Неколку реда напишани во соблекувалната во Лос Анџелес станаа една од најсподелуваните приказни од Светското првенство. Иранските фудбалери, кои поради ограничувањата мораат веднаш по натпреварите да ја напуштаат територијата на САД, зад себе оставиле порака за домаќините, навивачите и за својот народ.

И покрај специфичниот режим под кој настапуваат на Мундијалот, со база во мексиканска Тихуана и со постојани патувања по секој натпревар, Иранците решиле да се простат со зборови за достоинство, благодарност и мир.

Во пораката што ја оставиле во соблекувалната на стадионот во Лос Анџелес напишале:

Esto es de una DIGNIDAD IMPRESIONANTE.
El plantel de Irán ya se fue de Los Angeles pero dejó una carta:

“Desde la Antigua Persia al Irán de hoy (…) vinimos a Los Angeles con orgullo, competimos con honor y nos vamos con dignidad”.
La lección que le están dando a EE.UU… pic.twitter.com/9d82ibnmcs

— Periodistán (@periodistan_) June 22, 2026

„Од древна Персија пред неколку милениуми, па сè до современото време, духот на Иран остана жив, горд и непоколеблив. Во Лос Анџелес дојдовме со гордост, се боревме чесно, а заминуваме со кренати глави.

Му благодариме на Лос Анџелес за гостопримството. Исто така, му благодариме на секој Иранец кој во текот на овие 180 минути фудбал го остави своето срце, глас и душа за нашата земја.

Нека меѓу сите народи во светот владеат мир, почит и пријателство“.

Пораката брзо почна да се споделува на социјалните мрежи, каде многумина ја оценија како еден од највпечатливите гестови на шампионатот.

The post 📷 ОД ПЕРСИЈА ДО ЛОС АНЏЕЛЕС, СО КРЕНАТИ ГЛАВИ! Иранците оставија порака што го обиколи светот appeared first on plusinfo.mk.

На дел од делегацијата на иранската репрезентација, вклучувајќи ги и членовите на тренерскиот штаб, им беа одбиени американски визи пред Светското првенство, објави АФП, повикувајќи се на иранската амбасада во Турција.

На 3 јуни, иранскиот амбасадор во Турција објави дека играчите на репрезентацијата добиле визи.

Американскиот амбасадор во Турција денес објави дека играчите и помошниот персонал добиле визи.

Сепак, иранската амбасада изјави:

„Зошто не кажете дека на значителен дел од раководството и тренерскиот персонал, техничките советници и другите луѓе кои се составен дел од националниот тим им биле одбиени визи?“

Одбивањата беа опишани како „највисоко ниво на намерен дискриминаторски третман“.

Иран треба да ги игра сите три натпревари од групната фаза во Соединетите Американски Држави. На 24 мај, ФИФА го одобри преместувањето на тренинг кампот на репрезентацијата од Соединетите Американски Држави во Мексико.

Светското првенство во 2026 година ќе се одржи од 11 јуни до 19 јули. На турнирот за прв пат ќе учествуваат 48 екипи. Иран ќе игра во група со Белгија, Египет и Нов Зеланд.

The post ФУДБАЛЕРИТЕ НАПРЕД, ТЕРЕНСКИОТ ШТАБ НАЗАД Дел од делегацијата на иранската репрезентација остана баз американска виза appeared first on plusinfo.mk.

Иранската фудбалска федерација побара од ФИФА да ги премести натпреварите од групната фаза на Светското првенство 2026 од САД во Мексико. Причина е изјавата на американскиот претседател Доналд Трамп дека не може да ја гарантира безбедноста на иранската репрезентација.

– Бидејќи Трамп јасно стави до знаење дека не може да ја гарантира безбедноста на иранската репрезентација, дефинитивно нема да патуваме во САД. Во преговори сме со ФИФА за домаќинство на натпреварите од Светското првенство во Мексико – изјави претседателот на Иранската фудбалска федерација, Мехди Таџ.

Светското првенство 2026 ќе се одржи првпат во три држави. Домаќини се САД, Канада и Мексико. Турнирот ќе трае од 11 јуни до 19 јули.

Според првичниот распоред, сите три натпревари на Иран требаше да се играат во САД. Првиот дуел е планиран на 16 јуни во Инглвуд против Нов Зеланд. Вториот на 21 јуни, исто така во Инглвуд, против Белгија. Третиот е на 27 јуни во Сиетл против Египет.

Претходно американскиот претседател Доналд Трамп изјави дека присуството на иранската репрезентација на турнирот е „несоодветно“ за нивната сопствена безбедност.

По таа изјава реагираше иранската влада. Министерот за спорт Ахмад Донјамали побара од ФИФА да ја преиспита одлуката САД да бидат домаќин на турнирот.

Сепак, од Азиската фудбалска конфедерација испратија помирлива порака.

Генералниот секретар Виндзор Џон изјави дека Иран и натаму планира да учествува на Светското првенство. Според него, разговорите со ФИФА продолжуваат.

The post ИРАН СО ДИПЛОМАТСКИ ДРИБЛИНГ ПРЕД СП 2026 Бара натпреварите да ги игра во Мексико appeared first on plusinfo.mk.