Претседателот на САД го исмеа Иран велејќи дека никој не сака да биде врховен лидер на таа земја и дека наводно тоа му било понудено нему.

– Никогаш немало лидер кој не си ја сакал работата помалку од оној во Иран.

Потоа следеше иронична порака, која брзо се прошири.

– Велат: Не го сакам ова. Би сакале вие да бидете следниот врховен лидер. Не, ви благодарам, не сакам – изјави Трамп.

Претходно тој изјави лидерите стравуваат од реакција дома и од американски притисок.

– Тие преговараат и многу сакаат договор, но се плашат да го кажат тоа. Мислат дека нивниот народ ќе ги убие. Мислат дека и ние ќе ги убиеме – додаде тој.

Иран јавно ги негира преговорите. Во исто време, Трамп тврди дека има напредок и дека е можен договор. Во меѓувреме изарелскиот премиер Бенјамин Нетанјаху нареди интензивни дводневни напади врз воената инфраструктура на Иран. Според „Њујорк Тајмс“ Нетанјаху се плаши дека Трамп може да склучи примирје и да ја стопира војната со Иран.

Трамп и порано користел сличен стил. Минатата година се пошегува дека би сакал да биде папа. Изјавата дојде по смртта на папата Франциск.

Дополнително, беше објавена и слика со вештачка интелигенција. На неа, Трамп беше прикажан како папа, што предизвика критики.

The post РЕКОА НЕ САКАМЕ, ТИ БИДИ АЈАТОЛАХ Трамп се измајтапи со иранското раководство appeared first on plusinfo.mk.

Иран одговори на американскиот мировен план од 15 точки со свои барања кои вклучуваат затворање на сите воени бази на САД на Блискиот Исток и наплата за премин низ Ормускиот Теснец, објави „Волстрит Џурнал“.

Покрај затворањето на базите во регионот на Заливот, Техеран бара отштета за нападите врз земјата, гаранции дека војната нема повторно да започне, прекин на израелските напади врз Хезболах и укинување на сите санкции. Иран, исто така, инсистира на задржување на својата балистичка програма без никакви ограничувања. Американски официјален претставник ги опиша овие барања како „смешни и нереални“.

Според извештаите на Аксиос, во Техеран постои голема недоверба бидејќи Иран двапати беше нападнат додека води разговори со администрацијата на Трамп. Додека Трамп тврди дека во тек се продуктивни разговори, Техеран негираше дека имало комуникација.

„Може, ама прво да се координираат со нас“

Од друга страна, во вторникот Иран ги известил Обединетите нации за нови услови за, како што вели, непријателските бродови кои минуваат низ Ормускиот Теснец. Бродовите ќе можат да поминат ако прво се координираат со иранските власти, се вели во писмо на Иран до ОН и до сите 175 членки на Меѓународната поморска организација.

„Условот е тие да не учествуваат или да не поддржуваат агресија против Иран и целосно да ги почитуваат објавените безбедносни прописи“, се вели во писмото.

„Не може да се сметаат за пријатели“

За бродови кои нема да можат да се квалификуваат како невини или пријателски се споменати бродовите на САД и на Израел, „како и на другите учесници во агресијата“.

Со други зборови, бродови кои не се сметаат за непријателски и не поддржуваат воени дејства против Техеран ќе можат да поминуваат.

„Бродовите ќе мора да ги почитуваат иранските безбедносни прописи и да ја координираат пловидбата со надлежните власти“, се додава во соопштението.

Пораката доаѓа во време кога американско-израелската војна против Иран речиси го запре преминувањето на околу една петтина од светската нафта и течен природен гас низ теснецот, предизвикувајќи значителни прекини во глобалните испораки, пишува Ројтерс.

„Ги презедовме сите мерки“

Во писмото се наведува дека Иран „презел неопходни и пропорционални мерки за да ги спречи агресорите и нивните поддржувачи да го искористат Ормускиот теснец за да спроведат непријателски операции против Иран“.

Претходно беа објавени и 15. американски услови доставени преку пакистански посредници, кои бараат демонтирање на нуклеарните капацитети на Иран, предавање на залихите на збогатен ураниум на МААЕ и прекин на поддршката за регионалните прокси-групи. За возврат, САД нудат укинување на меѓународните санкции и помош за цивилна нуклеарна програма.

The post КОНТРАУСЛОВИ ЗА САД, ТЕХЕРАН САКА ДА ГИ ЗАДРЖИ РАКЕТИТЕ Иран има и нови правила за бродови кои минуваат низ Ормуз appeared first on plusinfo.mk.

Во момент кога глобалната јавност повторно го вперува погледот кон Техеран, едно име сè почесто се провлекува низ дипломатските шпекулации и медиумските извештаи – Мохамад Багер Галибаф. За некои, тој е можен канал за комуникација со Западот, за други – типичен претставник на тврдото јадро на иранскиот режим. Но, зад ова име стои долга и сложена кариера, која го прави еден од највлијателните луѓе во Исламската Република. За него се шпекулира дека тој е можеби човекот со кого преку посредници преговара американскиот претседател Доналд Трамп.

Лојалист со завидна кариера во Револуционерната гарда

Галибаф е роден во 1961 година и припаѓа на генерацијата која политички и идеолошки се формираше во сенката на Исламската револуција. Неговата кариера започнува на бојното поле, за време на Иранско-ирачката војна, каде што брзо се истакнува и се искачува во редовите на Револуционерната гарда – елитната воена структура која и денес претставува столб на режимот.

Со текот на времето, Галибаф станува командант на воздухопловните сили на Револуционерната гарда, позиција што му обезбедува не само воено влијание, туку и директен пристап до највисоките кругови на моќ. Оваа фаза од неговата кариера го дефинира како човек од системот – лојален, дисциплиниран и длабоко вграден во безбедносната архитектура на државата.

Неговото влијание не останува ограничено само на војската. Подоцна, тој ја презема функцијата шеф на националната полиција, каде што добива репутација на строг, но ефикасен администратор. Токму тука почнува да ја гради својата слика на „менаџер“ – човек кој може да управува со сложени системи, но и да воведе ред кога е тоа потребно.

Градоначалник на Техеран цели 12 години

Политичката сцена го пречекува во полн ек, кога во 2005 година станува градоначалник на Техеран. На оваа функција останува цели 12 години, трансформирајќи го главниот град со инфраструктурни проекти и урбан развој. За поддржувачите, тој е модернизатор; за критичарите, човек поврзан со корупциски скандали и нетранспарентни договори.

Паралелно со локалната власт, Галибаф не ја крие својата амбиција за врвната позиција во државата. Неколкупати се кандидира за претседател на Иран, но и покрај силната поддршка од конзервативниот блок, никогаш не успева да ја освои функцијата. Сепак, неговите изборни резултати покажуваат дека станува збор за сериозен играч, со стабилна база на поддршка.

Неговата кариера добива нов импулс кога станува претседател на иранскиот парламент – позиција која формално е законодавна, но во реалноста има значајна политичка тежина. Во иранскиот систем, каде што вистинската моќ е концентрирана кај врховниот лидер, парламентот сепак претставува важен инструмент за артикулација на политичките стратегии.

Контрадикторностите се неговото второ име

Галибаф често се опишува како контрадикторна фигура. Од една страна, тој зборува за економски реформи, ефикасност и за модернизација. Од друга страна, неговата биографија и реторика го позиционираат како тврдолинијаш, близок до безбедносните структури и скептичен кон западното влијание.

Неговите врски со врвот на системот, особено со круговите блиски до врховниот лидер Али Хамнеи, дополнително ја зацврстуваат неговата позиција. Тој е дел од конзервативниот табор познат како „принципилисти“, кои инсистираат на зачувување на револуционерните вредности и отпор кон надворешен притисок.

Во јавноста, Галибаф често зазема цврсти ставови кон протестите и опозицијата, што му носи критики од реформските кругови и од меѓународните организации. Неговите изјави за демонстрантите, кои ги опишува како закана за државата, ја потврдуваат неговата позиција како бранител на системот.

Човек како создаден за игри зад сцената

Сепак, токму неговата комбинација од политичко искуство, безбедносно минато и институционална моќ го прави потенцијално важен фактор во сложените дипломатски равенки. Во систем како иранскиот, каде што формалните титули не секогаш ја одразуваат вистинската моќ, фигури како Галибаф често играат улога зад сцената.

Затоа, неговото име денес се појавува во контекст на можни контакти и канали на комуникација со странски актери. Без разлика дали станува збор за реална дипломатска улога или за дел од поширока геополитичка игра, едно е сигурно – Мохамад Багер Галибаф не е случаен човек. Тој е производ на системот, но и еден од неговите најискусни оператори, способен да се движи меѓу воените, политичките и институционалните центри на моќ.

The post ЧОВЕКОТ ОД СЕНКИТЕ НА ИРАНСКАТА МОЌ, СО КОГО МОЖЕБИ ПРЕГОВАРА ТРАМП Кој е Мохамед Багер Галибаф? appeared first on plusinfo.mk.

Моџтаба Хамнеи, син на покојниот ајатолах Али Хамнеи, наводно не бил избор на својот татко за врховен лидер на Иран. Разузнавачки проценки од САД и од Израел тврдат дека таткото се сомневал во неговите способности.

Разузнавачки извештај на американските служби, објавен од Си-Би-Ес Њуз, се наведува дека таткото „не го сметал за особено бистар и не го гледал како квалификуван лидер“.

Оваа проценка се совпаѓа со наводи од извори блиски до иранскиот режим. Според нив, Моџтаба не ги исполнувал условите што самиот Али Хамнеи ги поставил за избор на врховен лидер.

Тивка борба за моќ, раскол во елитата

Изборот на Моџтаба предизвика отпор во дел од политичката и религиозната елита во Иран. Аналитичката платформа Амваџ наведува дека именувањето било туркано од кругови блиски до Корпусот на Исламската револуционерна гарда.

Клучна фигура во процесот бил Хусеин Таеб, поранешен шеф на разузнавањето на ИРГЦ и близок сојузник на Моџтаба.

Собранието на експерти, тело од 88 членови кое формално го избира врховниот лидер, било под силен притисок веднаш да ја потврди кандидатурата.

Вториот човек на Хамнеи оттурнат

Разузнавачките извештаи тврдат дека кампањи биле водени против други можни кандидати. Еден од нив бил Али Асгар Мир Хеџази, долгогодишен заменик-шеф на кабинетот на Али Хамнеи.

САД претходно понудија награда од 10 милиони долари за негово апсење. Вашингтон го опишува како втор човек во структурата на врховниот лидер.

Друг можен кандидат бил ајатолахот Алиреза Арафи, влијателен свештеник и претседател на верскиот центар во Ком. Тој јавно сигнализирал дека времето не е погодно за пренос на лидерството на неискусен наследник.

Гардата раководи, а не Хамнеи?

Американските и израелските разузнавачки анализи зборуваат за хаос во управувањето. Документите наведуваат дека вистинската моќ моментално е концентрирана во Корпусот на револуционерната гарда.

Во извештаите се наведува дека во Техеран во моментов нема функционален механизам за носење одлуки. Ова, според аналитичарите, создава впечаток дека земјата практично останала без стабилно лидерство.

Ранет, но веројатно жив

Израелските разузнавачки служби сметаат дека Моџтаба бил погоден во нападот во кој загинале повеќе високи ирански функционери, меѓу кои и неговиот татко. Сепак, проценката е дека Моџтаба „веројатно не е мртов“.

Израелски разузнавачки извори сметаат дека токму ова може да објасни зошто погребот на неговиот татко Али Хамнеи бил одложен. Според шиитската традиција, погребот обично следи веднаш по смртта.

Еден извор за британскиот „Тајмс“ изјавил дека само мал круг луѓе ја знае неговата вистинска состојба на Моџтаба.

Доколку се појави во јавност, разузнавачките проценки предвидуваат дека Моџтаба ќе се потпре на тесен безбедносен круг. Во него би доминирале луѓе од безбедносните служби и од ИРГЦ.

Сепак, 56-годишниот шиитски свештени сè уште не се појавил во јавноста.

Неговата единствена официјална порака заега е кратка изјава прочитана на државната телевизија.

Пораката беше емитувана без негово лично појавување.

The post АЈАТОЛАХОТ НЕ ГО САКАЛ СИНОТ ЗА НАСЛЕДНИК? Не сметал дека е доволно бистар, велат израелски разузнавачи appeared first on plusinfo.mk.

Моџтаба Хамнеи, синот на убиениот ирански врховен лидер Али Хамнеи и негов најверојатен наследник на тронот, се лекувал од импотенција во Велика Британија, пренесуваат медиуми, повикувајќи се на непотврдени дипломатски белешки од Викиликс.

Според тие информации, станува збор за дипломатски извештаи на американската администрација, кои пред повеќе години се појавија во рамките на објавите на платформата Викиликс. Во нив се тврди дека Моџтаба Хамнеи наводно имал сериозни здравствени проблеми поврзани со машката плодност и дека поради тоа во неколку наврати престојувал во Велика Британија на медицински третман.

Во дипломатските белешки, на кои се повикуваат дел од медиумите, се наведува дека тој бил лекуван во приватни болници во Лондон, меѓу кои се споменуваат „Велингтон“ и „Кромвел“. Наводно, една од посетите траела околу два месеца, а третманот бил поврзан со проблеми со импотенција.

Сепак, овие тврдења никогаш не биле официјално потврдени. Дипломатските белешки објавени од Викиликс често содржат информации добиени од неформални извори, проценки или разговори со соговорници, што значи дека тие не претставуваат нужно проверени факти.

Ниту британските здравствени институции, ниту властите во Иран досега не дале јавна потврда дека Моџтаба Хамнеи навистина се лекувал во Велика Британија. Нема ниту медицинска документација што би ги потврдила овие наводи.

Приказната повторно се појавува во дел од меѓународните медиуми во момент кога се засилуваат шпекулациите за политичката иднина на Иран и за можната улога на Моџтаба Хамнеи во врвот на иранската власт.

The post ШПЕКУЛАЦИИ ЗА СЕКСУАЛНОТО ЗДРАВЈЕ НА НОВИОТ ИРАНСКИ ЛИДЕР Дали Моџтаба Хамнеи се лекувал од импотенција? appeared first on plusinfo.mk.