По скандалот со поранешниот генерален секретар на Владата, Драги Рашковски, на денешната редовна седница, Владата го раскина Договорот за групна набавка и Договорот за набавка на услуги, одржување на софтвер за полагање испити на државните институции склучен со друштвото „Инвока гроуп“.

„Беше задолжен Генералниот секретаријат на Владата да го раскине Договорот за набавка на услуги – одржување на софтвер за полагање испити на државните институции склучен со друштвото ‘Инвока гроуп‘, ДООЕЛ-Скопје, со задолжение согласно Законот за јавни набавки да се побара од Бирото за јавни набавки согласност за спроведување на постапка со преговарање без јавен оглас и да склучи договор со оператор со времетраење до завршување на редовната постапка за јавна набавка и склучување на нов договор за набавка на услуги – одржување на софтвер за полагање испити на државните институции. Генералниот секретаријат беше задолжен по раскинување на Договорот да започне со редовна постапка за јавна набавка на услуги – одржување на софтвер за полагање испити на државните институции и да склучи нов Договор за групна набавка и да ги извести: Министерство за правда, Министерство за внатрешни работи, Министерство за економија, Министерство за транспорт и врски, Министерство за труд и социјална политика, Министерство за животна средина и просторно планирање, Комисија за хартии од вредност на Република Македонија, Агенција за супервизија на капитално финансирано пензиско осигурување, Царинска управа, Агенција за катастар на недвижности, Инспекциски совет и Академија за судии и јавни обвинители, дека договорот со ‘Инвока гроуп‘, ДООЕЛ Скопје е раскинат и за постапката по заклучоците да ја информира Владата на Република Македонија“, се вели во соопштението.

The post По скандалот со Рашковски, Владата ги раскина договорите со „Инвока“ appeared first on plusinfo.mk.

Информацијата ја потврдила обвинителката Вилма Русковска која изјавила дека Спасовски и Чулев биле повикани како сведоци во постапката.

Спасовски како сведок во Обвинителството се појавил во средата, а еден ден по него и екс-министерот Наќе Чулев.

По наредба на Обвинителството за организиран криминал и корупција, вчера претреси беа извршени во фирмата „Инвока груп“ од која, во име на владата Рашковски го набавил софтверот, како и во домот на сопственикот на фирмата. Повеќе детали за истрагата засега не се откриваат.

The post Спасовски и Чулев на распит како сведоци во истрагата за софтверот на Рашковски appeared first on plusinfo.mk.