Компанијата Зегин и Фондацијата Д-р Верица Механџиска донираа мултифинкционални маси за вежбање на рацете, наменети за Институтот за физикална медицина и рехабилитација. Оваа институција е посветена на подобрување на квалитетот на животот кај пациентите на кои им е потребна физичка рехабилитација и услуги за долгорочно закрепнување. Намената на овие маси е да се подобри опсегот на движење на зглобовите на рацете, мускулната сила и издржливост, функцијата на раката и координацијата рака-око. Проприоцепцијата на раката може ефикасно да се подобри и може да се промовира интеракцијата помеѓу различните мускулни групи на раката.

Донираната опрема е насочена кон подобрување на удобноста, безбедноста и резултатите при третманот на пациентите. Овој придонес директно ќе им користи на напорите на центарот да го прошири својот капацитет и да обезбеди подобренa грижа за лицата кои се подложени на рехабилитација. Опремата има голем опсег на примена и тоа при невролошка рехабилитација, ортопедска рехабилитација, детска рехабилитација, рехабилитација за лица со попреченост, геријатриска рехабилитација, рехабилитација по спортска медицина, ментална рехабилитација итн. Први кои што имаа можност да ги користат овие мултифункционални маси беа дел од лицата кои беа повредени во пожарот во Кочани.

– Ние сме посветени на поддршка на здравствените институции кои обезбедуваат услуги што го менуваат животот во нашата заедница. Со оваа донација наменета за Институтот за физикална медицина и рехабилитација се надеваме дека ќе придонесеме кон нивната мисија и ќе им помогнеме повеќе пациенти да добијат квалитетната грижа – истакна Бранка Џајковска од Фондацијата Д-р Верица Механџиска.

Директорот на Институтот за физикална медицина и рехабилитација Злате Мехмедовиќ изрази благодарност за донацијата, нагласувајќи го влијанието што ќе го има и врз пациентите и врз медицинскиот персонал. Мехмедовиќ истакна и дека оваа институција третира 20.000 пациенти годишно, а реалната бројка на пациенти кои имаат потреба од нивните услуги е многу поголема. Благодарение на донациите од овој тип, поголем број пациенти ќе имаат можност да ја добијат потребната помош побрзо и поефикасно.

Беше нагласена и важноста од општествена одговорност на компаниите и влијанието што го има врз развојот на здравствениот систем.

Оваа иницијатива ја одразува континуираната посветеност на Зегин за зајакнување на здравствената инфраструктура и постојаната поддршка на заедницата.

The post ЗЕГИН И ФОНДАЦИЈАТА Д-Р ВЕРИЦА МЕХАНЏИСКА ДОНИРАА МАСИ ЗА ВЕЖБАЊЕ НА РАЦЕТЕ Први ги користеа повредени од пожарот во Кочани appeared first on plusinfo.mk.