Италија, Шпанија, Франција и Холандија испраќаат поморски сили на Кипар за да го заштитат островот во наредните денови, изјави италијанскиот министер за одбрана Гвидо Кросето пред парламентот. Шпанското Министерство за одбрана соопшти дека Мадрид ќе испрати фрегата.

Грција и Франција, исто така, објавија дека ќе испратат воени средства на островот откако британската воздухопловна база на Кипар беше цел на беспилотно летало од иранско производство во понеделник.

Иран негираше дека целта на нападот била Турција.

Премиерката на Италија, Џорџа Мелони денеска изјави дека Рим ќе им достави опрема за воздушна одбрана на државите од Персиски Залив.

BREAKING: Italian Defense Minister Guido Crosetto says Italy plans to deploy a multi-domain force in the Middle East, including air-defense systems to counter drones and missiles, in coordination with Spain and France to support Cyprus. pic.twitter.com/PKVqWhhF7t

— War Radar (@War_Radar2) March 5, 2026

Во меѓувреме, трае војната на Блискиот Исток. Министерството за одбрана на Катар објави дека земјата била погодена од ракетен напад. Во соопштението се вели дека системите за воздушна одбрана на Катар активно одговориле на дојдовните ракети и ги повика граѓаните, жителите и посетителите да останат смирени, да ги следат упатствата на безбедносните служби и да не шират гласини.

ИРАН ПОГОДИ АМЕРИКАНСКИ ТАНКЕР ВО ПЕРСИСКИОТ ЗАЛИВ? Најмалку 150 танкери се заглавени во Теснецот Ормуз

Катарските медиуми, вклучувајќи ја и Ал Џезира со седиште во Доха, објавија силни експлозии кои одекнаа над главниот град. Немаше непосредни извештаи за жртви.

Утринава Азербејџан обзнани за нова ескалација на негова територија. Според тамошните власти, ирански дрон и ракети паднале на главната зграда на аеродромот во Нахчиван, азербејџанска енклава што граничи со Иран, оштетувајќи дел од комплексот и повредувајќи двајца цивили.

• ЌЕ СЕ КАЕТЕ ЗА ФРЕГАТАТА КАЈ ШРИ ЛАНКА, ЗАГРМЕ ИРАН „Ова е прво торпедирање брод по Втората светска војна“

Иран и Израел утринава влегоа во нови меѓусебни напади. Иран соопшти дека погодил американски танкер во Персискиот Залив, кадешто најмалку 150 танкери со нафта се заглавени. Во Индискиот Океан, пак, САД погодија иранска фрегата.

Иран се закани со одговор на торпедирањето на бродот.

Израел утринава се пофали дека соборил 300 ирански ракетни лансери.

The post 📽️ ЕВРОПСКИ ФЛОТИ ТРГНУВААТ КОН КИПАР Медитеранот трепери додека паѓаат ракети во Доха appeared first on plusinfo.mk.