За три лица се чека потврда дали се заразени со вирусот Западен Нил, додека шестмина се на интензивно лекување, информираше министерот за здравство Сашо Клековски.

На Клиниката за инфективни болести се лекуваат 21 лице, а кај 18 од нив веќе е потврдено присуството на западнонилска треска.

– Во моментов имаме 53 пациенти кои прележале, имаат или се сомнителни за западнонилска треска. Од нив, 50 се потврдени, три се сомнителни случаи хоспитализирани на Клиниката за инфективни болести. Од овие, 52 се со нервноинвазивна форма, еден е без нервноинвазивна форма и е излекуван и пуштен од болница. Овие 52 лица биле третирани или сè уште се третираат на Клиниката за инфективни болести. Еден во приватна здравствена установа – рече Клековски.

Како што кажа, 25 лица од оние што биле на Инфективна клиника се излекувани и пуштени дома.

The post ШЕСТ ЛУЃЕ СЕ НА ИНТЕНЗИВНО ЛЕКУВАЊЕ Досега 50 лица се заразени со западнонилска треска, 3 случаи се сомнителни appeared first on plusinfo.mk.