„Очекуваме, во рамки на своите надлежности, ДКСК да постапи, да го истражи скандалот „кумска врска” во општина Штип и да утврди дали постои судир на интереси.

Јавноста е запознаена за овој скандал што ја тресе општина Штип раководена од градоначалникот од ДПМНЕ Иван Јорданов.

– Тендер вреден 20.000 евра е доделен од ЈП Исар на фирма чии сопственици се во роднинска врска со член на Управниот одбор на ЈП Исар, Методи Јорданов, поточно нивни зет. Дополнително, освен што е во роднинска врска со сопствениците на фирмата Методи е кумашин токму на градоначалникот на Штип Иван Јорданов.

Повикуваме ДКСК да отвори предмет за скандалот и да утврди, како тоа пари на граѓаните завршуваат во џебовите на семејно-кумските врски во Штип“ – изјави денеска Трајче Стојчевски, советник во Советот на општина Штип и потпретседател на СДММ.

Како што претходно објави СДСМ, на 22 март оваа година ЈП Исар од Штип склучило Договор за набавка на стоки со штипската фирма АН-БЛА ДООЕЛ Штип. Договорот се однесува на набавка на храна за вработените и е на износ од 1.257.900 денари со ДДВ, односно околу 20.000 евра.

Фирмата АН-БЛА ДООЕЛ Штип е во сопственост на Зоранчо Глигоров, а управител, односно директор е неговата сопруга Снежана Глигорова. Зет за ќерка на семејството Глигорови е Методи Јорданов, кумашин на градоначалникот на општина Штип, Иван Јорданов. Истовремено Методи Јорданов од 2021 година е именуван за член на Управниот одбор на ЈП Исар од Штип.

The post ДА СЕ ИСПИТА СУДИР НА ИНТЕРЕСИ КАЈ ТЕНДЕР ОД 20.000 ЕВРА НА ШТИПСКИ „ИСАР“ Антикорупциската комисија доби претставка од СДСМ appeared first on plusinfo.mk.

– Пожарот беше лоциран од стручни служби и противпжарната служба дека има истурено масло и друг вид суровински материјал што е запалив. Контролите кои што се прават од наша страна на секој час според насоките од инспекциски надзори се уредни, депонијата е исчистена и изминатите денови немаше никакви проблеми со градската депонија. Во овој случај сторителот ќе биде пријавен до надлежните служби, бидејќи ова намерно потпалување на градската депонија, веќе се случува повеќе пати со што се доведува во опасност и функционирањето на претпријатието и здравјето на граѓаните. Ќе бидат поднесени соодветни пријави против за строителите засега непознати кои го имаат направено потпалувањето – рече Здравков.

Командирот на ТППЕ-Штип, Дарко Коцев за МИА вели дека на терен се осумина пожарникари и три возила, само за два часа осумпати се враќале цистерните да се полнат со вода. Пожарот е се уште активен и пожарникарите се на депонијата. Тешко се гасни огност, бидејќи е запалено моторно масло и гуми.

Минатиот месец на градската депонија во Штип се направи вонреден инспекциски надзор од страна на Државниот инспекторат за заштита на животната средина и беа дадени рокови да се отсранат недоследностите при депонирање на отпадот.

The post ШТИПСКИ „ИСАР“ ЌЕ ГО БАРА ПОДМЕТНУВАЧОТ НА ПОЖАРОТ Некој истурил масло во депонијата „Трешена Скала“ appeared first on plusinfo.mk.

Директорот на ЈП „Исар“ – Штип, Живко Тасев за МИА вели дека станува збор за голем дефект на кабелот за напојување на пумпите за бунарскиот систем на локалитетот „Штипско езеро“.

– Екипите работат на санирање на дефектот, кој се случи вчера доцна попладне. Кога ќе биде сменет кабелот, граѓаните ќе бидат информирани, бидејќи откако пумпите ќе почнат да работат, ќе треба период да се наполнат резервоарите во Филтер станицата – истакна Тасев.

Тој посочи дека заради овој голем дефект околу 20 отсто од домаќинствата немаат вода за пиење, а жителите во населбите во високите зони денеска со вода за пиење се снабдуваат од цистерни на ЈП „Исар“.

The post Од вчера 20 отсто штипјани се без вода appeared first on plusinfo.mk.