Министерството за здравство соопшти дека нема директни надлежности во спроведувањето на научно-истражувачката дејност, во врска со актуелната јавна дебата за научна студија за мозочни примероци помеѓу Институтот за судска медицина и МАНУ.

Оттаму информираат дека од Медицинскиот факултет биле известени оти научно-истражувачката работа со биолошки материјал што содржи генетски карактеристики е строго законски регулирана. Таквите активности се уредени со Законот за научно-истражувачка дејност, Правилникот за клинички испитувања, како и со упатствата за трансфер, транспорт, пакување и обележување на биолошки материјали.

Во соопштението се наведува и дека во периодот кога се спроведувале овие постапки, законската обврска за чување на документацијата изнесувала 15 години, додека од 2018 година наваму таа обврска е продолжена на 25 години.

Министерството дополнително појаснува дека постапката за транспорт на ткива во тој период вклучувала информирана согласност од семејството, одлука од етичка комисија за истражување кај луѓе, како и дозвола за извоз на ткива издадена од тогашното Биро за лекови. Во дозволата, како што се наведува, прецизно било дефинирано дека ткивото се користи за научно-истражувачки цели и за кои конкретни намени.

„Кога станува збор за извоз на биолошки материјал, пред започнување на постапката мора да постои формален договор или меморандум меѓу научните институции во земјата и странство. Во тие документи јасно се утврдуваат протоколите за земање, транспорт, прием и понатамошно постапување со материјалот, како и целите на истражувањето, согласно важечката регулатива“, се наведува во соопштението од Министерството за здравство.

The post МИНИСТЕРСТВОТО СЕ ОГЛАСИ ЗА „ОДЛИВОТ НА МОЗОЦИ“ ВО САД Еве кој бил надлежен и какви правила важеле appeared first on plusinfo.mk.

Со помош на ДНК анализи идентификувани се телата на 14-мина коишто настрадаа во пожарот.

Директорот на Институтот Aлександар Станков информира дека е извршена обдукција и на помлада пациентка, чие што тело дополнително е донесено во Институтот за судска медицина. Таа починала пред избувнување на пожарот во ковид центарот во Тетово.

Телевизија Телма објави дека станува збор за девојка од 20 години, со церебрална парализа, која во моментот на избувнување на пожарот докторите ја реанимирале, но кога се појавил пожарот, нејзината реанимација е прекината, и заедно со мајка ѝ и медицинскиот персонал е веднаш извлечена надвор, без повреди или изгореници од пожарот.

Девојката, која веќе била почината, е однесена дома, но обвинителството дополнително ја додава во овој кривично-правен настан и бара нејзина обдукција, поради што е земена од семејството кое го подготвувало нејзиниот погреб.

Идентификацијата на телата е извршена со помош на роднините на починатите, МВР и Одделот за потраги.

Се очекува денеска телата на жртвите да им бидат предадени на семејствата.

Во пожарот во ковид центарот во Тетово сега веќе се 15 жртви. Во моментот на несреќата во просториите имало вкупно 26 лица.

Истрагата сѐ уште трае, а обвинителката за борба против организиран криминал и корупција Вилма Русковска ја побара целокупната документација од изградбата на модуларните болници.

The post ЗАВРШИ ОБДУКЦИЈАТА НА 15 ТЕЛА Донесена и пациентка која починала пред пожарот appeared first on plusinfo.mk.