Речиси 270 лица осомничени за трговија со недозволени медицински средства се уапсени, а 66 криминални групи се разбиени во полициска операција спроведена во 90 земји, соопшти денеска Интерпол.

Организацијата изрази особена загриженост поради злоупотребата на антипаразитски производи, односно нивната употреба надвор од пропишаниот или законски медицински контекст. Операцијата „Пангеа XVIII“ (Pangea XVIII), спроведена во март на сите континенти, резултираше со заплена на повеќе од шест милиони нелегални лекови во вредност од 15,5 милиони долари, се наведува во соопштението на меѓународната полициска организација со седиште во Лион.

Меѓу запленетите нелиценцирани или фалсификувани лекови имало препарати за еректилна дисфункција, седативи, лекови против болки, антибиотици и средства за одвикнување од пушење.

– Благодарение на онлајн пазарите и неформалните синџири на снабдување, криминалците можат да ги искористат регулаторните празнини, а целна група им се луѓето што бараат брзи или поевтини начини на лекување – изјави генералниот секретар на Интерпол, Валдеси Уркиза, предупредувајќи на сериозни, па дури и фатални последици.

Организацијата забележала нагло зголемување на заплените на антипаразитски лекови, особено препарати против црви одобрени исклучиво за ветеринарна употреба. Овие производи, кои често се претставуваат како додатоци во исхраната, се продаваат како „алтернативни третмани за лекување рак“, но таквите тврдења не се поткрепени со никакви научни докази.

Употребата на вакви производи беше забележана уште за време на пандемијата на Ковид-19, соопшти Интерпол.

Побарувачката за фармацевтски производи поврзани со различни „перформанси“ и „животен стил“, како што се стероиди и пептиди, и натаму расте, „поттикната од популарноста на бодибилдингот и фитнесот“, додава организацијата.

Еден од позначајните случаи во рамки на операцијата било откривањето таен погон за производство на лекови во Бугарија, каде што биле запленети милиони таблети, ампули и инјекциски препарати.

Во Буркина Фасо властите заплениле 384.000 антибиотски капсули, додека во Брегот на Слоновата Коска во едно возило биле откриени еден тон фалсификувани таблети ибупрофен.

The post АКЦИЈА НА ИНТЕРПОЛ ВО 90 ЗЕМЈИ ПРОТИВ НЕЛЕГАЛНИ ЛЕКОВИ Уапсени 270 лица, запленети лекови во вредност од 15,5 милиони долари appeared first on plusinfo.mk.

Координирана глобална акција, водена од Интерпол, резултирала со апсење на над 3.700 осомничени и со обезбедување помош и заштита за 4.400 потенцијални жртви на трговија со луѓе и со мигранти.

Акцијата, симболично наречена „Либертера III“, се спроведувала од 10 до 21 ноември. Во неа учествувале околу 14.000 полициски службеници од 119 држави, распоредени на клучни точки низ светот, информираше Интерпол на својот сајт и во објава на Икс.

Во рамките на операцијата биле извршени 3.744 апсења. Идентификувани биле 12.992 лица вмешани во шеми за нелегална миграција.
Заштитени биле 4.414 потенцијални жртви на трговија со луѓе.

Криминал што мутира

Надлежните служби покренале и најмалку 720 нови истраги. Целта била јасна – целосно разбивање на мрежите што постојано ја менуваат тактиката.

Генералниот секретар на Интерпол, Валдеси Уркиса, предупредил дека криминалните групи постојано еволуираат.

– Криминалните мрежи се развиваат користејќи нови рути, дигитални платформи и ранливи групи од населението – рекол Уркиса.

– Идентификувањето на овие модели им овозможува на органите на прогонот навремено да ги предвидат заканите, порано да ги разбијат мрежите и подобро да ги заштитат жртвите – додал тој.

Global operation safeguards 4,400 potential trafficking victims, detects 13,000 irregular migrants

Operation Liberterra III saw the arrest of 3,744 suspects, including more than 1,800 for human trafficking and migrant smuggling offences, based on initial reporting from… pic.twitter.com/Fe5LISK2l1

— INTERPOL (@INTERPOL_HQ) January 26, 2026

Нови правци на злоупотреба

Интерпол посочил дека се забележува значајна промена во моделите на трговија со луѓе. Сѐ почесто се регистрирале случаи со јужноамерикански и азиски државјани во Африка, што претставува отстапување од досегашните практики.

Паралелно, измамите поврзани со трговијата со мигранти остануваат сериозен проблем.

Мигрантите често биле транспортирани по исклучително опасни маршрути, долж бреговите на Сенегал, Гвинеја Бисао, Мароко и Алжир, како и преку копнени мрежи во Перу, Бразил и други земји.

Западна Африка под лупа

Властите во Бенин, Буркина Фасо, Брегот на Слоновата Коска, Гана, Сенегал и Сиера Леоне информирале за заеднички акции во кои биле спасени повеќе од 200 жртви.

Истовремено биле разбиени бројни центри за регрутација и експлоатација, јадра на криминалниот ланец што со години функционирал во сенка.

The post УДАР ВРЗ КРИМИНАЛОТ СО ТРГУВАЊЕ ЛУЃЕ ВО 119 ДРЖАВИ Над 3.700 уапсени во глобална операција, спасени 4.400 потенцијални жртви appeared first on plusinfo.mk.

Момчето кое прегази жена во скопски Капиштец и избега од местото на настанот ја напуштило државата. Министерството за внатрешни работи распиша меѓународна потерница по Саитов Саит (18) од Скопје од татко Берти и мајка Ганимете од Скопје.

„Лицето е барано по централна и меѓународна потерница по барање на ОЈО Скопје за кривично дело по член 300 од Кривичниот законик“, истакна МВР на својата веб-страница.

Саит последно бил пријавен на адреса на улицата Дом Ндуе Битичи во Скопје.

The post 18-ГОДИШНИКОТ КОЈ ПРЕГАЗИ ЖЕНА КАЈ КАПИШТЕЦ ИЗБЕГА ОД ДРЖАВАТА Полицијата го бара Саит со меѓународна потерница appeared first on plusinfo.mk.

Албанските власти денеска го екстрадираа македонскиот државјанин Монди Гитлан во Австрија, каде што е осуден на пет години затвор поради трговија со дрога.

Според информациите објавени од албанските медиуми, операцијата е резултат на координирани активности меѓу Дирекцијата на Интерпол Тирана и австриската полиција, со што беше финализирана постапката за негово предавање на австриските власти.

– Како резултат на координацијата на оперативните дејствија меѓу специјалистите од Дирекцијата на Интерпол Тирана и нивните колеги во Австрија, финализирана е постапката за екстрадиција на лицето Монди Гитлан, 29 години, жител на село Велешта, Струга, Македонија – соопштија албанските медиуми.

Судот во Виена во мај годинава го прогласил Гитлан за виновен за трговија со дрога, а поради тоа била распишана меѓународна потерница.

Тој беше уапсен на почетокот на септември на граничниот премин Ќафасан, на албанско-македонската граница, додека се обидувал да ја напушти Албанија.

Со денешната екстрадиција, 29-годишниот Гитлан ќе ја одслужи затворската казна во Австрија, каде што веќе е предаден на надлежните органи.

The post ДИЛЕР ОД ВЕЛЕШТА ЕКСТРАДИРАН ОД АЛБАНИЈА ВО АВСТРИЈА Монди Гитлан оди во австриски затвор поради дрога appeared first on plusinfo.mk.

Тој им се заблагодари на Србија, Унгарија, Црна Гора и Русија, но и на некои земји кои побарале од Интерпол да не издава црвена потерница по него, наведувајќи дека барањето на Судот на Босна и Херцеговина за распишување меѓународна потерница по него е политички мотивирано.

– Одлуката што ја донесе Интерпол за отфрлање на барањето на неуставниот суд на Босна и Херцеговина за издавање црвена потерница е правилна одлука, која ја очекував – рече Додик.

Тој додаде дека Интерпол „не е во функција на Сараево, кое дознало дека некој секогаш им ги исполнува желбите“.

– Тоа е вистинската одлука, ја очекував, бидејќи ако има правда во светот, таа таква треба да биде – рече Додик.

Тој понатаму рече дека РС „мора да врати се што уништија од политичко Сараево“.

Тој оцени дека целта на обвинувањата на Обвинителството и Судот на Босна и Херцеговина не е тој или лично Стевандиќ, туку се е насочено кон запирање на Република Српска.

– Никој не може да ја запре Србија. Јас одлично знам што правам и убеден сум дека сум на вистинскиот пат – рече Додик.

Запрашан како се вратил во РС, бидејќи по него има централна потерница во Босна и Херцеговина, тој изјави дека се вратил исто „како што заминал“, со автомобил, преку редовен граничен премин.

The post „СИ ДОЈДОВ КАКО ШТО ЗАМИНАВ, ПРЕКУ ГРАНИЧНИОТ ПРЕМИН“ Додик со автомобил се врати во Бања Лука appeared first on plusinfo.mk.

Налогот за апсење е внесен во системот на Интерпол, а моментално се чека потврда од Генералниот секретаријат на Европол во Лион.

Канцеларијата на Интерпол во Сараево ја внесе меѓународна потерница во системот откако Судот на БиХ ја издаде.

Тој налог, всушност, не е активен. Тоа може да го видат само луѓето кои работат во контакт со точките на Интерпол. Државите не смеат да постапуваат по овој налог додека од Лион официјално не се одобри распишување потерница, нагласуваат медиумите во Сараево.

Во потерницата се наведува дека именуваните лица се државјани на Босна и Херцеговина и на Република Србија. Додик и Стевандиќ се бараат за кривично гонење за сторено кривично дело Напад врз уставниот поредок од чл. 156 од Кривичниот законик на Босна и Херцеговина.

The post СУДОТ НА БИХ РАСПИША МЕЃУНАРОДНА ПОТЕРНИЦА ПО ДОДИК И СТЕВАНДИЌ Обвинети се за „напад врз уставниот поредок на Босна и Херцеговина“ appeared first on plusinfo.mk.

Полицијата на граничниот премин Долно Блаце приведе 34-годишник од Албанија баран од Интерпол за трговија со дрога, соопшти Министерството за внатрешни работи.

„На 20.03.2025 на Граничен премин Долно Блаце, на влез во државата, полициски службеници го лишиле од слобода В.С.(34) од Република Албанија затоа што при пасошка контрола било констатирано дека за лицето е распишана меѓународна потерница од Интерпол-Германија за сторено кривично дело „трговија со дрога“, се вели во полицискиот билтен.

Полицијата соопшти дека Основниот суд Скопје му одредил 30-дневен екстрадиционен притвор на лицето кое е пренесено во Казнено – поправната установа Затвор Скопје.

The post НА БЛАЦЕ УАПСЕНО ЛИЦЕ БАРАНО ОД ИНТЕРПОЛ На албански државјанин му е одреден притвор appeared first on plusinfo.mk.

– Луѓето треба да имаат трпение, оваа постапка на обдукција со идентификација ќе заврши оваа недела. И не постои никаков друг начин да се дојде до вистинската причина за смрт и вистинска идентификација освен обдукција. Впрочем, тоа го налагаат и протоколите издадени од Интерпол кои се однесуваат на идентификација на жртви при масовни несреќи – вели Станков за МИА.

Институтот за судска медицина постои повеќе од 70 години и ова, посочи Станков, не е прва масовна несреќа во која Институтот бил вклучен во идентификација на жртвите.

– Почнувајќи од земјотресот во Скопје, авионските и хеликоптерски несреќи, бродската несреќа, несреќата кај Ласкарци, изгорените во Тетово… целокупната постапка за идентификација одела преку Институтот за судска медицина. Ние сме и капацитети и доволно искусни да го спроведеме ова – изјави Станков.

По добивање на информацијата, Станков посочи дека во Институтот се формирани тимови, но досега кај нив не е донесено ниту едно тело.

Во Општата болница во Кочани пристигнаа триесетина возила од погребните претпријатија и од АРМ, кои треба да ги транспортираат телата на загинатите на обдукција во Скопје.

Во синоќешниот пожар во дискотеката во Кочани според првичните информации на МВР имало околу 500 лица, бројот на починати е 59, а 155 се повредени.

The post ОБДУКЦИЈАТА НА ТЕЛАТА ЌЕ ТРАЕ ЦЕЛА НЕДЕЛА Формирани се тимови во Судска медицина appeared first on plusinfo.mk.

Тој вечерва во гостување во Дневникот на ТВ Сител посочи дека прв го објавил скандалот со Лотарија и дека прашање на време е кога Интерпол ќе го испорача Груби на органите на прогонот.

– Бројни обиди правеше Артан Груби да го промени Законот за игри на среќа мислејќи дека на тој начин ќе си го амнестира криминалот и не успеа заради нашиот отпор. Лотарија беше перална на пари, дувло на криминал на СДСМ и ДУИ. Братски го правеа тоа, фронтмен беше поранешниот шеф на кабинет и после тоа директор на Лотарија. Но, убеден сум дека меѓународната потерница ќе вроди со плод и прашање на недели ќе биде само кога ќе го видиме на граница како Интеропол ќе ги донесе и верувам дека не само за овој случај, туку и за други случаи ќе одговараат – истакна вицепремиерот Николоски.

Според него, јасно било зошто ДУИ ги пролонгирал барањата за предвремени избори од причина за да ја средат работата во Лотарија, надевајќи се дека нема да одговараат.

– Политички договор нема со ДУИ. Морален хазард е СДСМ да обвинува за ДУИ затоа што до последен ден тие остануваа со ДУИ, тие премиер дадоа Албанец само да бидат во влада. Тие половина држава дадоа на ДУИ само за да бидат во влада, тие бланко гласаа сè во Собранието и кои го амнестираа криминалот на ДУИ. СДСМ ќе има морален кредибилитет да критикува само кога ќе се реформира и кога ќе се извини за тоа што го правеа – нагласи Николоски.

Тој рече дека очекува во иднина и други случаи за злоупотреби да се отворат поврзани со РЕК Битола.

– На пример како тоа една компанија добиваше тендери за ископи, па потоа добиваше идентичен тендер, па како исти анекси добиваше и во двата тендери. Потоа, како една компанија само таа добиваше тендери, а на електронската аукција никој друг не се пријавуваше. И затоа цената на електричната енергија скоро и да се дуплираше, па требаше од буџетот да се плаќаат субвенции за граѓаните да не го почуствуваат тоа, ама затоа компаниите и стопанството го почуствуваа. Така да, ова се случаи коишто очекувам да ги разгледа Обвинителството заедно со МВР и Финансиската полиција и да дадат одговори пред јавноста, да бидат процесуирани но и да ги вратат парите оние коишто учествуваа во овие активности коишто се на штета на буџетот и на граѓаните” – истакна вицепремиерот Николоски.

Тој истакнува дека сега на потег е судството да одговори соодветно бидејќи очекува целиот фокус на јавноста да е насочен кон него.

– За жал состојбата во судството е таква каква што е, но очекувам да се издигне на задачата и да ги дадат одговорите на граѓаните”- рече Николоски.

The post БЕГСТВОТО НА ГРУБИ Е ОЧАЈНИЧКИ ПОТЕГ Николоски смета дека Интерпол ќе го испорача поранешниот вицепремиер appeared first on plusinfo.mk.

Кампањата е за зголемување на свесноста од растечките закани од сајбер или финансиски измами на луѓе, организации или институции. Ќе бидат емитувани серија кратки видеа кои се фокусираат на петте најголеми растечки онлајн закани: ransomware напади, malware напади, phishing, генеративни AI измами и романтичарски измами.

„Овие софистицирани измами се во голем подем во изминатите години. Ransomware нападите се со пораст од 70 отсто, а malware нападите над 30 отсто само во минатата година, а над 20 отсто од вработените воопшто и не знаат дека најверојатно на својот компјутер имаат некаков вид на malware софтвер. Во phishing нападите, кои постојано еволуираат и стануваат потешки за детектирање, криминалците ја искористуваат технологијата за своја добивка. На пример, користат вештачка интелигенција (AI) за да креираат ултра реалистични човечки карактери, притоа измамувајќи илјадници луѓе ширум светот преку манипулација на глас, слика и звук“, се вели во соопштението на МВР.

Романтичарскитете измами, како што се наведува, се исто така во подем. Во ваквите измани криминалците користат лажни онлајн профили за да создаваат врски и доверба, пред да побараат пари од жртвата.

Од МВР потенцираат дека „Помисли двапати“ повикува на будност во дигиталниот свет. Кампањата ја нагласува важноста да се застане, да се погледне двапати. Гп промовира значењето на носење на мудри одлуки и зголемувањето на свесноста за сабјер безбедноста во секојдневниот живот.

„Како што дигиталниот свет во којшто живееме продолжува да еволуира, гледаме дека онлајн измамите растат во својата софистицираност, со што стануваат големи закани за луѓето, организациите и институциите ширум светот. Сајбер безбедноста е заедничка одговорност и преку проактивни чекори, можеме да придонесеме кон градење на побезбеден, посигурен дигитален свет за сите“, потенцира генералниот секретар на Интерпол Валдеси Уркиза, соопшти МВР.

Двонеделната кампања за зголемување на свесноста од онлајн измами ќе се пласира преку социјалните мрежи. Кампањата ќе ги поттикне луѓето да користат лична (in-person) верификација и да ја проверуваат својата дигитална интеракција, посебно кога ќе наидат на сомнителни линкови или информации.

Целта е корисниците да почнат да прават информирани и внимателни онлајн чекори и со тоа да ги намалат ризиците поврзани со заканите како phishing, malware и онлајн измами.

„Чекори кои го намалуваат ризикот се: правење на внимателни и рационални избори, посебно при справувањето со несакани, непознати или сомнителни линкови, е-маил пораки или пораки; паузирање за да се евалуира автентичноста и кредибилноста на дигиталната содржина, пред да се преземе акција; проверка на идентитетите преку повеќе канали, внимателност при сите барања, дури и од „познати“ лица; имплементација на култура на сајбер безбедност на работното место и овозможување на знаења на овие теми за сите вработени; внимателност при формирање на онлајн пријателства и врски, посебно кога се споменуваат пари; постојано информирање за постојаното унапредување на тактиките на сајбер финансиските криминали кои ја прават нивната детекција многу потешка“, соопшти МВР.

The post 🎥 ДВА ПАТИ МИСЛИ, ЕДНАШ КЛИКАЈ! Онлајн измамите стануваат секојдневие, граѓаните треба будно да се движат во дигиталниот свет appeared first on plusinfo.mk.