Русија, Кина и Франција се спротивставија на резолуција во Советот за безбедност на Обединетите Нации која предвидува употреба на сила за отворање на Ормускиот теснец. Спорниот дел е во формулацијата дека се дозволуваат „сите потребни средства“, што предизвика остри поделби меѓу големите сили.

Нацртот веќе е во четврта верзија по недели преговори, но главната реченица останува главен камен на сопнување, пишува „Њујорк Тајмс“.

„Сите потребни средства“

Според дипломатски извори, најголем отпор предизвикала токму клаузулата што им дава на државите можност да користат сила за обезбедување пловидба.

Русија, Кина и Франција, како постојани членки со право на вето, одбиле да ја поддржат ваквата формулација. Поделби имало и меѓу непостојаните членки на Советот.

„Средни сили против големите“

Францускиот претседател Емануел Макрон повика на обединување на т.н. „средни сили“ против САД и Кина.

Тој ја истакнал оваа позиција за време на посетата на Азија, каде разговарал за безбедноста на пловидбата во Теснецот и енергетските последици од кризата.

Медиумите објавија и дека Франција и Јужна Кореја работат на решение за состојбата во Ормуз.

„Иран ја затвора клучната рута“

Ормускиот теснец е една од најважните енергетски артерии во светот, низ која минува значителен дел од глобалната трговија со нафта и гас. По почетокот на војната, Иран практично го ограничи сообраќајот.

Преминот засега е возможен само на одобрени бродови и земји со кои Иран има добри односи, како Русија и Кина. Денеска беше објавени и дека фанцуски брод успеал да го премине Теснецот со дозвола од Техеран, додека земји како Пакистан договориле премин.

„Премин само со дозвола“

Иран воспоставува систем на контрола при кој бродовите мора однапред да добијат одобрение за движење низ Теснецот. Во исто време, се разгледуваат планови за воведување патарина за премин, што дополнително ја зголемува загриженоста кај глобалните пазари.

Парламентот на Иран неодамна објави нацрт-закон со кој се предвидува воведување наплатни рампи за премин.

Овие мерки го засилуваат притисокот врз снабдувањето со енергија и ги туркаат цените нагоре.

Иранскиот министер за надворешни работи Сејед Абас Аракчи, во телефонски разговор со својот руски колега Сергеј Лавров, предупреди дека усвојувањето на резолуцијата на Советот за безбедност на Обединетите нации во врска со Ормускиот теснец само по себе ќе стане дел од проблемот.

The post ТРИ ГОЛЕМИ СИЛИ ЈА КОЧАТ РЕЗОЛУЦИЈАТА ЗА ОРМУЗ Теснецот не смее да биде насила отворен, сметаат Париз, Пекинг и Москва appeared first on plusinfo.mk.

Контејнерски брод во француска сопственост успеа да помине низ Ормузскиот теснец, првпат по почетокот на војната кога рутата речиси беше затворена. Станува збор за редок премин на брод поврзан со Западна Европа.

Бродот „CMA CGM Kribi“ испловил од водите кај Дубаи и се движел по иранскиот брег, додека сигнализирал отворено, а утрово бил регистриран во близина на Мускат.

„Плови по иранскиот брег“

Пловидбата се одвивала низ каналот меѓу островите Кешм и Ларак, рута што укажува на координација со иранските власти. Две лица запознаени со ситуацијата потврдиле дека бродот успешно го минал теснецот.

Сообраќајот во оваа зона е речиси запрен повеќе од еден месец, а досега минувале само бродови од земји со добри односи со Техеран.

The French‑linked container ship CMA CGM Kribi has successfully exited the Strait of Hormuz, marking the first known Western‑affiliated transit through the strategic waterway since the Iran war began, sailing under a Maltese flag from Dubai toward the Gulf of Oman.

~ Bloomberg. pic.twitter.com/DwU7Lt74RJ

— ME24 – Middle East 24 (@MiddleEast_24) April 3, 2026

„Иран однапред одобрува премин“

Се воспоставува систем во кој Иран дава дозвола за движење на бродови по својот брег. Пакистан веќе обезбедил премин за 20 бродови, додека дел од азиските земји исто така договориле безбедни рути.

Европските држави започнале дипломатски напори, но засега нема конкретен резултат.

„Контрола врз Теснецот“

Иран презема чекори за зајакнување на контролата врз Ормуз. Техеран неодамна одобри нацрт-закон за воведување патарина за премин. Ова предизвикува загриженост кај земјите од Заливот и глобалните енергетски пазари.

Во исто време, следењето на бродовите е отежнато поради блокирање на сигналите и лажни локации во регионот.

„Секоја акција ќе ја комплицира ситуацијата“

– Секоја провокативна акција од страна на агресорите и нивните поддржувачи, вклучително и во Советот за безбедност на Обединетите Нации, ќе ја комплицира ситуацијата – порача министерот за надворешни работи на Иран Абас Арагчи.

Тој предупреди дека притисоците врз Иран само ќе ја влошат кризата во Теснецот.

The post БРОД ОД ЕУ СЕ „ПРОБИ“ НИЗ ОРМУЗ Иран одобрил, државите посебно се договараат за премин? appeared first on plusinfo.mk.

Арапските земји од Персискиот Залив разгледуваат нови решенија за да го заобиколат Ормускиот теснец поради постојаните напади од Иран. Заканата од иранска контрола ги турка земјите кон скапи, но стратешки проекти за извоз на нафта и гас по копнен пат.

Според „Фајненшл тајмс“, станува збор за изградба и проширување на нафтоводи кои би ја намалиле зависноста од морскиот премин, кој е клучна точка за глобалната енергетика.

Но, изградбата на нов нафтовод би чинела најмалку 5 милијарди долари, се вели во написот. Поголеми регионални проекти достигнуваат и до 20 милијарди долари. Изградбата на некои од овие идеи би можела да трае со години.

Покрај цената, постојат сериозни безбедносни ризици, вклучувајќи нестабилни региони, присуство на екстремистички групи и технички предизвици во пустински и планински терени.

Стариот нафтовод станува ново решение?

Во фокус повторно е саудискиот нафтовод Исток-Запад долг 1.200 километри. Тој веќе пренесува околу 7 милиони барели дневно до Црвеното Море и целосно го заобиколува Хормуз

Саудиска Арабија размислува за проширување на капацитетот и за дополнителни терминали за извоз. Дел од плановите вклучуваат и нови пристаништа на Црвеното Море, што би овозможило поголема флексибилност во извозот.

Мрежа наместо еден нафтовод

Експертите посочуваат дека најдолгорочно решение би било создавање регионална мрежа од поврзани нафтоводи. Таков систем би овозможил стабилност и би ја намалил зависноста од една точка.

Во игра се и идеи за поврзување со Медитеранот преку Египет или Израел, но овие опции носат сериозни политички ризици и бараат меѓудржавна координација

Што е реално на краток рок?

Заканата за Ормуз веќе влијае врз глобалниот енергетски пазар. Секое потенцијално затворање на теснецот може да предизвика скок на цените на нафтата и прекини во снабдувањето.

Токму затоа, енергетските компании и владите бараат долгорочни решенија кои ќе обезбедат стабилност и предвидливост на пазарот.

Најизводливи опции се проширување на постојните нафтоводи и зголемување на капацитетите кон пристаништа надвор од Ормуз. Во исто време, се водат дипломатски напори за повторно отворање на теснецот, додека енергетската криза ги забрзува разговорите за алтернативи.

The post НАФТОВОД ИСТОК-ЗАПАД ВРЕДЕН МИЛИЈАРДИ МОЖЕ ДА ГО ЗАМЕНИ ОРМУЗ? Арапските земји коваат инженерски планови appeared first on plusinfo.mk.