Иранскиот врховен лидер, ајатолахот Али Хамнеи, не е виден јавно ниту зборувал речиси една недела, што ги изненади и вознемири сите: од политичките инсајдери до јавноста, објави „Њујорк тајмс“.

Додека Иранците гледаа на државната телевизија, водителот на дневникот постави прашање за кое размислуваат многу луѓе во земјата, од политичката елита до оние на улиците.

– Луѓето се многу загрижени за врховниот лидер, му рече водителот на службеник од канцеларијата на ајатолахот. „Можете ли да ни кажете како е?“

Тој истакна дека гледачите испратиле многу пораки со истото прашање.

Меѓутоа, службеникот Мехди Фазаели не даде директен одговор.

Наместо тоа, Фазаели рече дека самиот добил бројни прашања од службеници и други загрижени за ајатолахот по израелските и американските бомбардирања.

– Сите треба да се молиме, рече Фазаели. Луѓето одговорни за заштита на врховниот лидер добро си ја вршат работата – додаде тој.

Хамнеи, кој го има последниот збор во донесувањето клучни одлуки во Иран, не е виден јавно ниту одржал говор речиси една недела и покрај вонредната криза со која се соочува неговата земја.

Само во изминатите неколку дена, САД бомбардираа три ирански нуклеарни објекти, на што Иран одговори со лансирање ракети кон американската база во Катар, а Иран и Израел се согласија на прекин на огнот што стапи на сила во вторникот наутро.

Во текот на сето тоа, Хамнеи, за кого официјалните лица велат дека се криел во бункер и се воздржува од користење електронски комуникации за да спречи обиди за атентат, остана отсутен и не објави никакви изјави или снимени пораки.

Неговото отсуство ги изненади и вознемири луѓето од различни делови на иранското општество.

Мохсен Калифа, главен уредник на дневниот весник „Канеман“, фокусиран на недвижности, во едно интервју изјави дека „неколкудневното отсуство на Хамнеи е многу загрижувачко за сите што го сакаат“.

Признавајќи ја можноста што би била незамислива пред две недели, Калифа додаде дека ако Хамнеи е мртов, неговиот погреб ќе биде „највеличествениот и историски“.

The post КАДЕ ИСЧЕЗНА ХАМНЕИ? Иранците цела недела си го бараат врховниот лидер appeared first on plusinfo.mk.

Новинарката и активистка, Масих Алинеџад, која има иранско потекло и е отворен критичар на владата во Техеран, потврди на Твитер дека била цел на наводен заговор.

Алинеџад исто така го основа движењето Моја скриена слобода (My Stealthy Freedom), кое ги охрабрува жените да не носат хиџаб.

Четворицата мажи именувани во обвинението се ирански разузнавачи, се вели во соопштението на Министерството за правда на САД. Петтиот соучесник од Калифорнија е обвинет за финансирање на наводната операција.

Американските власти соопштија дека разузнавачите прво се обиделе да ја намамат целта наречена „Жртва-1“ во трета земја, каде што би била уапсена и однесена во Иран.

Потоа продолжиле да ја набљудуваат жртвата и другите членови на нејзиното семејство во Бруклин, Њујорк. Се тврди дека еден од мажите спровел детална студија за тоа како да се донесе „Жртва-1“ од САД во Иран.

Иако во документот не се споменува името на „Жртва-1“, Алинеџад, која е добро позната по своите отворени критики кон иранските власти и нивната политика, на Твитер се претстави како цел на наводниот заговор и им се заблагодари на американските истражители што спречиле нејзино киднапирање.

The post Четворица Иранци се обиделе да киднапираат новинарка во САД appeared first on plusinfo.mk.

– Уапсени се три лица кои сакале да продадат две бебиња – изјави  началникот на техеранската полиција , Хосеин Рахими.

Тој прецизираше дека едното бебе било старо само 20 дена, а второт два месеца.

Полицијата ги уапсила лицата откако „продажбата на бебињата ја рекламирале на Инстаграм“. Фотографиите од бебињата биле споделени на 10 до 15 налози од оваа социјална мрежа.

-Бебињата биле купени за 226 до 450 евра, додека биле продавани за 1.800 до 2.250 евра, изјави Рахими, без да даде дополнителни детали.

Тој додаде дека бебињата се предадени на социјалната служба.

The post Tројца Иранци продавале бебиња преку Инстаграм appeared first on plusinfo.mk.