Триесет и двегодишен жител на Битола пријавил дека бил измамен за 340.000 денари од лице кое се претставило како директор на компанија за тргување со криптовалути.

Според неговата пријава во полиција, комуникацијата започнала преку електронска пошта во периодот од јануари до средината на февруари годинава. Измамникот постепено ја стекнал неговата доверба и го убедил да му овозможи пристап до компјутерот, по што во неколку наврати му биле префрлени пари.

Случајот бил пријавен во СВР Битола, од каде информираат дека се преземаат мерки за расчистување на измамата и откривање на сторителот.

Полицијата апелира граѓаните да бидат внимателни при онлајн комуникација со непознати лица, особено кога станува збор за финансиски инвестиции и пристап до лични уреди.

The post КРИПТО ИЗМАМА ВО БИТОЛА Mаж останал без 340.000 денари appeared first on plusinfo.mk.

48-годишен кумановец остана без 43.750 евра откако се обидел да купи криптовалута. Парите ги предал во менувачница во Велес, но крипто средствата никогаш не стигнале.

Случајот бил пријавен синоќа во СВР Велес, откако мажот сфатил дека е измамен преку договор склучен преку социјални мрежи.

Според неговата пријава, тој објавил оглас за откупување криптовалута, по што стапил во контакт со лице кое му понудило трансакцијата да се изврши во крипто менувачница во Велес. Договорот бил тој да ги уплати парите во готово, а за возврат на својата крипто адреса да добие соодветна сума во дигитални средства.

Мажот ги предал 43.750 евра на вработен во менувачницата, по што му било кажано дека средствата се испратени на наведената адреса. Но, на неговиот крипто-паричник парите никогаш не пристигнале.

Кога се обидел повторно да стапи во контакт со лицето со кое се договарал, открил дека разговорот е избришан, а неговиот телефонски број блокиран. Истото лице го блокирало и бројот на менувачницата. Дури тогаш сфатил дека станува збор за измама и случајот го пријавил во полиција.

За настанот е известен јавен обвинител, а полицијата презема мерки за расчистување на случајот и откривање на сторителот.

The post САКАЛ ДА КУПИ КРИПТО, НО ОСТАНАЛ БЕЗ 43.750 ЕВРА Кумановец наседнал на измама преку социјални мрежи appeared first on plusinfo.mk.