексико четири дена трагала по девојка која, всушност, не изгледала како на фотографиите што ги користеле во потрагата.

Станува збор за 30-годишната Гресија Гвадалупе Орантес Мендоза, која исчезнала на 12 април. Нејзини фотографии преземени од социјалните мрежи биле толку обработени што истражителите и граѓаните практично барале „непостоечка“ личност.

Според локалните медиуми, полицијата и соседите интензивно ја барале Мендоза користејќи фотографии од Фејсбук, кои биле фотошопирани до непрепознатливост. Потрагата траела неколку дена, сè додека жената не се појавила жива и здрава.

Таа била пронајдена на патот што ги поврзува Окосокоаутла и Хикипилас, по што била предадена на надлежните институции за да даде изјава.

Од обвинителството информираат дека Мендоза моментално е под институционална грижа, но не откриваат детали за околностите под кои исчезнала.

Сè уште не е јасно како дошло до забуната – дали полицијата самостојно ги презела фотографиите од социјалните мрежи или семејството ги доставило, поради тоа што немало понови, реални фотографии.

Случајот отвора прашања за тоа колку обработените фотографии на интернет можат да ја отежнат работата на институциите, особено во ситуации кога секој детал е клучен.

Во меѓувреме, податоците за исчезнати лица во Мексико остануваат загрижувачки. Според Националниот регистар, само во 2025 година исчезнале речиси 30.000 жени, при што најголем дел од нив се на возраст меѓу 15 и 19 години.

The post ПОЛИЦИЈАТА СО ДЕНОВИ ЈА БАРАЛА „ПОГРЕШНАТА“ ДЕВОЈКА Фотографии од Фејсбук ја збуниле истрагата appeared first on plusinfo.mk.

Сопругата на осомничениот за киднапирање и убиство на жена во гостиварско Неготино ја признала вината за злосторството, откако нејзиниот сопруг претходно дал лажен исказ во полиција. Со помош на снимки од безбедносни камери и телефонски листинзи беше расчистено убиството кое ја вознемири јавноста.

МВР излезе со детали и снимки за случајот.

Синоќа, жена беше пронајдена мртва, закопана дупка во атарот на селото. Според деталите, се работи за 53-годишната Х.А. од Равен. Нејзиното исчезнување го пријавил синот, 34-годишниот Ј.М., уште на 9 декември.

• ЈА ПРОНАШЛЕ МРТВА, ЗАКОПАНА ВО ДУПКА ВО ГОСТИВАРСКО Две лица под сомнение за грозоморно злосторство

„На безбедносните камери видел дека два дена претходно, на 7 декември, таа влегла во автомобил ‘фиат’ и потоа станала недостапна на телефон. Во истата пријава, синот посочил дека осомничениот С.М. ноќта меѓу 6 и 7 декември влегол во нивната куќа и пребарувал по собите, при што исчезнале и пари“, велат од СВР Тетово.

На 11 декември, во 2 часот и 15 минути, полицијата го привела С.М. под сомнение дека ја принудил жената да замине со него.

Проверките на видео-записите покажале дека С.М. дал лажен исказ во полиција, открива Министерството за внатрешни работи. Исто така, телефонските листинзи потврдиле дека последниот повик на киднапираната жената, 53-годишната Х.А. бил токму со осомничениот, на 7 декември.

По судска наредба бил извршен претрес и во неговиот дом, при што е приведена и неговата сопруга Ѓ.В. (48). Сопругата на осомничениот, во полициски разговор, признала дека нејзиниот сопруг ја застрелал Х.А. со пиштол и покажала каде ја закопале.

Полицијата, во присуство на јавен обвинител, извршила увид на местото во атарот на селото и го пронашла телото. По наредба на обвинителот, телото е испратено на обдукција.

Случајот, кој ја потресе гостиварската јавност, се води како убиство по член 123 од Кривичниот законик.

The post 📽️ СОПРУГАТА НА УБИЕЦОТ ПРИЗНАЛА СÈ, ТОЈ ЛАЖЕЛ Расчистено убиството во Гостиварско, снимен „фиатот“ со кој била киднапирана жената appeared first on plusinfo.mk.

Истражителите ги откриваат најморничавите детали од убиството што ја потресе штипската и македонската јавност: 74-годишниот Д.А. е осомничен дека од љубомора и љубовни недоразбирања ја усмртил 79-годишната Б.Н., ја држел против нејзина волја во својот дом, а потоа ја заклал, ја распарчил и го закопал трупот во дворот. Главата и рацете сè уште не се пронајдени.

Случајот почнал да се разоткрива на 24 октомври, кога сестрата на исчезнатата, 84-годишната Д.О., пријавила дека Б.Н. исчезнала од својот дом. Полицијата брзо дошла до сомнеж дека Б.Н. можеби е затворена кај Д.А., по што на 10 ноември, со судска наредба, бил извршен претрес. Во куќата биле откриени траги од крв и предмети клучни за истрагата. Д.А. бил приведен и задржан во притвор.

Форензичките резултати го потврдиле најцрното сценарио. По повторното сослушување, осомничениот признал дека ја убил жената и дека по убиството ги сечел деловите од телото за да ги сокрие трагите од злосторството. Во дворот бил пронајден трупот, со фрактури на ребрата, но без убоди од нож. Од обвинителството потврдуваат дека вештачењето на крвните траги несомнено укажува дека станува збор за Б.Н.

Истрагата наведува дека зад монструозниот чин стоеле длабоки љубовни недоразбирања и патолошка љубомора. Според сведочењата собрани од истражителите, односот меѓу Д.А. и Б.Н. одамна бил оптоварен со конфликти и сомнежи. Обвинетиот, како што произлегува од неговиот исказ, бил убеден дека жената го изневерува и дека „го манипулира“, а таа љубоморна опсесија постепено прераснала во насилство. Токму тоа, според обвинителството, го поттикнало да посегне по свирепо насилство и да се обиде да ги сокрие трагите на злосторството на најморничав можен начин.

Истрагата продолжува – деловите од телото што недостасуваат, меѓу кои и главата, сè уште се бараат. Д.А. веќе е изведен пред судија на претходна постапка, кој му одредил 30-дневен притвор, а обвинителството го товари за убиство и противправно лишување од слобода.

ЈА ЗАКЛАЛ, ПА ЈА ЗАКОПАЛ ВО СВОЈОТ ДВОР!? Расчистено свирепо убиство во Штип

The post ЈА УБИЛ ОД ЉУБОМОРА, ЈА КАСАПЕЛ, ГЛАВАТА Ѝ ЈА НЕМА! Грозоморни детали за свирепото убиство во Штип appeared first on plusinfo.mk.

По повеќе од 24 часа неизвесност и интензивна потрага, заврши со среќен епилог исчезнувањето на 34-годишната прилепчанка Биљана Јандреска Андоноска.

Нејзиното исчезнување беше пријавено во Министерството за внатрешни работи на 23 јули, откако нејзината сестра пријавила дека таа со својот автомобил се оддалечила од домот и не се вратила. Потрагата по неа ја водеше и нејзиното семејство, особено сестра ѝ Соња, која на социјалните мрежи објави апели за помош, повикувајќи ги сите граѓани кои можат да помогнат со какви било информации.

Вчера, полицијата официјално ја потврди веста дека Б.Ј.А. е пронајдена жива и во добра здравствена состојба.

– На 24.07.2025 во 19.05 часот, полициски службеници од Полициското одделение Кривогаштани, кај лицето Д.П. во село Крушеани, општина Кривогаштани, ја пронајдоа Б.Ј.А. (34) од Прилеп, за која на 23.07.2025 нејзината сестра С.Ј.М. пријави дека со своето возило се оддалечила од домот. Лицето е пронајдено во добра здравствена состојба – информираа од МВР.

Нејзината сестра Соња, благодарна за поддршката, се огласи на социјалните мрежи.

„Ви благодарам на секоја помош. Биљана е пронајдена, жива е“, напиша таа.

The post БИЉАНА Е ПРОНАЈДЕНА Со среќен крај заврши потрагата по младата прилепчанка appeared first on plusinfo.mk.

– На 02.02.2025 околу 10.30 часот во село Цветишница, општина Старо Нагоричане, полициски службеници од СВР Куманово ја пронашле почината С.К.(64) за која на 27.12.2024 година беше пријавено дека се оддалечила од нејзиниот дом – информираат од Секторот за внатрешни работи Куманово.

Специјален тим полициски службеници, според информации од семејството, телото го пронашло во долот во селото, без траги на живот. Телото не било во фаза на распаѓање, но имало траги од напади на животни.

Китановска била пријавена за исчезната на 27 декември минатата година.

The post ИСЧЕЗНАТАТА СТАНИКА КИТАНОВСКА E ПРОНАЈДЕНА МРТВА Полицијата го откри телото на 64-годишната жена на кое има траги од животни appeared first on plusinfo.mk.

Невремето на јужниот бугарски брег на Црното Море однесе два животи, а на западот на Турција пет лица исчезнаа во поплавите. Две лица загинаа, а уште три лица се сметаат за исчезнати, објави бугарскиот телевизиски канал „БТВ“, повикувајќи се на официјални извори.Многу хотели и куќи се поплавени по обилните дождови, јавуваат бугарските медиуми. Властите во градот Царево прогласија вонредна состојба откако реката Велека се излеа од коритото. Според извештаите, патиштата беа поплавени, некои мостови беа однесени, а неколку одморалишта беа отсечени.

Во одморалиштето Синеморец прекинато е снабдувањето со електрична енергија, а помалото село Кости е евакуирано. Властите во Царево ги повикаа луѓето да се преселат на повисоки места каде што е можно.

По обилните дождови и поплавите на западот на Турција, пет лица се водат како исчезнати, меѓу кои и едно дете, јави државната новинска агенција Анадолија. Поплавите однесоа и бунгалови во одморалиштето во западната провинција Киркларели во близина на границите со Грција и Бугарија.

Обилни дождови во понеделникот го погодија и градот Мугла во југозападна Турција, а гром предизвика пожари на 36 локации, јави Анадолија. Агенцијата за справување со катастрофи АФАД прогнозираше невреме во западниот и југозападниот дел на земјата, предупредувајќи за поројни поплави, удари на гром и силен ветер.

Турција во средината на август беше погодена од топлотен бран. Температурите на исток и понатаму се над нормалните вредности за овој период од годината, додека на други места времето е стабилизирано, соопшти метеоролошката служба.

Еден човек е пронајден мртов, а стотици куќи и патишта се поплавени во пристанишниот град Волос, во централна Грција, како резултат на бурата Даниел која го погоди нашиот јужен сосед. Загинатиот бил 70 годишен сточар, кој бил згмечен од ѕид кој се урнал од поројниот дожд во областа Агиос Георгиос, соопшти грчката противпожарна служба.

Нешто по 20 часот е издадена наредба за евакуација на домот за стари лица во Волос, бидејќи потокот предизвикал сериозни оштетувања и го урнал стариот дел од домот. Ниту еден од 50-те жители не е во животна опасност.

Според локалните медиуми, главната зграда, која е во близина на потокот, ќе биде евакуирана. Ќе останат само најстарите кои живеат во третиот дел од домот. Како што соопшти претходно градоначалникот на Волос, Ахилеас Беос, полицијата го забранила сообраќајот.

Силните врнежи предизвикаа поплави и во Ламиа, како и на островите Крф и Скиатос, а во прекин е и железничката линија што ги поврзува Волос и Лариса.

Непозната жена исчезна денеска во областа Торони на Халкидики. Како што пишуваат грчките медиуми, жената исчезнала на море додека била во кану. Ја нема околу еден час, а силните ефекти од бурата „Даниел“ веќе почнаа да се појавуваат во областите на полуостровот Ситонија. Се очекува брод и хеликоптер на крајбрежната стража да помогнат во потрагата по жената, пишува „Прототема“.

Sun sets on Skiathos, Greece.
Has rained non stop all day. Streets flooded. Heartbreaking.
Please follow for more updates #πηλιο #βολος #κακοκαιρία #Μαγνησια #Volos #greeceflooding #κυβερνηση_Μητσοτακη #βολος #Greeceflooding #Greece #Thessaly #Agios #Nikolaos pic.twitter.com/2fxECIjnvp

— Shadab Javed (@JShadab1) September 5, 2023

Драматични снимки пристигнуваат од Грција, особено од областа Волос и Пелион, каде поради поплавата многу автомобили завршија во морето.

Грчката полиција претходно денес забрани движење на возила на централниот град Волос и блискиот планински регион Пелион, бидејќи силната бура Даниел ја погоди областа, претворајќи ги улиците во поплавени порои. Забрана за сообраќај има и на Скијатос.

#Skiathos – The Aegean paradise.
Until it rains non stop for 24 hours
754 millimeters of daily rainfall has been recorded#πηλιο #βολος #κακοκαιρία #Μαγνησια #Volos #greeceflooding #κυβερνηση_Μητσοτακη #βολος #Greeceflooding #Greece #Thessaly pic.twitter.com/jDQghS6otf

— Ratnesh Mishra (@Ratnesh_speaks) September 5, 2023

Volos, Magnesia, Greece, 05 September 2023. EPA-EFE/HATZIPOLITIS NICOLAOS

The post 📽 📷 ЈУГОТ НА БАЛКАНОТ СЕ ДАВИ ВО ВОДА, ИМА МРТВИ И ИСЧЕЗНАТИ! Грција, Бугарија и Турција не можат да се справат со надојдените реки appeared first on plusinfo.mk.

– Немаме одговор за тоа дали жената е побегната и каде се наоѓа, ќе почекаме истрагата да го каже последниот збор, таа е единствена потенцијална жртва. Изразуваме сочувство до нејзиното семејство доколку е почината, но некако одвнатре се надеваме дека е жива и успеала да побегне од огнената стихија, – вели Ангелов.

Директорот на ЦУК упати апел до граѓаните особено да бидат внималтени при ракување со алат кој искри.

Тој наведе дека сите граѓани се дел од системот за управување со кризи и се должни кога ќе наидат на мал оган да го изгаснат без при тоа самите себе си да се изложуваат на опасност.

 

 

The post НЕМА ТРАГА ОД ИСЧЕЗНАТАТА ЖЕНА ВО ПОЖАРОТ Во Челопек трагаат пет дена по огнената стихија appeared first on plusinfo.mk.

Според нејзината објава на Фејсбук бабата исчезнала вчера околу 15 часот.

The post Скопјанка апелира за помош: Баба ми исчезна кај државна болница, облечена е во сини тренерки appeared first on plusinfo.mk.