Американските нафтени компании се подготвени да го „стабилизираат“ Иран доколку дојде до промена на режимот, додека се скептични во врска со враќањето во Венецуела поради безбедносни и правни пречки, вели раководителот на Американскиот институт за нафта (API), Мајк Сомерс.

Сомерс оценува дека, и покрај годините санкции на САД, нафтената индустрија на Иран останува структурно стабилна и дека компаниите од САД би можеле брзо да го зголемат производството доколку се промени политичката ситуација.

– Ова е добра вест за иранскиот народ, тие ја земаат својата слобода во свои раце – рече Сомерс, коментирајќи ги протестите во Иран за порталот Политико.

Од друга страна, според него, враќањето во Венецуела би барало значителни гаранции за безбедноста на инвестициите, оперативната безбедност и почитувањето на владеењето на правото, што би барало повеќе време.

-Ако ги сторат овие три големи работи како што треба, мислам дека ќе има инвестиции во Венецуела – рече тој.

Тој исто така нагласува дека API се спротивставува на какви било предлози американската влада да стекне удели во нафтени компании што инвестираат во Венецуела.

И другите експерти кои учествуваа на годишниот настан на Американскиот институт за нафта за состојбата на американската енергија во Вашингтон, ги истакнаа разликите меѓу Иран и Венецуела, особено кога станува збор за состојбата на нафтената инфраструктура.

– Иран успеа да го зголеми производството и покрај најагресивните санкции на САД – рече Кевин Бак од „Клирвју енерџи партнерс“.

The post АМЕРИКАНСКИТЕ НАФТАШИ ПОПРВО БИ ОТИШЛЕ ВО ИРАН ОТКОЛКУ ВО ВЕНЕЦУЕЛА Експертите објаснуваат зошто е тоа така appeared first on plusinfo.mk.