Премиерот Христијан Мицкоски денеска изјави дека во областа на културата има историски инвестиции, истакнувајќи ги тековните активности за изградба на Театарот во Струмица, за Универзалната сала во Скопје, како и обновата на културните домови низ државата.

– Апсолутно како и во секоја друга област во државата, така и во културата имаме навистина инвестиции коишто, би рекол, се историски. Тука пред се, мислам и на инвестицијата на Театарот во Струмица, којшто конечно треба да биде завршен, завршена е тендерската постапка итн, и да биде пуштен во функција. Постапката за скопската Универзална сала, тоа е многу важно. Во разговор со министерот, мислам дека презентацијата на решението е навистина модерно и ќе им се допадне на скопјани. Тука се сите оние културни домови коишто се реконструираат на целата територија на Македонија – рече Мицкоски.

Според него, инвестициите се потребни и во оваа област.

– Можеме само да ветиме чесна, посветена и многу работа. Останато – политикантство, интриги, шпекулаци, го оставаме на тие коишто не можат и не знаат ништо да сработат – рече Мицкоски.

The post СЕ ПОДГОТВУВА МОДЕРНО РЕШЕНИЕ ЗА УНИВЕРЗАЛНАТА САЛА Мицкоски вети дека театарот во Струмица ќе биде завршен appeared first on plusinfo.mk.