САД понудија награда до 10 милиони долари за информации за водачот на ирачката шиитска милиција Катаиб Сајид ал-Шухада, поддржана од Иран.

Американскиот Стејт департмент, преку својата програма „Награди за правда“, го идентификуваше водачот и ја означи неговата група како терористичка организација, објавува „Гардијан“.

Во објавата на платформата X се наведува дека „членовите на оваа група убиле ирачки цивили и нападнале американски дипломатски мисии во Ирак, како и американски воени бази и персонал во Ирак и Сирија“.

Овој потег е дел од одговорот на САД и Израел на зголемените напади од страна на иранската мрежа на милитантни групи низ Блискиот Исток врз американски, израелски и сојузнички цели.

The post САД ЈА УЦЕНИЈА ГЛАВАТА НА ЛИДЕРОТ НА ШИИТИТЕ ВО ИРАК Нудат 10 милиони долари appeared first on plusinfo.mk.

Американскиот претседател Доналд Трамп тврди дека Иран „финансиски колабира“ поради затворањето на Ормускиот Теснец, оценувајќи дека земјата губи стотици милиони долари дневно.

„Иран финансиски колабира! Сакаат Ормускиот Теснец веднаш да се отвори. Гладуваат за готовина! Губат 500 милиони долари дневно. Војската и полицијата се жалат дека не земаат плата“, напиша Трамп на платформата „Truth Social“.

Тој претходно наведе дека Техеран го поддржува затворањето на теснецот за да го „зачува образот“ под американската блокада на иранските пристаништа.

Во меѓувреме, „The Wall Street Journal“ објави, повикувајќи се на ирачки и американски претставници, дека администрацијата на Трамп ја блокирала испораката на долари во Ирак, со цел да изврши притисок врз Багдад да ги распушти проиранските паравоени групи.

Според извештајот, испорака од околу 500 милиони долари, добиени од продажба на ирачка нафта и исплатени преку сметка на Федералната резервна банка, била блокирана од Министерството за финансии на САД поради загриженост дека средствата може да завршат кај вооружени групи.

Истиот извор наведува дека Вашингтон ги замрзнал дел од програмите за безбедносна соработка со ирачката армија, а финансирањето на некои антитерористички програми и воена обука е суспендирано додека не престанат нападите на проиранските сили.

The post ТРАМП ГО УНИШТУВА ИРАН БЕЗ БОМБИ! Техеран губи половина милијарда долари дневно поради блокадата на Ормус appeared first on plusinfo.mk.

Американски хеликоптер од типот „UH-60 Black Hawk“ можеби бил погоден од иранската противвоздушна одбрана за време на операција за спасување на пилоти од соборен борбен авион „F-15 Eagle“, објави новинарката на телевизиската мрежа „Newsmax“, Карла Баб.

Според нејзината објава на социјалните мрежи, инцидентот се случил за време на спасувачка операција на територијата на Иран. Таа наведува дека едниот од пилотите бил успешно извлечен, додека судбината на вториот засега останува непозната.

Баб додава дека во текот на акцијата еден од хеликоптерите бил погоден од иранската противвоздушна одбрана, по што, со „трага од чад“, успеал да ја напушти иранската територија и да премине во Ирак.

Информацијата засега не е официјално потврдена од американските власти, а деталите за инцидентот се уште се проверуваат.

СОБОРЕН АМЕРИКАНСКИ АВИОН ВО ИРАН Двајцата пилоти ги бараат и Иранците и Американците

The post ДРАМА НА НЕБОТО НАД ИРАН „Блек хоук“ можеби погоден при спасувачка мисија appeared first on plusinfo.mk.

Новинарка со американски пасош беше киднапирана денес во Багдад од непознати лица, соопштија два полициски извори.

Ирачкото Министерство за внатрешни работи не ја откри националноста на киднапираната новинарка, но соопшти дека осомничениот за киднапирањето е уапсен и дека се во тек напори за ослободување на новинарката.

Полициски извори изјавија за Ројтерс дека сè уште го бараат возилото во кое новинарката била насилно однесена од четворица мажи во цивилна облека.

Потрагата е фокусирана на источниот дел од Багдад, каде што се движело возилото на киднаперите, додадоа полициските извори.

Footage shows the moment of kidnapping Shelly Kittleson. https://t.co/MWPTHpPixI

— Tammuz Intel (@Tammuz_Intel) March 31, 2026

The post 📽️ ЗАСТАНАЛЕ ДО НЕА И ЈА ТУРНАЛЕ ВО АВТОМОБИЛ Американска новинарка киднапирана во Багдад appeared first on plusinfo.mk.

Соединетите Американски Држави ги предупредија своите граѓани синоќа веднаш да го напуштат Ирак поради зголемените безбедносни ризици, вклучително и можни напади од страна на Иран и проирански милитантни групи врз цели поврзани со САД, вклучувајќи ги и американските универзитети во Багдад и на други места во земјата.

Според соопштението од Амбасадата на САД во Ирак, проиранските групи веќе извршиле бројни напади врз американски граѓани и цели поврзани со САД низ Ирак, вклучувајќи го и регионот Ирачки Курдистан, како и ирачките институции и цивилни објекти.

Мисијата на САД во Ирак, се вели во соопштението, останува отворена и работи со ограничено присуство за да им помогне на американските граѓани, но на граѓаните им се советува да не доаѓаат во амбасадата во Багдад или во генералниот конзулат во Ербил поради постојаната закана од ракети, беспилотни летала и проектили во ирачкиот воздушен простор.

Нивото на тревога за Ирак останува на највисоко, ниво четири – „не патувајте“, а на американските граѓани им се советува да не патуваат во Ирак од која било причина и веднаш да ја напуштат земјата доколку се таму.

Американските граѓани кои ќе одлучат да останат во Ирак се советуваат да го сторат тоа со висок безбедносен ризик.

Американските власти наведуваат дека внимателно ја следат ситуацијата и ќе продолжат да ги информираат граѓаните за опциите за напуштање на земјата.

Се нагласува дека Иран и проиранските милитантни групи претставуваат растечка закана за јавната безбедност во Ирак и дека можат да продолжат со нападите врз цели поврзани со Соединетите Американски Држави, вклучувајќи дипломатски мисии, универзитети, компании, енергетска инфраструктура и други објекти, како и врз ирачките државни институции и цивилна инфраструктура.

The post САД ГИ СОВЕТУВААТ СВОИТЕ ГРАЃАНИ ВЕДНАШ ДА ГО НАПУШТАТ ИРАК Ризикот од напади од проирански групи е преголем appeared first on plusinfo.mk.

Ирак соопшти дека неговите вооружени сили „нема да молчат“ по вчерашниот воздушен напад во кој загинаа војници на локација за која се тврди дека припаѓа на коалиција од проирански милиции, кои се дел од ирачката војска.

Kабинетот на ирачкиот премиер на Икс објави дека покрај обидите на Ирак да остане надвор од војната во Иран,  „осудените напади насочени кон нашите воени единици продолжија, од кои последниот се случи утрово со предавничка агресија врз воената клиника Ал-Хабанија, која е под надлежност на Министерството за одбрана“.

Според „Ал џезира“, нападот бил насочен кон позициите на Силите за народна мобилизација (ПМФ), кои се дел од редовните вооружени сили на Ирак, но вклучуваат бригади кои им припаѓаат на групи поддржани од Иран. ПМФ ги обвинуваат САД за нападот, во кој загина еден од нивните команданти и уште 14 други борци на ПМФ.

„Потврдуваме дека владата и вооружените сили го поседуваат правото да одговорат со сите достапни средства во согласност со Повелбата на Обединетите нации. Нема да молчиме пред светоста на крвта на нашите херојски маченици. Нападот му штети на односот што ги поврзува народите на Ирак и Соединетите Американски Држави“, соопшти кабинетот на ирачкиот премиер.

Ирачкиот премиер Мохамед Шиа Ал-Судани изјави дека неговото министерство за надворешни работи ќе му врачи на американскиот вршител на должност амбасадор „официјална протестна нота со остар тон, која ја вклучува нашата цврста и непоколеблива позиција за зачувување на ирачкиот суверенитет и ги осудува неодговорните постапки што доведоа до ова гнасно злосторство“.

Ирак, исто така, ќе поднесе жалба до Советот за безбедност на ОН.

The post ИРАК СЕ ЗАКАНИ ДЕКА НЕМА ДА МОЛЧИ ПО НАПАДОТ ВО КОЈ ЗАГИНАА ВОЈНИЦИ Багдад ги обвини САД дека ракетирале воена болница appeared first on plusinfo.mk.

Пет ракети денеска го погодија реонот околу меѓународниот аеродром во Багдад. Одговорноста за нападот ја презеде проиранската Ирачка бригада на Хезболах, која објави видео снимка од дрон за нападот, јави Ал Џезира.

Една ракета го погодил објектот за воздушна навигација во цивилниот дел на аеродромот, а четири ракети паднале врз Центарот за дипломатска поддршка во Багдад, што го користи Амбасадата на САД во Ирак.

По нападот американската амбасада им препорача на американските државјани во Ирак да ја напуштат земјата.

Од почетокот на американско-израелските напади врз Иран, во Ирак често мета се објекти поврзани со САД, вклучително и аеродромот во Багдад.

Групата Исламски отпор во Иран, изминатите недели речиси секојдневно објавуваше соопштенија во кои презема одговорност за десетици напади, без да наведе точни локации.

The post РАКЕТИРАН АЕРОДРОМОТ ВО БАГДАД Одговорноста за нападот ја презеде проиранска милитантна група appeared first on plusinfo.mk.

Ирачкиот воздушен простор не смее да се користи за напади врз соседни земји, изјави премиерот на Ирак, Мохамад Шија ал Судани во денешниот телефонски разговор со американскиот државен секретар Марко Рубио.

Во телефонскиот разговор со Рубио ирачкиот премиер нагласи дека е важно да се гарантира оти ирачкиот воздушен простор, територијата и територијалните води не се користат за воени дејствија насочени кон соседните земји или некоја друга област во регионот, се наведува во соопштението од кабинетот на Судани.

Исто така се додава оти Судани отфрли „секаков обид за вовлекување на земјата во тековните конфликти“, како и „која било од вклучените страни што го нарушува ирачкиот воздушен простор“.

Рубио ги осуди терористичките напади извршени од Иран и неговите сојузнички милиции во Ирак, особено против автономниот регион Курдистан, во северниот дел на земјата, соопшти Стејт департментот.

Тој го повика Ирак да ги „преземе сите потребни мерки за заштита на американскиот дипломатски персонал и објекти“.

На 7 март, во саботата, беа пресретнати ракети кои се движеа кон Амбасадата на САД во Багдад.

Беспилотните летала и ракетните напади спорадично го таргетираат меѓународниот аеродром во Багдад, каде што се наоѓа американскиот дипломатски центар, во близина е воена база, а има и нафтени постројки, додека ирачките вооружени фракции, сојузници на Техеран, се вклучени во конфликтот на Блискиот Исток.

The post ИРАК БАРА НЕГОВА ТЕРИТОРИЈА ДА НЕ СЕ КОРИСТИ ЗА НАПАДИ ВРЗ ИРАН Стравува од одмазнички напади appeared first on plusinfo.mk.

Дрон погоди денеска американска воена база во близина на Багдад, објавија ирачките медиуми, повикувајќи се на безбедносни извори.

Не е пријавена штета во нападот, кој се случува во услови на регионална ескалација по нападите на САД и Израел врз Иран на 28 февруари.

Во меѓувреме, проиранска ирачка милиција денеска ја презеде одговорноста за нападот со дрон врз американската база во Ербил во курдскиот регион и рече дека погодила и хотел во градот, каде што, како што рече, биле сместени американски војници.

Ирак дели граница од 1.500 километри со Иран, а Техеран има значително политичко, економско и воено влијание врз својот сосед.

Делови од шиитската заедница во Ирак стравуваат дека слабеењето на Иран би можело да го наруши и нивното политичко влијание, додека набљудувачите стравуваат дека случувањата во Техеран би можеле да предизвикаат нови немири во Ирак.

The post ДРОН ПОГОДИ АМЕРИКАНСКА БАЗА ВО БЛИЗИНА НА БАГДАД Погодена и база на САД во курдскиот регион на Ирак appeared first on plusinfo.mk.

Германската армија повторно ги повлече војниците од својата база во Ербил, главниот град на ирачки Курдистан, поради зголемените тензии на Блискиот Исток, изјави портпарол на германското Министерство за одбрана.

Тој наведе дека повлекувањето е поради „мерка на претпазливост“, а во Ербил ќе останат само војниците потребни за одржување на командата.

Германскиот весник „Шпигел“ објави дека германските војници со хеликоптер се префрлени во Јордан.

На почетокот на месецот, Бундесверот го намали своето присуство во северен Ирак, каде што ги поддржува локалните сили како дел од мисијата на НАТО.

Повлекувањето на германските војници е поради што САД распоредуваат сили во Блиски Исток, што повторно ги зголеми тензиите поради можна ескалација со Иран.

The post ГЕРМАНИЈА ГИ ЕВАКУИРА СВОИТЕ ВОЈНИЦИ ОД БЛИСКИОТ ИСТОК Очекува тензиите да ескалираат appeared first on plusinfo.mk.