Седницата на Саборот, наместо во зградата на Патријаршијата, како што беше досега, ќе се одржи, како што објави Српската православна црква, во криптата на Храмот Свети Сава на Врачар во Белград. Причината за преместувањето на местото на состанокот не беше официјално објавена, а јавноста спекулираше дека тоа се должи на пандемија.

Во соопштение, СПЦ наведе дека присуството на медиумите на настанот не е предвидено и дека по завршувањето на седницата ќе биде издадено официјално соопштение.

Дел од локалните медиуми претходно јавија дека е предложено учесниците на изборниот Сабор, наместо во патријаршиската куќа, да отседнат во белградскиот хотел „Хилтон“ во близина на еден од централните белградски плоштади Славија, што предизвика бурни реакции во јавноста.

Засаега никој од Српската православна црква не ја потврди или негираше таа информација.

Според последниот попис од 2011 година, 84,59 проценти од населението во Србија изјавиле дека припаѓаат на православната вероисповед.

The post СПЦ бира нов патријарх appeared first on plusinfo.mk.

Седум имиња

Тоа што Плусинфо го дознава од високи извори во СПЦ е дека во трката за влез во потесниот круг се спомнуваат дури седум имиња на владици.

– Како најсериозни кандидати за нов српски патријарх се спомнуваат имињата на владиката бачки Иринеј, на загрепскиот Порфириј, зворничко-тузланскиот Фотиј, диселдорфскиот Григориј и на будимљанскиот Јоаникиј. Овие владици се најголемите фаворити за да влезат во потесниот круг, но исто така не треба да се исклучат неутралните варијанти како што е владиката Јустин жички, како и Јован шумадиски – брифираат нашите извори од СПЦ.

Оттаму додаваат дека во пресрет на изборот на новиот патријарх, никој од архијереите на СПЦ воопшто не се ни обидува да ја сокрие информацијата дека во игра се две лобија кои активно работат за одредени владици да седнат на тронот.

– Постојат две лобија помеѓу владиците. Едното лоби се залага за дури тројца митрополити, а тоа се бачкиот Иринеј, загрепскиот Порфириј и зворничко-тузланскиот Фотиј. Другото лоби, пак, работи во корист на дизелдорфскиот Григориј и на будимљанскиот Јоаникиј. Сепак, постои можност да се дојде до компромис помеѓу овие две групи, па на крајот да се решат да одат на трета неутрална варијанта. На пример, последниот патријарх Иринеј многу тешко влезе како трет, но потоа неговото име беше извлечено во ждрепката – објаснува нашиот соговорник.

На прашањето дали може да се очекува новиот српски патријарх да го одмрзне црковниот проблем помеѓу СПЦ и Македонската православна црква (МПЦ-ОА), нашите извори тврдат дека најдобро решение за нас би било доколку на тронот седне дизелдорфскиот владика Григориј, но сепак, додаваат тие, тој е во немилост на власта во Србија и скоро е невозможно тој да биде избран за наследник на патријархот Иринеј.

– Дефинитивно, за решавање на проблемот помеѓу СПЦ и МПЦ-ОА најмногу може да придонесе владиката Григориј. Но, тој е во немилост на власта во Србија и тешко дека самата држава ќе дозволи тој да биде главен на Црквата. Но, сè е можно. Слична беше ситуацијата и со патријархот Иринеј, бидејќи никој не очекуваше тој да седне на тронот – вели нашиот извор.

Најмалку ни одговара владика Иринеј

Митрополитот дебарско-кичевски и портпарол на Синодот на МПЦ-ОА, г. Тимотеј, за Плусинфо вели дека за да се реши црковниот спор помеѓу СПЦ и МПЦ-ОА, потребно е в четврток да биде избран патријарх кој не е оптоварен со минатото.

– Не би сакал сега да прогнозирам кој од српските владици е најразумен или најреален, сепак тоа е неблагодарна работа. Во секој случај, најмалку ни одговара бачкиот владика Иринеј, но тоа не значи дека не може тој да биде патријарх. Исто така, сметам дека не постојат никакви шанси владиката Григориј да биде избран за патријарх. Во моментов не можам да издвојам некој кандидат кој најмногу би ни одговарал во поглед на решавање на црковниот спор. Впрочем, за такви големи работи не одлучува само еден човек, туку црковниот Собор. Од друга страна, може да се случи и овојпат СПЦ да добие патријарх кој никој не го очекувал. Така беше и со патријархот Павле, а и со патријархот Иринеј. Најдобро е да почекаме до изборот и дури потоа да анализираме – истакна г. Тимотеј.

Митрополитот преспанско-пелагониски, г. Петар, смета дека во поглед на МПЦ-ОА, најдоброто решение за избор на српски патријарх е човек кој никогаш нема ништо лошо кажано за нашата црква и за нашата земја.

– Најдобро за нас е доколку за нов патријарх на СПЦ биде избран владика кој нема кажано лоши зборови за МПЦ-ОА, но и кој нема направено ништо за да ѝ нанесе големи рани на нашата црква и на нашиот народ. Се молам да не биде избран некој архиереј од радикалното крило, односно од оние кои не ја признаваат МПЦ-ОА како автокефална, односно како црква која има право на автокефалност. Најдобро би било доколку нов патријарх биде некој од владиците кои биле секогаш добро наклонети за решавање на црковниот проблем и кои немаат претензии за загрозување на нашето опстојување како македонски народ. Сè зависи од тројцата кандидати кои ќе влезат во потесниот круг, а потоа изборот ќе падне со апостолска ждрепка – изјави владиката Петар.

Во српската јавност, Григориј е доста популарен и се толкува како прогресивен карактер кој би внел доза на модернизам во СПЦ.

Андреја Богдановски Докторанд на Универзитетот во Бакингем, Велика Британија

Замрзнат конфликт

Андреја Богдановски, докторанд на Универзитетот во Бакингем, Велика Британија, за Плусинфо вели дека топката околу автокефалноста на МПЦ-ОА повторно се враќа во рацете на СПЦ.

– Поради пандемијата со коронавирусот, но и поради смртта на српскиот патријарх Иринеј, топката околу автокефалијата на МПЦ-ОА од Фанар повторно се враќа во рацете на Белград. Улогата на вселенскиот патријарх во случајов сè повеќе наликува на медијаторство во насока на помирување на Скопје и Белград. Од трите имиња со кои се шпекулира за нов српски патријарх, како најсериозен кандидат се смета владиката Иринеј (Буловиќ), но ова, според процедурата на избор со т.н. апостолски ждреб, би било неизвесно до самиот крај. Другите двајца кандидати за кои се смета дека се во потесен круг се митрополитот Порфириј (Периќ) и владиката Григориј (Ѓуриќ). Во српската јавност, Григориј е доста популарен и се толкува како прогресивен карактер кој би внел доза на модернизам во СПЦ. Неговата популарност помеѓу верниците се должи на тоа и дека важи за голем критичар на политиките на српскиот претседател Александар Вучиќ. Доколку биде избран за патријарх, Григориј би бил поблизок до Фанар отколку до Москва. За разлика од него, Иринеј (Буловиќ) е доста близок до руската црква, нималку наклонет кон македонската црква како и голем критичар на подвигот за автокефалност. И двајцата имаат искуство во преговорите со МПЦ, со тоа што Иринеј бачки има далеку поголем стаж во однос на ова прашање. Митрополитот Порфириј, како и Иринеј, се смета за близок до Вучиќ. Во биографијата на Порфириј исто стои дека бил назначен за воен епископ и координатор за соработка помеѓу СПЦ и војската на Србија – објасува Богдановски.

Тој додава дека без разлика на новото раководство на СПЦ, сепак не би било реално да се очекува некое тектонско поместување на односите со МПЦ, бидејќи, како што вели, станува збор за замрзнат конфликт.

– Со новата просрпски ориентирана влада во Црна Гора пожарот околу црногорската автокефалија во моментов е навидум изгаснат. Со изборот на новиот српски патријарх доаѓа и определен период на прилагодување на новото раководство што би било прифатено како легитимно право од страна на Вселенската патријаршија – вели Богдановски.

Патријархот не може сам

Црковниот аналитичар Георги Тасев, пак, вели дека засега е неблагодарно да се лицитира со имиња, имајќи предвид дека повеќе владици ги исполнуваат условите да бидат избрани за патријарх на СПЦ.

– Конечниот избор за патријарх на СПЦ е со ждрепка, со што се спречува политички избор. Оттука, неблагодарно е да се лицитира со имиња, имајќи предвид дека повеќе владици ги исполнуваат условите да бидат бирани. Иако изборот на поглавар е секогаш посебен настан за црквата, сепак, тој не значи дека мора да биде посебен и во однос преговорите со МПЦ-ОА. Тие се одамна поставени на здрава еклисиолошка и канонска основа и не верувам дека кој било нов поглавар, многу ќе отстапи од позицијата на неговите претходници. Значи, за очекување е од новиот патријарх, нов импулс за конструктивно продолжување на преговорите со МПЦ-ОА, но исто така, за очекување е и дека патријархот не може самиот без Соборот, конечно да влијае врз исходот на истите. Сега е присутна и Православната охридска архиепископија (ПОА) од која веќе зависат многу нешта, а тука е, споменав, и Соборот на СПЦ – вели Тасев.

Сепак, најодговорна во целиот процес е МПЦ-ОА, додава тој, зашто таа ги има создадено проблемите кои се предмет на тие преговори, и дополнително си ја усложнува позицијата преку екскурзиите, те со Бугарската православна црква, те со Цариградската црква, од кои ништо не постигна, освен што се покажа крајно незрела во очите на православниот свет.

– Кога МПЦ-ОА ќе сфати дека екскурзиите не даваат плод, тогаш ќе разбере и дека без разлика кој и да е српски патријарх, сигурно ќе ѝ помогне врз црковни основи и на сеправославно ниво да си го реши проблемот со непризнатоста, за разлика од постапката на Цариградскиот патријарх со т.н. Украинска црква, која не наиде на сеправославно одобрување. Верувам дека и МПЦ-ОА не бара такво еднострано признавање – вели Тасев.

The post Седум владици го демнат тронот на СПЦ, МПЦ-ОА се моли да не победи Иринеј бачки appeared first on plusinfo.mk.

Лажната информација дека владиката Давид од ПОА е позитивен на коронавирусот ја објави Канал 5 директно во попладневните вести.

– Ниту бев во Белград, и фала му на Бога, добро сум. Тие, пред да објават таква вест, дека сум бил на погреб и дека сум хоспитализиран, ако сакаа, можеа да ми се јават и да проверат, согласно елементарната новинарска пракса. Вака, свесно или несвесно, очиледно возможно е да повредат луѓе и за жал, истовремено да пројават отсуство на етика и професионализам – изјави владиката Давид за Плусинфо.

Инаку, за разлика од владиката стобиски г. Давид, српскиот епископ крушевачки г. Давид е позитивен на ковид-19 и пренесен е во болница, објавија утрово српските медиуми.

ОБНОВЕНО

Канал 5 предмалку официјално му се извини на епископот стобиски г. Давид за направената ненамерна грешка и му посака добро здравје.

The post Владиката Давид од ПОА не е позитивен на ковид-19, воопшто не бил на погребот на патријархот во Белград appeared first on plusinfo.mk.

Погребната литургија и опело служеше митрополитот Дабро-Босански Хризостом, со учество на владиците и свештенството на Српската православна црква и гости од други православни цркви, меѓу кои беше и вториот човек на Руската православна црква, митрополитот Иларион.

На погребот беше целиот државен врв на чело со претседателот Александар Вучиќ, членот на претседателството на БиХ Милорад Додик, мандатарот на црногорската влада Здравко Кривокапиќ.

– Овој храм тој практично го изгради. Ја обнови културата на сеќавање. Тој не прифаќаше поделба на луѓето и нациите, иако ја признаваше секоја држава кроена на моделите на АВНОЈ. Тој веруваше во растечката сила на српската држава и помалку наивно, во силата да го убеди светот за страдањата на нашиот народ на Косово – изјави во говорот пое опелото претседателот Александар Вучиќ.

Пред храмот беа присутни голем број верници кои преку двата видео бима ја следеа Светата литургија и погребот, бидејќи престојот во Храмот беше ограничен поради епидемиолошката состојба.

Патријархот Иринеј, кој беше педесет и шести поглавар на Српската православна црква, е првиот патријарх кој е погребан во Храмот Свети Сава, чија изградба и поставувањето на мозаикот беше една од главните карактеристики на неговото раководење со српската црква.

Оваа година СПЦ беше речиси целосно обележана со коронавирусот. Иринеј умре од компликации со коронавирусот, а во болница заврши четири дена по служењето литургија на погребот во Црна Гора на митрополитот Амфилохије, кој исто почина од последици од Ковид. Денеска почина расчинетиот епископ Артемије, претходно почина ваљевскиот епископ Милутин, а заразени се и повеќе епископи.

До изборот на новиот поглавар на Српската црква, должностите ќе ги извршува Синодот, со кој ќе раководи најстариот член. Изборот на патријарх се врши најдоцна во рок од три месеци од денот кога престолот на патријархот е испразнет, „на апостолски начин“, со жрепка, помеѓу тројцата кандидати со најмногу гласови.

The post Погребан патријархот Иринеј appeared first on plusinfo.mk.

Но, посебно внимание на јавноста ѝ привлече едно младо момче кој беше дел од свештените лица во црквата.

Имено, станува збор за корејскиот ѓакон на митрополитот Иларион Алфејев, кој е и претседател на Одделот за надворешни црковни односи на Руската православна црква (РПЦ).

Службата во храмот Свети Сава започна во 9:00 часот, меѓу присутните е скоро целиот српски државен врв, но и бројни амбасадори, како и политичари од регионот.

The post Ѓакон од Кореја предизвика големо внимание на погребот на патријархот Иринеј (ФОТО) appeared first on plusinfo.mk.

Во тек е службата која ја предводи митрополитот добробосански Христозом, кој беше назначен за заменик-патријарх сè додека не биде избран нов поглавар.

Како и вчера, телото на патријархот Иринеј е покриено со стакло, а ковчегот е поставен во средината на храмот. Присутни се сите владици и 16 свештеници, но и претставници на други верски заедници, а најавено е да оддржи говор и српскиот претседател Александар Вучиќ.

The post Почна погребот на патријархот Иринеј, говор ќе одржи и Вучиќ appeared first on plusinfo.mk.

Црногорскиот митрополит Михаило ја обвини Српската православна црква (СПЦ) за непочитување на мерките против коронавирусот и изложување на верниците на голема опасност, но и за манипулирање со датумите на смрт на митрополитот на СПЦ во Црна Гора Амфилохие и на српскиот патријарх Иринеј.

Тој посочува дека ова се два начина на кои Српската православна црква манипулира со верниците, пренесува Радио-телевизија на Црна Гора.

– Првиот: оние што тврдеа дека на верски собири не можно заразување со коронавирус, ги изманипулираа верници за политички цели, без да го земат предвид нивното здравје, само за да ја добијат власта на изборите во август, и тоа го направија – вели Михаило.

Верниците со тоа се доведени во смртна опасност, додава тој.

– Бидејќи неодговорните и злонамерните ги уверуваа верниците, не само дека со коронавирусот не може да се заразат на масовни религиозни собири ако имаат вера, туку и дека не можат да се заразат ако се причестат со истата лажичка.За жал, смртта на српскиот митрополит Амфилохије и патријархот Иринеј покажа и докажа дека за тоа не одлучуваат ниту високи, ниту пониски свештени лица, а особено не политичари, туку одлуката е во Божји раце – рече митрополитот на ЦПЦ, која, како и неколку останати православни цркви не се канонски признати поради политички причини.

Тој вели дека двата начина на манипулација се за осуда.

– Не беше доволно за овие политиканти да предизвикаат повеќе смртни случаи со незаконски и неодговорен однос кон мерките на Нaционалното координативно тело (НКТ), туку тие, исто така, се обидоа да ја инструментализираат смртта на епископот Амфилохије и патријархот Иринеј, кои починаа од последиците на ковид-19, заради националистички цели, на длабоко неправославен начин – посочува Михаило.

Тој тврди дека Српската православна црква ја криела смртта на покојниот митрополит Амфилохије, кој, како што изјави Михаило, починал на 29 октомври.

– Само за да соопштат дека починал на 31 октомври, денот кога се претстави Свети Петар Цетињски. Тие беа претркани од медиумите, кои веднаш ја објавија неговата смрт и ги ставија во непријатна позиција, па следниот ден го зедоа како датум на смртта. Ист е случајот и со патријархот Иринеј, кој почина на 19 ноември. Тие се обидоа да го сокријат датумот на смртта за да го поврзат со Аранѓеловдан на 21 ноември, но и во овој случај медиумите ги спречија, и ги принудија да ја објават неговата смрт, во овој случај со еден ден доцнење – рече митрополитот.

Сето тоа, како што додава, со цел да ја поврзат нивната смрт со овие два важни црковни датуми и да ја протолкуваат како излевање на Божјата милост, особено на овие „двајца високи свештеници, кои на тој начин, навидум се препорачуваат за светители“.

– Тие веќе објавија дека, како и Грците и Црногорците, имаат тројца архиереи: Свети Петар Цетињски, Његош и епископот Амфилохије, иако на третиов не му е место меѓу црногорските архиереи, затоа што божем починале на ист ден, што наводно е крунски доказ за Божјата милост што се излева врз Српската црква во Црна Гора и нејзините водачи. Ги повикувам и ги молам неразумните и неодговорните кон православната вера да се вразумат и да не бидат воведени во врска што не може да се воспостави, да не се шират соблазнување меѓу верниците за народот да не отпаѓа од нашата православна вера. Нека бидат прочитани зборовите на Светото Писмо: „Твојата вера ти помага, но верата без дела никому не помага – заклучи владиката Михаило.

Инаку, српскиот патријарх Иринеј ќе биде погребан денеска во крипта во храмот Свети Сава, а предвидено е да се обратат и српскиот претседател Александар Вучиќ и претседателот на Претседателството на БиХ Милорад Додик.

The post СПЦ сакала да ја сокрие смртта на патријархот Иринеj?! appeared first on plusinfo.mk.

Телото на српскиот патријарх Иринеј денеска беше изложено во Соборната црква во Белград.

Неодамна од коронавирусот почина и владиката Амфилохије, а неговото тело беше оставено отворено во ковчегот и верниците го бакнуваа.

The post Го бакнуваа, па го дезинфицираа ковчегот на покојниот Иринеј (ФОТО) appeared first on plusinfo.mk.

Верниците денеска се простуваат од српскиот патријарх Иринеј, кој почина по компликации од коронавирусот, вчера во Белград.

Во Соборната црква во Белград, каде што е изложен ковчегот со телото на патријархот Иринеј, околу 9 часот започна погребната литургија. Ковчегот се наоѓа во средината на храмот и е целосно затворен, а во горниот дел е покриен со стакло.

Литургијата ја служи митрополитот дабробосански Хризостом, со сослужение на епископот шумадиски Јован, крушевачкиот Давид и нишкиот Артемије.

По литургијата, телото на покојниот патријарх Иринеј ќе биде пренесено во Храмот „Свети Сава“ во Врачар.

Патријархот кој почина на 90-годишна возраст, ќе биде погребан утре во криптата на храмот „Свети Сава“.

The post Верниците го бакнуваат стаклениот ковчег во кој е изложено телото на Иринеј (ФОТО) appeared first on plusinfo.mk.

Ковчегот се наоѓа во средината на храмот и е целосно затворен, а во горниот дел е покриен со стакло.

Литургијата ја служи митрополитот дабробосански Хризостом, со сослужение на епископот шумадиски Јован, крушевачкиот Давид и нишкиот Артемије.

Верниците можеа да му оддадат почит на патријархот.

По литургијата, телото на покојниот патријарх Иринеј ќе биде пренесено во Храмот „Свети Сава“ во Врачар.

Патријархот ќе биде погребан утре во криптата на храмот „Свети Сава“.

The post Телото на српскиот патријарх Иринеј изложено во ковчег со стакло appeared first on plusinfo.mk.