Иран им забрани на своите спортски тимови да патуваат во „непријателски“ земји.

Наредбата важи до понатамошно известување и се однесува на националните репрезентации и спортските клубови, соопштија локални медиуми.

Мерката е донесена речиси четири недели по почетокот на војната меѓу Иран, од една страна, и САД и Израел, од друга.

„Министерството за спорт соопштува дека присуството на национални тимови и клубови во држави кои се сметаат за непријателски и неспособни да ја гарантираат безбедноста на иранските спортисти и членовите на тимовите е забрането до понатамошно известување“, се наведува во одлуката.

Неодамна се појави полемика околу учеството на женската фудбалска репрезентација на Азиското првенство што се одржа во Австралија.

Канбера предизвика гнев во Техеран откако им додели азил на шест спортистки и еден член на стручниот штаб. Тие беа означени како предавници во Иран откако одбија да ја пеат националната химна пред натпревар. Пет од фудбалерките подоцна ја променија одлуката и се вратија во татковината.

The post ИРАН ВОВЕДЕ ЗАБРАНА ЗА СПОРТИСТИТЕ Не смеат да патуваат во „непријателски“ земји appeared first on plusinfo.mk.

Иранскиот претседател Масуд Пезешкијан вечерва ги постави условите за завршување на војната која почна на 28 февруари со американско-израелските напади врз Иран.

„Единствениот начин да се заврши оваа војна, која ја почнаа ционистичкиот режим и Соединетите Американски Држави, е да се признаат легитимните права на Иран, да се исплатат репарации и да се обезбедат цврсти меѓународни гаранции против каква било идна агресија“, напиша Пезешкијан на Икс.

Иранскиот претседател додаде дека за време на разговорите со лидерите на Русија и Пакистан, ја потврдил посветеноста на Иран за мир во регионот.

The post EДИНСТВЕНИОТ НАЧИН Е ДА ПЛАТИТЕ РЕПАРАЦИИ Иранскиот претседател ги откри условите за крај appeared first on plusinfo.mk.